Архив
Россияда мажбурлаб ишлатилган 19 нафар ўзбекистонликнинг ҳуқуқлари тикланди
Россиянинг Нягань шаҳрида иш берувчи 19 нафар Ўзбекистон фуқаросининг паспортини олиб қўйиб, ўрмон хўжалигида мажбуран ишлатган. Миграция агентлиги вазиятни ўрганиб, уларнинг ҳужжатларини қайтариб олди ва ҳуқуқларини тиклади.
Илҳом Алиев Арманистонни ҳарбий провокацияда айблади
Самарқандда бўлиб ўтган ШҲТ саммитида Озарбайжон президенти Илҳом Алиев Арманистонни ҳарбий провокацияда айблади. Шунингдек, у БМТ Хавфсизлик кенгашининг айрим резолюциялари самарасизлиги ҳақида ҳам гапирди. Арманистон Озарбайжон ҳудудини фақат СССР чегараларидагина тан олишга тайёрлигини билдирди.
Қирғизистон чегарадаги можаро туфайли 136 мингдан ортиқ фуқаросини эвакуация қилди
Қирғиз-тожик чегарасидаги можаро давом этди. Қирғизистон 136 мингдан ортиқ фуқаросини эвакуация қилди, 87 киши жабрланган. Ўзбекистонликлар қирғизларга нон тарқатаётгани айтилмоқда. Тожикистон эса қирғиз томони жанговар вертолётлар ва учувчисиз учиш аппаратлари ёрдамида ҳужум қилаётганини билдирган.
16 сентябрь куни Ўзбекистонда содир бўлган энг муҳим хабарлар дайжести
Биргаликда ШҲТни янги марраларга олиб чиқиш мумкинлигини айтган Шавкат Мирзиёев, Термизда Афғонистон учун гуманитар фонд ташкил этиш таклифи, Тожикистон ва Қирғизистон президентларининг чегарадаги вазият юзасидан Самарқанддаги юзма-юз музокараси ва бошқалар — «Газета.uz»да кун дайжести.
Ўзбекистон хавфсизлик йўлидаги Самарқанд бирдамлиги ташаббусини илгари сурди
Ўзбекистон президенти ШҲТ саммитида сўзлаган нутқида Самарқанд бирдамлик ташаббусини эълон қилди. «Ундан мақсад — умумий келажагимизга бефарқ бўлмаган, ихтилофларга қарамай келишилган ёндашувлар ва қарорларни излашга тайёр бўлган барчани глобал мулоқотга жалб қилишдир» — деди Шавкат Мирзиёев.
Янги мактаб дарсликлари эскиларидан нимаси билан фарқ қилади? Фарқлар жуда кўп
Янги мактаб дарсликлари муаллифларига қаратилган ҳужумлар қанчалик асосли? «Газета.uz» муаллифлардан ўзгаришларни содда тилда тушунтириб беришни сўради. Уларнинг таъкидлашича, янги дарсликлар мулоқот қилиш, танқидий фикрлаш, изланиш ва муаммоларни ҳал этишни кўникмаларини ривожлантиришга қаратилган.
Эмомали Раҳмон ва Садир Жапаров қирғиз-тожик чегарасидаги вазият юзасидан музокара ўтказди
Эмомали Раҳмон ва Садир Жапаров қирғиз-тожик чегарасидаги вазият юзасидан юзма-юз музокара ўтказди. Икки давлат раҳбарлари тегишли тузилмаларга ўт очишни тўхтатиш, қўшин ва воситаларни тўқнашув чизиғидан олиб чиқиш бўйича кўрсатмалар беришга келишиб олди.
Ўзбекистоннинг ШҲТ саммитидаги таклифлари: иқтисодий ҳамкорлик, озиқ-овқат хавфсизлиги, ўзаро боғлиқликни мустаҳкамлаш
Ўзбекистон президенти ШҲТ саммитида янги иқтисодий мулоқотини бошлашни, озиқ-овқат хавфсизлигини таъминлашнинг умумий тамойиллари ва ёндашувларини ишлаб чиқиш, шунингдек биринчи транспорт форумини ўтказишни таклиф қилди.
«Фаровонликка эришиш учун тажрибалар ўтказишимиз ва ҳамкорлик қилишимиз керак» — Матилда Димовска
Ноаниқликлар шароитида инсон тараққиёти бўйича ютуқларга эришиш қийин вазифага айланиши мумкин. Тенгсизликларни бартараф этиш ва одамларнинг эркинликларини кенгайтириш орқали келажакда улар фаровон яшайдиган келажакни қуриш мумкин. БМТТДнинг Ўзбекистондаги доимий вакили Матилда Димовска интервьюси.
Ахборот технологиялари соҳасидаги инвесторлар ва мутахассисларга тавсия бериш тартиби белгиланди
Адлия вазирлигида ахборот технологиялари соҳасидаги хорижий инвесторлар ва мутахассисларга, шунингдек Дастурий маҳсулотлар ва ахборот технологиялари технологик парки резидентларининг таъсисчиларига тавсия бериш тартиби тўғрисидаги низом давлат рўйхатидан ўтказилди.
Термизда Афғонистон учун гуманитар фонд ташкил этиш таклиф қилинди
Шавкат Мирзиёев ШҲТ саммитида Афғонистонда тинчлик ўрнатилиши ва унинг ижтимоий-иқтисодий тикланиши борасида гапирди. Хусусан, Афғонистонни гуманитар қўллаб-қувватлаш бўйича махсус фондни Термизда — у ердаги транспорт-логистика хабидан фойдаланган ҳолда, биргаликда таъсис этишни таклиф қилди.
Кинематографлар уйида Тошкент халқаро кинофестивалининг очилиши бўлиб ўтди
«Ипак йўли дурдонаси» кинофестивалининг очилишида ўзбек ва жаҳон киносининг 800 га яқин юлдузлари иштирок этди. Улар орасида Люк Бессон, Сергей Безруков ва Бурак Озчивит бор.
Қирғиз-тожик чегарасининг бутун периметрлари бўйлаб қуролли тўқнашувлар содир бўлди
Қирғиз-тожик чегарасида вазият яна кескинлашиб, чегара бўйлаб қуролли тўқнашувлар бўлгани, бунда оғир ҳарбий қуроллардан фойдаланилгани айтилди. Томонлар ҳодисада бир-бирини айблади. Кейинроқ 2 давлат миллий хавфсизлик қўмиталари раҳбарлари ўт очишни тўхтатиш тўғрисида келишиб олгани маълум қилинди.
Самолётдаги носозлик сабаб Франкфуртда қолган йўловчиларни олиб келиш учун қўшимча қатнов қўйилди
Ҳаво кемасидаги носозлик туфайли Франкфурт — Тошкент рейси бекор қилиниб, йўловчилар Франкфуртдаги меҳмонхонага жойлаштирилганди. Уларни қайтариб олиб келиш учун 16 сентябрь куни қўшимча қатнов жорий этилди.
16 сентябрь учун тижорат банклари таклиф қилаётган доллар курслари
Марказий банк 16 сентябрь кунги ўзбек сўмининг АҚШ долларига нисбатан расмий курсини 24,94 сўмга юқорилаб 10 950,08 сўм этиб белгилади. Шундан сўнг тижорат банклари долларнинг сотиш ва сотиб олиш бўйича янги қийматини эълон қилди.
Шавкат Мирзиёев — ШҲТ саммити иштирокчиларига: «Биргаликда ташкилотни янги марраларга олиб чиқишга қодирмиз»
Самарқандда ШҲТга аъзо давлатлар раҳбарлари тор доирада муҳокамалар ўтказди. Шавкат Мирзиёев ўз нутқида имзолаш учун 40 дан ортиқ ҳужжат тайёрланганини қайд этди. «Биз биргаликда минтақавий ва глобал хавфсизликни таъминлаш йўлида ташкилотни янги марраларга олиб чиқишга қодирмиз», — деди у.
Қишлоқлардаги 600 нафар аёл тадбиркорликка ўқитилади
USAID Ўзбекистонда қишлоқ ҳудудларидаги аёллар учун тадбиркорлик ўқув дастурини бошлади. Ушбу ташаббус доирасида 600 нафар аёл тадбиркорликка ўқитилади.
Омбудсман Андижонда беш йигит тергов вақтида қийноққа солингани айтилган ҳолатни ўз назоратига олди
Андижонда 5 нафар йигит иши апелляция судида кўрилаётгани ва тергов жараёнларида улар қийноққа солинаётгани айтилмоқда. Айбланувчиларнинг яқинлари уларни 8−10 йиллаб озодликдан маҳрум қилишмоқчилиги, тергов вақтида эса калтаклаганини қайд этишди. Омбудсман вазиятни ўз назоратига олди.
«Локомотив» футболчиси Кахи Махарадзе келишилган ўйинларда қатнашгани учун 5 йилга футболдан четлатилди
«Локомотив» ПФК футболчиси Кахи Махарадзе ва эркин агент Евгений Кочнев 2 грузиялик билан келишиб, тотализатор ҳамда келишилган ўйинларда иштирок этгани учун ЎФА икки футболчини ўйинлардан 5 ва 3 йилга четлаштирди. Улар жарима ҳам тўлайди.
Дам олиш кунлари қулай об-ҳаво бўлиши кутилмоқда
Дам олиш кунлари республика бўйлаб ёғингарчилик кутилмайди, бироқ айрим тоғли ҳудудларда ёмғир ёғиши, момақалдироқ бўлиши мумкин. Ҳаво ҳарорати кундузи +27…+32 даража атрофида бўлади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг