Архив
Тошкент халқаро аэропортида МИБ бўлими ташкил этилди
Тошкент халқаро аэропортида Мажбурий ижро бюросининг хизмат кўрсатиш бўлими ташкил этилди. Бўлимда йўловчилар хорижга чиқишини чеклайдиган қарз бор ёки йўқлигини текширтириши мумкин. Қарз тўлангандан сўнг, ходим тақиқни олиб ташлайди.
Сурхондарёдаги фермер хўжалигида 17 туп арча ва кўктерак кесиб ташланди
Бойсун туманидаги фермер хўжалигига бириктирилган тоғли ҳудудда 10 туп Зарафшон арча, 7 туп кўк терак дарахтлари таг қисмидан кесилганлиги аниқланди. Бунинг ортидан ўсимлик дунёсига 105 млн сўм зарар етказилган. Уни фермер хўжалиги қоплайдиган бўлди. Шунингдек, иш бўйича ҳужжатлар судга оширилди.
«Хитой-Қирғизистон-Ўзбекистон-Афғонистон» транзит йўналиши бўйлаб биринчи поезд қатнови йўлга қўйилди
«Хитой-Қирғизистон-Ўзбекистон-Афғонистон» мультимодал йўлагини ривожлантириш мақсадида «Қашғар-Ўш-Андижон-Ғалаба-Ҳайратон» янги транзит йўналиши бўйлаб юк поездини синов ўтказиш бошланди. Юк таркибига озиқ-овқат, маиший техника ва хўжалик моллари киради.
Навоийда 2,2 гектар ерни 200 минг долларга сотмоқчи бўлганлар ушланди
Навоий вилоятида бир гуруҳ шахслар иссиқхона қуриш учун ажратилган 2,2 гектар ерни 200 минг долларга сотишга урингани айтилмоқда. Гумондорлар келишилган пулнинг 20 минг долларини олаётган вақтида ашёвий далиллар билан қўлга тушди.
19 сентябрь куни Ўзбекистонда содир бўлган энг муҳим хабарлар дайжести
Пойтахтни кўкаламзорлаштириш бўйича бош режа, Қашқадарё ҳокимига туризм соҳасидаги камчиликлар учун ҳайфсан берган президент, Тошкентда рашк сабаб талаба қизни «самосуд» қилган аёл, Шавкат Мирзиёевнинг транспорт соҳасидаги ишлар сустлиги ҳақида гапиргани ва бошқалар — «Газета.uz»да кун дайжести.
Президент «Ўзбекистон темир йўллари» раисини огоҳлантирди
Президент «Ўзбекистон темир йўллари» раиси Ҳуснутдин Ҳосиловни 3 ойда тизимида ўзгариш қилмаса, ишдан олиниши ҳақида огоҳлантирди. Мутасаддиларга водий вилоятларидан Тошкент, Нукус, Бухоро, Урганч шаҳарларига ҳар куни авиарейсларни йўлга қўйиш вазифасини топширди.
Президент туризм бўйича 1 трлнлик кредитлар тадбиркорларга етиб бормагани учун МБни танқид қилди
Президент МБга берилган 1 трлн сўмлик кредит ресурсларини ажратиш, йил якунига қадар яна қўшимча $100 млн хорижий кредит линияларини жалб қилиш топшириғи бўйича маблағлар тадбиркорларга етиб бормаганини танқид қилди. Пул банкларга жойланмаса, МБ раҳбариятига нисбатан қатъий чора кўрилади.
Бухорода зиёрат туризми объектларини яхшилаш учун 40 млрд сўм ажратилади
Президент Бухорода зиёрат туризми объектлари инфратузилмасини яхшилаш учун маҳаллий бюджетга 40 млрд сўм ажратиш топшириғини берди. Шунингдек, Индонезия, Малайзия, Ҳиндистон ва араб давлатларидан авиарейсларни кўпайтириш вазифаси қўйилди.
Хакерлар Asakabank`дан $700 минг ўғрилади
Ижтимоий тармоқларда хакерлар Asakabank ҳисоб рақамидан 700 минг доллар ўғрилагани ҳақида хабарлар тарқалди. Банк матбуот хизмати ҳолат бўйича материаллар ҳуқуқни муҳофаза қилувчи органларга ўтказилгани, ҳодиса мижозлар жамғармаларига таъсир кўрсатмаслигини қайд этди.
«Таълим ва касб-2022» кўргазмаси Ўзбекистоннинг саккизта шаҳрида бўлиб ўтади
26 сентябрдан 24 октябргача Ўзбекистоннинг саккизта шаҳрида «Таълим ва касб-2022» кўргазмаси бўлиб ўтади. Абитуриентлар тўгридан тўгри университет ходимларидан долзарб маълумотларни олишлари мумкин бўлади.
Ўзбекистон «АрМИ-2022» ўйинларида иккинчи ўринни эгаллади
Мудофаа вазирлиги 2022 йилги Халқаро армия ўйинларида иккинчи ўринни эгаллаган миллий терма жамоа ҳарбийларини тақдирлади. Ўзбекистон терма жамоаси мусобақада 7 та олтин, 10 та кумуш ва 5 та бронза медалини қўлга киритди.
«Ўзбекнефтгаз» ўз корхоналари эҳтиёжлари учун очиқ тақдимот ўтказди
«Ўзбекнефтгаз» компанияси бурғилаш, газ қазиб чиқариш ва қайта ишлаш корхоналарининг 2023 йил учун эҳтиёжлари очиқ тақдимотини ўтказди. Компания харид портфелига кўра, 2023 йилда «Ўзбекнефтгаз» компанияси хўжалик фаолияти учун умумий эҳтиёжлар қарийб 3,6 трнл сўмни ташкил этади.
«Транспорт вазири уйғонадиган вақт келди». Президент — транспорт соҳасидаги ишлар сустлиги ҳақида
Шавкат Мирзиёев транспорт вазирлигига Самарқанд аэропортида авиарейслар ва йўналишларга бўлган барча чекловлар олиб ташланганини барча давлатларнинг авиацияга масъул идораларига етказишни буюрди. Шунингдек, водий, Нукус, Урганч ва Термиздан кунига камида 1 та авиақатновни йўлга қўйишни топширди.
Тошкентда аёл рашк сабаб талаба қизни «самосуд» қилди
Тошкентда аёл рашк сабаб Педагогика университети талабасини «самосуд» қилгани ҳақида хабарлар тарқалди. Олийгоҳ матбуот хизматига кўра, ҳолат талабага ҳам тушунарсиз бўлган. Қиз воқеа юзасидан ИИОга ариза йўллаган. Ҳозирда тергов ишлари олиб борилмоқда.
Президент Қашқадарё ҳокимига туризм соҳасидаги камчиликлар учун ҳайфсан берди
Шавкат Мирзиёев ички ва ташқи туризм салоҳиятини оширишда ишларни етарли даражада ташкил этмагани учун Қашқадарё вилояти ҳокими Муротжон Азимовга ҳайфсан берди. Шунингдек, 14 та туман ҳокимини бугун ишдан олиб, ўзгариш қилиш учун уларга уч ой синов муддати берилишини айтди.
Қамчиқда ағдарилиб кетган юк машинани ФВВ ходимлари қутқариб қолди
Душанба куни «Қамчиқ» довонида сигарета чекиб ҳаракатланган Volvo юк автомобили ҳайдовчиси бошқарувни йўқотиб, тўсиққа урилиши оқибатида машина ағдарилиб кетди. Қутқарувчилар автомобилни хавфсиз ҳудудга олиб чиқиб, ҳайдовчига амалий ёрдам кўрсатди.
Андижон ва Фарғонада психотроп моддалар савдосига чек қўйилди
Андижонда ИИБ билан ҳамкорликда 994 дона «Лирика» ҳамда умумий баҳоси 68,7 млн сўмлик 4 004 дона дори воситалари, Фарғонада эса ДХХ томонидан 240 дона «Тропикамид» психотроп моддаларнинг ноқонуний айланмасига чек қўйилди. Ҳолатлар юзасидан жиноят ишлари қўзғатилган.
Долларнинг расмий курси яна кўтарилди
АҚШ долларининг сўмга нисбатан расмий курси 16,60 сўмга қимматлаб, 10 979,29 сўм этиб белгиланди. Шунингдек, евро ва рубль курслари ҳам кўтарилди.
Тошкентда аҳоли эътирозидан сўнг маҳалла орасида 12 қаватли уй қурилиши вақтинча тўхтатилди
Пойтахтнинг Кўкча-Оқтепа маҳалласида яшовчилар ҳудуддаги кўп қаватли уй қурилишидан норози эканликларини билдирди. Аввалига 2 қаватли бўлиши айтилган бино кейинчалик 12 қаватли уй экани маълум бўлган. Аҳоли бино маҳалла инфратузилмасига салбий таъсир қилишидан хавотирда. Ҳозирда қурилиш тўхтатилган.
«Эл-юрт умиди» жамғармасининг учинчи стипендия танлови эълон қилинди
«Эл-юрт умиди» жамғармаси 2022 йилги учинчи стипендия танловини эълон қилди. 226 номзодга мўлжалланган танловнинг 34 ўрни бакалавриат учун, 95 ўрни магистратура учун, 97 ўрни эса докторантура учун ажратилади. Ҳужжатлар 20 сентябрдан 20 октябрга қадар қадар қабул қилинади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг