Архив
Сурхондарёда 1 гектар ерни $100 минг эвазига сотишда гумонланган шахс ушланди
Сурхондарёнинг Денов туманида яшовчи фермер хўжалиги раиси тасарруфида бўлган 1 гектар ерни бошқа фуқарога 100 минг доллар эвазига сотишга келишиб, олдиндан 20 минг доллар олганда қўлга олинди. Ҳозирда ҳолат юзасидан тергов ҳаракатлари олиб борилмоқда.
Ангрен ҳокими Алишер Раимовга «ҳайфсан» берилди
Фуқаролар билан мулоқот чоғида ҳақоратли сўзлар ишлатиб, тадбиркорга сўкингани учун Ангрен ҳокими Алишер Раимовга «ҳайфсан» интизомий жазоси берилди. Вилоят ҳокимлиги мансабдорнинг давлат хизматчиси касб этикасини бузгани ва мансаб ваколатларини суиистеъмол қилганини тан олди.
АҚШда ўзбек шоири Абдулла Орипов ҳақида филм суратга олинмоқда
Ўзбекистон халқ шоири Абдулла Орипов ҳақидаги бадиий фильмнинг Ўзбекистондаги тасвирга олиш ишлари якунланиб, шоир умрининг сўнгги ойларини ўтказган АҚШ шаҳарларида давом этяпти. Филм унинг қизи Мавлуда Орипова хонадонида ва у сайр қилишни жуда яхши кўрган Тинч океани соҳилларида суратга олиняпти.
Андижонда электр ўчган вақтда реанимациядаги бемор вафот этди. Энергетика вазирлиги буни рад этиб чиқди
Қўрғонтепа тумани тиббиёт бирлашмасининг жонлантириш бўлимида ётган эркак чироқ ўчиб қолиши сабаб вафот этгани ҳақида хабар берилди. Энергетика вазирлиги буни рад этиб, ҳолатга изоҳ берди.
Октябрь ойида автомобиль бозорида пасайиш кузатилди
Октябрь ойида Ўзбекистонда 112,7 мингта автомобиль сотилди. Бу сентябрь ойига нисбатан 8 фоизга кам. Иккиламчи бозорда сотувларнинг пасайиши бирламчи бозорга қараганда камроқ кескинлашиб, 1,4 фоиз камайишни қайд этди.
«Путин Россияни империяга айлантиришни орзу қилиб, бор қудратига ҳам зарба бериб қўйди» — Камолиддин Раббимов
Сиёсатшунос Камолиддин Раббимов Европарламент Россияни «террор ҳомийси бўлган давлат» сифатида тан олганини изоҳлар экан, «Путин Россияни империяга айлантиришни орзу қилиб, бор қудратига ҳам тарихий зарба бериб қўйди», деди. Унинг фикрича, «Россия бу вазиятдан заиф ва ўта заиф ҳолатда чиқади».
«Ичимдаги исён мажбур қилди». Тошкентда блогер ИИВ раҳбари истеъфосини талаб қилиб, пикет уюштирди
Публицист ва блогер Шокир Шарипов Ўзбекистон ички ишлар вазири Пўлат Бобожонов истеъфосини талаб қилиб, пойтахтда бир кишилик пикет уюштирди. У «Газета.uz»га берган интервьюсида бунга «ичимдаги исён мажбур қилди», дея таъкидлади.
Бир ҳафтада 2310 нафар шахс карантинга олинди — Нурмат Отабеков
Сўнгги 7 кунда 2310 киши ковид юқтириб олганлар билан алоқада бўлганликда гумонланиб, карантинга олинди. Шифохоналарда эса 539 нафар бемор даволанмоқда. «Ҳозирда грипп ва ўткир респиратор инфекциялар ковид билан микс-инфекция касаллиги сифатида аниқланмоқда», — деди СЭС раҳбари ўринбосари.
«Ўзбеккосмос» қонунбузарликларни сунъий йўлдош тасвирлари ёрдамида аниқлайди
Президент қарори билан «Ўзбеккосмос» агентлигига коинот тасвирларини таҳлил қилиш йўли билан қишлоқ ва сув хўжалиги, ер муносабатлари, экология, геология соҳасидаги ҳуқуқбузарликларни аниқлаш вазифаси юклатилди.
Испания ўз гуруҳида рекорд ҳисобда, Белгия эса минимал ҳисобда ғалабага эришди
ЖЧ-2022нинг яна бир кунида E ва F гуруҳидан жой олган Испания — Коста-Рика ва Белгия — Канада баҳслари бўлиб ўтди. Биринчи баҳсда испанияликлар тотал устунлик қилиб, 7 гол уриб рекорд ҳисобни қайд этишган бўлишса, иккинчи баҳсда аслида Белгиядан кучлироқ ўйин кўрсатган Канада 0:1 ҳисобида ютқазди.
Бухорода Nexia-2 йўл четидаги болаларни уриб юборди
Бухоро вилояти Қоракўл туманида Nexia-2 ағдарилиб, пиёдалар йўлакчасида кетаётган икки нафар болани уриб юборди. Оқибатда болалардан бири тан жароҳати билан шифохонага ётқизилди. ЙТҲ юзасидан терговолди суриштирув ҳаракатлари олиб борилмоқда.
Тижорат банклари 1 долларни 11 280 сўмдан сотишни бошлади
Банкларда 24 ноябрь куни 1 АҚШ доллари 11 180 — 11 260 сўмдан сотиб олинмоқда, сотиш курси эса 11 280 сўмгача кўтарилди.
Бошланғич синф ўқувчиларини бепул тушлик билан таъминлашга қўшимча 106 млрд сўм ажратилади
Молия вазири қуйи палата сессиясида 2022 йилдаги давлат бюджети ҳисобидан ХТВга қўшимча 922 млрд сўм ажратилишини маълум қилди. Шундан 106 млрд сўм Қорақалпоғистон ва Хоразмда 1−4-синф ўқувчиларини бепул овқатлантириш учун, 400 млрд сўм эса дарслик ижарасини бюджетдан қоплаш учун йўналтирилади.
Консолидациялашган бюджет тақчиллиги уч фоиздан тўрт фоизга оширилади
Молия вазири Тимур Ишметов «2022 йил учун Давлат бюджети тўғрисида»ги қонунга ўзгартириш киритиш бўйича муҳокамада бюджет тақчиллиги 3%дан 4%га оширилишини маълум қилди. Аввалроқ ҳукумат лимитга мослаша олмаётгани учун депутатлардан бюджет тақчиллигининг чекланган миқдорини оширишни сўраганди.
23 ноябрь куни Ўзбекистонда содир бўлган энг муҳим хабарлар дайжести
Тошкентда трамвай йўлларини қурадиган Франция компанияси, ёқиб юборилган 34,2 минг қути тамаки, яна дарахткушлик, «ТТЗ»дан «Машинасозлар» метросигача экспресс автобус, 800 млн еврога 17 та самолёт сотиб олиниши, $40 млрддан ошган ташқи савдо айланмаси ва бошқалар — «Газета.uz»нинг кун дайжестида.
Стратегик ривожланиш агентлиги раҳбарининг барча ўринбосарлари ишдан бўшатилди
Ҳукумат қарори билан Стратегик ривожланиш агентлиги раҳбарининг барча ўринбосарлари, хусусан, Рустамхон Азизов, Азиз Гафуров ва Алексей Сим ўз лавозимидан озод этилди. Ушбу агентлик сентябрь ойида президент ҳузуридаги Стратегик ислоҳотлар агентлиги сифатида қайта ташкил этилган эди.
ЖЧ-2022 да яна битта сенсация: Япония Германияни мағлуб этди, Хорватия — Марокаш баҳсида эса нурсиз дуранг
23 ноябрь куни E гуруҳидан жой олган Германия — Япония баҳсида 1:2 ҳисоби қайд этилди. Япония «камбэк» амалга оширди ва иродали ғалабага эришди. F гуруҳидаги Марокаш — Хорватия баҳсида эса ҳисоб очилмади — 0:0.
Европарламент Россияни терроризмга ҳомийлик қилувчи давлат сифатида тан олди
Европарламент Россия қўшинларининг Украинадаги тинч аҳолига нисбатан ваҳшийликлари учун Россияни терроризм ҳомийси сифатида тан олди. Шунингдек, депутатлар Европа кенгашини Россиянинг «Вагнер» хусусий ҳарбий компанияси ва «Қодировчилар» полкини террорчи ташкилотлар рўйхатига киритишга чақирди.
Икки қизни Индонезияга фоҳишаликка юбормоқчи бўлган икки фуқаро 5 йилга қамалди
Икки қизни Индонезияга фоҳишалик қилиш учун юборишни режалаштирган икки фуқаро 5 йилу 1 ойдан қамоқ жазосига ҳукм қилинди.
Андижонда оёқлари комбайнга кириб кетган 35 ёшли эркак вафот этди
Андижон вилояти Жалақудуқ туманида оёқлари комбайннинг янчувчи қисмига кириб кетган 35 ёшли эркак шифохонада вафот этди. Ҳолат юзасидан терговга қадар текширув ҳаракатлари олиб борилмоқда.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг