Архив
Ҳокимларнинг иш ўрни яратиш бўйича режалари қониқарсиз — Шавкат Мирзиёев
Президент ҳокимларнинг иш ўринлари яратиш бўйича режалари қониқарсиз эканлигини танқид қилди. Вилоят ҳокимларига қўшимча 110 минг иш ўрни ташкил этиш, камида 1 млрд долларлик экспорт учун шароит яратиш вазифаси қўйилди. Бундан ташқари, ЭИЗлардаги лойиҳаларни экспертиза қилиш ваколати ҳамда саноат зоналарнинг маъмурий кенгашлари ваколати Инвестициялар вазирлигига ўтказилди. Зоналардаги ерлар энди ҳокимликлар томонидан эмас, балки дирекциялар томонидан аукционга қўйилади.
Конституцияни ислоҳ қилиш бўйича бугунгача қандай таклифлар келиб тушди?
Ўзбекистон Бош қонунига ўзгартиришлар киритиш бўйича Конституциявий комиссия ўзининг биринчи йиғилишини ўтказди. 6 кун давомида 13,15, 29, 37, 40, 41, 53, 78 ва 80-моддаларга боғлиқ таклифлар келиб тушган. Комиссия матбуот котиби Одилжон Тожиев президентга номзод бўйича талаблар ва ваколатлар муддати белгиланган 90-модда юзасидан таклиф юборилган ёки йўқлиги ҳақидаги саволга жавоб берди.
Тошкентдаги бир гектар ерни $1 млнга сотмоқчи бўлганлар ушланди
Тошкент шаҳар ИИББ ходимлари Янгиҳаёт туманидаги 1 гектар ерни 1 миллион долларга сотишни ваъда қилган икки нафар шахсни қўлга олди.
Фото: «Судочье-Акпетки» қўриқхонаси — сақоққуш ва фламинголар яшайдиган гўзал ва заиф кўллар
«Судочье-Акпетки» давлат қўриқхонасининг кўллари чиройли ҳудудлар бўлиб, у ерда сув қушларининг ноёб ва ҳимояга муҳтож турлари — сақоққушлар, фламинголар, қорақулоқлар ва бошқалар яшайди. Қўриқхона ишчилари томонидан олинган фотосуратлар тўплами.
Навоийда фуқарони ишга киритиб қўйиш учун 5 минг доллар сўраган шахс ушланди
Учқудуқ туманида танишлари ёрдамида бир фуқарони заводга ишга киритиб қўймоқчи бўлган шахс сўралган 5 минг долларни олаётганида қўлга олинди.
Ўзбекистонлик дастурчилар стартап учун Meta компаниясидан $3 млн сармоя жалб қилди
Бекназар Абдикамалов ва Азиз Муртазаев сингапурлик ҳамкори Жастин Ким билан биргаликда руҳий саломатлик бўйича стартап учун Meta компаниясидан 3 млн долларлик грантни ютиб олди. Лойиҳа руҳий саломатлик хизматини янада қулайроқ қилиш учун онлайн маслаҳат сеансларини ўз ичига олади.
«Конституцияни ўзгартириш бўйича таклиф юбориш қулай ва инклюзив бўлиши керак»
Конституциявий комиссия аъзоси, депутат Бобур Бекмуродов Асосий қонунни ислоҳ қилиш бўйича таклифларни қабул қилиш, саралаш ва қонун лойиҳасида акс эттириш жараёни қандай амалга оширилишини тушунтириб берди. Унинг сўзларига кўра, таклифлар веб-саҳифа, Telegram-бот, почта, давлат ташкилотлари орқали қабул қилинади, таҳлилчилар гуруҳи уни саралайди ва комиссияга киритади. «Асосий принцип — бу таклиф юбориш қулай ва инклюзив бўлиши керак», — деди у.
Пиёда юрганлик учун пул тўлайдиган платформа президент фармони билан тугатилгани маълум бўлди
Президент Шавкат Мирзиёевнинг 6 апрелдаги фармони билан аҳолини кунлик юриш ва югуришга тарғиб қилиш мақсадида яратилган «Соғлом турмуш тарзи» (1hls.uz) платформаси фаолияти тугатилган. Январь ойида ушбу платформа фойдаланувчилари сонини ошириш учун давлат бюджетидан 100 млрд сўм маблағ ажратилиши ҳақида президент қарори имзоланган эди.
«Мактабларда таълим сифатига қандай эътибор берсак, маънавиятга ҳам шундай эътибор беришимиз керак» — Шавкат Мирзиёев
Президент Шавкат Мирзиёев мактаб таълимидаги ислоҳотларга бағишланган навбатдаги йиғилишни ўтказди. Ўқитувчиларнинг жамиятдаги нуфузини ошириш, замонавий малакали педагог кадрларни тайёрлаш зарурлиги яна бир бор муҳокама қилинди. Кимё, биология, физика ва математика ўқитувчиларини касбий аттестациядан ўтказиш тизимини жорий этиш тўғрисида қарор қабул қилинди.
Жамшид Қўчқоров — камбағаллик қандай қилиб икки баравар қисқартирилиши ҳақида
Бош вазир ўринбосари Жамшид Қўчқоров Ўзбекистонда 2026 йилгача камбағалликни икки баравар қисқартириш чора-тадбирлари ҳақида гапирди. Энергия ресурслари нархларини эркинлаштириш ва самарасиз субсидияларни камайтириш билан бир вақтда давлат ресурсларини янада кўпроқ ижтимоий лойиҳаларга йўналтириш, хусусий секторни ривожлантириш учун шарт-шароитлар яратиш, давлат корхоналарини хусусийлаштиришни жадаллаштириш ва бошқалар кўзда тутилган.
Инфографика: бачадон бўйни саратони олдини олиш учун учта осон қадам
100% олдини олиш мумкин бўлган ягона саратон бу — бачадон бўйни саратонидир. Соғлиқни сақлаш вазирлигининг ушбу инфографикаси аёлларга мазкур касалликдан ҳимояланишга ёрдам берадиган учта оддий профилактика чораларини кўрсатади.
Ўзбекистонда миллий спорт турлари бўйича уч босқичли мусобақалар ўтказилади
2023 йил 1 мартдан бошлаб миллий спорт турлари бўйича уч босқичли республика ўйинлари ташкил этилади. Шунингдек, ҳар йили Тошкент шаҳрида «Uzbekistan Ethno Games» республика фестивали бўлиб ўтади. Хивада эса ҳар икки йилда бир маротаба Халқаро этноспорт фестивали ташкил қилинади. Ҳар бир ҳудудда от спорти турларига тегишли анжомлар дўкони очилади.
Pay Way Ўзбекистонда комиссиясиз пул ўтказмаларини йўлга қўйди
Ўзбекистонда Pay Way тўлов тизими иш бошлади. Янги хизмат кўрсатиш тизими чет элга бир зумда ва комиссиясиз пул ўтказишга ёрдам беради.
«Рома» Европа Конференциялар Лигаси ғолиби бўлди
Европа Конференциялар Лигаси финалида «Рома» клуби «Фейеноорд» устидан ғалаба қозониб, чемпион бўлди. Римликлар сафида ўйнаётган Элдор Шомуродов еврокубокларда ғалаба қозонган иккинчи ўзбекистонлик спортчи бўлди.
Корхоналарга «ақлли» сув ҳисоблагичларини ўрнатиш талаби қўйилади
2023 йил 1 январдан бошлаб тадбиркорлар ақлли сув ҳисоблагичларини ўрнатишлари шарт бўлади. Шу билан бирга, улар ҳисобга олиш асбобларини сотиб олишлари сабабли солиқ миқдорини 4 БҲМгача камайтириш ҳуқуқини оладилар. 2023 йилдан аҳоли учун муддати ўтган ҳисоблагичларни алмаштириш «Ўзсувтаъминот» АЖ ҳисобидан амалга оширилади.
Банклар махсус ҳисобварақларни ёпишни бошлайди
15 июндан бошлаб хўжалик юритувчи субъектларнинг банкларда очилган махсус мақсадли ҳисобварақлари ёпилади. Ёпилгандан кейинги қолдиқ уларнинг асосий ёки иккиламчи ҳисобига ўтказилади.
C&А компанияси Ўзбекистон бозорига қайта кириб келишга тайёргарлик кўрмоқда
Ўзбекистон Республикасининг Германия Федератив Республикасидаги Элчихонаси кўмагида Ўзбекистон Савдо-саноат палатаси раиси Даврон Ваҳобов Германиянинг Дюсельдорф шаҳрида Европанинг C&A компанияси вакиллари билан учрашди.
«Кўплаб мактабларда компьютерлар комиссия келганида кўрсатиш учун қўйиб қўйилган» — Муборакхон Тўйчиева
«Газета.uz» Ўзбекистоннинг турли ҳудудларидаги IT соҳасини ўрганаётган ўсмир қизлар билан суҳбатлар уюштирди. Навбатдаги суҳбатдошимиз, Тошкентдаги ал-Хоразмий мактаби битирувчиси Муборакхон Тўйчиева IT учун анъанавий таълим шарт эмаслиги, кўплаб мактабларда компьютерлар шунчаки комиссия келганда кўрсатиш учун қўйилганлиги, қизларга имконият берилса, ҳамма нарсани эплаб кетиши ҳақида гапириб, тенгдошлари учун маслаҳатлар билан бўлишди.
Тошкентдан Истанбулга учган самолёт техник носозлик сабабли Трабзон аэропортига қўндирилди
Тошкент — Истанбул йўналиши бўйлаб ҳаракатланган HY-273 рейси самолёти техник носозлик сабабли Трабзон аэропортига мажбуран қўнишни амалга оширди. Ҳаво кемаси бортидаги 240 нафар йўловчининг ҳаётига ҳеч қандай хавф туғилмагани хабар қилинди. Шу сабабли HY274 рейси вақти кечиктирилди.
Чирчиқда эркак кишини калтаклаган мактаб ўқувчилари қўлга олинди
Чирчиқда кекса эркакни сабабсиз калтаклаган мактаб ўқувчиларига нисбатан жиноят иши қўзғатилди, улар қўлга олинди, деб хабар берди Тошкент вилояти ИИБ.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг