Кейинги йил охиригача my.gov.uz порталидаги рақамли хизматлар сони 700 тага ошади, уларнинг камида 75 фоизи мобил илова орқали кўрсатилади. Шунингдек, яшил ҳудудлар, пойтахтдаги жамоат транспорти ҳаракати кабилар ҳақида маълумот берувчи порталлар ишга тушади.
Ўзбекистон президенти Нью-Йоркда Жаҳон савдо ташкилоти бош директори билан учрашиб, ташкилотга аъзо бўлиш бўйича ишларни муҳокама қилди. Унда ишчи гуруҳ йиғилишига тайёргарликни тезлаштириш, мутахассислар малакасини ошириш ва қонунчиликни ЖСТ талабларига уйғунлаштириш юзасидан келишувга эришилди.
Нью-Йорк шаҳрида Шавкат Мирзиёев Корея Республикаси президенти Юн Сок Ёль билан учрашди. Унда икки давлат ўртасидаги алоҳида стратегик шериклик муносабатларини кенгайтириш масалалари кўриб чиқилди. Учрашув якунида Шавкат Мирзиёев Жанубий Корея раҳбарини Ўзбекистонга таклиф қилди.
Халқаро хавфсизлик Афғонистондаги жараёнлар билан бевосита боғлиқ. Уни ўз муаммолари билан яна ёлғиз қолдириш катта хато бўлади, деди Мирзиёев БМТ Бош ассамблеясида. У инсонпарварлик ёрдамини давом эттириш, Афғонистоннинг музлатилган активларини ижтимоий муаммоларни ҳал этишга йўналтиришга чақирди.
«Яқин орада ЖСТга тўлақонли аъзо бўлиш Ўзбекистон иқтисодиётини либераллаштириш йўлидаги устувор йўналишлардан биридир», — деди Шавкат Мирзиёев БМТ Бош ассамблеясидаги нутқида.
Шавкат Мирзиёев БМТ Бош ассамблеяси минбарида сўзларкан, Марказий Осиё минтақасида «минтақавий ўзига хосликни англаш» туйғуси кучайиб бораётганини таъкидлади. «Бизнинг тарих ва келажагимиз ҳам, ҳаётий муҳим манфаатларимиз ҳам умумийдир. Минтақавий ҳамкорлигимизни кенгайтиришдан бошқа йўлимиз йўқ!»
Ўзбекистон президенти БМТ Бош ассамблеясида сўзлаган нутқида «ишонч инқирози» ва «халқаро ҳуқуқ меъёрларидан чекиниш» туфайли дунёда кескинлик ортиб бораётганини таъкидлади. У мамлакатларни «умумий манфаатларни мавжуд зиддиятлардан юқори қўйган ҳолда» жипслашишга чақирди.
Президент Нью-Йоркда Марказий Осиё давлатлари ва АҚШ раҳбарларининг «С5+1» форматидаги биринчи саммитида иштирок этди. Унда «бутун минтақа тараққиёти учун стратегик аҳамиятга эга» ҳамкорликнинг устувор йўналишлари, жумладан, транспорт йўлакларини ривожлантириш ва бошқалар кўрсатиб ўтилди.
Қонунчилик палатаси Ўзбекистон кодексларига IMEI-кодларини қонунга хилоф равишда ўзгартириш ёки нусхалаш, шунингдек криптоактивлар айланмаси ва ноқонуний майнинг соҳасидаги қонун ҳужжатларини бузганлик учун жавобгарликни белгиловчи ўзгартишларни қабул қилди.
Қонунчилик палатаси мажлисида қатнашмаётган уч нафар депутат номидан овоз берилди. Жумладан, кун тартибини тасдиқлашда овозлар инобатга олинди. Спикер депутатларнинг йўқлигини пайқагач, уларнинг овозларини ҳисобга олиш тўхтатилди.
Етишмаётган мактаб дарсликлари, букмекерликни тарғиб қилувчи 27 та сайт блоклангани, 3 соатда Cobalt, Lacetti, Damas va Labo`га 28 мингдан ортиқ шартнома тузган UzAutoMotors, Шавкат Мирзиёевнинг АҚШда ўтказган учрашувлари тафсилоти ва бошқалар — «Газета.uz»нинг кун дайжестида.
Сенат қўмитасида жиноий ва маъмурий кодексларга давлатнинг дунёвий мақомини мустаҳкамловчи қўшимчалар киритиш масаласи муҳокама қилинди. Қайд этилишича, ижтимоий тармоқларда диний блогерларнинг фақат диний қарашларини акс эттирувчи ва адоватни қўзғатишга қаратилган чиқишлари кўпайган.
Туризм қўмитаси ҳузуридаги Milliy PR-markazi директори Дилфуза Самандарова бир вақтнинг ўзида тадбиркорлик билан шуғулланиб келаётгани аниқланди. Аввалроқ у LBOS Jewellery дўкони асосчиси эканини маълум қилганди. Антикорруция агентлиги ҳолатни бартараф этиш бўйича қўмитага тақдимнома киритди.
USAID`нинг Ўзбекистондаги мақсадлари қандай? Агентлик мамлакатда қайси соҳаларда иш олиб боряпти? Нима учун барча болалар яхши ўқитувчилари ва ўқув дастури бор мактабда ўқиши муҳим? «Газета.uz» USAID администраторининг Осиё бюроси ёрдамчиси ўринбосари Анжали Каур билан шулар ҳақда суҳбатлашди.
Вазирлар Маҳкамаси ҳокимиятларга иссиқлик таъминоти, сув таъминоти ва канализация, шунингдек, шаҳар йўловчи транспорти тарифларини қайта кўриб чиқишни тавсия қилди.
Айрим хизматлар учун тарифларни пасайтириш сабаб етказилган зарарни қоплаш мақсадида давлат бюджетидан 10 трлн сўмдан ортиқ маблағ ажратилди. Иссиқлик таъминоти корхоналари 901,9 млрд сўм олди, бунинг 92 фоизи пойтахт ҳиссасига тўғри келади. Газ нархидаги фарқни қоплаш учун 8,8 трлн сўм ажратилди.
Сўнгги ҳафталарда тармоқларда ота-оналар ва ўқитувчилар мактабларда дарсликлар етишмаётгани, шу боис уларни ўзлари чоп этиб олаётганини ёзмоқда. Дарсликни қўлга киритганлар болалар учун жуда қийин ва жавобсиз вазифаларни танқид қилишяпти. Мактаб таълими вазирлиги эса сукут сақламоқда.
Февраль ойида Туркияда рўй берган зилзилаларда жабр кўрган бир гуруҳ нуронийларнинг 30 нафари Ўзбекистонга келди. Улар бир ҳафта давомида мамлакат бўйлаб саёҳат қилади. Бу ташаббус Шавкат Мирзиёевнинг Туркий давлатлар ташкилотининг навбатдан ташқари саммитида илгари сурилганди.
Озарбайжон «конституциявий тузумни тиклаш учун» Тоғли Қорабоғда «аксилтеррор тадбирлари» бошлаганини эълон қилди. Тан олинмаган республика пойтахти Степанакерт артиллериядан ўққа тутилмоқда. Мудофаа вазирлиги баёнотида фуқаролик объектлари ва тинч аҳоли нишонга олинмаётгани айтилган.
Uzbekistan’s Club жамоаси O’zbekistonlik.Students лойиҳасини бошлади. Унда нуфузли хорижий олий ўқув юртларида таҳсил олаётган ўзбекистонлик талабалар ҳақида ҳикоя қилинади. 1-сон қаҳрамонлари Оксфорд университетидан Муштарий Мадраҳимова ва Шарқий Лондон университетидан Азизбек Аҳмаджонов бўлди.
Қўшимча имкониятларга эга булиш учун сайтда рўйхатдан ўтинг