Архив
1 мартдан нималар ўзгаради?
Солиқ текширувлари устидан судга шикоят қилиш имконияти яратилади, 1 млрд сўмдан ортиқ давлат харидлари фақат тендер орқали ажратилади, 6 та янги маҳаллий йўналишда авиақатновлар йўлга қўйилади, тадбиркорлар солиқ қарзини фоизларсиз бўлиб тўлаши мумкин бўлади — 1 мартдан нималар ўзгаради?
Тошкентда автобус ҳайдовчилари йўловчи талашиб муштлашди
Тошкент шаҳрида 28- ва 155-сонли автобус ҳайдовчилари йўловчи талашиб муштлашди. Уларга маъмурий баённома расмийлаштирилди. Блогер Шаҳноза Соатова ҳолат бўйича фикр билдирар экан, ҳайдовчиларни «потенциал зўравон ва қотил» дея атади.
Uzbekistan Airways Наврўз байрамига 21 фоизлик чегирма эълон қилди
Uzbekistan Airways Наврўз байрами муносабати билан маҳаллий авиақатновлар учун 21% чегирма эълон қилди. У 18 мартдан 22 мартгача бўлган сотув даврида амал қилади.
ХТББ ўқувчи қизларнинг TikTok`даги видеоси «миллий урф-одатларга тўғри келмаслигини» билдирди
TikTok`да Тошкентдаги ўқувчи қизларнинг машҳур «За деньги да» қўшиғига қалбаки долларларни сочган ҳолда ўйнагани акс этган ҳазиломуз видеоси тарқалди. Пойтахт халқ таълими бош бошқармаси ҳолат бўйича қизларнинг ота-онаси узр сўраганини ва рақс «миллий урф-одатларга тўғри келмаслигини» билдирди.
Банкларда долларнинг сотиш курси 11 395 сўмгача кўтарилди
Тижорат банклари 1 март куни аҳолидан 1 АҚШ долларини 11 280 — 11 335 сўмдан сотиб олмоқда, сотиш курси эса аксарият банкларда 11 395 сўм.
Ўзбекистон бош муфтийси бир нечта имом-хатибни ишдан олди, айримларига ҳайфсан берди
Ўзбекистон мусулмонлари идораси раиси Нуриддин Холиқназаров ўтказган йиғилишда қатор имом-хатиблар ишдан олинди, айримларига ҳайфсан берилди. Муфтий имом-хатибларга ижтимоий тармоқларда чиқиш қилиш одобига амал қилиш ва билим савияларини ошириш юзасидан кўрсатмалар берди.
Сенатнинг ўттиз еттинчи ялпи мажлиси 2 март куни чақирилади
Олий Мажлис Сенатининг ўттиз еттинчи ялпи мажлиси 2 март куни чақирилади. Унда рақобат, давлат божи ва тиббиёт ҳамда педагог ходимларининг хизмат вазифаларини бажаришига тўсқинлик қилганлик учун жавобгарликни кучайтириш тўғрисидаги қонунлар кўриб чиқилади.
Ўзбекистоннинг барча ҳудудларида ҳам тезлик пасайтирилмайдиган бўлди
2023 йилги давлат дастурига кўра, 1 апрелдан Тошкент ва Нукус шаҳарларида ҳамда вилоят ва туманлар марказларида автомобиллар ҳаракатланишининг энг юқори тезлиги 70 км/соатдан 60 км/соатга туширилади. Аввалроқ лойиҳада чекловни барча аҳоли пунктларида қўллаш таклиф қилинганди.
China Southern Airlines Пекин ва Тошкент ўртасидаги парвозларни тиклайди
Хитойнинг China Southern Airlines авиакомпанияси Пекин ва Тошкент ўртасида тўғридан-тўғри қатновларни тиклайди ва биринчи рейс 26 мартга мўлжалланган. Мунтазам қатновлар ҳафтасига икки марта — душанба ва жума кунлари амалга оширилади.
Жаҳон янгиликлари дайжести
Туркияда содир бўлган зилзила қурбонлари сони 2 нафарга етгани, Краснодардаги нефть базасига дронлар ҳужуми уюштирилгани, АҚШ Хитойнинг 12 та компаниясини Россияга ёрдам бергани учун «қора рўйхат»га киритгани ва бошқалар — «Газета.uz»нинг жаҳон янгиликлари дайжестида.
Февраль ойида «Газета.uz» жамоаси тайёрлаган махсус материаллар
100 ёшга тўлган «Муштум» журналининг ҳалигача эскирмаган долзарб мавзулари, таниқли шахслар, жамоат фаолларидан ўқилиши мақсадга мувофиқ китоблар рўйхати, Туркиядаги зилзила оқибатлари, Украинадаги урушнинг глобал иқтисодиётга таъсири ва бошқалар — «Газета.uz» февраль ойида нималар ёзгани ҳақида.
Қишнинг сўнгги кунида Ўзбекистонда содир бўлган энг муҳим хабарлар дайжести
Аи-80 бензини нархи ошмаслиги, ёввойи ҳайвон ва қушларни овлаш мавсуми якунлангани, хонадонларга бериладиган электр 50 фоизга кўпайиши, комиссия учун ходимлардан пул йиғгани сабаб ишдан кетган мактаб директори, пора билан ушланган прокуратура ходимлари ва бошқалар — «Газета.uz»нинг кун дайжестида.
«АҚШ Марказий Осиё мамлакатларига нисбатан Россияга қарши санкциялар оқибатларини юмшатишга ёрдам беради» — Энтони Блинкен
АҚШ Россияга қарши санкциялар Марказий Осиё учун иқтисодий салбий таъсир кўрсатишини тушунади, шу боис уларни юмшатиш ва камайтириш учун барча саъй-ҳаракатларини қилади, деди АҚШ давлат котиби. У МОда савдони диверсификация қилиш ва иш ўринлари яратиш учун $25 млн ажратилишини маълум қилди.
Ўзбекистон президенти амалий ташриф билан Озарбайжонда бўлади
Президент Шавкат Мирзиёев амалий ташриф билан Озарбайжонда бўлади. Давлат раҳбари Бокуда бўлиб ўтадиган Қўшилмаслик ҳаракати саммитида иштирок этади. Мазкур ҳаракат ҳарбий-сиёсий блоклар ва ташкилотларда иштирок этмасликни ўз ташқи сиёсатининг асоси этиб эълон қилган 120 та давлатни бирлаштирган.
АҚШ давлат котиби Энтони Блинкен Ўзбекистонга келди
АҚШ давлат котиби Энтони Блинкен бошчилигидаги Америка делегацияси Тошкент халқаро аэропортига қўнди. Тошкентда унинг «минтақавий ва икки томонлама масалалар бўйича ҳамкорликни янада ривожлантириш» бўйича музокаралар ўтказиши режалаштирилган. У 1 март куни Ҳиндистонга жўнаб кетади.
Куёв монологи
«Уйланишга сарф бўладиган пулнинг ҳисоби чиқди. Миқдорини айтмай, қўрқиб кетасиз. Фақат бир нарсани айтишим мумкин: ҳозир 25 даман. Совхозда механизаторман, маошим тузук. Тежамкорлик билан жамғарсам, пулни тўплаш учун яна 19 йил-у 9 ой керак экан […] Демак, 45 ёшимда никоҳ тўйимиз бўларкан».
Тошкент ҳокимлиги «Росатом» конструкторлик бюросига инфратузилма соҳасида ҳамкорликни таклиф қилди
Тошкент ҳокимлиги «Росатом»нинг энергия самарадорлиги ва инфратузилма ечимлари лойиҳа бюросини Ўзбекистон пойтахтининг электр ва иссиқлик таъминотини яхшилаш ҳамда коммунал инфратузилмани модернизация қилишга жалб этмоқчи.
Япония Ўзбекистондаги учта таълим муассасасига грант ажратди
Япония Ўзбекистон Мактабгача ва мактаб таълими вазирлигига Урганчдаги мактабда санитария ҳолатини яхшилаш ҳамда Термиздаги иккита боғчани ўқув жиҳозлари билан таъминлаш учун грантлар ажратди.
ЎзДЖТСУ Фарғона филиалида 356 абитуриентнинг баллари ўзгартирилгани аниқланди
ЎзДЖТСУ Фарғона филиалида ўтказилган касбий имтиҳонларда 356 нафар абитуриент тўплаган балларга сохта ёзувлар киритилиб, уларнинг 322 нафарига балл қўшиб берилгани, 34 нафарининг баллари эса камайтирилгани аниқланди. Натижада юқори балл тўплаган 145 нафар абитуриент ўқишга кира олмаган.
Ўзбекистон ва Покистон товар айирбошлаш ҳажмини 1 млрд долларга етказиш бўйича ҳаракатлар режасини келишиб олди
Ўзбекистон ва Покистон савдо ҳажмини 1 млрд долларга етказиш учун савдогарларни қўллаб-қувватлаш воситаларини жорий этиш, автомобиль ва транзит ташиш тартиб-қоидаларини уйғунлаштириш ҳамда икки давлат ўртасида электрон тижоратни ривожлантиришни ўз ичига олган ҳаракатлар режасини келишиб олди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг