Архив
Тошкент марказидаги «Шарқ» ва ЎзА бинолари сотувга қўйилади
«Шарқ» нашриёт-матбаа ижодий уйи ва ЎзА кўчирилади, уларнинг Тошкент марказидаги 1975−1979 йилларда қурилган бинолари сотувга қўйилади. Бу ерда «замонавий шаҳарсозлик талабларига жавоб берадиган ягона мулкий мажмуа»ни яратиш режалаштирилмоқда.
20 сентябрь куни Ўзбекистонда содир бўлган энг муҳим воқеалар дайжести
ЖСТга аъзо бўлиш ҳақида гапирган Шавкат Мирзиёев, президентнинг БМТ Бош ассамблеясидаги нутқи, Тошкентда гул экишга 12 млрд сўм пул, болаларни йод билан таъминлаш дастури бошлангани, Озарбайжоннинг ҳудудий яхлитлиги ҳақида сўзлаган Cодиқ Сафоев ва бошқалар — «Газета.uz»нинг кун дайжестида.
Ўсиш 7,2 баробарми? Газ импорти бўйича Статистика агентлиги ва Иқтисодиёт вазирлиги маълумотлари фарқ қилмоқда
Иқтисодиёт вазирлиги олти ойда 2,6 млрд куб метр — 2022 йилнинг шу даврига нисбатан 7,2 баробар кўп газ импорт қилганини билдирди. Бу Статистика агентлиги маълумотларидан фарқ қилади ва МБ раҳбарининг газ импорти туфайли бюджет тақчиллиги ошгани ҳақидаги сўзларига қисман ойдинлик киритиши мумкин.
Назарбоевнинг жияни устидан январдаги намойишлар бўйича жиноий иш очилди
Қозоғистон Бош прокуратураси собиқ президент Назарбоевнинг жияни, Миллий хавфсизлик қўмитаси раҳбарининг собиқ биринчи ўринбосари Самат Абишга нисбатан тергов бошлади. У 2022 йил январида бўлиб ўтган норозилик намойишлари чоғида мансаб ваколатини суиистеъмол қилганликда гумонланмоқда.
Ўзбекистон футзал миллий терма жамоасини энди испаниялик мутахассис бошқаради
Испаниялик Хосе Венансио Лопес Ўзбекистон футзал миллий терма жамоаси бош мураббийи бўлди. У жамоани 2024 йил Ўзбекистонда ўтадиган Жаҳон чемпионатига тайёрлайди. Мутахассис жамоа билан машғулотларни Осиё кубоги саралаш босқичидан сўнг бошлайди.
Тез ёрдам хизматининг 4 та филиалига 100 та Volkswagen Caddy топширилди
Республика тез тиббий ёрдам марказининг Қорақалпоғистон, Тошкент, Сурхондарё ва Сирдарё ҳудудларидаги филиалларига 100 та Volkswagen Caddy тез тиббий ёрдам машинаси етказиб берилди. Йил якунигача яна 500 дан ортиқ машина етказилади.
Бухорода ўзгаларнинг номига кредит расмийлаштириб, уни ўзлаштирган ҳоким ёрдамчиси аниқланди
Бухорода ҳоким ёрдамчиси маҳаллада яшамайдиган шахслар номига 163 млн сўм кредит расмийлаштириб, уларни ўзлаштиргани айтилмоқда. Унга нисбатан жиноий иш қўзғатилди.
Ўзбекистонда болаларни йод билан таъминлаш дастури бошланди
20 сентябрдан барча мактаб ва болалар боғчаларида йод билан таъминлаш дастури бошланди. Энди чоршанба кунлари болаларни йод етишмовчилигидан ҳимоя қилиш учун уларга профилактик дозада йод таблеткалари ичирилади. Ҳомиладор ва эмизикли аёлларга йод препаратлари оилавий шифокорлар томонидан берилади.
Қорабоғда ўт очишни тўхтатиш бўйича келишувга эришилди
Тан олинмаган Тоғли Қорабоғ республикаси расмийлари ўт очишни тўхтатиш бўйича келишувга эришилганини маълум қилди. Унга кўра, тан олинмаган республика армияси қуролсизлантирилади. Озарбайжон вакиллари билан ҳудуддаги арманларнинг реинтеграцияси юзасидан музокара ўтказилади.
«Лукойл» йил бошидан буён Ўзбекистонга МТБ бўйича 103,1 миллион доллар тўлаган
Йилнинг биринчи ярмида Россиянинг «Лукойл» компанияси газ қазиб олиш бўйича маҳсулот тақсимлаш битимига биноан Ўзбекистонга 103,1 миллион доллар тўлади, деб хабар қилди Иқтисодиёт ва молия вазирлиги. Бошқа МТБ лойиҳалари учун маълумотлар берилмаган.
Озарбайжоннинг ҳудудий яхлитлигини тиклаш борасидаги қатъиятини олқишлаймиз — Cодиқ Сафоев
Сенат раисининг биринчи ўринбосари Содиқ Сафоев Ўзбекистон Озарбайжоннинг ҳудудий яхлитлигини тиклаш борасидаги қатъиятини олқишлашини таъкидлади. «Ишончим комилки, Озарбайжон яқинда Қорабоғни дунёнинг энг жаннатмакон ҳудудларидан бирига айлантиради», — деди у.
Ўзбекистондаги Турон чўллари трансчегаравий табиат объекти ЮНЕСКО Бутунжаҳон табиий мероси рўйхатига киритилди
Ўзбекистон ҳудудларидан ўтувчи «Мўътадил минтақадаги Турон чўллари» трансчегаравий табиат объекти ЮНЕСКО Бутунжаҳон табиий мероси рўйхатига киритилди. У Оролбўйи минтақаси ва Устюрт платоси ҳудудларида жойлашган 2 млн гектардан ортиқ ҳудудни эгаллайди.
Тошкент шаҳри кенгаши гул экиш учун 12 млрд сўм ажратишни маъқуллади
Тошкент шаҳри кенгаши депутатлари пойтахтда мавсумий гул экиш учун 12 миллиард сўм ажратиш тўғрисидаги қарорни маъқуллади.
БМТ «Ўзбекистон-2030» стратегиясини қўллаб-қувватлашга тайёр — Антониу Гутерриш
БМТ ва унинг институтлари «Ўзбекистон-2030» ислоҳотлар стратегиясини амалга оширишда ёрдам кўрсатишга тайёр, деди ташкилот раҳбари Антониу Гутерриш Шавкат Мирзиёев билан учрашувда.
«Вести.uz» Ўзбекистонда Россия мактаблари қурилишига қарши фикр билдирганларни русофобияда айблади
Россия манфаатларини ёритувчи «Вести.uz» сайти Ўзбекистонда РФ томонидан мактаблар қурилиши ҳақидаги таклифни савол остига олган тармоқ фаолларини «Ғарб элчихоналарига сотилган блогерлар» деб атади. Сайтнинг ёзишича, Россия мактабларида «Украинани нацизмдан тозалаш ҳақидаги ҳақиқат» ўргатилади.
ИҲРТ 2023 йилда глобал иқтисодий ўсиш секинлашишини кутмоқда
Иқтисодий ҳамкорлик ва ривожланиш ташкилоти прогнозига кўра, 2023 йилда глобал иқтисодий ўсиш ўртачадан паст даражада — 3 фоиз бўлиб қолади. Экспертлар аксарият мамлакатларда инфляция марказий банклар мақсадли кўрсаткичларидан юқори бўлишда давом этишини кутмоқда.
UZINFOCOM Ўзбекистонда биринчи бўлиб K-root серверини ишга туширди
UZINFOCOM ягона интегратори K-root DNS серверини ишга туширди. Ўзбекистонда илдиз серверни жойлаштириш веб-ресурсларга кириш жараёнини тезлаштириши ва хорижий серверларга тобеликни камайтириши айтилмоқда.
«Биз биргаликда кучлироқмиз». Марказий Осиё давлатлари ва АҚШ президентлари биринчи саммитда нималарни муҳокама қилди?
Нью-Йоркда Марказий Осиё давлатлари ва АҚШ раҳбарларининг «C5+1» форматидаги 1-саммити бўлиб ўтди. Музокараларда терроризмга қарши кураш, минтақавий иқтисодий алоқалар ва энергия хавфсизлиги масалаларига эътибор қаратилди. АҚШ «C5+1» доирасида янги платформалар яратишни таклиф қилди. Тафсилотлар.
ОТБ ва ФТА Ўзбекистонда электр энергиясини тақсимлаш тизимини рақамлаштириш учун 275 млн доллар ажратди
Осиё тараққиёт банки Ўзбекистондаги 26 та электр тақсимлаш подстанциясини рақамлаштириш учун 200 миллион доллар, Франция тараққиёт агентлиги эса 70 миллион евро ажратди. Бу экстремал об-ҳаво ҳодисалари пайтида минтақавий электр энергияси узилишларининг олдини олишга ёрдам бериши кутилмоқда.
Кореяда ўзбекистонлик эркак ёнғин ичида қолган аёлни қутқарди
Жанубий Кореянинг Янгсан шаҳрида 40 ёшли ўзбекистонлик эркак кучли ёнғин ичида қолган кореялик аёлни қутқариб қолди. Аёл 2-даражали куйиш жароҳати билан шифохонага ётқизилган, эркакка воқеа жойида биринчи тез тиббий ёрдам кўрсатилган.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг