Архив
Президент ташрифидан бир кун ҳам ўтмай, Сурхондарёда йўл таъмирлаш ишлари бошланди
Сешанба куни Ўзбекистон президенти Сурхондарёдаги бузилган йўл бўйлаб ҳаракатланиб, 15 кун ичида уни реконструкция қилиш лойиҳасини ишлаб чиқишни топширганди. Шу куннинг ўзидаёқ вилоятда умумий узунлиги 111 километр бўлган йўлни таъмирлаш ишлари бошланди.
Президентлик муддати 7 йилга узайтирилади — Ўзбекистон Конституцияси лойиҳаси
Парламент томонидан маъқулланган янги таҳрирдаги Конституция лойиҳасида президент ваколат муддатини 5 йилдан 7 йилгача узайтириш таклиф этилмоқда. Аввалроқ Конституция янгиланганидан кейин президент ва қатор бошқа мансабдорлар ҳам худди шу лавозимларга қайта сайланиши мумкинлиги хабар қилинганди.
Жаҳон янгиликлари дайжести
Кўча тозаловчилар иш ташлагани учун Париж кўчалари чиқиндига тўлгани, Таиланддаги электр станциясида радиоактив модда бўлган қувурнинг йўқолиб қолгани, Россиянинг Су-27 самолёти Қора денгиз устида Америка разведкачи «дрон»ини уриб туширгани ва бошқалар — «Газета.uz»нинг жаҳон янгиликлари дайжестида.
Нукус иши бўйича 39 нафар судланувчининг ҳукмлари 17 март куни эълон қилинади
Ўтган йил июль ойида Қорақалпоғистонда содир бўлган воқеалар бўйича 39 нафар судланувчига нисбатан ҳукмлар 17 март куни эълон қилинади.
14 март куни Ўзбекистонда содир бўлган энг муҳим хабарлар дайжести
Сурхондарёнинг бузилган йўлларида Malibu ҳайдаган Шавкат Мирзиёев, Конституциявий қонунни референдумга қўйишни маъқуллаган Сенат, АЁҚШларда Аи-92 бензинига 7500 сўмлик чегирма, ЙПХ ходимлари ҳақида видео олгани учун қамалган жиззахлик фуқаро ва бошқалар — «Газета.uz»нинг кун дайжестида.
Президент Сурхондарёда шанба-якшанбани «ота-оналарнинг фарзанд қабул куни» деб эълон қилишни таклиф этди
Ўзбекистон президенти ота-оналар мажбуриятини ошириш мақсадида Сурхондарё тажрибаси сифатида шанба-якшанбани «ота-оналарнинг фарзанд қабул куни» деб эълон қилишни таклиф этди.
Россия дон шартномасини 60 кунга узайтиришга рози бўлди
Россия Украина, Туркия ва БМТ билан дон шартномасини 60 кунга узайтиришга рози бўлди. Мазкур битим 2022 йил июль ойида тузилган ва ноябрь ойида узайтирилган эди.
Ўзбекистон президенти Туркияга боради
Шавкат Мирзиёев Туркий давлатлар ташкилоти раҳбарларининг «Офат ҳамда фавқулодда вазиятларни бошқариш ва инсонпарварлик ёрдами» мавзусида навбатдан ташқари саммитида иштирок этиш учун Туркияга боради.
Тошкентда қариялар уйининг девори қулаб тушди. Ҳодисада ҳеч ким жабрланмади
Тошкентда кузатилган узлуксиз ёғингарчиликлар туфайли Олмазор туманидаги қариялар уйининг девори қулаб тушди. Ҳодисада ҳеч ким жабрланмади. Фақатгина девор олдида турган Nexia 3 автомобили шикастланган.
Сенат Конституциявий қонунни ва уни референдумга қўйишни маъқуллади
Олий Мажлис Сенати Конституциявий қонунни ва уни умумхалқ референдумига қўйишни маъқуллади. Қонун уч кун ичида матбуот ва бошқа ОАВларда эълон қилиниши кутилмоқда.
Конституциявий суд қарорида Конституциянинг янги таҳрири мансабдор шахсларга қандай қўлланилиши тушунтирилди
Ўзбекистон Конституциявий судининг қарорида референдумда қандай саволга жавоб бериш сўралиши маълум бўлди. Қолаверса, Конституция янгилангандан сўнг, давлат амалдорлари ушбу лавозимларга бошқа фуқаролар билан тенг равишда сайланиши ва тайинланиши мумкинлиги тушунтирилди.
Нидерландиянинг Ўзбекистондаги янги элчиси тайинланди
Андре Карстенс Нидерландиянинг Ўзбекистондаги янги элчиси (қароргоҳи Остона шаҳрида) этиб тайинланди. ТИВда унинг ишонч ёрлиқлари қабул қилинди.
Uzbekistan Airways ёшлар учун маҳаллий қатновларга 21 фоизлик чегирма эълон қилди
Uzbekistan Airways 23−31 март кунлари 12 ёшдан 30 ёшгача бўлганлар учун маҳаллий авиақатновларга 21 фоизлик чегирма эълон қилди. Чегирма Ёшлар туризми ҳафталиги ўтказилиши муносабати билан тақдим этилмоқда.
Шоир ва драматург Менглибой Муродов 80 ёшида вафот этди
Ёзувчилар уюшмаси аъзоси Менглибой Муродов 80 ёшида вафот этди. Адиб «Менинг бола қалбим», «Кўнгилдаги қўшиқлар», «Умидли дунё» китоблари муаллифи ҳисобланади. «Гуноҳ» романи мустақилликнинг 17 йиллигида ўтказилган «Энг улуғ, энг азиз» танловида 3-ўринга лойиқ кўрилган.
Видео: Шавкат Мирзиёев Сурхондарёнинг бузилган йўлларида Malibu ҳайдади
Ўзбекистон президенти Сурхондарёдаги Бойсун-Денов йўналиши бўйлаб йўл сифати юзасидан фуқаролардан келиб тушаётган мурожаатларни инобатга олиб, сифатсиз йўлда Malibu ҳайдади. Шавкат Мирзиёев бу йўлларда ҳаракат қилиб бўлмаслигини таъкидлади.
Сирдарё вилоятига янги прокурор тайинланди
Савид Иматов Сирдарё вилояти прокурори лавозимига тайинланди. У бунга қадар Қорақалпоғистон прокурорининг биринчи ўринбосари лавозимида ишлаган.
Коррупцияга қарши курашишда қониқарсиз ишлаган давлат идоралари маълум қилинди
Экспертлар Сув хўжалиги, Энергетика вазирлиги ҳамда Сурхондарё ва Андижон вилоятлари ҳокимликларининг коррупцияга қарши курашиш ишларини қониқарсиз деб баҳолади. Бунга раҳбарларнинг ушбу йўналишда шахсий ташаббуси етарли эмаслиги ҳам сабаб бўлган. Энг яхши натижа Солиқ қўмитасида қайд этилди.
Наманганда ўзини каналга ташлаган 54 ёшли эркак ҳалок бўлди
Тўрақўрғонлик эркак ўзини Шимолий Фарғона каналига ташлаб, ҳалок бўлди. 54 ёшли фуқаронинг нега бундай қилгани ҳозирча номаълум. Ҳолат юзасидан суриштирув олиб борилмоқда.
Ўзбекистонда электр, газ ёки водопроводга ноқонуний уланиш ўғирлик этиб белгиланди
Қонун билан электр, иссиқлик, газ ёки водопроводдан тижорат мақсадларида ноқонуний фойдаланиш ўғирлик деб белгиланди. МЖтК ва ЖКга киритилган ўзгартишларга кўра, энди ушбу жиноятни содир этганлар 6 млн сўмгача жаримага тортилиши ёки 5 йилга қамалиши мумкин.
Жиззахда ЙПХ ходимлари ҳақида видео суратга олган фуқаролар қамалди — ИИВ
Тармоқларда жиззахлик икки фуқаро ЙПХ ходимлари ҳақида суратга олган ҳазиломуз видео тарқалди. ИИВ маълум қилишича, уларнинг бири 15 сутка, бошқаси эса 10 суткага қамалди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг