Архив
Ўзбекистон жамоат хавфсизлиги концепцияси тасдиқланди
Президент Шавкат Мирзиёев фармони билан Ўзбекистон жамоат хавфсизлиги концепцияси тасдиқланди. Унда жамоат хавфсизлигини таъминлашнинг умумий қоидалари, концепцияни амалга ошириш механизмлари, кутилаётган натижалар ва бошқалар ўрин олган.
ДХХ Тошкентдаги нарколаборатория фаолиятига чек қўйди
Давлат хавфсизлик хизмати Тошкентда мефедрон моддасини ишлаб чиқарувчи нарколаборатория фаолиятига чек қўйди. Ижарага олинган 3 та хонадондан синтетик наркотик моддаси ва ускуналар олиб қўйилган. Интернет орқали наркотик савдоси билан шуғулланувчи гуруҳ аъзоларидан биткоин кўринишида жамғарилган 133,7 минг доллар мусодара қилинди. Шунингдек, наркотиклар чет элдан электросамокатларда олиб кирилгани аниқланди.
Андрей Канчельскис «Навбаҳор» тўлаши керак бўлган компенсация туфайли унга таҳдид бўлганини айтмоқда
«Навбаҳор»нинг собиқ мураббийи Андрей Канчельскис номаълум шахслар унга таҳдид қилиб, клуб тўлаши керак бўлган 1,6 млн евро компенсацияни камайтиришни сўрашганини маълум қилди. Клуб бу «уйдирма ва бўҳтон» бўлиши мумкинлигини таъкидлаб, ҳолатни Халқаро Спорт арбитраж судида «ўзини оқлаш учун қилинаётган бўлиши мумкин» дея таърифлади.
Тошкент метрополитенининг жетонлари қандай бўлган ва дунё метроларида йўлкира қандай тўланган?
1 декабрдан бошлаб Тошкент метрополитени пластик жетонларни қабул қилишни тўхтатди. «Газета.uz» Тошкент метрополитенининг жетонлари тарихи, шунингдек, Москва, Лондон ва Нью-Йорк метроларидаги тўлов тизимлари ҳақида ҳикоя қилади.
Пластик карталардан пул ечиб олиниши ҳолатлари кўпаймоқда. Бунга карта эгаларини идентификация қилиш билан боғлиқ муаммо сабаб бўлиши мумкин
Кўплаб ижтимоий тармоқ фойдаланувчилари уларнинг хабарисиз пластик карталаридан пул ечиб олинаётгани ҳақида шикоят қилишмоқда. Марказий банк масъуллари бунга мижозларни идентификация қилишнинг имкони бўлмагани сабаб бўлиши мумкинлигини таъкидлашмоқда. Бундай ҳолларда мижозларнинг картасидаги маблағ «ҳаракатсиз» (спящий) ҳисобрақамга олинади.
Қаршида талаба қиз ўзини техникум ётоқхонасидан ташлаб юборди
Қаршидаги медтехникумда таҳсил олувчи талаба қиз ўзини ётоқхонанинг 4-қаватидан ташлаб, вафот этди. Унинг ўлими сабаблари ва ишга алоқадор бўлган бошқа ҳолатларга аниқлик киритиш мақсадида суд-тиббий экспертизаси тайинланди.
Жаҳон янгиликлари дайжести
Бишкекда мухолифатчи партия етакчисига ҳужум уюштирилгани, АҚШда мактабда содир бўлган отишмада уч ўқувчи ҳалок бўлгани, Москва COVID-19'га қарши курашда инновациялар бўйича Европада биринчи ўринни эгаллагани, Нур-Султонда олти нафар Ўзбекистон фуқаросини қулликка сотган шахс қўлга олингани, Қозоғистонда Нурсултон Назарбоев тасвирланган янги банкноталар муомалага чиқарилиши ва бошқа янгиликлар — «Газета.uz»нинг жаҳон янгиликлари дайжестида.
1 декабрь куни Ўзбекистонда содир бўлган энг муҳим хабарлар дайжести
Ҳайдовчиларга қулоқчин ёки bluetooth орқали телефондан фойдаланишга рухсат этилгани, Ўзбекистон 10 та давлат билан халқаро авиақатновларни тўхтатгани, ўзбекистонликларга «Умра» сафарини адо этишга рухсат берилиши кутилаётгани, ноябрь ойида инфляция 1,2%ни ташкил қилгани, автомобилнинг олд қисмига монитор ўрнатганлик учун жарима бекор қилингани — «Газета.uz»нинг 1 декабрдаги энг муҳим хабарлари дайжестида.
Автомобилда қулоқчин ва гарнитураларсиз телефонда гаплаша олмайсиз — Адлия вазирлиги
Адлия вазирлиги бугун эълон қилинган қонунга тушунтириш берди. Унда айтилишича, ҳайдовчилар телефонда фақат bluetooth, қулоқчин ва бошқа гарнитуралар орқали гаплаша олади, лекин телефоннинг ўзидан фойдалана олмайди.
Энг кўп чакана савдо Тошкент шаҳрида амалга оширилган
Республика ҳудудлари кесимида кичик тадбиркорлик субъектларининг энг кўп чакана савдо товар айланмаси ҳажми бўйича, жорий нархларда ялпи ички маҳсулоти ҳажми бўйича ва ташқи савдо айланмаси юқорилиги бўйича ҳам Тошкент шаҳри юқори ўринни эгаллаган. Товарлар экспорт-импорти бўйича энг паст кўрсаткич эса Сурхондарё вилоятига тўғри келган.
Қозоғистонда Нурсултон Назарбоев тасвирланган янги банкноталар муомалага чиқарилади
Қозоғистонда Миллий банк томонидан давлат мустақиллигининг 30 йиллиги муносабати билан Нурсултон Назарбоев сурати туширилган, номинал қиймати 20 минг тенге бўлган банкноталарни муомалага чиқаради. Шу билан бирга, 2015 йил намунасидаги номинал қиймати ушбу миқдорда бўлган тўлов воситалари ҳам қонуний бўлиб қолади. Пуллар декабрь ойининг биринчи ўн кунлигида муомалага чиқарилади.
Ўзбекистон банк тизими: умумий ҳолат ва истиқболлар
Марказий банк раиси ўринбосари Аброрхўжа Турдалиев Ўзбекистон банк тизими ҳолати ҳақида умумий маълумот бериб, уни ривожлантиришнинг истиқболли босқичларини маълум қилди. Унга кўра, долларлашув даражасини пасайтириш мақсадида Молия вазирлиги ҳузурида хедж-фонд ташкил этилмоқда, валюта кредитларини жалб қилишда эса «эҳтиёткорлик сиёсати» олиб борилади. 2025 йилда банк секторидаги ҳукумат улушини 40 фоизгача камайтириш режалаштирилган.
Автомобилнинг олд қисмига монитор ўрнатганлик учун жарима бекор қилинди
Транспорт воситаси салонининг олд қисмига монитор ўрнатганлик учун жавобгарлик бекор қилинди. Бироқ, ҳаракат вақтида улардан дастурларни томоша қилишда фойдаланиш тақиқланганича қолмоқда.
Долларнинг расмий курси яна пасайди
Долларнинг сўмга нисбатан расмий курси 12,49 сўмга пасайиб, 10 776,49 сўм этиб белгиланди. Шунингдек, евро курси ҳам пасайди, рубль курси эса кўтарилди.
Турин политехника университети талабаси ўлдирилган воқеа тафсилотлари очиқланди
Пойтахт ИИББ Турин политехника университетининг 18 ёшли талабаси ўлдирилишига оид воқеа тафсилотлари юзасидан маълумот берди. Воқеа аслида муассасанинг 1 курс талабалари ўртасидаги можарога аралашиш оқибатида келиб чиққани айтилмоқда. Талабанинг ўлими юзига тушган зарба ва бунинг оқибатида мияда қон қуйилиши сабаб бўлган. Гумонланувчи 10 йилгача озодликдан маҳрум этилиши мумкин.
Ўзбекистонда маданий мерос объектларини реставрация қилиш бўйича илк лаборатория ташкил этилди
Ўзбекистон маданияти тарихи давлат музейи қошида археологик топилмаларни ўрганиш ва тиклаш бўйича бўйича биринчи лаборатория ишга туширилди. Лойиҳа Корея Республикаси билан ҳамкорликда амалга оширилмоқда.
Apelsin иловаси туғилган куни муносабати билан aкция ўтказмоқда
Apelsin мобил иловаси икки ёшга тўлди ва бунинг муносабати билан акция бўлиб ўтмоқда. Акцияда бешта iPhone 13 смартфони ва бошқа қимматбаҳо совғалар ютиб олиш мумкин.
Янги йил байрамини оила даврасида нишонлаш тавсия этилди
Республика махсус комиссияси ўзбекистонликларга янги йил байрамини оила даврасида нишонлашни тавсия этди.
Германия, Буюк Британия, Италия, Миср ва бошқа давлатлардан келганлар карантинга жойлаштирилади
Республика махсус комиссияси қарори билан Бельгия, Буюк Британия, Германия, Исроил, Италия, Миср ва бошқа айрим давлатлардан Ўзбекистонга кириб келаётганлар ўн кун давомида мажбурий уй карантини ёки ўз ҳисобларидан меҳмонхонага карантинга жойлаштирилади. Хориж давлатларидан мамлакатга келувчиларнинг барчаси коронавирусга ПЗР тест натижаси манфий кўрсаткичга эга маълумотномага эга бўлиши лозим.
Ўзбекистон 10 та давлат билан халқаро авиақатновларни тўхтатди
Коронавируснинг янги «омикрон» штамми Ўзбекистонга кириб келишининг олдини олиш учун Жанубий Африка Республикаси, Ботсвана, Намибия, Зимбабве, Мозамбик, Мадагаскар, Лесото, Эсватини, Танзания ва Гонконг халқаро авиақатновлар тўхтатилди. Мазкур давлат фуқаролари ва сўнгги 2 ҳафта ичида ушбу давлатларда бўлганлар Ўзбекистон ҳудудига киритилмайди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг