Архив
Афғонистондаги миллионлаб аҳоли учун озиқ-овқат захиралари сентябрда тугаши мумкин — БМТ
БМТнинг расмий вакили Рамиз Алакбаров Афғонистоннинг муҳтож аҳоли қатламлариша мўлжалланган озиқ-овқат захиралари шу ойда тугаши мумкинлигини маълум қилди. Унинг сўзларига кўра, мамлакатда беш ёшдан кичик болаларнинг ярмидан кўпи тўйиб овқатланмасликдан азият чекмоқда, аҳолининг учдан бир қисмидан ортиғи етарли озиқ-овқат билан таъминланмаган. Айни пайтдаги мавжуд талабни қондириш учун озиқ-овқат секторининг ўзига камида 200 миллион доллар маблағ зарурлиги айтилмоқда.
Баҳром Абдухалимов «Адолат» партиясидан президентликка номзод сифатида тасдиқланди
«Адолат» Баҳром Абдуҳалимовни президентлик сайловлари учун номзод сифатида тасдиқлади. Абдуҳалимовнинг «Адолат — ҳаётимизнинг бош мезони» шиори остидаги сайловолди дастуридан коррупция ва ҳар қандай кўринишдаги «самосуд» учун қатъий жазо белгилаш, Тергов қўмитасини ташкил этиш, олий таълим квоталарини бутунлай йўқ қилиш, Мактабгача таълим, Халқ таълими, Олий ва ўрта-махсус таълим вазирликларини ягона — Таълим вазирлигига айлантириш, «Жамиятда юриш-туриш, одоб-аҳлоқ қоидалари» кодексини яратиш кабилар ўрин олган.
«Ислом Каримовнинг содиқ шогирди ва сиёсий фарзанди». Шавкат Мирзиёевга президентлик юклатилган мажлисдан 5 йил ўтди
2016 йил 8 сентябрь куни Ўзбекистон парламенти палаталарининг қўшма мажлисида мамлакатнинг ўша вақтдаги бош вазири Шавкат Мирзиёевга Ўзбекистон президенти вазифа ва ваколатлари вақтинча юклатилди. Мажлисда ўша вақтдаги Сенат раиси Ниғматилла Йўлдошев раҳбарлик лавозимларида етарли тажрибага эга эмаслиги сабабли президентликни бажаришни унга юкламасликларини сўраган эди. Собиқ молия вазири эса Шавкат Мирзиёевни Ислом Каримовнинг «содиқ шогирди ва сиёсий фарзанди» дея таърифлаган эди.
Ўзбекистонда коронавирусга қарши тўлиқ эмланганлар сони 2,5 млн нафардан ошди
7 сентябрь куни Ўзбекистонда 338 минг 971 доза коронавирусга қарши вакцина қўлланилди. Шу кунгача тўлиқ эмланган фуқаролар 2 млн 547 минг 450 нафарни ёки Ўзбекистон аҳолисининг 7,28 фоизини ташкил қилмоқда.
Экспортёр корхоналарга $5 млнгача молиявий ресурслар тақдим этилади
1 октябрдан бошлаб экспорт ҳажми $20 млндан ошган корхоналарга экспорт савдо операциялари учун $5 млнгача бўлган бир марталик молиявий ресурслар тақдим этилади. 12 ой давомида 1 млн АҚШ долларидан кўп тўқимачилик маҳсулотларини экспорт қилган корхоналар божхона тўловларини тўлаш бўйича фоиз ҳисобланмаган ҳамда уларнинг тўланишини таъминлаш талаб этилмаган ҳолда 120 кунга кечиктириши мумкин.
Кетма-кет олтинчи кун Ўзбекистонда коронавируснинг кунлик ҳолати 700 дан кам бўлмоқда
Кеча кун давомида Ўзбекистонда 660 кишида коронавирус инфекция қайд этилди. 7 нафар COVID-19 бемори вафот этди. Шунингдек, сешанба куни 138 кишида пневмония қайд этилди, 4 нафар пневмония бемори вафот этди.
Белгиланган муддатда солиқ ҳисоботини тақдим этмаганлик учун жарима бекор қилинади
2022 йилдан бошлаб тадбиркорлик субъектлари томонидан солиқ ҳисоботини белгиланган муддатларда тақдим этмаганлик учун молиявий санкциялар, шунингдек камерал солиқ текширув асосида аниқланган ҳуқуқбузарликлар учун молиявий санкциялар бекор қилинади. Хоразмда солиқ органлари томонидан солиқ ҳисоботларини шакллантириш бўйича эксперимент ўтказиш режалаштирилган. Шундан сўнг янги тартиб бошқа ҳудудларда ҳам жорий этилади.
Ўзбекистон давлат қарзлари 24 млрд доллардан ошди
Давлат қарзи иккинчи чоракда 1 млрд долларга ошди. 1 июль ҳолатига Ўзбекистон давлат қарзи жами 24,2 млрд долларни ёки ялпи ички маҳсулотга нисбатан 38,5 фоизни ташкил этган. Шунингдек, биринчи ярим йилликда давлат қарзига хизмат кўрсатиш жами харажатлари 1 млрд доллардан ошган.
Сурхондарёда сув қувурини ётқизиш бошланди. Бош пудратчи — To’palang HPD Platinum
Сурхондарёда Тўпаланг сув омборидан 361 километрлик магистрал сув қувурини ётқизиш ишлари бошланди. 138 млн долларлик лойиҳа To’palang HPD Platinum томонидан амалга оширилмоқда. Компания «Ўзбекгидроэнерго» раҳбарининг ўғлига тегишли бўлган To’palang HPD Holding таркибига киради.
Польша Ўзбекистонга 250 минг доза COVID-19 вакцинасини етказиб беради
Польша «сиёсий алоқалар ва инсонпарварлик заруратлари нуқтаи назаридан» Ўзбекистонга 250 минг доза COVID-19 вакцинасини етказиб беради.
Ўзбекистон электрон виза беришни вақтинча тўхтатди
Ўзбекистон тизимда профилатика ишлари олиб борилаётгани сабабли элеткрон виза беришни вақтинча тўхтатди.
«Толибон» Афғонистоннинг вақтинчалик ҳукумати таркибини эълон қилди
«Толибон» ҳаракати Афғонистоннинг вақтинчалик ҳукумати таркибини эълон қилди. Бош вазир вазифасини бажарувчи этиб Ҳасан Охунд, ҳаракат раҳбарияти кенгаши раҳбари, бош вазир ўринбосари лавозимига Aбдул Ғани Барадар тайинланди.
7 сентябрь куни Ўзбекистонда содир бўлган энг муҳим хабарлар дайжести
«Адолат» партияси президентликка номзод Алишер Қодировни сайловолди ғояларни кўчирганликда айблаши, ZF-UZ-VAC 2001 вакцинасининг Ўзбекистондаги синовлари натижаси эълон қилиниши, Ўзбекистон аҳолиси 35 млндан ошиши — «Газета.uz»нинг 7 сентябрдаги энг муҳим хабарлари дайжестида.
Жаҳон янгиликлари дайжести
Сальвадорда биткоиннинг расмий тўлов воситаси сифатида тан олингани, Тожикистон раҳбарининг ҳарбийларни жанговар тайёргарликни оширишга чақиргани, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Ўзбекистонда мамлакатдаги захиралардан 69 фоиз кўпроқ сув истеъмол қилинмоқда
Ўзбекистонда сув ресурсларидан фойдаланиш даражаси таҳликали даражага чиқди — мамлакат ўз сув захираларининг 169 фоизидан фойдаланмоқда, дея хабар қилди ФАО.
UzAuto Motors йиғимлар, акциз ва ҚҚС бўйича 177,6 миллион доллар миқдорида имтиёз олган
UzAuto Motors 2021 йилнинг олти ойида 1,9 триллион сўмлик (177,6 миллион доллар) божхона имтиёзлари ва преференцияларини олди. Гап президент ва Вазирлар Маҳкамасининг ҳужжатлари билан таъминланган божхона божи, акциз ва ҚҚС бўйича имтиёзлар ҳақида кетмоқда.
Тошкентда Ленинград блокадасига бағишланган ёдгорлик яратилиши мумкин
Тошкент ва Туркманистон пойтахти Ашхободда Ленинград блокадаси билан боғлиқ монументлар яратилиши режалаштирилмоқда, дея хабар берди Санкт -Петербург маъмурияти.
Долларнинг расмий курси яна ўсди
8 сентябрдан долларнинг расмий курси 10,16 сўмга кўтарилиб, 1 АҚШ доллари 10 695,23 сўмга этиб белгиланади. Шунингдек, евро ҳам сўмга нисбатан ўсган бўлса, рублнинг расмий курси 0,43 сўмга арзонлашди.
Тошкент метросининг янги поездларидан фоторепортаж
Сешанба куни пойтахт метрополитенининг Чилонзор йўналишида янги метро поездлари фаолияти йўлга қўйилди. «Газета.uz» фотомухбири мазкур поезднинг вагонларида бўлиб, улардаги янги имкониятлар билан танишди.
Ўзбекистон ва Буюк Британия ТИВ раҳбарлари Афғонистондаги вазиятни муҳокама қилишди
Ўзбекистон ва Буюк Британия ташқи ишлар вазирлари Афғонистондаги вазиятни муҳокама қилишди. Британия вазири Доминик Рааб ўтган ҳафта эвакуация бўйича стратегия йўқлиги учун танқид қилинганди, унга ўрнак сифатида Германия фуқароларини эвакуация қилиш вақтида Тошкентга шахсан ташриф буюрган ТИВ раҳбари кўрсатилган эди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг