Архив
Евроиттифоқ Россияга қарши 14-санкция пакети бўйича келишиб олди
Европа Иттифоқи Россияга қарши 14-санкция пакети юзасидан келишиб олди. Янги чекловлар Россия энергетика секторига таъсир қилади ҳамда учинчи мамлакатлар, жумладан, Хитой, Туркия ва Ҳиндистондаги ўнлаб компаниялар билан савдони чеклайди.
Ўзбекистон таэквондо терма жамоаси Олимпиадада илк бор 5 спортчи билан қатнашади
Ўзбекистонлик таэквондочилар Париждаги Олимпиада ўйинларида 5 киши бўлиб қатнашади — Никита Рафалович сўнгги йўлланмага эга чиқди. Бу ХОҚнинг нейтрал мақомдаги россиялик спортчилар рўйхатида таэквондочилар қайд этилмагани билан боғлиқ. Шу вақтгача Ўзбекистонда 4 дан ортиқ йўлланма бўлмаган.
Ўзбекистон терма жамоаси ФИФА рейтингида 62-ўринга чиқди
Футбол бўйича Ўзбекистон миллий терма жамоаси ФИФА рейтингида 2 поғона юқорилаб, 62-ўринни эгаллади. Осиёда эса ҳамон 8-ўринда.
Тошкентда 20 ёшли йигит Бўрижар каналида чўкиб вафот этди
Жаҳон тиллари университетининг 20 ёшли талабаси Бўрижар каналида чўкиб вафот этди. У курсдошлари билан чўмилмоқчи бўлган, бироқ сув оқими тезлиги ҳамда совуқ бўлгани оқибатида оқиб кетган.
Япония Қашқадарёдаги тиббиёт ташкилотларига 195 минг долларлик жиҳозларни топширди
Япония ҳукумати дастури доирасида Қашқадарё вилоятидаги тиббиёт ташкилотларига 195 минг долларлик тиббиёт жиҳозлари топширилди. Кўз жарроҳлиги учун факоэмулсификатор, ультратовуш диагностик ускунаси, видеоэндоскоп, жарроҳлик аспиратори шулар жумласидан.
Чирчиқ дарёсида ҳушсиз ҳолда оқиб кетаётган эркак қутқарилди
ФВВ ходимлари пойтахтнинг Янгиҳаёт туманидан ўтган Чирчиқ дарёсида ҳушсиз ҳолда оқиб кетаётган эркакни қутқарди. У балиқ овига боргач, сувга тушиб кетган оёқ кийимини олмоқчи бўлган ва мувозанатни йўқотиб, ўзи ҳам оқиб кетган.
Тошкент вилоятида чегарадан салкам 2 млрд сўмлик заргарлик буюмларини олиб ўтмоқчи бўлганлар ушланди
Тошкент вилояти божхоначилари томонидан чегарада умумий қиймати салкам 2 млрд сўмлик 1696 грамм заргарлик буюмларини ноқонуний равишда олиб ўтмоқчи бўлган икки шахс ушланди.
АҚШдаги юз минглаб ҳужжатсиз иммигрантлар мамлакат фуқаролигига қабул қилиниши кутилмоқда
АҚШ фуқаролари билан оила қурган ҳамда мамлакатда камида 10 йил яшаган ноқонуний иммигрантлар мамлакат фуқаролигини олиш учун ариза топшириши мумкин. Янги дастур 500 мингдан ортиқ кишини қамраб олиши кутилмоқда.
Айни вақтда Ўзбекистонда ноткоин билан қонуний савдо қилиш имконсиз — ИЛМА
Истиқболли лойиҳалар миллий агентлиги Ўзбекистонда айни вақтда ноткоин криптоактиви билан қонуний тарзда савдо қилиш имконияти йўқлигини маълум қилди. Агентлик лицензияга эга хизмат провайдерларига ўз савдо саватларига янги чиққан, оммалашаётган криптоактивларни ҳам қўшиш бўйича таклиф берган.
Давлат мулкини ижарага бериш тартибини бузганлар жаримага тортилади
Энди давлат мулкини ижарага бериш бўйича қонунчиликни бузганлик учун жарима белгиланди. Ижарага бериш шартномасини бузган мансабдор шахслар 3,4 млн сўмгача жарима тўлайди. Ҳолат бир йил ичида яна такрорланса, жарима суммаси 5,1 млн сўмгача ошади.
Nvidia дунёдаги энг қиммат компанияга айланди
Nvidia Microsoft ва Apple`ни ортда қолдириб, дунёдаги энг қиммат компанияга айланди. Унинг бозор қиймати рекорд даража — 3,335 трлн долларгача кўтарилди. Nvidia қийматининг тез ўсиши инвесторларнинг сунъий интеллект технологиялари ривожланиши бўйича оптимизми билан боғлиқлиги айтилмоқда.
Тошкент вилояти тоғларида адашиб қолган 4 нафар фуқаро қутқарилди
Тошкент вилояти Фавқулодда вазиятлар бошқармаси қутқарувчилари Бўстонлиқ туманидаги тоғларда адашиб қолган тўрт нафар фуқарони пастга туширишга ёрдам берди.
Тошкентда юзини аниқлаб бўлмас даражада ёпиб юрган йигит ушланди
Тошкентдаги «Чорсу» бозори олдида қора рўмол кийган, шахсини идентификация қилиш имконини бермайдиган даражада юзини тўсиб юрган 22 ёшли йигит ушланди. Унга нисбатан маъмурий ҳуқуқбузарлик расмийлаштирилди.
UzAuto Motors 21 июнь куни Cobalt учун контрактацияни очади
UzAuto Motors 21 июнь куни соат 10:00 да 25 минг дона Cobalt учун контрактацияни очади. Компания шартномалар бўйича тўлов 7 календарь кунида амалга оширилиши лозимлигини эслатиб ўтди.
Ўзбекистоннинг саккизта вилоятида сел келиши хавфи эълон қилинди
Ўзбекистоннинг 8 та вилоятидаги тоғли жойларда 20−24 июнь кунлари сел-сув тошқини ҳодисалари юзага келиши мумкин. Шунингдек, ёмғир сувлари тўпланиши оқибатида ҳудудларни сув босиши эҳтимоли бор.
Мирзо Улуғбек туманининг бир қисми электр таъминотидан вақтинча узилади
Тошкент шаҳрининг Мирзо Улуғбек туманидаги саккизта маҳалла пайшанба куни соат 9:00 дан 17:00 гача электр таъминотисиз қолади.
19 июнь куни эълон қилинган энг муҳим янгиликлар дайжести
Педагоглар малакаси ва маошини ошириш бўйича таклифлар, Россияга киришда қийинчиликка учраётган ўзбекистонликлар, Ҳаж вақтида вафот этган зиёратчилар, Ўзбекистон орқали афғонларни депортация қилмоқчи бўлаётган Германия ва бошқалар — «Газета.uz»нинг кунлик дайжестида.
Тошкент вилоятида эркак беш ёшли қизчага тегажоғлик қилди
Nemolchi.uz лойиҳасига мурожаат қилган аёл қўшниси беш ёшли қизига нисбатан уятсиз ҳаракатлар қилгани, аммо профилактика инспектори унинг аризасини қабул қилмаганини айтди. БП эркакка нисбатан жиноят иши қўзғатилгани ва ходимнинг хатти-ҳаракатлари устидан ички текширув ўтказилишини маълум қилди.
Ўзбекистоннинг тез ривожланаётган 38 та туманида уй-жой, ижтимоий объектлар ва истироҳат боғлари етарли эмас
Ўзбекистоннинг тез ривожланаётган 38 та туманида етарли миқдорда уй-жой, ижтимоий муассасалар, истироҳат боғлари қуриш зарур. Президент 14 та туман ва шаҳар бош режалари тақдимотида буни алоҳида таъкидлади. Давлат раҳбари қулай инфратузилма яратишни жадаллаштириш зарурлигини таъкидлади.
Ўзбекистонда заргарлик саноати ускуналарига божхона божи ва ҚҚСнинг ноль ставкаси белгиланиши мумкин
Президентга Ўзбекистон заргарлик саноатини ривожлантириш, жумладан, ҳунармандлар учун имтиёзларни ЯТТларга ҳам қўллаш, асбоб-ускуналар учун божхона божини ноль қийматда белгилаш, шунингдек, заргарлик буюмларини АҚШга GSP тизими асосида экспорт қилиш бўйича таклифлар тақдим этилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг