Архив
ҲАМАС сиёсий бюроси раҳбари Исмоил Ҳания Теҳронда ўлдирилди
Теҳронда ҲАМАС сиёсий бюроси раҳбари Исмоил Ҳания ва унинг қўриқчиси уларга қилинган ҳужум оқибатида ҳалок бўлди. Ҳания Эроннинг янги президенти Масъуд Пезешкиённинг инаугурация маросимида қатнашиши учун Теҳронга келганди.
Туркия қаровсиз итларни тутиш тўғрисидаги қонунни қабул қилди, мухолифат унга қарши чиқишга ваъда берди
Туркия парламенти қаровсиз итларни тутиш ва бошпаналарга жойлаштириш ҳақидаги қонунни маъқуллади. Мамлакат бўйлаб ҳужжатга қарши норозиликлар бўлиб ўтди, фаоллар бу ҳайвонлар эвтаназиясининг кучайишига олиб келади, деб ҳисобламоқда. Мухолифат қонунга суд орқали эътироз билдиришга ваъда берди.
Сурхондарёда тошбақага нос чектирганлар жаримага тортилди
Сурхондарё вилояти Денов туманида икки нафар фуқаро чўл тошбақасига нос чектиргани аниқланди. Уларга нисбатан БҲМнинг 3 баравари миқдорида жарима белгиланди.
30 июль куни эълон қилинган энг муҳим янгиликлар дайжести
Устун мавқега эгалиги тан олинган Knauf Gips Buxoro, март ойидан бери энг паст даражагача тушган доллар, мактаб ва боғча болаларида аниқланган касалликлар, «Onasini emsin» ахборот кампанияси ва бошқалар — «Газета.uz»нинг кунлик дайжестида.
Самарқандда синглисига севги изҳор қилган 15 ёшли болани калтаклаган фуқаро 1,5 йилга қамалди
Самарқанд вилояти Пастдарғом туманида 6-синфдаги синглисига севишини айтгани учун 15 ёшли болани «самосуд» қилган эркак 1,5 йилга озодликдан маҳрум қилинди.
Ўзбекистон футболчилари Олимпиадада Доминикан билан дуранг ўйнади
Футбол бўйича Ўзбекистон олимпия терма жамоаси Париж Олимпиадасидаги сўнгги учрашувида Доминикан Республикаси билан дуранг ўйнади (видео, статистика).
Август ойида Ўзбекистонда об-ҳаво қандай бўлади?
«Ўзгидромет» синоптиклари август ойи об-ҳавоси учун дастлабки прогнозини тайёрлади. Ой иссиқ ҳаво билан бошланади, кейинчалик жазирама бироз пасаяди. Илк ўн кунликда кундузги ҳарорат +36…+39 даражада бўлади. Август ойи қуруқ келади, учинчи ўн кунликда қисқа муддатли ёмғир ёғиши мумкин.
«Onasini emsin — сўкиниш эмас, шифокорлар тавсияси»
Тошкентда кун давомида LED экранларда «Onasini emsin» ибораси акс этди ва бу шаҳарликларни шошириб қўйди. Бу Бутунжаҳон эмизиш ҳафталиги (1−7 август) учун ахборот кампаниясининг бир қисми эди. Ташаббускорлар бу иборанинг «асл маъно»сини қайтаришга қарор қилди.
Фарғонада ўқувчини рўмол ўрагани учун урган мактаб директори жаримага тортилди
Фарғона вилояти Бувайда туманидаги мактаб директори рўмол ўраб келган 7-синф ўқувчисини калтаклаб, ҳақорат қилганди. У МЖТКнинг 2 та моддаси бўйича айбдор деб топилиб, БҲМ 10 баравари миқдорида жаримага тортилди.
Доллар март ўрталаридан бери энг паст даражага тушди
АҚШ доллари ўзбек сўмига нисбатан пасайишда давом этмоқда, у 12 мартдан бошлаб ўзининг минимал қийматига — 12 541 сўмгача тушди. Ўзбекистонга пул ўтказмалари, инвестициялар ҳажмининг ўсиши ва бошқа омиллар фонида миллий валюта мустаҳкамланмоқда.
БМТТДнинг Ўзбекистондаги янги доимий вакили тайинланди
БМТ Тараққиёт дастури тизимида 25 йилдан ортиқ тажрибага эга Акико Фужии БМТТДнинг Ўзбекистондаги янги доимий вакили этиб тайинланди. У аввал Мальдив оролларидаги доимий вакил ҳамда Вьетнам ва Фижидаги кўп давлат идорасида доимий вакил ўринбосари бўлиб ишлаган.
Юсуп Кабулжанов Ўзбекистоннинг Владивостокдаги бош консули этиб тайинланди
Яқинда Ўзбекистоннинг Владивостокдаги бош консули бўлган Юсуп Кабулжанов ўз вазифасини бажаришга киришди. У Приморск ўлкаси омбудсмани ва ИИВ вакиллари билан учрашди, улар билан меҳнат миграцияси соҳасида ҳамкорлик қилиш, шунингдек, фуқаролар ҳуқуқларининг бузилиши ҳолатларини муҳокама қилди.
Ўзбекистонда ўқувчилар ва боғча болаларида скрининг пайтида қандай касалликлар аниқланди?
Соғлиқни сақлаш вазири в.б. Асилбек Худаяров мактаб ва боғчаларда ўтказилган тиббий кўрик натижалари ҳақида маълумот берди. Ўқувчиларининг деярли 28 фоизида ва тарбияланувчиларнинг 26 фоизида турли хил касалликлар, жумладан, анемия, асаб тизими касалликлари ва юрак нуқсонлари аниқланган.
АҚШ ноқонуний миграцияга ёрдам берган туроператорларга виза чекловларини жорий этади
АҚШ Давлат департаменти ноқонуний миграцияга кўмаклашувчи сайёҳлик агентликлари ва туроператорлари раҳбарларига нисбатан виза чекловлари жорий этилишини эълон қилди.
Омбудсман меҳнат қуллигидан қочган аёлни Россиядан қайтаришга ёрдам берди
Омбудсман идораси меҳнат қуллигидан қочган аёлнинг Ўзбекистонга қайтишига ёрдам берди. Йил бошида уни алдов йўли билан Россияга олиб кетишган, паспортини олиб қўйишган ва далада мажбурлаб ишлатишган.
Ўзбекистон аҳолисининг реал даромадлари ошди, лекин ҳудудлар ўртасида фарқ катталашди
Биринчи ярим йиллик якунларига кўра, аҳолининг реал даромадлари 8,6 фоизга ўсди, бу ўтган йилнинг шу даврига нисбатан юқоридир. Энг бой учта ва энг камбағал учта ҳудуд ўртасидаги аҳоли жон бошига даромадлар фарқи 2,28 баравардан 2,5 баробарга ошди.
Венесуэлада президентлик сайловларидан кейин норозилик намойишлари бошланди
Венесуэланинг амалдаги раҳбари Николас Мадуро ғалаба қозонган президентлик сайловларидан сўнг Каракас ва мамлакатнинг бошқа шаҳарларида минглаб одамлар намойишга чиқди. У 2013 йилдан буён шу лавозимда қолмоқда.
Ўзбекистон фуқаролигини пуллаган ИИБ Миграция ва фуқароликни расмийлаштириш бўлимининг собиқ бошлиғи 7 йилга қамалди
Тошкент шаҳрида ИИБ Миграция ва фуқароликни расмийлаштириш бўлимининг собиқ бошлиғи ва унинг шериги чет эл фуқароларига пул эвазига ноқонуний равишда ID карта ва хорижга чиқиш паспортларини расмийлаштириб келгани аниқланди. Улар 7 ва 5 йилга қамалди.
Санэпидқўмита: Йўл-йўлакай сотилаётган музқаймоқлардан заҳарланиш ҳолатлари учрамоқда
Санэпидқўмита кўча-кўйда сотилаётган музқаймоқдан заҳарланиш ҳолатлари учраётгани ҳақида огоҳлантирди. Унга кўра, бундай музқаймоқларда стафилококк бактерияси бўлиши мумкин, маҳсулот солинган аксарият идишлар санитария-гигиена талабларига жавоб бермайди.
Рақобат қўмитаси Knauf Gips Buxoro компаниясининг Ўзбекистондаги устун мавқеини тан олди
Рақобат қўмитаси Knauf Gips Buxoro гипсокартон бозорида 40 фоиздан ортиқ улуш билан устун мавқега эга эканини маълум қилди. Энди компания устун мавқеи тан олинган компаниялар реестрига киритилиши, сўнгра монопол нархлардан фойдаланишнинг олдини олиш бўйича ҳаракатларни назорат қилиши керак.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг