Архив
Ўзбекистон ва Озарбайжон ишбилармон аёллари $54 млнлик келишувга эришди
Бокуда Ўзбекистон ва Озарбайжон ишбилармон аёлларининг биринчи бизнес-форуми бўлиб ўтди. Унда икки томон вакиллари ўртасида 54 млн доллардан ортиқ миқдорда 19 та шартнома ва меморандум имзоланди.
«Yangi O’zbekiston ko’chasi» бизнес-маркази қурилиши тасдиқланди
«Yangi O’zbekiston ko’chasi» ишбилармонлик маркази қурилиши учун 241,93 га ҳудуд, шу жумладан, 198,12 га суғориладиган ерлар аҳоли пунктлари ерлари тоифасига ўтказилади. Янги Ўзбекистон боғи олдидаги кўча бўйлаб хизмат кўрсатиш, савдо, кўнгилочар масканлар ва тураржой бинолари барпо этилади.
Россия қўшинлари «Змеиный» оролини тарк этди
Россия «яхши ният қадами сифатида» Украинанинг «Змеиный» оролидан ўз гарнизонини олиб чиқди, деб хабар берди РФ Мудофаа вазирлиги. Украина президенти Владимир Зеленский ушбу «стратегик нуқтанинг озод қилиниши Қора денгиздаги вазиятни сезиларли даражада ўзгартиришини» таъкидлади.
Наманганда автомобиль ёниб кетиши оқибатида ҳайдовчи вафот этди
Наманган вилоятида Lacetti ҳайдовчиси бошқарувни йўқотиб, йўл четига чиқиб кетиши натижасида автомобилда ёнғин содир бўлди. Ҳайдовчи воқеа жойида вафот этди. Ижтимоий тармоқларда автомобиль катта тезликда ҳаракатланиб, юк машинаси билан тўқнашиб кетганлиги айтилмоқда.
Санъат ва маданият институти мансабдорларига нисбатан жиноят иши қўзғатилди
Ўзбекистон давлат санъат ва маданият институтига ўқишга қабул қилишда қонун бузилгани аниқланди. 6 мингдан ортиқ абитуриентнинг ижодий имтиҳон натижаси видеоси сақланмаган, 77 та абитуриентнинг амалий иши шифрланмасдан баҳоланган, 327 млн сўм асоссиз сарфланган. Ҳолат бўйича жиноят иши қўзғатилди.
Марказий банк нақд валюта дефицити билан боғлиқ хабарларга изоҳ берди
Марказий банк тижорат банкларида кузатилаётган нақд хориж валютаси дефицити билан боғлиқ хабарларга изоҳ бериб, банклар нақд валюта билан таъминлангани, айирбошлаш жараёнлари узлуксиз ишлаётганини маълум қилди. Регулятор аҳолидан муаммо юзага келганда ишонч телефонларига мурожаат қилишни сўради.
Кузатувчиларнинг Тошкент аэропортининг халқаро терминалига кириши вақтинча тақиқланди
31 июлга қадар кузатувчи шахслар Тошкент аэропортининг халқаро терминалига киритилмайди. Бу зиёратчиларнинг Ҳажга жўнаб кетиши ва қайтиб келиши, шунингдек, бинонинг реконструкция қилиниши билан боғлиқ.
Ўзбекистон ёшларига бериладиган имтиёз ва субсидиялар сони кўпайди
«Ёшлар дафтари»даги имтиёзлар сони 25 тагача кўпайтирилади, ёшларга IT ва чет тилини ўрганиш учун 1,2 млн сўмдан субсидия ажратилади, халқаро олимпиадалар иштирокчиларига харажатлари учун 12 млн сўмдан берилади, фортепиано, мақом ва бахшичиликка ўқийдиганларнинг контрактини давлат тўлаб беради.
Дам олиш кунлари жуда иссиқ бўлади
Жума куни ҳаво бироз салқинлашганига қарамасдан, дам олиш кунлари ҳарорат +35…+45 даражагача кўтарилиши кутилмоқда. Фарғонанинг тоғли ҳудудларида эса музли сел келиш хавфи мавжуд. Ўзгидромет кейинги ҳафта бошида мамлакатга Волга бўйидан салқин ҳаво массалари кириб келишини маълум қилди.
1 июлдан нималар ўзгаради?
Қисман бепул бўлган «тонировка», 100 ва 200 фоизлик устама олувчи айрим шифокорлар, солиқ маъмурчилиги соддалаштирилган бизнес, «Хавфсиз йўл» индекси юритилиши, мустақил оилавий шифокор сифатида ишлашга рухсат берилгани, тунгача ишлайдиган музейлар — 1 июлдан нималар ўзгаради?
Қирғизистонда қимор қонунийлаштирилди
Қирғизистонда казино фаолияти қонунийлаштирилди, унинг мижозлари эса фақат хориж фуқаролари бўлиши мумкин. «Қимор ўйинлари тўғрисида»ги янги қонун давлат бюджетига пул маблағларини жалб қилиш ва сармоя киритиш учун қулай шарт-шароитлар яратиш мақсадида қабул қилинди.
Президент: «Мен нафақат Ўзбекистон, Қорақалпоғистоннинг ҳам фарзандиман»
Шавкат Мирзиёев Ёшлар куни муносабати билан ўтказилган тадбирда сўзлаган нутқида «бағрикенг, танти, қийинчиликларни мардонавор енгиб ўтаётган қорақалпоқ халқини эъзозлашини» таъкидлади. «Меҳр ва ғурур билан айтаман, мен нафақат Ўзбекистон, Қорақалпоғистоннинг ҳам фарзандиман», — деди президент.
Қашқадарёда хизмат вақтида вафот этган аскар воқеаси бўйича жиноят иши қўзғатилди
Қашқадарёда ҳарбий хизмат вақтида вафот этган 18 ёшли Руслан Қидиралиевнинг ўлими юзасидан шифокорларга нисбатан жиноят иши қўзғатилди. Суд-тиббий экспертизаси ўтказилади ва марҳумнинг ўлимига ростдан ҳам «сурункали юрак ишемик касаллиги» сабаб бўлгани ёки йўқлиги текширилади.
БМТ глобал йўл ҳаракати хавфсизлиги бўйича биринчи йиғилиш ўтказади
Нью-Йоркда йўл ҳаракати хавфсизлиги бўйича БМТнинг олий даражадаги биринчи йиғилиши бўлиб ўтади. Кўрилаётган чора-тадбирларга қарамай, дунёда бу борадаги вазият ёмонлашмоқда. Йўл ҳаракати хавфсизлигини таъминламасдан туриб, барқарор ривожланишни таъминлаб бўлмайди, деди БМТ ЕИК.
Гулнора Каримова билан боғлиқ Гонгконгдаги пентхаус $68,4 млнга қайта сотилган бўлиши мумкин
Гулнора Каримовага тегишли экани тахмин қилинаётган ҳашаматли кўчмас мулк у қамоқдалик вақтида 68,4 млн долларга қайта сотилган бўлиши мумкин, дея хабар қилди Канаданинг The Globe and Mail нашри.
Қурбон Ҳайити 9 июль — шанба кунига тўғри келади
Ўзбекистон Мусулмонлар идораси 30 июнь пайшанба куни Зулҳижжа ойининг 1-куни эканини маълум қилди. Унга кўра, Қурбон Ҳайити 9 июль — шанба кунига тўғри келади. Ўзбекистонликлар кетма-кет 4 кун дам оладилар.
Ўзбекистон аҳолисини июль ойида қандай об-ҳаво кутмоқда?
Июнь ойининг охирида баъзи ҳудудларда бу ой учун максимал ҳаво ҳарорати бўйича рекордлар янгиланди. Ўзгидрометнинг хабар беришича, яқин кунларда ҳаво ҳарорати пасаяди. Июль ойида тоғли ҳудудлардан бошқа жойларда ёмғир ёғиш эҳтимоли кам.
Филиппинда собиқ диктаторнинг ўғли президент сифатида қасамёд қабул қилди
Филиппин собиқ диктаторининг ўғли кичик Фердинанд Маркос мамлакат президенти сифатида қасамёд келтирди. 64 ёшли Маркос сайловолди ташвиқотида оиласининг ўтмишдаги суиистеъмолликларини қоралашдан бош тортди.
Муштлашув иштирокчилари ҳамда фоҳишахона ташкилотчиларига суд ҳукми ўқилди
Суд Тошкент шаҳар Юнусобод туманида пичоқ қўлланилган октябрь можароси иштирокчилари, шунингдек, Тошкент вилоятида фоҳишахона ташкил этган шахсларга нисбатан ҳукмни ўқиб эшиттирди. Уларнинг икки нафари қамалди, яна икки нафарининг озодлиги чекланди, бир нафари эса озод қилинди.
«Зарафшон» миллий табиат боғида ёнғин содир бўлди
Жомбой туманидаги «Зарафшон» миллий табиат боғига қарашли ўрмонда ёнғин келиб чиқди. Уни 6 та ёнғин-қутқарув экипажи 2 соатдан кўпроқ вақтда бартараф этди. Ҳодиса оқибатида тан жароҳати олган ва ҳалок бўлганлар йўқлиги айтилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг