Архив
Шавкат Мирзиёев 3−4 март кунлари Покистонда бўлади
Президент Шавкат Мирзиёев 3−4 март кунлари Покистонга давлат ташрифини амалга оширади. Иккитомонлама музокараларда стратегик шериклик ва кўп қиррали ҳамкорлик муносабатларини янада ривожлантириш масалалари муҳокама қилинади.
«Ўзбекистонда хорижий давлатлар томонидан ҳарбий хизматга ёллаш бошлангани ҳақидаги маълумотлар асосга эга эмас» — Мудофаа вазирлиги
Мудофаа вазирлиги Ўзбекистонда хорижий давлатлар томонидан ҳарбий хизматга ёллаш бошлангани ҳақидаги маълумотлар ҳеч қандай асосга эга эмаслигини маълум қилди. «Ўзбекистон ҳарбий хизматчилари мамлакатдан ташқаридаги ҳарбий ҳаракатларда иштирок этмайди», — дейилади баёнотда.
Рублнинг расмий курси 2017 йилдан бери илк марта 100 сўмдан пасайди
Рублнинг сўмга нисбатан расмий курси 15,38 сўмга пасайиб, 99,73 сўмни ташкил қилди. Рубль курси 2017 йил 5 сентябрдан буён илк бор 100 сўмдан пасайди. Шунингдек, евро курси ҳам пасайди, доллар курси эса кўтарилди.
Қаршида фуқаро «Микрокредитбанк» масъуллари билан 1,1 млрд кредит пулларини ўзлаштиргани айтилмоқда
Қарши туманида фуқаро «Микрокредитбанк» масъул ходимлари билан бошқа фуқаро номига корхона очиб, 1,9 млрд сўм кредит ажратиб бергани ва шундан 1,1 млрд сўмни маҳсулот хариди учун ўтказиш орқали талон-торож қилгани айтилмоқда. Ҳолат юзасидан жиноят иши қўзғатилди.
Нобел мукофоти совриндорлари Россия ҳукуматини қўшинларини Украинадан олиб чиқиб кетишга чақирди
163 нафар Нобел мукофоти совриндорлари Россиянинг Украинадаги ҳарбий ҳаракатларига қарши очиқ хат билан чиқишди. Улар Россиянинг хатти-ҳаракатларини мустақил Украина давлати ва Украина халқига «президент Путин бошчилигидаги асоссиз ҳарбий тажовуз», деб баҳолаган. Россия томонидан Украина ҳудудига бостириб кирилиши БМТ Низомини қўпол равишда бузиш ва 1994 йилги Будапешт меморандумига нисбатан беписандлик эканлиги қайд этилган.
Европа Иттифоқи Россиянинг 7 та банкини SWIFT тизимидан узиб қўйди
Европа Иттифоқи ВТБ (Россиядаги иккинчи йирик банк), Россия банки, «Открытие», Совкомбанк, Новикомбанк, Промсвязьбанк ва ВЭБ банкларини SWIFT тизимидан узиб қўйди. Шунингдек, ЕИ Россияга евродаги банкнотларни сотиш, етказиб бериш ва экспорт қилишни ҳам тақиқлади.
Қозоғистон президентининг Олмаотадаги қароргоҳи бузилади
Қозоғистондаги январь воқеалари вақтида намойишчилар томонидан вайрон қилинган ва ёқиб юборилган Қасим-Жомарт Тоқаевнинг Олмаота шаҳридаги қароргоҳи бузилади. Президент матбуот котиби Берик Уали унинг ўрнида шаҳар аҳолиси учун сайилгоҳ барпо этилишини маълум қилди.
Январь ойида Ўзбекистон банкларининг муаммоли кредитлари 503 млрд сўмга ортди
1 февраль ҳолатида Ўзбекистон банкларининг кредит портфелидаги муаммоли кредитлар (NPL) улуши 5,4 фоиз ёки 503 млрд сўмга кўпайди. NPL ўсишининг асосий қисми давлат улуши мавжуд банклар ҳисобига тўғри келади. Ушбу банкларда NPL 453 млрд сўмга ортган. Хусусий банкларда эса бу кўрсаткич қарийб 50 млрд сўмни ташкил этди.
БМТ Украина аҳолиси ва ушбу мамлакат қочқинларига гуманитар ёрдам учун $1,7 млрд сўради
БМТ маълумотларига кўра, Украинадаги жанговар ҳаракатлардан жабр кўрган ва уй-жойини тарк этган 6 миллиондан ортиқ одамнинг гуманитар эҳтиёжлари учун келаси уч ой ичида 1,1 млрд доллар керак бўлади. «Аммо энг самарали инсонпарварлик ёрдами қуролларнинг овозини ўчиришдир», деди бош котиб Антонио Гутерриш. Халқаро валюта жамғармаси ва Жаҳон банки Украинага ёрдам пакетларини тайёрлаётганларини билдирди.
Депутатлар «Давлат фуқаролик хизмати тўғрисида»ги қонун лойиҳасини маъқуллади
Чоршанба куни депутатлар «Давлат фуқаролик хизмати тўғрисида»ги қонун лойиҳасини маъқуллади. Ҳужжат билан давлат фуқаролик хизмати лавозимларининг давлат реестри юритилади ва уларга номзодлар очиқ танлов асосида танлаб олинади. Давлат хизматчисига тадбиркорлик билан шуғулланиш, хизмати эвазига жисмоний ва юридик шахслардан мукофот ёки совға олиш, чет эл фуқаролигига эга бўлиш, Ўзбекистондан ташқарида банк ҳисобрақами очиш, кўчмас ва бошқа мулкка эгалик қилиш тақиқланмоқда. Ҳужжат Сенатга юборилди.
Ўзбек пахтаси тизимли болалар меҳнати ва мажбурий меҳнатдан ҳоли бўлди — ХМТ
Халқаро меҳнат ташкилоти Ўзбекистон 2021 йилги пахта етиштириш ҳамда йиғим-терим мавсумида болалар меҳнати ва мажбурий меҳнатга барҳам берганини маълум қилди. Хусусан, 2021 йилда теримчиларнинг 99 фоизи ихтиёрий, тахминан бир фоизи эса бевосита ёки билвосита мажбурлаш орқали ушбу жараёнга жалб этилганини маълум қилган. Теримчиларнинг учдан икки қисмини хотин-қизлар ташкил этади.
Ўзбекистон вакцина учун шприцларни қабул қилиб олди
Чоршанба куни COVAX дастури доирасида Ўзбекистонга Pfizer вакцинаси билан эмлашда ишлатиш учун 669 минг долларлик шприц ва уларни хавфсиз утилизация қилиш учун қутилар келтирилди.
Олий ва ўрта махсус таълим ходимлари учун кўкрак нишонлар таъсис этиш таклифи билдирилди
Олий ва ўрта махсус таълимда фидокорона меҳнат қилаётган, ташаббускор, соҳа ривожига муносиб ҳисса қўшган фуқароларни 2 турдаги кўкрак нишон билан тақдирлаш таклифи илгари сурилди. Мукофотлар 1 октябрь — Устоз ва мураббийлар куни байрами арафасида топшириш режалаштирилмоқда. Ғолибларга нишон билан бирга БҲМнинг 4 бараваригача пул мукофоти ҳам бериш кўзда тутилган.
Президент ҳамкор давлатлардаги вазият оқибатларини юмшатиш бўйича чора-тадбирлар режасини тайёрлашни буюрди
Вазирлар Маҳкамаси президент Шавкат Мирзиёев кўрсатмасига биноан Ўзбекистоннинг асосий савдо ҳамкорлари бўлган мамлакатларда юзага келаётган вазиятни ҳисобга олган ҳолда вужудга келиши мумкин бўлган барча салбий ижтимоий-иқтисодий оқибатларни юмшатиш бўйича аниқ чора-тадбирларнинг режасини ишлаб чиқади.
Энди алиментдан қарздорликни давлат тўлаб беради, кейинчалик МИБ уни ундириб олади
Президент 172 минг нафар ота ўз фарзанди учун алимент тўламагани, бугунги кунда жами 115 млрд сўм қарздорлик мавжудлигини танқид қилди. Унинг сўзларига кўра, энди алиментдан қарздорликни давлат тўлаб беради, кейинчалик МИБ қарзни ундириб олади. Бунинг учун «Алимент тўловлари» жамғармаси ташкил этилиб, унга дастлаб 50 млрд сўм ажратилади.
АҚШ ҳаво ҳудудини Россия самолётлари учун ёпади
АҚШ президенти Жо Байден Россия самолётлари учун Америка осмони ёпилишини эълон қилди. Бундан ташқари, АҚШ Адлия вазирлиги «Россия олигархларининг жиноятларини тергов қилиш» учун махсус гуруҳ тузади. Шу билан бирга, Қўшма Штатлар раҳбари америкалик ҳарбийлар Украинадаги рус қўшинлари билан қарама-қаршиликда қатнашмаганини ва қатнашмаслигини ҳам таъкидлади.
Маҳалла ва нуронийларни қўллаб-қувватлаш вазирлиги ташкил этилди
Президент фармонига асосан Оила ва хотин-қизлар давлат қўмитаси тузилиши муносабати билан Маҳалла вазирлиги номи ўзгартирилиб, Маҳалла ва нуронийларни қўллаб-қувватлаш вазирлиги сифатида қайта ташкил этилди. Шунга мувофиқ, эски лавозимлар тугатилиб, янгилари жорий этилмоқда. Қолаверса, 1 июлгача «Маҳалла тўғрисида» ги қонун лойиҳаси ишлаб чиқилиши ҳам белгиланди.
Россия-Украина ўртасидаги можаро Ўзбекистон иқтисодиётига ва мигрантларга қандай таъсир қилиши мумкин?
Россия молия тизимига қўлланилган санкциялар ва рубль қадрсизланиши Ўзбекистон иқтисодиётига қандай таъсир қилиши мумкин? Россиядаги ўзбек мигрантлари ҳозирги шароитда нима қилгани маъқул? Эҳтимолий инқироз оқибатларига қарши кураш учун қандай чоралар кўриш керак? «Газета.uz» шу ва бошқа саволлар бўйича иқтисодчи мутахассислар фикри билан қизиқди.
Баҳорнинг илк кунида 95 кишида ковид аниқланди
Баҳорнинг биринчи кунида Ўзбекистонда 95 кишининг коронавирусга топширган тест таҳлили мусбат натижани кўрсатди. Яна 11 кишида пневмония аниқланди.
Россиядан 10 минг доллардан ортиқ маблағни олиб чиқиш тақиқланди
Россия президенти Владимир Путин мамлакатдан қиймати 10 минг доллардан ортиқ хорижий валютани олиб чиқишни тақиқловчи фармонни имзолади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг