Архив
Ўқотар бўлмаган қуролни ўз ихтиёри билан топширганлар жавобгарликка тортилмайди
Эндиликда ўқотар бўлмаган қуролни ўз ихтиёри билан топширганлар жавобгарликдан озод қилинади. Илгари бундай норма мавжуд бўлмаган.
Баҳодир Жалолов ва Ҳасанбой Дўсматов муддатидан олдин подполковник бўлди
Миллий гвардия ҳарбий хизматчилари Баҳодир Жалолов ва Ҳасанбой Дўсматовга «Аъло хизматлари учун» кўкрак нишони ва муддатидан олдин подполковник ҳарбий унвони берилди.
ОТМларнинг магистратура босқичига қабул натижалари эълон қилинди
Давлат олий таълим муассасаларининг магистратура босқичига қабул натижалари эълон қилинмоқда. Талабгорлар натижаларни magistr.edu.uz электрон тизими орқали текшириши мумкин.
28 август куни эълон қилинган энг муҳим янгиликлар дайжести
Мустақиллик байрамида хавфсизлик учун жавобгар 30 минг ходим, «Толибон»нинг авиатехникалар Ўзбекистонда қолишига эътирози, фестиваль ўтказиш йўлни асфальт қилишдан муҳимроқлигини айтган вазир, олимпиячиларга мукофот топширган президент ва бошқалар — «Газета.uz»нинг кунлик дайжестида.
«Ўқитувчиларнинг маоши қачон 1000 долларга етади?» Мактабгача ва мактаб таълими вазирининг жавоби
ММТВ раҳбари Ҳилола Умарова ўқитувчиларнинг маоши қачон 1000 долларга етиши ҳақидаги саволга жавоб берди. Ҳозирда 6000 дан ортиқ ўқитувчи (1,1%) бонуслар билан қўшганда шундай маош олади. Вазир ўринбосари Темуржон Комилов барча ўқитувчилар бир вақтда 1000 доллар олишининг иложи йўқлигини айтди.
Олимпия медаллари жадвали бизга нималар ҳақида ҳикоя қилади?
Шавкат Мирзиёев Париж олимпиадаси иштирокчилари билан учрашувда Financial Times колумнисти Саймон Купернинг «Олимпия медаллари жадвали бизга нималар ҳақида ҳикоя қилади?» номли мақоласидан иқтибос келтирди. «Газета.uz» ушбу мақоланинг таржимасини ҳавола этади.
Фуқаролардан электр энергияси ва газ учун қарздорликни ундириш тартибига ўзгартиришлар киритилди
Президент аҳолидан электр энергияси ва газ учун мажбурий тўловларни ундириш тартибига ўзгартиришлар киритиш тўғрисидаги қонунни имзолади. Илгари қонун ҳужжатларидаги бўшлиқлар туфайли 7700 дан ортиқ қарздор фуқаро тармоқдан мажбурий равишда узилмаган.
ЕТТБ Ўзбекистонда ўғит ишлаб чиқаришни декарбонизациялаш бўйича пилот лойиҳани қўллаб-қувватлайди
ЕТТБ Марказий Осиёдаги биринчи қайта тикланадиган водород ишлаб чиқариш лойиҳасини қўллаб-қувватлайди. 20 МВт қувватга эга электролиз усканаси ва 52 МВт қувватга эга шамол станцияси аммиакли ўғитлар ишлаб чиқаришда қўлланадиган кулранг водородни қайта тикланадиганига алмаштиришга ёрдам беради.
Зўравонлик қурбонлари учун ҳимоя ордери онлайн берилади
Ҳукумат зўравонлик қурбонларига ҳимоя ордери бериш тартибини янгилади. Энди у профилактика инспектори томонидан зўравонлик аниқланган ва давлат хизматлари портали орқали тўлдирилган пайтдан бошлаб 24 соат ичида берилади.
Тошкент метрополитени бешта бекатнинг ўн йиллар аввал қурилиши тугалланмаган вестибюлларини очади
Тошкент метрополитенининг «Миллий боғ» бекатида иккинчи вестибюлни очиш ишлари бошланди. Аввалроқ метрополитен ҳукумат бешта станциянинг бир неча ўн йиллар олдин фойдаланишга топширилган пайтда қурилиши тугалланмай қолган иккинчи чиқиш йўлларини очишга рухсат берганини маълум қилганди.
Афғонистон Мудофаа вазирлиги олиб ўтилган самолётларнинг Ўзбекистонга берилишига қарши чиқди
Афғонистон Мудофаа вазирлиги мамлакатдан олиб чиқилган ҳарбий самолётлар ва вертолётларнинг Ўзбекистонда қолишига қарши чиқди ва авиатехникалар тақдири бўйича ҳар қандай келишув «қабул қилиб бўлмайдиган» экани ва АҚШнинг «афғон халқи мулкини Ўзбекистонга хайрия қилишга ҳаққи йўқ»лигини таъқидлади.
«Фестиваллар ўтказиш кўчани асфальт қилишдан муҳимроқ» — Озодбек Назарбеков
Маданият вазири «Мақом», «Бахшичилик», «Шарқ тароналари» каби фестивалларнинг аҳамиятига тўхталиб, инсон маданиятига таҳдид бостириб келаётганини айтди. «Бу муаммога қарши курашиш битта кўчани асфальт қилгандан муҳимроқ. Фестиваллар инсон келажагини асраб қолишда муҳим», — деди Озодбек Назарбеков.
ЖЧ-2026 саралаши: Ўзбекистон КХДР ва Қирғизистонга қарши ўйинлар учун таркибини эълон қилди
Футбол бўйича Ўзбекистон миллий терма жамоаси бош мураббийи Сречко Катанец ЖЧ-2026 саралашининг учинчи босқичи доирасидаги КХДР ва Қирғизистонга қарши ўйинлар учун қайдномани эълон қилди. Шимолий кореяликлар билан ўйин 5 сентябрь куни Тошкентда бўлиб ўтади.
Фанлар академияси президенти Беҳзод Йўлдошев 79 ёшида вафот этди
Фанлар академияси президенти, физик олим, профессор Беҳзод Йўлдошев 79 ёшида вафот этди. Унинг илмий ишлари юқори энергиялар физикаси, ядровий физика ва элементар зарралар физикасига оид бўлган. У Атом энергияси бўйича халқаро агентлик (МАГАТЭ)да илмий маслаҳатчи бўлиб ҳам ишлаган.
«Келгуси Олимпиадада кучли ўнликка кириш бош мақсадимиз бўлади» — президент
Президент Олимпиада ғолиблари билан учрашувда 2028 йилги ўйинларга ҳозирданоқ тайёргарлик кўриш кераклигини таъкидлади. «Келгуси Олимпиадада кучли ўнликка кириш бош мақсадимиз бўлади», — деди президент оммавий спортни ривожлантириш борасидаги вазифаларни белгилаб бераркан.
Президент олимпиячиларга мукофотларни топширди
Олимпия ўйинлари ғолиб ва совриндорларига давлат мукофотлари топширилди. Президент спортчи ва мураббийларга миннатдорлик билдириб, қайси спорт турлари бўйича ҳаракатларни кучайтириш кераклигини айтди. Келгусида спортчиларни тайёрлаш дастурлари қабул қилиниб, хорижлик мутахассислар жалб этилади.
Ўзбекистонда ўртача иш ҳақига нисбатан энг қиммат уйлар қаерда?
Марказий банк аҳолининг ўртача иш ҳақи ва уй-жой нархларини таққослади. Энг қиммат уй-жойлар Самарқанд вилояти ва Тошкентга тўғри келди. Харид қобилияти деярли барча ҳудудларда ёмонлашди. «Газета.uz» 50 квадрат метрли квартирани сотиб олиш учун неча йиллик иш ҳақи кераклигини ҳисоблаб чиқди.
Ўзбекистонда Мустақиллик байрами муносабати билан сентябрь пенсияси олдиндан тўлаб берилади
Ўзбекистонда пенсия тўловларини банк пластик картада олувчи фуқароларнинг сентябрь ойи учун пенсия тўловлари 1 сентябрь кунига қадар ўтказиб берилади.
«Муқобил энергия манбаларини ўрнатиш — давлат сиёсати» — президент
Президент муқобил энергия манбаларини ўрнатишни давлат сиёсати деб атади. Ўзбекистондаги 1 млн хонадоннинг иситиш тизимини энергия тежамкорига алмаштириш, аҳоли ва тадбиркорларга 973 МВт қувватли қайта тикланадиган энергия манбаларини ўрнатиш вазифаси қўйилди.
Рақобат қўмитаси рекламада тўлиқ маълумот бермагани учун «Ипак йўли» банкига жарима қўллади
Рақобат қўмитаси омонат турлари рекламасида муҳим маълумотлар тўлиқ берилмагани учун «Ипак йўли» банкига молиявий жарима қўллади. Банкка қонун бузилиши ҳолатини бартараф этиш ва келгусида йўл қўймаслик бўйича кўрсатма берилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг