Архив
Антикоррупция агентлигига 2023 йилда энг кўп таълим соҳаси бўйича мурожаат келиб тушган
Коррупцияга қарши курашиш агентлигига 2023 йилда энг кўп таълим соҳаси ходимларининг хатти-ҳаракатлари ва соҳадаги қонун бузилиши ҳолатлари бўйича мурожаат келиб тушган. Шунингдек, суд қарорларидан норозилик ва тендер савдоларидаги бузилиши ҳолатлари бўйича ҳам кўп шикоятлар билдирилган.
Февралда қандай об-ҳаво бўлиши кутилмоқда?
Ўзбекистонда келаётган февраль ойи одатдагидан илиқроқ, бироқ ой боши нисбатан совуқ бўлади. Иккинчи беш кунликда ҳарорат кечаси 0…+5, кундузи +8…+13 даража, кейинчалик ой охиригача кечаси −12…+7, кундузи 0…+18 даража атрофида бўлади. Ёғингарчилик меъёрдан кам бўлиши кутилмоқда.
Қидирувдаги икки эркак Туркиядан Ўзбекистонга депортация қилинди
2018 ва 2022 йиллардан буён қидирувда бўлган икки эркак Туркиядан Ўзбекистонга депортация қилинди. Уларнинг бири кўп миқдордаги пулларни фирибгарлик йўли билан ўзлаштириш, иккинчиси ўзлаштириш ёки растрата йўли билан талон-торож қилишда айбланмоқда.
Сурхондарёда Nexia ағдарилиб кетиши оқибатида бир аёл вафот этди
Термиз туманида Nexia 3 юқори тезликда йўлдан чиқиб кетиб, ағдарилди. Ҳодиса оқибатида 2003 йилда туғилган аёл вафот этди, ҳайдовчи эса туман шифохонасига ётқизилди.
Қашқадарёда 20 дан ортиқ бута ва дарахтни ноқонуний кесган ҳоким ёрдамчиси жаримага тортилди
Яккабоғ туманида ҳоким ёрдамчиси 20 та наъматак бутаси ва 5 та олча дарахтини ноқонуний кесиши оқибатида табиатга 9 млн 350 минг сўм зарар етди. У жами 12,7 млн сўм товон тўлайдиган бўлди.
Қашқадарёда талаба қизни турмуш қуришга ундаб, босим ўтказган йигит 10 суткага қамалди
Шаҳрисабз шаҳрида 17 ёшли қизни турмуш қуришга ундаб, тазйиқ ва руҳий босим ўтказган йигит 10 суткага қамалди. Аввалроқ қизга ҳимоя ордери берилганди.
«Ўрмонқурилиш» ва Қишлоқ хўжалиги вазирлиги ҳузуридаги марказ ходимлари қўлга олинди
Бош прокуратура Ўрмон хўжалиги агентлиги ҳузуридаги «Ўрмонқурилиш» ДУК ҳамда Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази мансабдор шахслари ҳибсга олингани ҳақида хабар берди. Улар пора олганликда гумон қилинмоқда.
Ўзбекистон Хитойдан тез ёрдам учун 150 млн долларга электромобиль сотиб олади
ССВ Хитойнинг Henan Costar Group компанияси билан тез тиббий ёрдам электромобиллари харид қилиш ва уларни модификациялаш заводини қуриш бўйича 150 млн долларлик шартнома имзолади. China CAMC Engineering поликлиникалар қуриши мумкин, Snibe Diagnostic эса диагностика ускуналари билан таъминлайди.
«Шунча ходим бор, лекин қани натижа?» Президент Ачилбай Раматов комплексини танқид қилди
Бош вазир ўринбосари Ачилбай Раматов комплексига 3 та вазирлик ва идора, 3 та инспекция, 5 та корхона, 11 раҳбар, 41 ўринбосар, 12 минг бошқарув ходими ва 224 нафар ҳоким ўринбосари киради. «Одамларимиз энг кўп норози бўлган соҳа Раматовнинг комплекси», — деди президент.
Ўзбекистонда цемент заводлари қурилишига мораторий эълон қилинади — экология вазири
Ўзбекистонда цемент заводлари қурилишига тақиқ қўйилиши режалаштирилмоқда, деди экология вазири Азиз Абдуҳакимов. Унга кўра, қурилган 47 та заводдан 23 таси фаолиятини тўхтатган. Ўрганишларга кўра, 25 та цемент ишлаб чиқарувчи корхонанинг 90 фоизи экологик талабларни бузаётгани маълум бўлган.
«Марказий Осиё Европа ва Осиё ўртасидаги тамал тошидир» — Жозеп Боррель
Европа дипломатияси раҳбари Жозеп Боррель Марказий Осиё-Европа Иттифоқи Инвесторлар форумида «ўтмишдаги қарамликни енгиб ўтиш ҳамда энергия ва таъминот занжирларида муқобил вариантларни топиш учун» минтақалар ўртасидаги амалий алоқаларга кўпроқ сармоя киритиш кераклигини айтди.
30 январь куни эълон қилинган энг муҳим янгиликлар дайжести
Коррупция рейтингидаги ўрнини яхшилаган Ўзбекистон, янги ташкил этилаётган Ипотекани қўллаб-қувватлаш жамғармаси, Осиё Кубоги чорак финалига чиққан миллий терма жамоа, 10 йилга қамалган Имрон Хон ва бошқалар — «Газета.uz»нинг кунлик дайжестида.
Chery 2023 йилда ўндан ортиқ мукофотни қўлга киритди
2023 йилда ўндан ортиқ мукофотни қўлга киритган Chery компанияси эътиборини автомобиль эгаларнинг талабларига ва барқарор саноат тенденцияларига қаратишда давом этмоқда.
Осиё Кубоги-2023: Ўзбекистон Таиландни енгиб, чорак финалга чиқди
Осиё кубогининг нимчорак финал баҳсларида Ўзбекистон футболчилари Таиландни енгиб, ¼ финал босқичига йўл олди (видео, фото). Улар чорак финалда Қатар терма жамоасига қарши ўйнайди.
Ўзбекистондаги 12 та автолизинг корхонаси мансабдорларига нисбатан жиноий иш қўзғатилди
Ўзбекистонда фаолият юритиб келган 12 та автолизинг корхонаси мансабдор шахсларига нисбатан ҳуқуқни муҳофаза қилиш органлари томонидан жиноят ишлари қўзғатилган. Рақобат қўмитаси фуқароларни бундай фирмалар алдовига ишониб қолмасликка чақирди.
Давлат сирларини ошкор қилишда айбланган Покистон собиқ бош вазири Имрон Хон 10 йилга қамалди
Покистон собиқ бош вазири Имрон Хон давлат сирларини ошкор қилганликда айбланиб, 10 йиллик қамоқ жазосига ҳукм қилинди. Бу сиёсатчига олти ой ичида чиқарилган иккинчи ҳукм саналади: ўтган ёзда суд уни коррупцияда айбдор деб топганди.
Тошкентда пиёдани уриб юбориб, унинг ўлимига сабабчи бўлган ҳайдовчи 2 йилга қамалди
Суд сентябрь ойида Тошкентда тартибга солинмаган пиёдалар ўтиш жойидан ўтаётган кекса йўловчини катта тезликда уриб юборган Captiva ҳайдовчисига нисбатан 2 йилга озодликдан маҳрум қилиш жазоси тайинлади. Ҳайдовчи ўтиш жойи олдида бошқа машиналар турган бўлса-да, тўхтамай ўтиб кетганди.
«Тошкентда янги квартиралар нархи кв. м учун 25 млн сўмга етяпти». Президент — қурувчилар учун қиммат кредитлар ҳақида
Тошкентда янги квартиралар нархи 1 кв. метрга 25 млн сўмга етди ва кадастри йўқ уйга ипотека берилмайди, — деди Шавкат Мирзиёев. Президент Ипотекани қўллаб-қувватлаш жамғармасини ташкил этиш ва аҳолининг уй-жой қурилишида улушдор сифатида иштирокини тартибга солиш бўйича топшириқ берди.
«Дунё» ахборот агентлигига раҳбар тайинланди
Омонулла Файзиев Ташқи ишлар вазирлигининг «Дунё» ахборот агентлигига раҳбар этиб тайинланди.
Ўзбекистон Transparency International ташкилотининг коррупцияни қабул қилиш индексида беш поғонага кўтарилди
Ўзбекистон Transparency International ташкилотининг коррупцияни қабул қилиш индексида 180 мамлакат ичида 121-ўринни эгаллади. Йил давомида мамлакат беш поғонага кўтарилди. Ташкилот экспертлари коррупцияга қарши янада самарали курашиш учун «кенг қамровли ислоҳотлар» зарурлигини таъкидлади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг