Архив
Шавкат Мирзиёев ХВФ раҳбари билан ислоҳотлар бўйича ҳамкорликни муҳокама қилди
Нью-Йоркдаги учрашувда Ўзбекистон президенти ва ХВФ раҳбари Кристалина Георгиева фонднинг молия соҳаси барқарорлигини комплекс таҳлил қилиш, иқтисодий сиёсатни такомиллаштиришга ҳисса қўшиш ва мутахассислар салоҳиятини ошириш дастурини амалга оширишдаги иштирокини муҳокама қилди.
Ўзбекистонда букмекерлик хизматларини тарғиб қилувчи 27 та сайт блокланди
Рақобатни ривожлантириш қўмитаси Ўзбекистонда букмекерлик хизматларини тарғиб қилувчи 27 та сайт блокланганини маълум қилди. ИИОга эстрада юлдузлари, спортчилар ва блогерлар томонидан тотализаторлар хизматларини реклама қилиш ҳолатлари бўйича 11 та хат ҳам киритилган.
Андижонда 3 туп чинорни кесганларнинг озодлиги 2 йилга чекланди
Избоскан туманида 2 фуқаро «хонадонига хавф туғдираётгани ва қурилиш ишларига халал бергани учун» 3 туп ғарб чинори дарахтини кесганди. Суд уларга 131,4 млн сўмлик зарарни қоплаш билан бирга 2 йил муддатга озодликни чеклаш жазосини тайинлади.
UzAuto Motors 4 та модель учун контрактацияни 3 соат ичида ёпди. Бу оралиқда 28 000 та шартнома тузилди
UzAuto Motors 18 сентябрь куни Cobalt, Lacetti, Damas va Labo учун контрактацияни очди. Орадан 3 соат ўтиб, компания автомобилларининг қўшимча партияси учун тўлиқ шартнома тузилгани, 28 000 дан ортиқ шартнома имзоланганини хабар қилди.
МБ раиси — тўлов хизматлари учун халқаро пул ўтказмалари чеклангани сабаблари ҳақида
Тўлов тизимлари мижозлар номидан конвертация билан боғлиқ операцияларни амалга ошириб, буни экспорт тушуми сифатида кўрсата бошлади, деди Марказий банк раиси. Улар, шунингдек, пулни жўнатувчи ва олувчилар ким эканини аниқлаштирмади, шу сабабли чекловлар киритиш керак бўлди, дея қайд этди у.
Фарғонада тўй кортежи уюштирган 16 нафар йигит 15 суткага қамалди
Ёзёвон туманида тўй кортежи уюштириб, жамоат жойида юриш-туриш қоидаларини бузган 16 нафар йигит 15 суткага қамалди.
ОЧЛ: «ОКМК»да мағлубият, «Навбаҳор»да дуранг, «Насаф»да эса ғалаба
Душанба куни Ўзбекистоннинг 3 та клуби Осиё Чемпионлар лигасида ўз иштирокини бошлади. Илк турда «ОКМК» «Ал-Иттиҳод»га 3:0 ҳисобида имкониятни бой берган бўлса, «Насаф» «Ал-Файсалий»ни минимал ҳисобда ютди. «Навбаҳор» эса Неймар бошчилигидаги «Ал-Ҳилол» билан дуранг ўйнади.
Президент АҚШ бизнесини Ўзбекистонда кенгайтириш режаларини муҳокама қилди
Шавкат Мирзиёев Нью-Йоркда АҚШ-Ўзбекистон савдо палатаси раиси Кэролин Лэмм ва GE Healthcare, Oppenheimer, Cerberus, CNH ва Cintana каби қатор йирик корпорациялар раҳбарлари билан учрашди. АҚШ бизнесининг Ўзбекистонда фаолиятини кенгайтириш бўйича «аниқ режалар» муҳокама қилинди.
Оилавий тадбиркорлик бўйича кредитлар МБ асосий ставкасидан 4 фоиз банд юқори ставкада ажратилади
Президент қарори билан 2024 йилдан оилавий тадбиркорликни ривожлантириш дастурлари бўйича кредитлар Марказий банк асосий ставкасидан 4 фоиз пункт юқори ставкада ажратилиши белгиланди. Ҳозирда бундай кредитлар асосий ставка даражасида ажратиб келинмоқда.
«Сизларни Ўзбекистонда кутиб қоламиз». Мирзиёев АҚШдаги ўзбекистонликлар билан учрашди (фото)
АҚШга борган Шавкат Мирзиёев у ердаги бир гуруҳ ватандошлар ҳамда «Эл-юрт умиди» стипендиатлари билан учрашди. Унда хорижда ўзбек тили курсларини очишга кўмаклашиш, ватандошлар Ўзбекистоннинг тарихий шаҳарларини зиёрат қилиши учун махсус туризм хизматларини ишлаб чиқиш режалаштирилгани айтилди.
Фарғонада тиланчилик қилаётган болали аёлни тепган ППХ ходими ишдан олинди
Фарғона шаҳрида фарзанди билан тиланчилик қилаётган аёлни тепиб, машинага ўтиришга мажбурлаган ППХ ходими ишдан бўшатилди. Вилоят ИИБ аёл «фаол қаршилик кўрсатиб, қўлидаги боласини ерга ташлаб юбормоқчи бўлган»ини билдирди.
Air Products (АҚШ) Ўзбекистондаги лойиҳаларга 10 млрд доллар сармоя киритади
АҚШнинг Air Products компанияси Ўзбекистонда умумий қиймати 10 млрд доллардан ортиқ янги инвестиция дастурини амалга оширади. Келишув Шавкат Мирзиёев ва компания раҳбари Сейфи Гасеми ўртасидаги музокаралар чоғида имзоланди. Президент уни орден билан тақдирлади.
Ўзбекистонда Америка технология университетини очиш режалаштирилмоқда
Ўзбекистонда Америка технология университети очилиши режалаштирилмоқда. Уни ташкил этиш масалалари Нью-Йоркда президент Шавкат Мирзиёев ва Cintana таълим компанияси асосчиси Дуглас Беккер томонидан муҳокама қилинди.
Ўзбекистон ва Еврокенгаш президентлари кўп қиррали ҳамкорликни ривожлантириш масалаларини муҳокама қилди
Ўзбекистон президенти Нью-Йоркда Европа кенгаши раҳбари Шарль Мишель билан Кенгайтирилган шериклик ва ҳамкорлик тўғрисидаги битимни қабул қилишни тезлаштириш, савдо ва сармоя ҳажмини ошириш, Афғонистондаги вазиятни муҳокама қилди.
«Нотўғри талқин қилинмоқда». Бош вазир матбуот котиби — РФнинг Ўзбекистонда мактаб қуриш таклифи ҳақида
Бош вазир матбуот котиби Бекзод Ҳидоятов Россиянинг Ўзбекистонда мактаб қуриш таклифи интернетда нотўғри талқин қилинаётганини билдирди. Унинг айтишича, давлатлар бир-бирининг ҳудудида мактаб қуриши жаҳон тажрибасида бор ва шундай мактаб қурилса ҳам, унинг дастури ҳар томонлама ўрганиб чиқилади.
Washington Post: 2050 йилга бориб дунё аҳолисининг ярмидан кўпи аномал жазирама билан тўқнаш келади
2050 йилга бориб 5 млрд дан ортиқ одам ҳар йили камида бир ой хавфли жазирама таъсиридан азият чекади, дейилади Washington Post ва CarbonPlan таҳлилида. Ўзбекистонда энг аномал иссиқ кунлар Термизда кузатилиши кутилмоқда — 47 кун. Тошкентда бу муддат 7 кунни ташкил этади.
Ўзбекистон ва РФ ўртасида ядро тиббиёти ва кадастр баҳолаш тизимини яратишга кўмаклашиш бўйича келишувлар имзоланди
Ўзбекистон ва Россия ҳукуматлари ўртасида ядро тиббиёти соҳасида стратегик шериклик, 2023−2024 йилларда кадастр баҳолаш тизимини яратишда Ўзбекистон томонига текин техник ёрдам кўрсатиш, РФга пахта ип-калавасини етказиб бериш тўғрисидаги ҳужжатлар имзоланди.
Россия Ўзбекистонда бир нечта мактаб қуришни таклиф қилди
РФ бош вазири Михаил Мишустин Россия ўзбек томони манфаатдор бўлса, Ўзбекистонда Россия дастурлари бўйича рус тилида таълим бериладиган бир нечта мактаблар қуришга тайёрлигини маълум қилди.
18 сентябрь куни Ўзбекистонда содир бўлган энг муҳим воқеалар дайжести
Гулнора Каримованинг қайтарилган активлари чақалоқлар ўлимини камайтиришга сарфланиши, метан «заправка»да нархлар чекланиши ҳақида гапирган энергетика вазири, Фарғонада болали аёлни тепган ППХ ходими, валюта чиқиб кетишидан хавотирланаётган Марказий банк ва бошқалар — «Газета.uz»нинг кун дайжестида.
«Инсоф билан ишлашлари учун». Ўзбекистон энергетика вазири — метан «заправка»ларда нархлар чекланиши ҳақида
Ўзбекистонда тарифлар ошганидан сўнг газ қуйиш шохобчаларидаги нархлар 3250 сўмгача чекланган тақдирда ҳам АГТКШлар киритган сармоясини қайтара олади, дея маълум қилди энергетика вазири. Тадбиркорлардан бири бу нарх билан ишлай олмаслиги мумкинлигини айтди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг