Архив
Ўзбекистон ва Тожикистон ўртасида автобус қатновлари тикланиши мумкин
Ўзбекистон ва Тожикистон транспорт вазирликлари пандемия туфайли тўхтаб қолган автобус қатновини қайта тиклаш масаласини муҳокама қилди. Қолаверса, «Ўзбекистон — Тожикистон — Хитой» транспорт коридорини ривожлантириш юзасидан ҳам фикр алмашилди.
Самарқанд давлат университетига Шароф Рашидов номи берилди
Президент қарори билан Самарқанд давлат университетига Шароф Рашидов номи берилди. СамДУни флагман университет даражасига олиб чиқиш мақсадида трансформация дастурини амалга ошириш режалаштирилган. Шунингдек, университет таркибида икки институт ва битта филиал ташкил этилади.
«Халқимизнинг хавфсизлиги, тинчлиги ва осойишталигини сақлаш энг устувор вазифамиз бўлиб қолади» — президент
Президент Шавкат Мирзиёев Хавфсизлик кенгаши йиғилишида Қуролли Кучларни замонавий қурол-яроғ ҳамда ҳарбий техника билан таъминлаш, ҳаво ҳужумидан мудофаа тизимини кучайтириш, сержант-йўриқчиларни тайёрлаш тизимини тубдан такомиллаштириш бўйича топшириқлар берди. «Янги усуллар пайдо бўлаётган ҳозирги шароитда муваффақият, кўп жиҳатдан, командир-сержант бошқарадиган кичик бўлинмалар ҳаракатига боғлиқ», — деди у.
Вакцина олганлар ўртасида лотерея ўтказилади, бош соврин — автомобиль
Коронавирусга қарши эмланган фуқаролар ўртасида бош соврини автомобиль бўлган ютуқли ўйин ташкил этилади. Қолаверса, ССВ иш берувчилардан 20 январга қадар ходимлари коронавирусга қарши эмланишини таъминлашни сўради (янгиланди).
Ўзбекистон аҳолиси 2021 йилда 712,4 минг нафарга ошди
2021 йилда Ўзбекистонда аҳоли сони 712,4 минг кишига кўпайиб, жами 35 млн нафардан ортиқни ташкил этди. Аҳолининг 49,7 фоизи аёллар ҳисобига тўғри келган. Ҳудудлар кесимида энг кўп аҳоли Самарқанд вилоятида (4 млндан ортиқ) яшаши қайд этилди.
«Капиталбанк» банкоматлари иши вақтинча тўхтатилади
«Капиталбанк» банкоматлари фаолияти хизмат кўрсатиш сифатини яхшилаш бўйича техник ишлар олиб борилиши муносабати билан вақтинча тўхтатилади. Банкоматлар босқичма-босқич март ойининг ўрталарига қадар ўчирилади. 2021 йил 1 декабрь ҳолатига мамлакатдаги барча банкомат ва инфокиоскларнинг 25 фоизи «Капиталбанк»га тегишли.
USAID ҳунарманд аёлларнинг лойиҳаларини қўллаб-қувватлайди
USAIDнинг агробизнесни ривожлантириш лойиҳаси ҳунарманд аёллар (5−50 млн сўм миқдорида қўшма молиялаштириш) ва аёллар ҳунармандчилиги корхоналарининг (50−200 млн сўм) лойиҳаларини қўллаб-қувватлайди.
16 февраль воқеаларида қатнашганликда гумон қилинган яна бир шахс қўлга олинди
«Туркистон ислом ҳаракати» халқаро террористик ташкилотига аъзоликда ҳамда 1999 йилнинг 16 февралида Тошкентда бўлган қўпорувчилик ҳаракатларида иштирок этганликда гумон қилинган шахс қўлга олиниб, Ўзбекистонга олиб келинди. У 23 йил давомида қидирувда бўлган.
Хонадонларда балиқ етиштирувчиларга 81 млн сўмгача кредит ажратилади
Балиқ етиштириш бўйича Жиззах тажрибаси ҳар бир вилоятда жорий этилади. 1 февралдан хонадонида балиқ етиштирувчилар ўзини ўзи банд қилган шахс сифатида рўйхатга олинади, уларга ажратиладиган кредит БҲМнинг 300 баравари — 81 млн сўмгача оширилади. Қолаверса, уларнинг ер ҳамда мол-мулк солиғи 50 фоизга қисқартирилади. Шу асосда 2022 йилда бутун республика бўйича 700 минг тонна балиқ етиштириш мақсад қилинган.
COVID-19: Кетма-кет олтинчи кун коронавирусга чалинганлар сони кўпаймоқда
Коронавирус бўйича кунлик ҳолатлар кетма-кет олтинчи кун ўсишда давом этаяпти — пайшанба куни яна 824 кишида вирус аниқланди. Биргина пойтахтнинг ўзида 434 та ҳолат қайд этилди. 3 киши эса COVID-19 оқибатида вафот этди.
Дам олиш кунлари шамол ва ёмғир кучайиши кутилмоқда
15, 16 ва 18 январь кунлари Ўзбекистоннинг айрим ҳудудларида шамол кучайиши, вақти-вақти билан ёмғир ёғиши, айрим ҳудудларда эса кучли ёғингарчилик бўлиши кутилмоқда.
Соғлиқни сақлаш вазири ярим тунда «тез ёрдам» ҳолатини ўрганди
Соғлиқни сақлаш вазири Беҳзод Мусаев бугун 03:00 ларда Тошкент шаҳар тез ёрдам станциясига бориб, «тез ёрдам» ҳолатини текширди. Унинг топшириғи билан қўшимча 40 та тез тиббий ёрдам машинаси хизматга бириктириладиган бўлди. Вазир шунингдек, Тошкентнинг 12 та туманида касаллик клиник белгиларсиз ва енгил шаклда кечаётган беморлар саломатлигини назорат қилиш учун COVID-поликлиникалар фаолиятини йўлга қўйиш топшириғини берди.
Ҳарбий техникалар кўргазмасидаги машиналардан бири ёниб кетди
Пойтахтдаги Халқлар дўстлиги майдонида бўлиб ўтаётган ҳарбий техникалар кўргазмасида ҳарбий машиналардан бири ёниб кетди. Жабрланганлар йўқ.
Фото: Тошкентда Ватан ҳимоячилари кунига бағишланган парад ўтказилди
Тошкентда Ўзбекистон Қуролли Кучлари ташкил этилганининг 30 йиллиги ва Ватан ҳимоячилари куни муносабати билан тантанали ҳарбий юриш бўлиб ўтди. Ҳарбий хизматчилардан иборат бўлинмалар «Туркистон» санъат саройидан — ҳарбий техникалар кўргазмаси бўлиб ўтаётган Халқлар дўстлиги майдонига қадар ҳаракатланди.
Шавкат Мирзиёев Александр Лукашенконинг сўзларига муносабат билдирди
Президент Шавкат Мирзиёев Хавфсизлик кенгаши йиғилишида Александр Лукашенконинг Қозоғистондаги воқеалар ортидан Ўзбекистон сабоқ олиши кераклиги ҳақидаги гапларига муносабат билдирди. У мазкур баёнотни «асоссиз» деб атади. «Ҳар қандай таҳдидга нисбатан муносиб жавоб қайтариш ва зарба бериш учун биз етарли куч ва салоҳиятга эгамиз», — деди давлат раҳбари.
13 январь куни Ўзбекистонда содир бўлган энг муҳим хабарлар дайжести
Александр Лукашенконинг сўзларига жавоб қайтарган Шавкат Мирзиёев, Мудофаани бошқариш миллий маркази очилгани, қурол ёрдамида тўхтатилган Malibu бўйича қўшимча маълумот, пойтахтда портлатилган «ўт ўчиргич» бўйича 13 кишига қўйилган айблов, Марокаш шартномасига қўшилган Ўзбекистон, ҳокимларнинг кенгаш раиси мақоми бекор қилинмаганига изоҳ берган Сенат ва бошқа хабарлар «Газета.uz» нинг 13 январдаги энг муҳим хабарлари дайжестида.
Мудофаани бошқариш миллий маркази очилди
Президент Шавкат Мирзиёев Мудофаани бошқариш миллий маркази очилишида иштирок этди. Мазкур марказ мамлакатдаги барча куч тузилмалари фаолиятини мувофиқлаштиришга ихтисослашган.
Ўзбекистон Қозоғистон билан чегарани кесиб ўтишга чекловлар жорий этади
Ўзбекистон «омикрон» тарқалаётгани муносабати билан 15 январдан Қозоғистон билан чегарани кесиб ўтишга вақтинчалик чеклов жорий этмоқда. Чекловлар авиалоқаларга ҳамда ватанга қайтаётган фуқароларга тааллуқли эмас.
Чимён ҳудудида қор кўчкиси хавфи эълон қилинди
13−14 январь кунлари Чимён ҳудудида қор кўчиши хавфи эълон қилинди. ФВВ шу кунларда фуқаролардан «Қор кўчиши хавфи мавжуд» белгиси бўлган жойларга кирмасликни сўради.
Тошкент вилоятида қулоқчин тақиб мол боқаётган фуқарони поезд уриб кетди
Ўртачирчиқ туманида «Тўйтепа-Озодлик» йўналишида ҳаракатланиб келаётган юк поезди уриб кетиши оқибатида 26 ёшли фуқаро вафот этди. Гувоҳларнинг сўзларига кўра, у қулоқчин тақиб, мол боқаётган бўлган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг