Архив
Ўзбекистонда дам олиш кунлари ҳаво ўзгариб туради
Шанба куни Ўзбекистоннинг катта қисмида ёмғир ёғади. Якшанба куни эса ҳаво очиқ ва қуёшли бўлиши прогноз қилинмоқда. Ҳарорат кечалари +13…+20 даража, кундузи +27…+35 даража атрофида бўлади.
ХДП Улуғбек Иноятовни президентликка номзод сифатида маъқуллади
Халқ демократик партиясидан партия раиси Улуғбек Иноятов президентликка номзод сифатида Қурултойда кўриб чиқиш учун маъқулланди.
Москвадаги кафега қилинган ҳужумда Ўзбекистон фуқаролари иштирок этмаган — Миграция агентлиги
Москвадаги «Монро» кафесига 30 нафар ўзбекистонлик мигрант ҳужум уюштириб, ўғриликлар содир этгани айтилганди. Миграция агентлиги Россиядаги ҳуқуқ-тартибот идоралари маълумотларига таяниб, бу воқеа гумонланувчилари ўртасида Ўзбекистон фуқаролари бўлмаганини маълум қилди.
Ўзбекистонда 14−17 май кунлари нам ва салқин ҳаво бўлиши кутилмоқда
14−17 май кунлари Ўзбекистон ҳудудига Каспий денгизининг жанубий ҳудудларидан нам ҳаво, сўнгра Волга бўйи ҳудудларидан салқин ҳаво кириб келади. Кўплаб ҳудудларда кучли ёмғир, айрим жойларда дўл ёғиши мумкин. Ҳаво ҳарорати +17 даражагача пасаяди.
Юқори натижаларга эришган педагогларга 50 фоизгача устама тўланиши мумкин
Президент қарори лойиҳасига кўра, ўқитувчиларнинг лавозим маошлари ўртача 20 фоизга ошиши, фидоий, ташаббускор ҳамда юқори натижаларга эришган педагогларининг базавий тариф ставкаларига ҳар ойлик 50 фоизгача устама тўлаш тизими жорий этилиши мумкин.
Ўзбекистон ва Қирғизистон Чуй вилоятида автомобиль заводи қуришни бошлади
«Ўзавтосаноат» акциядорлик жамияти раиси Улуғбек Розуқулов ва Қирғизистон Вазирлар Маҳкамаси раиси Акилбек Жапаров Чуй вилоятида «Алтин тулпар унаа курулуш» автомобиль ҳамда тижорат ускуналарини йиғиш ва ишлаб чиқариш заводи қурилишини бошлаб берди.
Сурхондарёда ИИБ ходими қўл-оёғи боғланган эркакка куч ишлатди
Музработ туманида ИИБ ходими мастлиги айтилган ва қўл-оёғи боғланган эркакни калтаклагани акс этган видео тарқалди. Сурхондарё вилояти ИИБ эркак бегона аёлнинг тинчини бузгани, чақирувга асосан борган ходимга қаршилик қилганини билдирди. Ходимнинг ҳаракатлари юзасидан хизмат текшируви ўтказилмоқда.
Мопед ва скутерларни бошқаришда «права» бўлиши кераклиги талаби вақтинча тўхтатилди
Президент қарори билан мопед, квадрицикл (квадроцикл), трицикл, скутер кабилар учун ҳайдовчилик гувоҳномаси бўлиши шартлиги ҳақидаги талаб 2024 йил 1 январга қадар тўхтатилди. Бироқ ушбу транспортларда ҳаракатланаётганлар мотошлем кийишлари ва уни қадаб олишлари зарур бўлади.
Банкларда доллар курси яна ошди
Тижорат банклари 12 май куни аҳолидан 1 АҚШ долларини 11 400 — 11 450 сўмдан сотиб олмоқда, сотув курси эса 11 470 — 11 520 сўм.
11 май куни Ўзбекистонда содир бўлган энг муҳим хабарлар дайжести
Экопартиядан президентликка номзод, қуёш панелларидаги камчиликлар учун ҳайфсан берган президент, ўзбекистонликларнинг кўпроқ нимага пул сарфлаши ҳақида, Нукус воқеалари бўйича жазони енгиллаштиришни сўраган айбланувчилар, миллий қадриятлар рўйхати ва бошқалар — «Газета.uz»нинг кун дайжестида.
Жиззахда ўғли ва хотинини ўлдириб, ёқиб юборган 23 ёшли бухоролик йигит умрбодга қамалди
2022 йилнинг ноябрь ойида Жиззах вилояти ҳудудида ўғли ва хотинини ўлдириб, ёқиб юборган 23 ёшли бухоролик йигит умрбод озодликдан маҳрум этилди.
Сурхондарёда хавфли бурилишда қайрила олмаган Gentra жарликка қулади
Узун туманида Gentra автомашинаси жарликка қулаши оқибатида икки киши вафот этди. Ҳолатга ҳайдовчининг тоғли йўлларда хавфли бурилишларга эътибор бермай ҳаракатлангани сабаб бўлган.
Президент бензин ва дизель ёқилғиси захирасини шакллантириш бўйича топшириқ берди
Президент масъулларга Ўзбекистонда бензин ва дизель ёқилғиси захирасини шакллантириш вазифасини қўйди. Ёқилғи олиб келувчи тадбиркорларга айланма маблағ учун кредитлар ажратилади. Давлат раҳбари, шунингдек, йил охиригача электромобиллар учун 900 та қувватлагич ўрнатиш бўйича топшириқ берди.
Экопартия Ўзбекистон президентлигига номзодини эълон қилди
Ўзбекистон Экологик партияси ўз раҳбари Абдушукур Хамзаевни президентликка номзод сифатида кўрсатишни режалаштирмоқда. У бу лавозимда декабрь ойидан буён фаолият юритади.
«Даволаниш. Таълим. Уй-жой таъмири». Ўзбекистонликлар кўпроқ нимага пул сарфлайди?
Марказий банк 2023 йилнинг I чораги бўйича Аҳолининг истеъмол кайфияти шарҳини эълон қилди. Ўрганиш респондентларнинг таълим, уй-жой таъмири, даволанишга кўпроқ маблағ сарфлаганини кўрсатди. Кредит олувчилар бироз камайган, маиший хизмат соҳасидагиларнинг даромадлари бўйича кутилмалар яхшиланган.
Осиё Кубоги-2023: Ўзбекистон «Б» гуруҳида Австралия, Сурия ва Ҳиндистон билан ўйнайди
Футбол бўйича 2023 йилги Осиё Кубоги мусобақасининг гуруҳ босқичига қуръа ташланди. Ўзбекистон «Б» гуруҳидан ўрин олиб, Австралия, Сурия ва Ҳиндистон билан ўйнайдиган бўлди. Мусобақа 2024 йил 12 январидан 10 февралига қадар Қатарда бўлиб ўтади.
Республика хирургия марказида дарахтлар кесилгани сабабли хўжалик мудиридан 35 млн сўм ундириладиган бўлди
Воҳидов номидаги республика хирургия марказида дарахтларга зарар етказилгани аниқланди. Шу сабабли хўжалик мудири 3 млн 300 минг сўм миқдорида жаримага тортилиб, ундан умумий ҳисобда 34,9 млн сўм ундирилиши белгиланди.
Аҳоли ва тадбиркорларга берилган «яшил» кредитлар фоизларининг бир қисмини давлат қоплаб беради
Ўзбекистонда «Қуёшли хонадон» дастури қамровини ошириш мақсадида аҳоли ва тадбиркорларга берилган «яшил» кредитлар фоизларининг бир қисмини қоплаш, «яшил энергия» сертификатлари тизимини яратиш ҳамда ГЭСларга «яшил» сертификатлар берилиши белгиланди.
Нукус воқеалари бўйича айбланувчилар жазони енгиллаштиришни сўради
Нукус воқеалари бўйича апеллация иши жараёнида судланувчилар ва адвокатлар жазони енгиллатишни, марҳум Шамшетовни эса оқлашни сўради. Прокуратура шартли равишда ҳукм қилинган 4 нафар судланувчига нисбатан жазони кучайтиришни сўради. Биринчи куни Тажимуратов ва Найипов ўртасида можаро келиб чиқди.
Қатар амирининг Ўзбекистонга келиши кутилмоқда
Қатар раҳбари шайх Тамим бин Ҳамад Ол Соний Ўзбекистонга ташриф буюриши мумкин. Қатар томони унинг бўлажак ташрифи кўп қиррали шерикликни янада чуқурлаштиришга кучли туртки беришига ишонч билдирмоқда.
Қўшимча имкониятлардан фойдаланиш учун сайтда рўйхатдан ўтинг