Душанба куни 1123 нафар кишида коронавирус инфекцияси аниқланди, шу билан кетма-кет иккинчи кун вируснинг кунлик ҳолати камаймоқда. 3 бемор эса вафот этди. Қолаверса, 98 кишида пневмония қайд этилди.
Меҳнат вазирлиги 2021 йилда 52,5 минг ҳолатда меҳнат қонунчилиги талаблари бузилганини маълум қилди. Уларнинг энг кўпи иш ҳақини тўламаслик, бўш иш ўринларни яшириш, меҳнатни муҳофаза қилиш бўйича ўқитиш билан боғлиқ. Натижада 11 мингдан ортиқ мансабдорга нисбатан 20 млрд сўмдан ортиқ жарималар қўлланилган.
29 ёшли ўзбекистонлик Шоҳжаҳон Эргашев «отасининг илтимоси билан» боксдаги фаолиятини якунлаётганини маълум қилди. Охирги вақтларда спортчи билан промоутер ўртасида можаролар давом этиб келаётган эди.
Украинанинг Россия билан чегарадаги ҳолати фонида содир бўлаётган сўнгги воқеалар, ЖССТнинг COVID-19 пандемияси 2022 йилда тугаши мумкинлигини маълум қилгани, Буркина-Фасо президентининг ҳарбийлар томонидан ҳибсга олингани айтилаётгани ва бошқа янгиликлар — «Газета.uz»нинг жаҳон янгиликлари дайжестида.
Ўзбекистонга киришда топширилаётган экспресс тест бекор қилиниши, манфаатлар тўқнашувига йўл қўйгани тасдиқланган Кинематография агентлиги ва Sevimli TV раҳбарлари, ҳудудида 40 га яқин дарахт кесиб ташланган Қарши давлат университети, янги тайинланган ҳокимлар, трансафғон темир йўлини тасдиқлаган «Толибон» ва бошқа хабарлар — «Газета.uz» нинг 24 январдаги энг муҳим хабарлари дайжестида.
Япония халқаро ҳамкорлик агентлиги Ўзбекистонда «Ипак йўли маданий меросини рақамли архивлар орқали сақлаш» лойиҳасига 490 минг доллар ажратади, деб хабар қилди Маданий мерос агентлиги.
Пойтахтнинг Мирзо Улуғбек тумани «Камолот» маҳалласидаги бешта уйда яшовчи аҳоли дарахтлар ўсиб турган ҳовлида кўп қаватли уй қурилишига қарши чиқди. Улар митинг ўтказишга рухсат олиш учун мурожаат қилишга мажбур бўлганларини айтишди. Туман ҳокимлиги бундай ҳолат бўлмаганига қарамасдан, митингга чақириқ учун жавобгарлик ҳақида огоҳлантирди.
Марказий банк «Газпромбанк» (Россия Федерацияси) ваколатхонасини аккредитация қилди. Ваколатхона банкнинг Ўзбекистонда халқаро бизнесини ривожлантиришга кўмаклашиш, амалга оширилаётган ташаббус ва лойиҳаларини қўллаб-қувватлаш мақсадида ташкил этилгани айтилди.
Термиздаги масжидлар атрофида «ҳижрат» ва «жиҳод» ғояларини тарғиб қилган ҳамда келгусида Сурия ва Фаластиндаги жангларда қатнашишни режалаштирган икки эркак узоқ муддатга қамалди.
Алишер Усмоновнинг USM ҳолдингига қарашли компания томонидан ташкил этилган Akkermann Cement CA «Оҳангаронцэмент» акцияларининг 98,6 фоизини сотиб олди. «Бу ерда олинадиган барча фойда Ўзбекистонда қолади ва республикани ижтимоий-иқтисодий ривожлантиришга йўналтирилади», — деди Akkermann Cement компанияси директорлар кенгаши раиси Антон Селявко.
Марказий банк раиси Мамаризо Нурмуратов Ўзбекистон бозорига «катта миқдорда сохта валюта чиқиб кетгани» ҳақида хабар берди. Банкоматлар сохта купюраларни фарқламагани боис, уларнинг фаолияти вақтинча чекланган. Нурмуратов, шунингдек, хусусий валюта айрибошлаш шохобчаларига доир ўз қарашларини ҳам билдириб ўтган.
Швейцариянинг Helvetas Swiss Intercooperation мустақил ташкилоти Адлия вазирлигидан рўйхатдан ўтиб, Ўзбекистонда ўзининг филиалини очди. Ташкилот аллақачон, 4,8 млн франклик лойиҳани амалга оширишни бошлаб юборган.
«Толибон» ҳукумати Ўзбекистонни Покистон портлари билан боғлайдиган Мозори Шариф — Кобул — Пешовар темир йўл йўналиши Бағлон ва Бомиён орқали ўтишини маълум қилди.
Республика махсус комиссияси 25 январдан халқаро аэропортлар, темир йўл вокзаллари ва автомобиль ўтказиш чегара пунктларида фуқаролардан коронавирус инфекциясига экспресс тест олиш тартибини бекор қилди. Бунда ташриф буюрувчилар камида 48 соат олдин топширган манфий ПЗР-тест маълумотномасини тақдим этиши лозим.
Антикоррупция агентлиги Кинематография агентлиги раҳбари Фирдавс Абдухолиқов ва унинг турмуш ўртоғи, қизи ҳамда ўғли таъсисчилари бўлган Sevimli TV ўртасида шартномалар тузиш ва субсидиялар ажратишда манфаатлар тўқнашувига йўл қўйилганини аниқлади.
25 январь куни «Марказий Осиё давлатлари — Хитой» онлайн саммити бўлиб ўтади, унда Ўзбекистон президенти Шавкат Мирзиёев ҳам иштирок этади.
Фармацевтика тармоғини ривожлантириш бўйича президент фармонига кўра, 2026 йилгача дори воситаларини ишлаб чиқаришни 3 баробарга ошириш вазифаси белгиланди. Шунингдек, маҳаллий маҳсулотлар ички бозорнинг 80 фоизини эгаллаши кўзда тутилмоқда. Фармацевтика соҳасида режалаштирилган муҳим ўзгаришлар ҳақида.
Долларнинг сўмга нисбатан расмий курси 20,02 сўмга пасайиб, 10 825 сўмни ташкил қилди. Шунингдек, евро ва рубль курслари ҳам пастлади. Ушбу ўзгаришлар 25 январдан кучга киради.
АҚШ Давлат департаменти АҚШнинг Киевдаги элчихонаси ходимлари ва уларнинг яқинларига «Россия ҳарбий ҳаракатлари таҳдиди сақланиб қолаётганлиги туфайли» Украинани ихтиёрий равишда тарк этишга рухсат берди. Уларга тижорий транспортда мамлакатни тарк этиш тавсия этилди.
Ўтган ҳафтада ОТМларга кириш тест синовлари тартибини яна ўзгартирувчи янги қарорлар қабул қилинди. «Газета.uz» колумнисти Комил Жалилов таклиф этилаётган янгиликларни умумхалқ муҳокамасидан ўтказиш ҳамда ўзгаришларни илмий асослаш зарурлиги тўғрисида ёзади.
Қўшимча имкониятларга эга булиш учун сайтда рўйхатдан ўтинг