Архив
Магистратурага топширилаётган сертификатларнинг 70 фоизи сохталаштирилган — Абдуқодир Тошқулов
Магистратурага қабул учун топширилаётган сертификатларнинг 70 фоизи сохталаштирилган, дея танқид қилди олий ва ўрта махсус таълим вазири Абдуқодир Тошқулов. У масъулларга қабул якунида сертификатларни яна бир бор текшириш, сохта ҳужжатлар топширганларни эса ўқишдан четлатиш юзасидан кўрсатма берди.
Сурхондарёда фуқаро қариндошини ўлдириш учун одам ёллади
Сариосиё туманида фуқаро ўзининг қариндошини ўлдириш учун 50 млн сўмга одам ёллади. Ҳуқуқ-тартибот органлари томонидан ўтказилган тезкор тадбирда гумондор келишилган пулдан 1,8 млн сўмини берганида ушланди. Унинг айби судда ўз тасдиғини топса, 10 йилдан 15 йилгача қамалиши мумкин.
РФ ва Ўзбекистон Афғонистон раҳбарияти билан ишлаш бўйича яқин позицияга эга — Сергей Лавров
РФ ташқи ишлар вазири Сергей Лавров президент Шавкат Мирзиёев билан учрашуви якунида Россия Ўзбекистон билан Афғонистондаги мавжуд воқеликни тан олиш ва ҳозирги раҳбарият билан шу ҳақиқатларга асосланиб ишлаш кераклиги борасида жуда яқин позицияга эгалигини маълум қилди.
«Авж олса, курашиш қийин». Ўзбекистонда термитлар ва улар етказаётган зарар ортиб бормоқда
Термитлар дунё бўйлаб аҳоли уйлари ва тарихий ёдгорликларга жиддий зарар етказмоқда. Республика термитларга қарши курашиш маркази директори «Газета.uz» билан суҳбатда термит қандай ҳашарот эканлиги, ҳукумат ушбу муаммога қарши қай даражада курашаётгани ва ечимини кутаётган масалалар ҳақида гапирди.
28 июль куни Ўзбекистонда содир бўлган энг муҳим хабарлар дайжести
Ўқишга ҳужжат топширган 1,2 млн нафар абитуриент, халқаро пластик карталардан пул ечишга комиссия ўрнатаётган банклар, АҚШнинг Ўзбекистондаги янги элчиси, ярим йилда жавобгарликка тортилган 1785 нафар мансабдор шахс, сел келиш хавфи, Грузияга саёҳат ва бошқалар — «Газета.uz» да кун дайжести.
Ўзбекистон президенти Россия ТИВ раҳбарини қабул қилди
Шавкат Мирзиёев ва Сергей Лавров Тошкентда бўлиб ўтган учрашувда Афғонистондаги вазиятни тинчлик йўли билан ҳал этиш ва иқтисодий тикланишига кўмакни кенгайтириш масалаларини муҳокама қилди.
Ўзбекистон президенти Хитой делегациясини қабул қилди
Ўзбекистон раҳбари Шавкат Мирзиёев Хитой ташқи ишлар вазири Ван И билан Самарқандда ўтказиладиган ШҲТ саммити кун тартибини, шунингдек, камбағалликка қарши курашиш, инновациялар, муқобил энергетика, булутли технологиялар ва IT соҳасида Хитой билан ҳамкорликни кенгайтириш масалаларини муҳокама қилди.
Умумий овқатланиш ва чакана савдо фаолиятини тартибга солувчи талаблар соддалаштирилади
Ўзбекистонда умумий овқатланиш ва чакана савдо фаолиятини тартибга солиш талаблари соддалаштирилади, соҳадаги тадбиркорлар фаолиятини қўллаб-қувватлаш чоралари кўрилади. Адлия вазирлиги ДСҚ ва СЭС билан бирга 1 сентябргача тегишли ҳужжат лойиҳасини Вазирлар Маҳкамасига киритади.
Долларнинг расмий курси яна пасайди
АҚШ долларининг сўмга нисбатан расмий курси 34,29 сўмга арзонлаб, 10 908,11 сўм этиб белгиланди. Шунингдек, евро курси ҳам пасайди, рубль эса кўтарилди.
Олти ой ичида онлайн аукцион орқали 174 млрд сўмлик авторақамлар сотилди
2022 йилнинг январь-июнь ойларида 174 млрд сўмлик 77 мингдан зиёд авторақамлар онлайн-аукционлар орқали сотилди. Тузилган битимларнинг ўртача қиймати 2,2 млн сўмни ташкил этган.
Хусусий секторда ишлаётган аёлларга ҳам бюджетдан 2 млн сўм «декрет» пули тўланади
1 сентябрдан бошлаб хусусий секторда ишловчи аёлларга ҳам давлат бюджетидан 2 млн сўм миқдордаги ҳомиладорлик ва туғиш нафақаси тўлаб берилади. Бунинг учун Ижтимоий суғурта жамғармаси ташкил этилди. Аввалроқ президент ушбу мақсадлар учун 170 млрд сўм ажратилишини маълум қилганди.
Учта ҳудудда ўқишга киритиб қўйишни ваъда қилган шахслар ушланди
Пойтахтнинг Чилонзор туманида $10 минг эвазига Тошкент тиббиёт академиясига, Сирдарёда $5 минг эвазига Гулистон давлат университетига киритиб қўйишга уринганликда гумонланган шахслар қўлга олинди. Самарқандда эса сохта ҳужжатлар асосида Қозоғистондан ўқишни кўчирмоқчи бўлган шахс ушланди.
АҚШнинг Ўзбекистондаги элчиси лавозимига Жонатан Ҳеник номзоди тасдиқланди
АҚШ Сенати Американинг Ўзбекистондаги элчиси лавозимига Жонатан Ҳеник номзодини тасдиқлади. Шу вақтгача мазкур лавозимда фаолият юритган Дэниел Розенблюм эса мамлакатнинг Қозоғистондаги элчиси бўлди.
Айрим банклар халқаро пластик карталардан нақд валюта ечиб олишга комиссия ўрната бошлади
Халқаро пластик карталардан нақд пул ечиб олиш учун «Капиталбанк» 0,7 фоиз, «Ипак Йўли» банки эса 1 фоиз миқдорда комиссия ўрнатди. Банклар буни нақд хорижий валюта муомаласини тартибга солиш билан изоҳлади. Иқтисодчи Отабек Бакиров қолган банклар ҳам комиссия ўрната бошлаши мумкинлигини таъкидлади.
Фарғона водийси ва Тошкент вилоятида сел келиш хавфи эълон қилинди
29 июлдан 1 августга қадар ёмғирлар ёғиши туфайли Тошкент, Наманган ва Фарғона вилоятларининг тоғли ва тоғ олди ҳудудларида сел-сув тошқинлари юзага келиши кутилмоқда. Ўзгидромет аҳоли ва ҳайдовчилардан эҳтиёт чораларини кўришни сўрамоқда.
Грузияга муҳаббат билан. Ўзбекистонликларнинг Грузияга саёҳат қилишга қизиқиши нега ортмоқда? (1-қисм)
Ўзбекистон медиамаконида Грузияга қизиқиш ва саёҳат қилиш кўп муҳокама қилинадиган мавзулардан бирига айланмоқда. «Газета.uz» ушбу қизиқиш нега ортаётганлиги, Грузиянинг ўзига хос томонлари ва ундан нималарни ўрганиш мумкинлиги ҳақидаги саволларга у ерга саёҳат қилганлардан жавоб олди.
Айтжан Халмаханов — спорт курашлари бўйича жаҳон чемпиони
Римда бўлиб ўтаётган юнон-рум курашлари бўйича ўсмирлар ўртасидаги жаҳон чемпионатида ўзбекистонлик атлетлар Айтжан Халмаханов олтин, Шаҳзод Рўзиохонов кумуш, Хуршидбек Нормуҳаммадов эса бронза медалини қўлга киритди.
Бизнес-омбудсман давлат органлари ва ҳокимиятларда текширувлар ўтказади
Бизнес-омбудсман тадбиркорларни текшириш жараёни қонунийлиги ва ҳужжатлар ижроси юзасидан давлат органлари ва ташкилотлари, жумладан, маҳаллий ҳокимиятларда ҳам текширувлар ўтказади. Қолаверса, ҳудудларда сайёр қабуллар ташкил этилиб, тадбиркорлар муаммоларини жойида ҳал қилиш чоралари кўрилади.
Ярим йилда 1785 нафар мансабдор шахс жавобгарликка тортилди
Ярим йилда 1429 та жиноят иши доирасида 1785 нафар мансабдор шахс жавобгарликка тортилди. Бунда улар етказган моддий зарар қарийб 700 млрд сўмни ташкил этди. 1210 нафар мансабдор талон-торож қилиш, 158 нафари ўз мавқеини суиистеъмол қилиш, 129 нафари фирибгарлик, 74 нафари порахўрликда айбланган.
Тадбиркорлар билан мулоқот қилиш учун махсус портал ташкил этилди
Президент фармони билан «Business.gov.uz» портали «Тадбиркор виртуал офиси» ахборот порталига айлантирилди. У орқали тадбиркорларнинг мурожаати 24 соат давомида қабул қилинади, онлайн муҳокамалар ва сўровномалар ўтказилади, якуни бўйича эса бизнес-омбудсман президент ва ҳукуматга таклифлар киритади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг