Архив
Фарғонада интернет-нашр ходими ҳужумга учради
Фарғонада Effect.uz сайти оператори ҳужумга учраган. Маълумотга кўра, операторнинг кўзларига газ сепилиб, машинасининг ойналарини синдирилган, операторнинг видеокамераси олиб қочилган. Операторга ҳужум қилганлар ўзига тегишли бўлган ҳужжатларни воқеа жойида унутиб қолдиришгани айтилмоқда. Бош прокуратура терговолди текшириш ҳаракатлари олиб борилаётганлигини маълум қилди.
Қорақалпоғистонда Соғлиқни сақлаш вазири тайинланди
Атаджан Хамраев Қорақалпоғистон Республикасининг Соғлиқни сақлаш вазири этиб тайинланди. У ҳозирга қадар Жўқорғи кенгес раисининг ўринбосари сифатида фаолияти юритиб келаётган эди.
Бўстонлиқ туманида сел кузатилди
Тошкент вилояти Бўстонлиқ туманида кучли ёмғир ва сел келиши кузатилган. Натижада тумандаги бир нечта аҳоли хонадонларида сув тўпланган, тан жароҳати олганлар йўқ.
Сурхондарёда сел туфайли 900 нафар фуқаро эвакуация қилинди
13 май куни Сурхондарё вилояти Бойсун ва Олтинсой туманларида кучли ёмғир сабабли сел кузатилган. «Олтинсой» сойининг сув ҳажми сезиларли даражада ошганлиги сабабли, ушбу ҳудудда истиқомат қилаётган 900 нафар фуқаро хавфсиз ҳудудга вақтинча кўчирилган. Сел оқибатида жабрланган ва ҳалок бўлганлар тўғрисида маълумот келиб тушмаган.
Шавкат Мирзиёев прописка тўғрисидаги қонунни имзолади
«Доимий прописка» тушунчаси ўрнига «доимий яшаш жойи бўйича рўйхатга олиш» тушунчаси киритилди. Эр-хотиннинг никоҳдан кейин 1 йил давомида биргаликда яшаш шарти ва 1 йил ичида никоҳ бекор қилинганда прописка йўқотилиши ҳақидаги қоидалар бекор қилинди. Шу ва бошқа янги тартиблар президент томонидан имзоланган прописка тўғрисидаги янги қонунда.
Коронавирус беморларининг сони 2620 кишига етди
Коронавирус инфекцияси қайд этилганлар сони 8 нафарга ортиб, 2620 нафарни ташкил қилмоқда. Мамлакатда даволанаётган 533 нафар бемордан 11 нафари оғир аҳвол.
UzAuto Trailer «КАМАЗ» техникаларига акция эълон қилди
UzAuto Trailer компанияси 30 фоиздан 60 фоизгача бирламчи бадал билан муддатли тўловга «КАМАЗ» техникаларининг бутун ассортиментини таклиф қилмоқда.
Коронавирус аниқланган ҳудудлар ва кунлик COVID-19 ҳолати (13 май)
Ўзбекистонда тасдиқланган коронавирус ҳолатлари сони 2612 (+16) тага, соғайганлар эса 2076 нафарга етди. Коронавирус аниқланган ҳудудлар, коронавирус статистикаси, кунлик ҳолат.
Самарқанд учта чегарадош туман ҳисобига кенгайтирилади
Самарқанднинг турар жой фонди ва инфратузилмалари чеклангани сабабли шаҳарни учта чегарадош туман ҳисобига кенгайтириш режалаштирилмоқда. Президент иштирокидаги мажлисда Самарқанд ва Қашқадарё мисолида корхоналарни қайта тиклаш муҳокама қилинди.
Президент бизнес ва аҳолини қўллаб-қувватлаш бўйича янги чораларни эълон қилди
Кичик бизнес ва фермер хўжаликларига ижтимоий солиқ ставкасининг туширилиши, ер ва мол-мулк солиғидан озод қилиш, божхона тўловларини 120 кунгача кечиктириб тўлашга рухсат бериш, нафақа олувчилар сонини кўпайтириш, Тошкент шаҳрида аҳолига якка тартибда уй-жой қуриш ва таъмирлаш учун кредит бериш тажрибасини жорий этиш ва бошқа чоралар. Шавкат Мирзиёев тадбиркорларни ва аҳолини қўллаб-қувватлаш бўйича янги чораларни эълон қилди.
Пенсия ва ойликлар нақд пулда берилади
Аҳоли мурожаатларини ҳисобга олиб, иш ҳақи, нафақа ва пенсияларнинг, карантин қоидаларига тўлиқ амал қилган ҳолда, нақд пулда тарқатилиши белгиланди.
Коронавирусдан яна бир бемор вафот этди
Самарқандда коронавирус инфекциясига чалинган бемор ўткир нафас ва юрак қон -томир етишмовчилигидан вафот этди. Вафот этганлар сони 11 нафарга етди.
Самолёт ва поезд қатновлари қисман тикланади
Ўзбекистонда Тошкент билан Нукус, Урганч ва Термиз ўртасидаги авиақатновлар, шунингдек, айрим вилоятларда поездлар ҳаракатини қайта тиклаш режалаштирилмоқда. Хизмат кўрсатишга босқичма-босқич рухсат берилади. Шаҳарларда шахсий автомобилда ҳаракатланиш чекловларини олиб ташлаш масаласи ўрганилмоқда.
Ҳиндистон Ўзбекистонга коронавирусга қарши дори воситаларини тақдим этди
Ҳиндистон Ўзбекистонга коронавирусга қарши кураш учун дори воситалари, жумладан аввалроқ мамлакат ҳукумати сўраган гидроксихлорохин ҳапдориларини тақдим этди.
Яна 28 кишида коронавирус аниқланди (жами — 2596)
Ўзбекистонда яна 28 кишида коронавирус аниқланиб, жами ҳолатлар 2596 тага етди. Инфекция аниқланганларнинг барчаси хориждан келган ёки карантинга олинган фуқаролардир.
Хитой Ўзбекистонга навбатдаги инсонпарварлик ёрдамини жўнатди
Хитой Халқ Республикаси Ўзбекистонга жами 2,5 тоннага яқин 13 турдаги тиббиёт воситаларидан иборат навбатдаги инсонпарварлик ёрдамини жўнатди. Улар асосан юқумли касалликлардан ҳимояловчи тиббиёт ниқоблари, кўзойнаклар, махсус кийимлар, масофадан туриб тана ҳароратини ўлчовчи термометр, дезинфекцияловчи аппарат каби энг зарур буюм ва воситалардир.
Хоразмда 4 ёшли бола ЙТҲ оқибатида вафот этди
Хоразм вилояти Янгибозор туманида катта йўлга югуриб чиққан болани катта тезликда ҳаракатланаётган Matiz ҳайдовчиси уриб кетди. Бола тан жароҳатлари оғирлиги сабабли шифохонада вафот этган.
«Ўзбекнефтгаз» АИ-92 маркали бензин нархини 500 сўмга арзонлаштирди
UNG ёқилғи қуйиш шохобчаларида 15 май кунидан бошлаб Аи-92 маркали бензин нархи яна 500 сўмга арзонлаштирилди ва 5000 сўм қилиб белгиланади.
Бухоро вилоятида кучли шамол етказган зарар 141,6 млрд сўмни ташкил этмоқда
Бухоро вилоятида 27 апрель куни содир бўлган кучли шамол натижасида кўрилган зарар 141,6 миллиард сўмни ташкил этмоқда. Аҳоли турар жойлари ва ижтимоий соҳа объектларига етказилган зарарни бартараф этишда жами 32 530 нафар қурувчилар ва махсус техника жалб этилган. Вилоятда электр энергияси, табий газ ва ичимлик суви таъминоти тикланган.
34 кишига коронавирус юқтирган тиббиёт ходимига жиноий иш очилди
Самарқанд вилоятида тиббиёт ходими коронавирус инфекцияси белгиларини ҳис қилгани ҳолда, тиббий текширувдан ўтмасдан уй шароитида даволана бошлаганлиги аниқланган. У билан доимий мулоқотда бўлган турмуш ўртоғи ва бошқа қариндошлари, ўзи даволаган бемор ва ҳамкасбларидан 11 нафарига, улар орқали яна 23 нафар шахсга COVID-19 инфекцияси юқишига сабабчи бўлган. Тиббиёт ходимига нисбатан жиноий иш очилган.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг