Архив
Дониёр Ғаниев депутатлик фаолиятини якунлаганини эълон қилди
ЎзЛиДеП фракцияси аъзоси Дониёр Ғаниев депутатлик фаолиятини муддатидан аввал якунлаганини эълон қилди. «Бу фаолиятда давом этиш ўзим учун ҳам, сайловчилар учун ҳам манфаатли бўлмаслигини тушуниб етдим», — деб ёзди у. Ғаниев ишини Вазирлар Маҳкамасида давом эттиради.
Тошкентнинг учта туманида 6 мингга яқин хонадон бир кунга газдан узилади
Пойтахтнинг Бектемир, Янгиҳаёт ва Сергели туманларидаги жами 5786 та хонадон ва 37 та улгуржи истеъмолчи 6 август куни табиий газ таъминотидан узилади.
Реновацияга тушган ҳудудлар аҳоли мурожаатлари асосида таклиф этилган — Тошкент ҳокимлиги
Тошкент ҳокимлигининг таъкидлашича, реновацияга тушган ҳудудлар маҳаллий аҳолининг мурожаатлари асосида таклиф этилган. Уй-жойларнинг таҳлили шаҳарсозлик меъёрларига жавоб бермаслигини тасдиқлади, дея қайд этди ҳокимлик. Лойиҳа ҳудудларни яхлит ривожлантиришни назарда тутади.
Uzbekistan Airways Мустақиллик байрами муносабати билан маҳаллий рейсларга 30 фоиз чегирма эълон қилди
Uzbekistan Airways Мустақиллик байрами муносабати билан 31 августдан 3 сентябргача барча маҳаллий авиақатновлар учун чипта тарифларидан 30 фоиз чегирма эълон қилди.
5 август куни эълон қилинган энг муҳим янгиликлар дайжести
«Яшил» станцияларнинг электр ишлаб чиқаришда ортган улуши, Давмонополияларни тугатишга доир Рақобатни ривожлантириш концепцияси, жамоатчилик норози бўлаётган шаҳарсозликка доир қонун, МО мамлакатларига янги коридорлар очишда ёрдам берадиган Япония ва бошқалар — «Газета.uz»нинг кунлик дайжестида.
Энди ички йўлларни сақлаш ҳудудий ободонлаштириш бошқармалари зиммасида бўлади
Президентга олиб кирилган тақдимотга кўра, ички йўллар ва кўприклар ҳокимиятлар балансида экани сабабли уларнинг кўпи «таъмирталаб ҳолатда». Шу боис энди ҳудудий ободонлаштириш бошқармаларида ички йўлларни сақлаш хизматлари ташкил этилади. Улар энг зарур 4 турдаги махсус техника билан таъминланади.
Бангладеш бош вазири намойишлар фонида истеъфо берди
15 йилдан бери ҳокимиятда бўлиб келган Бангладеш бош вазири Шайх Ҳасина оммавий намойишлар фонида истеъфога чиқди ва мамлакатдан қочиб кетди. Армия муваққат ҳукумат тузилганини эълон қилди.
Президент Рақобатни ривожлантириш концепцияси билан танишди. Асосий маълумотлар
Президентга рақобатни ривожлантириш концепцияси тақдим этилди. Энергетика, аэропорт хизматлари ва бошқа соҳалардаги 17 турдаги давлат монополияларини тугатиш кутилмоқда. Рухсатномалар ва лицензиялар мажбурий суғуртага алмаштирилади, табиий монополиялар соҳасида мустақил регуляторлар пайдо бўлади.
Япония фонд бозорида 1987 йилдан бери энг катта қулаш юз берди
Япония фонд бозори 12,4 фоизга тушиб кетди, бу 1987 йилдаги «қора душанба»дан бери энг катта қулаш бўлди. Иена курсининг кўтарилиши, пул-кредит сиёсатининг кескинлашиши ва АҚШда иқтисодий маълумотларнинг ёмонлашуви туфайли инвесторларнинг япон фонд бозорига ишончи пасайди, деб ёзди Bloomberg.
Япония Марказий Осиё давлатларига Россияни четлаб, Европага йўл очиш учун молиявий ёрдам таклиф қилади — ОАВ
Япония бош вазири Фумио Кишида Марказий Осиё давлатларига Россияни четлаб ўтиб, минтақа ва Европани боғлайдиган янги савдо йўлини яратиш учун иқтисодий ёрдам таклиф қилади, деб хабар бермоқда Япония ОАВ. Аввалроқ АҚШда ҳам шунга ўхшаш режалар ҳақида гапирилган эди.
Сурхондарёда UAZ ағдарилиши оқибатида 6 киши жароҳатланди
Сурхондарё вилояти Сариосиё туманида иккита UAZ тўқнашувида улардан бири ағдарилди. Оқибатда машина салонидаги 6 киши жароҳатланди. ЙТҲга оид ҳужжатлар жиноий судга юборилди.
Британияда оммавий тартибсизликлар давом этмоқда
Британия шаҳарларида Саутпортдаги болалар рақс студиясига уюштирилган ва уч қизчанинг ўлимига сабаб бўлган ҳужумдан сўнг мигрантларга қарши намойишлар ва зўравонликлар давом этмоқда. Бош вазир Кир Стармер тартибсизликларни «ўта ўнг бандитизм» деб атади.
Россиядан Ўзбекистонга учаётган йўловчи самолёти дўлга дуч келди
Красноярск-Тошкент йўналишида учаётган самолёт парвоз вақтида «аномал метеорологик ҳодиса» — дўлга дуч келди. Бортдаги 176 кишига зарар етмади, аммо самолётнинг олд ойналари ва метеолокатор қисми шикастланди. Ҳозирда таъмирлаш ишлари олиб бориляпти.
Олимпия ўйинларида қирғизистонлик боксчига ўзбекистонлик мураббий секундантлик қилди. Нега?
Париждаги Олимпия ўйинларида қирғизистонлик боксчи Мунарбек Сейитбек ўғлига ўзбекистонлик мураббий секундантлик қилди. Спортчининг шахсий мураббийи аккредитация муаммолари сабаб Парижга боролмагани учун жангни ўз уйида экран қаршисида томоша қилди.
«Элита конституцияни халқ учун ёзиб, ўзи учун истисно қилса, у ишламайди» — Беҳзод Ҳошимов
Иқтисодчи Беҳзод Ҳошимов «Газета.uz»га берган интервьюсида нима учун матни деярли бир хил бўлган конституциялар турли мамлакатларда турлича ишлаши ҳақида фикр билдирди. «Агар элита халқ учун конституция ёзса ва ўзи учун истисно қилса, демак, бу ишламайди», — дея таъкидлади у.
Ҳафтанинг иккинчи ярмида иссиқ кучаяди
Ўзбекистонда ҳафта бошида ўртача иссиқ об-ҳаво сақланиб туради. 8−9 августда иссиқ кучаяди ва аксарият ҳудудларда ҳаво +40…+44 даражагача исийди. Айрим кунларда тоғолди ва тоғли ҳудудларнинг баъзи жойларида қисқа муддатли ёмғир ёғиши ҳам мумкин.
Сирдарё дарёсидан ноқонуний қум-шағал қазиб олиниши оқибатида табиатга 87 млрд сўмдан ортиқ зарар етди
Сирдарё дарёсининг Бекобод туманидан ўтган ҳудудида қум-шағал аралашмалари қазиб олинаётгани аниқланди. Бунинг ортидан табиатга 87 млрд сўмдан ортиқ зарар етди, 3 та юк машинаси вақтинчалик жарима майдончасига жойлаштирилди.
Ўзбекистонда «яшил» станциялар ишлаб чиқарадиган электр энергияси улуши 25−30 фоизга етди — Энергетика вазирлиги
Ўзбекистонда 2024 йилда ишлаб чиқарилаётган электр энергиясининг 25−30 фоиз қисми «яшил» станциялар ҳиссасига тўғри келмоқда. 3 йилда ИЭСлар ишлаб чиқарган электр энергияси улуши 90 фоиздан 70 фоизгача тушди.
Урганч аэропорти модернизация қилиниб, бошқарувга ўтказилади
Урганч аэропортини модернизация қилиш — янги учиш-қўниш йўлаги, янги терминал ва бошқа объектларни қуриш ҳамда «Қуриш, фойдаланиш, топшириш» ((Build-Operate-Transfer — BOT) модели бўйича давлат-хусусий шериклик асосида бошқарувга ўтказиш режалаштирилмоқда.
Украина илк F-16 қирувчи самолётларини қабул қилиб олди
Украина президенти Американинг F-16 қирувчи самолётлари биринчи партиясини олганини тасдиқлади. Киевга уларни олиш учун икки йилдан кўпроқ вақт керак бўлди. 2024 йил охиригача мамлакатга 20 та шундай самолёт келиши кутилмоқда.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг