Кеча кун давомида Ўзбекистонда 689 кишида коронавирус инфекция қайд этилди. 6 нафар COVID-19 бемори вафот этди. Шунингдек, пайшанба куни 93 кишида пневмония қайд этилди, 3 нафар пневмония бемори вафот этди.
Токио-2020 Паралимпия ўйинларида ўзбекистонлик пара-енгил атлетикачи Сафия Бурханова олтин медални қўлга киритди.
Параатлет Ҳусниддин Норбеков ядро улоқтириш баҳсларида сўнгги уринишда рақибидан ғалабани тортиб олди ва олтин медални қўлга киритди. Ўзбекистон жамоаси ҳисобидаги медаллар сони 16 тага етди.
Германия Ўзбекистонга 20,6 млн евролик коронавирусга қарши юқори самарали дори воситасини юборди. У COVID-19`га қаршиликни ишлаб чиқариш учун мўлжалланган сунъий «антитаначалар коктейли» ҳисобланади.
Нигерияда қароқчилар томонидан 100 дан ортиқ ўқувчининг ўғрилаб кетилгани, AҚШда «Ида» довули туфайли саккиз кишининг ҳалок бўлгани, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Сурхондарё вилоятида Damas юк машинасига бориб урилиши оқибатида енгил автомобиль ҳайдовчисининг ўғли вафот этди. Вилоятда содир бўлган бошқа бир ҳолатда нотекис йўлда ҳаракатланаётган Жигули машинаси Cobalt билан тўқнашди, оқибатда бир киши оламдан ўтди.
Шавкат Мирзиёев, Татьяна Каримова, президент Администрацияси ва Вазирлар Маҳкамаси вакиллари, парламент аъзолари ва давлат органлари раҳбарлари биринчи президент Ислом Каримовни хотирлашди. Давлат раҳбари биринчи президент ҳайкали пойига гулчамбар қўйди.
Шавкат Мирзиёев Ислом тараққиёт банки Бошқарувчилар кенгаши йиғилишида Марказий Осиё давлатлари ўртасида савдо алоқаларини кенгайтириш ҳақида гапирар экан, Афғонистон ҳам минтақанинг ажралмас қисми эканлигига урғу берди. «Афғонистонда сиёсий барқарорликни ўрнатиш — минтақавий хавфсизликнинг ишончли омилидир», — деди президент.
Ўзбекистон мустақиллигининг 30 йиллиги шарафига Канададаги Ниагара шаршарасида мамлакат байроғи ранглари жилоланди.
Бу йилги Мустақиллик байрами «Янги Ўзбекистон» боғининг амфитеатрида ўтказилди. Унда нутқ сўзлаган Шавкат Мирзиёев биринчи президент Ислом Каримов амалга оширган улкан ишларни эсга олди. Қолаверса, октябрдаги президент сайлови ва Афғонистон воқеалари ҳақида ҳам фикр билдирди. Ўзбекистоннинг 3 минг йиллик тарихини акс эттирган Мустақиллик байрами «Газета.uz» фоторепортажида.
Мустақиллик куни нишонланиши муносабати билан сентябрь ойи учун пенсия ва нафақаларни тўлаб бериш муддати ўзгарди. Пенсия жамғармаси ва Халқ банкининг қўшма баёнотига кўра, 6 сентябрдан бошлаб пенсия ва нафақалар тўланиши таъминланади.
Enter Engineering компаниялар гуруҳи «Меҳрибонлик» жамиятига ногиронлар аравачаси, шахсий гигиена воситалари ва бошқаларни сотиб олишда ёрдам берди.
Коронавирусга чалиниш ҳолати кетма-кет тўртинчи кун 800 дан пастга қараб тушмоқда. Шунингдек, сентябрнинг илк кунида 494 киши тузалиб, 5 нафар бемор оламдан ўтди. Пневмонияга чалиниш ҳолати эса ошди.
Европа Иттифоқи мамлакатлари Афғонистон қўшниларига қочқинларни қабул қилиш эвазига 600 млн евро тўлаб беришни режалаштираяпти, деб хабар берди Financial Times. Нашр маълумотларига кўра, молиявий кўмакни Ўзбекистон, Тожикистон, Покистон ва хатто Эрон ҳам олиши мумкин. Бу Афғонистондан Европага йўл олиши мумкин бўлган қочоқлар оқимининг олдини олишга ёрдам бериши кутилмоқда.
Хоразмлик ҳуқуқ ҳимоячиси Ҳайитбой Ёқубов вафот этди. У узоқ йиллар мобайнида мажбурий меҳнат, коррупция ва адолатсизликка қарши курашган, фермерлар ва ишчиларни ҳимоя қилган.
«Толибон» Ўзбекистонни Мустақилликнинг 30 йиллиги билан табриклаб, мактуб йўллади. Унда толиблар Ўзбекистон билан самарали ва дўстона муносабатлар ўрнатишни хоҳлаши, Ўзбекистон иштирокида Афғонистонда инфратузилма лойиҳаларини амалга оширишдан манфаатдор эканлиги қайд этилган.
6 сентябрдан 8 октябрга қадар Тошкент шаҳрининг бир қатор туманларида совуқ сув узилиши кутилмоқда. Сув бўлмаган жойларга сув ташувчи махсус автомашиналар юборилади. Узилишлар жадвали.
Экология қўмитаси фуқаролардан ҳар бир ҳудудда «яшил майдонлар» ва жамоат паркларини ташкил этиш, иқлим шароитларидан келиб чиққан ҳолда кўчатлар экиш бўйича таклифларини юборишларини сўради.
Кетма-кет учинчи кун коронавирусга чалинганлар сони 800 дан ошмаяпти. 31 август куни пневмония ҳолати эса бир кун олдинги кўрсаткичга қараганда юқорироқ бўлди.
Daryo bo’yi Business City ишбилармонлик маркази қурилиши доирасида Чирчиқ дарёсини торайтириш ҳисобига очилган ерлар Тошкент ҳокимлиги захирасига ўтказилади. Сўнгра улар лотларга ажратилиб, инвесторларга сотилади. Тушган маблағлар бюджет ссудаларини қоплаш ва келгусидаги қурилишларни молиялаштиришга сарфланади.
Қўшимча имкониятларга эга булиш учун сайтда рўйхатдан ўтинг