Архив
Қозоғистон билан чегарани белгилашга оид шартнома ратификация қилинди
Шавкат Мирзиёев имзоланган қонун билан Қозоғистон билан чегарани демаркация қилиш тўғрисидаги шартнома ратификация қилинди.
Термизда яна чанг бўрони кузатилди
Эрта тонгда Термизда чанг бўрони бошланди. Соат 09:00 да ҳаводаги майда ПМ10 заррачаларининг миқдори рухсат этилган максимал концентрациядан 14,7 баробар ошиб кетди. Шамол тезлиги пасайгач, ҳавода чанг ғубори кузатилди.
Бухорода фуқарони $25 минг эвазига АҚШга жўнатмоқчи бўлган аёл ушлангани айтилмоқда
Бухорода фуқарони 25 минг доллар эвазига АҚШга жўнатмоқчи бўлган аёл ушлангани айтилмоқда. У уйида фуқародан 10 минг доллар олаётган пайтда қўлга олинди.
Тошкентда халқаро шериклик ташаббуслари ҳафталиги бошланди
Тошкентда 3−7 июль кунлари Халқаро шериклик ташаббуслари ҳафталиги бўлиб ўтади. Ҳафталик доирасидаги 50 дан зиёд конференция, давра суҳбатлари ва амалий мулоқотларда 60 дан зиёд давлатдан 450 дан ортиқ сиёсат ва жамоат арбоблари, йирик бизнес вакиллари ва экспертлар қатнашади.
FlyArystan авиакомпанияси Остонадан Тошкентга парвозларни йўлга қўйди
Қозоғистоннинг FlyArystan лоукостер авиакомпанияси Остона ва Тошкент ўртасида тўғридан-тўғри рейсларни йўлга қўйди. Мунтазам қатновлар ҳафтасига 2 марта амалга оширилади.
Ўзбекистонда ҳаво ҳафта давомида салқинроқ бўлади
Душанбадан бошлаб Ўзбекистонда кундузги ҳаво ҳарорати +33…+36 даражагача пасаяди ва бу ҳарорат фони ҳафта охиригача сақланиб қолади. Айрим ҳудудларда вақти-вақти билан ёмғир ёғиши, шамол тезлиги 20−22 м/с гача кучайиши мумкин.
Банкларда долларнинг сотув курси 11 580 сўмгача кўтарилди
Тижорат банклари 3 июль куни аҳолидан 1 АҚШ долларини 11 465−11 510 сўмдан сотиб олмоқда, сотув курси эса 11 540−11 580 сўм.
Пойтахтнинг 2 туманидаги айрим кўчаларда электр вақтинча ўчирилди
Душанба куни Яккасарой ва Миробод туманларининг айрим ҳудудлари электр энергиясидан вақтинча узилди.
Каримовнинг АҚШга табриги, Тошкент-Москва ҳаво йўли, Россия матбуотининг Ўзбекистон ҳақидаги ёлғонлари. Ўзбек матбуоти 3 июлда нималар ҳақида ёзган?
90 йил аввал нега Акмал Икромов сувдан оқилона фойдаланишни талаб қилган? 60 йил аввал Ўзбекистонда қанча пахта териб олиниши керак эди? 30 йил аввал Россия матбуоти нега Ўзбекистон ҳақида ёлғон ахборот тарқатган? Бу ҳақда «Газета.uz»нинг «Эски газеталар шарҳи» рукнида ўқинг.
Самарқанддаги олтин кони шахтасидан икки йигитнинг жасади топилди
Қўшработ туманидаги Зармитан олтин кони шахтасидан 20 ва 24 ёшли йигитларнинг жасадлари топилди. Улар конга маъданли тошларни талон-торож қилиш учун ноқонуний киргани айтилмоқда. Йигитларни ерости ўзиюрар машина оператори босиб ўтган бўлиши мумкин.
1 июлдан 2010−2012 йилларда берилган ҳайдовчилик гувоҳномалари ўз кучини йўқотди
30 июнь куни Ўзбекистонда 2010−2012-йилларда берилган ҳайдовчилик гувоҳномалари ва «техпаспорт»ларнинг амал қилиш муддати тугади. Шу боис 1 июлдан эски ҳужжатлар ҳақиқий эмас деб ҳисобланади. Уларни ЙҲХБ бўлинмалари, Давлат хизматлари марказлари ёки интернет орқали янгисига алмаштириш мумкин.
Июнда йиллик инфляция 2016 йил августидан буён биринчи марта 9 фоизга тушди
Июнда Ўзбекистонда дефляция қайд этилди ва йиллик инфляция 2016 йил август ойидан буён биринчи марта 9 фоизга тушди. Охирги ойда гуруч, гўшт ва сут қимматлашди, деярли барча сабзавот ва мевалар, шунингдек, ун, тухум, сариёғ ва шакар арзонлашди. Бензин ҳам қимматлашди. Ҳудудларда палов нархи ошди.
«Ўзбекнефтгаз» бензин ишлаб чиқариш кескин камайганига изоҳ берди
Бухоро нефтни қайта ишлаш заводида режали таъмирлаш ишлари туфайли «Ўзбекнефтгаз» корхоналарида бензин ишлаб чиқариш 71,3 фоизга қамайди. Компания ишлаб чиқариш ҳажмини ўтган йилга нисбатан оширишини қайд этди. «Газета.uz» йил бошидан буён бензин ишлаб чиқариш бир неча бор пасайганини ёзганди.
Президентликка номзодлар вакилларининг иккинчи теледебати 2 июль куни ўтказилади
2 июль куни соат 18:00 да президентликка номзодлар вакилларининг иккинчи теледебати бўлиб ўтади. У давлат бошқаруви тизими ва суд-ҳуқуқ соҳасини ривожлантиришга бағишланади.
Алишер Баҳодиров Uzbekistan GTL директори лавозимига тайинланди
«Ўзбекнефтгаз» компаниясининг газни қайта ишлаш ва газ-кимё департаментини бошқариб келаётган Алишер Баҳодиров Uzbekistan GTL синтетик суюқ ёқилғи ишлаб чиқариш заводига директор этиб тайинланди.
Асакадаги UzAuto Motors заводи фаолияти модернизация ишлари сабаб вақтинча тўхтатилди
Асакадаги автомобиль заводи режали модернизация ишлари сабабли фаолиятини вақтинча тўхтатди. Маълум қилинишича, завод Cobalt моделини ишлаб чиқаришни йилига 30 мингтага оширади. UzAuto Motors бу иш автомобилларни етказиб бериш жадвалига таъсир қилмаслигига ишонч билдирди.
Президент 50 йиллигини нишонлаётган «Ялла» ансамблини тақдирлади
Президент фармони билан 50 йиллигини нишонлаётган «Ялла» ансамбли аъзолари Фаррух Зокиров, Аббос Алиев, Жавлон Тохтаев, Тимур Халиков ва Игор Халиков орденлар билан тақдирланди.
Журналист-тадқиқотчи Мавлон Шукурзода вафот этди
Таниқли журналист ва ёзувчи Мавлон Шукурзода 69 ёшида вафот этди. У 20 дан ортиқ китоб, жумладан, «Америкалик ўзбеклар», «Пахтакор-79» ва бошқаларни ёзган. Юзлаб мақолалари чоп этилган.
Болалар ўлимига сабаб бўлган Marion Biotech сиропларига саноат пропиленгликоли қўшилган бўлиши мумкин
Ҳиндистоннинг Marion Biotech компанияси ўз маҳсулотларида ювиш воситалари, антифриз, бўёқлар ва бошқа маҳсулотларда қўлланадиган заҳарли модда — саноат пропиленгликолидан фойдаланган бўлиши мумкин. Мазкур компания дорилари аввалроқ Ўзбекистонда камида 19 нафар боланинг вафотига сабаб бўлганди.
Расмийлар Германияда оғир аҳволга тушиб қолган ўзбекистонликлар билан боғлиқ вазиятга изоҳ берди
Turon World Cooperation орқали Германияга борган ўзбекистонлик 100 нафар атрофидаги талаба иш топа олмай, оғир аҳволга тушиб қолди. Бандлик вазирлиги вазиятга ҳуқуқий баҳо бериш учун ҳуқуқни муҳофаза қилувчи органларга мурожаат қилган. Бош консуллик ва элчихона вазиятни назоратга олди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг