Архив
ЖИДУ ва Вестминстер университетининг Тошкентдаги филиалига янги ректорлар тайинланди
Комилжон Каримов Жаҳон иқтисодиёти ва дипломатия университетига, Бахром Миркасимов эса Тошкент шаҳридаги Халқаро Вестминстер университетига ректор этиб тайинланди.
Кун давомида 599 та коронавирус ҳолати аниқланди
Соғлиқни сақлаш вазирлиги 17 сентябрь куни Ўзбекистонда 599 та янги коронавирус ҳолати қайд этилгани, вафот этган 6 кишидан бирининг ёш бола эканини маълум қилди.
Ҳисоб палатаси раиси ўринбосарлари тайинланди
Баҳодир Туробов Ҳисоб палатаси раисининг биринчи ўринбосари, бош прокурор ўринбосари бўлиб ишлаган Саидлазиз Саидкаримов эса раис ўринбосари этиб тайинланди.
Халқаро туризмни ташкил этишга нисбатан қўлланилган чекловлар бекор қилинди
Республика махсус комиссияси қарори билан ПЗР тест текшируви натижаси манфий бўлган туристлар 14 кунлик карантинга олинмайдиган бўлди.
Ўзбекистон 1 октябрдан чегараларини очади
1 октябрдан бошлаб Ўзбекистон карантин ва санитария-гигиена қоидаларига риоя қилган ҳолда ҳаво, темир йўл ва автомобил транспорти орқали мамлакатга кириш ва чиқишда чекловларни бекор қилмоқда.
Урганчда халқаро университет филиали ташкил этилди
Урганчда халқаро Binary (Малайзия) университети филиали ташкил этилди. Филиалда тадбиркорлик ва бошқарув, ижтимоий-иқтисодий ҳамда иқтисодиётнинг эҳтиёж юқори бўлган бошқа соҳалари бўйича малакали кадрлар тайёрланади.
Туркманистоннинг ECO-93 бензини илк бор Ўзбекистон биржасига қўйила бошланди
Туркманистонда ишлаб чиқарилган ECO-93 импорт бензини илк бор Ўзбекистон республика товар-хом ашё биржаси савдоларига қўйила бошланди. Бошланғич нархи 100 кг учун 600 минг сўмни ташкил этмоқда.
Жаҳон янгиликлари дайжести
Жаҳон иқтисодиётининг тикланиш муддатлари, Билл Гейтснинг коронавирусга қарши вакцина ҳақидаги изоҳи, «Яндекс.Деньги»дан ребрендинг ва бошқа янгиликлар — «Газета.uz»нинг жаҳон янгиликлари дайжестида.
Авиақатновлар орқали Ўзбекистонга кириб келган фуқаролар карантинни ўз уйида ўташади
Пандемия даврида «қизил», «сариқ» ҳудуд мамлакатларидан кириб келган йўловчилар COVID-19 аниқланмагани ҳақидаги тест натижасини кўрсатиши ва 14 кунлик мажбурий уй карантинига жойлашиши шарт қилиб қўйилди. «Яшил» ҳудуд мамлакатларидан келган йўловчиларга нисбатан карантин тартиблари қўлланилмайди (касаллик аломатлари кузатилган йўловчилар бундан мустасно).
Жиззахда вафот этган ўқувчи қизнинг ўлим сабаби ҳақида маълумот берилди
Жиззах вилоятида 9-синф ўқувчисининг дарс вақтида тўсатдан вафот этгани бўйича терговга қадар текширув бошланди. Дастлабки маълумотга кўра, қизнинг ўлимига ўткир нафас юрак-қон томир етишмовчилиги тез ва қисқа вақт ичида юзага келгани сабаб бўлган.
«Маълум бир миқдорда жарима тўлаш билан қутулиши етарли эмас» — сенатор артистлар ҳақида
Сенатор Бахтиёр Сайфуллаев тўй ўтказишда карантин қоидаларини бузган артистлар фақатгина жарима билан қутулиб кетмасликлари керак, деб ҳисоблайди. Маданият вазирлигига сенатор сўрови юборилди.
Ўзбекистонда август ойида кўпроқ Cobalt автомобили ишлаб чиқарилди
Ўзбекистонда август ойида 7301 дона, йил давомида эса 52202 дона Cobalt автомобили ишлаб чиқарилиб, ўтган йилнинг шу даврига нисбатан 144,9 фоизлик ўсиш қайд этилди.
Қандай ҳолатларда фуқароларни тасвирга тушириш ва ундан фойдаланиш мумкин: қоида ва истиснолар
Янги таҳрирдаги Фуқаролик кодексига фуқаронинг ўз тасвирига бўлган ҳуқуқини ҳимоя қилишга қаратилган алоҳида модда киритилиши кутилмоқда. Унга кўра, ҳар қандай фуқаронинг фото ёки видео тасвиридан фойдаланиш учун унинг розилиги керак бўлади. Ҳуқуқий сиёсат тадқиқот институти директори Аъзам Мадаминов фуқаро тасвиридан фойдаланишга розилик олиш талаб этилмайдиган истисно ҳолатлар бўйича изоҳ берди.
Хонанда ўз тўйида ниқоб тақмагани учун 1 млн сўм миқдорида жаримага тортилди
Tashkent City`да тўй қилган эстрада хонандаси Вохиджон Исоқов МЖТКнинг 54-моддасига биноан БҲМнинг 5 баравари миқдорида жаримага тортилди. Ушбу миқдор модданинг 1-қисми бўйича, яъни жамоат жойларида ниқобсиз бўлгани учун тайинланади. Пандемия бошланганидан бери Ўзбекистонда карантин қоидаларини бузгани учун 619 мингдан ортиқ фуқаро жавобгарликка тортилди.
«Биз Ўзбекистон учун таҳдид пайдо бўлишига йўл қўймаймиз» — «Толибон» идораси раҳбари
«Келгусида Афғонистон томонидан Ўзбекистон ёки Марказий Осиёдаги бошқа мамлакатларга хавф, таҳдид пайдо бўлишига йўл қўймаймиз», — дея маълум қилди «Толибон» ҳаракатининг Дохадаги сиёсий идораси раҳбари Мулла Абдул Ғани Барадар. Афғонлараро музокараларнинг навбатдаги раундларидан бирини Самарқандда ўтказиш таклиф қилинди.
Тошкентдаги иккита кафеда деярли бир вақтда ёнғин содир бўлди
17 сентябрь куни эрталаб Тошкентнинг Миробод ва Чилонзор туманларидаги иккита кафеда деярли бир вақтда ёнғин чиқди.
Тошкентда электр тармоғидан оммавий узилиш ҳолатларига изоҳ берилди
Ижтимоий тармоқларда Тошкентнинг кўплаб туманларида яшовчи аҳоли электр энергияси ўчирилганидан шикоят қилди. Қарздорлик учун тўлов амалга оширилишига қарамасдан, бир неча соат давомида тармоққа уланмаган. «Ҳудудий электр тармоқлари» компаниясининг «Газета.uz»га изоҳ беришича, бир вақтнинг ўзида оммавий ўчириш ва қайта улаш бўйича автоматлаштирилган тизимига юкланиш ортиши натижасида тизим қайта уланишни 4−5 соатга кечикиб амалга оширган.
Севишганлар бир-бирини пичоқлади, қиз шифохонада вафот этди
Наманганда 5 йилдан буён севишиб келаётган икки ёш ота-оналарини ўзаро турмуш қуришларига рози қилиш мақсадида бир-бирини пичоқлади. Қиз вафот этди, йигит шифохонада.
1 трлн сўмни нақдлаштириб, 30 млн долларни хорижга чиқарган жиноий гуруҳ фош этилди
1 трлн сўм маблағни нақдлаштирган, 30 млн долларни чет элга чиқариб юборган жиноий гуруҳ иши судга оширилди. Аниқланишича, жиноий гуруҳ 300 млрд сўмга яқин маблағни соҳта раҳбарларнинг ҳисобига туширган ва кейинчалик ушбу маблағлар шерик банкларда нақдлаштирилган. Ҳар битта операцияда ўртача 500−600 минг доллардан нақдлаштирилган.
ИИБ ходимлари калтаклаб ўлдирган фуқаронинг хотини айбланувчиларни озод қилишни сўради
Чироқчи туманида ИИБ ходимлари томонидан калтакланиши оқибатида вафот этган фуқаронинг турмуш ўртоғи судланувчиларни кечириб, суд залидан озод қилишни сўради. «Буларни 50 йилга қамасангиз ҳам эрим қайтиб келмайди», — деди марҳумнинг хотини. Суд жараёни давом этмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг