Архив
Зойир Мирзаев президент билан учрашувда қандай таклифларни илгари сурди?
22 сентябрь куни Нурафшон шаҳрида халқ депутатлари Тошкент вилояти Кенгаши сессияси бўлиб ўтди. Унда Шавкат Мирзиёев иштирок этиб, тадбиркорлик, саноат, аграр соҳа ривожи, туризм ва ижтимоий ҳимоя масалалари бўйича Зойир Мирзаев тақдим этган лойиҳалар билан танишди ва тегишли кўрсатмалар берди.
ПМТИ иқлим ўзгариши шароитида «яшил» электр энергиясини ишлаб чиқаришга таъсир этувчи омилларни ўрганди
Прогнозлаштириш ва макроиқтисодий тадқиқотлар институти ўрганиш натижалари шуни кўрсатдики, иқтисодий тармоқлар учун зарур электр энергия ресурсини режалаштириш бевосита сув оқими ҳажмини прогнозлаштириш имкониятлари ва салоҳиятига боғлиқ.
Тошкент вилоятида туризм бўйича фавқулодда ҳолат эълон қилинади
Президент дам олиш кунлари Бўстонлиқ йўлида тирбандликлар бўлишини танқид қилди. «Нега Паркентда ҳам шунақа тизим қилмаймиз? Паркент шашлиги ва сомсасини кўпчилик яхши кўради-ку», — деди у. Вилоятда фавқулодда ҳолат эълон қилинади, Паркент, Ангрен ва Оҳангаронда туризм кластерлари ташкил этилади.
Зойир Мирзаев Тошкент вилояти ҳокими лавозимига тасдиқланди
Шавкат Мирзиёев иштирокида халқ депутатлари Тошкент вилояти кенгаши сессияси ўтказилди. Унда 2021 йил ноябрь ойидан буён Тошкент вилояти ҳокими вазифасини бажариб келаётган Зойир Мирзаев номзоди вилоят ҳокими лавозимига тасдиқланди.
Тошкент вилоятидаги ҳар бир фуқарога имтиёзли ипотекага хонадон олиш имконияти берилади
Президент келгуси йилдан Тошкент вилоятида «Менинг биринчи уйим» ипотека дастури ишга туширилишини маълум қилди. Вилоятда яшовчи ҳар бир фуқаро янги хонадондан бир марта имтиёзли ипотека кредити асосида олиш имкониятига эга бўлиши керак, деди у вилоят кенгаши сессиясида.
«Тошкент вилоятидаги чегараларимизда миналар турарди. Уларни шахсан ўзим назорат қилиб олдирдим» — президент
Шавкат Мирзиёев Нурафшонда халқ вакиллари билан суҳбатда Қирғизистон билан чегара борасидаги келишувларга тўхталиб ўтди ва илгари чегара ҳудудларда миналар бўлганини айтди. «Одамлар қариндошларининг на тўйига бора оларди, на азасига. Шахсан ўзим назорат қилиб миналарни олдирдим», — деди президент
Тижорат банклари 22 сентябрь учун янгилаган доллар курслари эълон қилинди
Марказий банк 22 сентябрь кунги ўзбек сўмининг АҚШ долларига нисбатан расмий курсини 10 980,01 сўм этиб белгилади. Ўзгаришдан сўнг тижорат банклари ҳам ўз таклифларини янгилади.
Жиззахда ўрмон нозири дарахт кесганларга жарима қўлламаслик эвазига пора олгани айтилмоқда
Жиззах вилоятида ўрмон нозири 14 дона терак ва қайрағоч дарахтлари ноқонуний кесилгани ҳолати юзасидан жарима қўлламаслик эвазига 3 млн сўм пора талаб қилганликда гумонланяпти. Унга нисбатан жиноят иши очилди.
Қарздорликни ўчириб беришни ваъда қилган «электросет» ходимлари ушланди
Тошкент, Самарқанд ва Жиззахда электр энергияси учун кўп миқдорли қарздорликни ўчириб беришни ваъда қилган ҳудудий электр таъминоти корхоналари ходимлари қўлга олинди. Уларга нисбатан жиноий иш очилган.
Имомлик мақомига муносиб бўлмаган 4 нафар туман бош имоми ишдан олинди
Ўзбекистон мусулмонлари идораси раиси, муфтий Нуриддин Холиқназаров ўз вазифасига виждонан ёндошмаган ва имомлик мақомига муносиб бўлмаган 4 нафар туман бош имоми ишдан олди. Шунингдек, 1 нафарига «ҳайфсан» интизомий жазоси берилди.
Ўзбекистоннинг Россиядаги элчихонаси фуқароларни даъватларга берилмасликка чақирди
Ўзбекистоннинг Москвадаги элчихонаси ватандошларга Ўзбекистон фуқароси бўлган шахслар бошқа давлат фуқароси сифатида эътироф этилмаслигини эслатди. Уларнинг хорижий давлатлар ҳудудидаги ҳарбий ҳаракатларда иштирок этиши жиноий жавобгарликка сабаб бўлади.
Тошкентда 63 та жаримаси бор ҳайдовчидан 50 млн сўм ундирилди
Тошкент шаҳрининг Олмазор туманида йўл ҳаракати қоидаларига амал қилмагани учун фуқарога 63 та маъмурий жарима расмийлаштирилган. МИБ унинг Cobalt машинасини хатлаб олгач, фуқаро 50 млн сўмни тўлашга мажбур бўлди.
Жиззахда Cobalt тиркамага урилди, бир киши вафот этди
Жиззах вилоятида салонида 5 нафар шахс бўлган Cobalt трактор тиркамасига урилди. Ҳайдовчи ва уч нафар йўловчи жароҳат олган, бир нафар йўловчи вафот этган.
Қўқондаги ишлаб чиқариш корхонасида ёнғин содир бўлди
Қўқон шаҳридаги ишлаб чиқариш корхонасида ёнғин чиқди. Уни бартараф этиш учун 13 та ёнғин-қутқарув экипажи жалб қилинди. Жароҳат олган ва ҳалок бўлганлар йўқ, тахминан 300 кв.м майдоннинг том қисми зарарланган.
Пойтахтдаги Махтумқули кўчаси велоакция муносабати билан 2 соатга ёпилади
22 сентябрь соат 07:00 дан Тошкентдаги Махтумқули кўчаси Мирзо Улуғбек шоҳ кўчасидан «Янги Ўзбекистон» боғигача (11,5 км) «Велосипед куни» акцияси муносабати билан ёпилади.
21 сентябрь куни Ўзбекистонда содир бўлган энг муҳим хабарлар дайжести
Россиядаги ўзбекистонликларнинг намойишларда қатнашмасликка чақирилаётгани, Алишер Усмоновнинг Германиядаги виллаларида ўтказилган тинтув, Янгиҳаёт туманида янги шаҳарча, ЕИ ва Жанубий Кореядан поезд харид қиладиган Ўзбекистон, пора олган икки адвокат ва бошқалар — «Газета.uz»да кун дайжести.
ФАО Ўзбекистоннинг озиқ-овқат хавфсизлиги бўйича анжуман ўтказиш таклифини қўллаб-қувватлади
ФАО раҳбари Цуй Дуню Ўзбекистон президенти Шавкат Мирзиёев томонидан ШҲТ саммитида илгари сурилган 2023 йилда озиқ-овқат хавфсизлиги бўйича халқаро анжуман ўтказиш ташаббусини қўллаб-қувватлади.
Бош прокуратура ўзбекистонликларни бошқа давлатлар қуролли кучларига қўшилмасликка чақирди
Ўзбекистон Бош прокуратураси хориждаги ватандошларни чет эл давлатлар қуролли кучлари сафига қўшилмаслик ва жанговар ҳаракатларда қатнашмасликка чақириб, бунинг учун жиноий жавобгарликдан огоҳлантирди. Аввалроқ Россияда Қуролли Кучларда хизмат қилган хорижликларга фуқаролик бериш осонлаштирилганди.
«Ҳаёт қайнамоқда» — талабалар яшашни бошлаган Tashkent Index комплексидан фоторепортаж
Тошкентда ётоқхона муаммосига дуч келган талабалар учун Tashkent Index савдо мажмуасида 10 минг ўринли ётоқхона ташкил этилиши айтилганди. Ҳозирда талабалар ётоқхоналарга кўчишни бошлаган ва бу ерда ҳаёт қайнамоқда. «Газета.uz» мухбирлари Миролим Исажонов ва Мадина Аъзам репортаж тайёрлади.
Қозоғистонда муддатидан олдин ўтказиладиган президентлик сайловлари санаси белгиланди
Қозоғистонда муддатидан олдин президентлик сайловлари 20 ноябрь куни бўлиб ўтади. «Бу сайловлар бутун сиёсий тизимни тубдан «қайта юклаш»га олиб келадиган сайлов циклини бошлаб беради», — деди президент Қасим-Жомарт Токаев.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг