Архив
«Humo ва Uzcard интеграцияси маълум қийинчиликлар билан кетяпти» — МБ раҳбари
Humo ва Uzcard тўлов тизимлари ўзаро интеграция асосида ишламоқда, бироқ жараён маълум қийинчиликлар билан кетяпти, дея таъкидлади МБ раҳбари Мамаризо Нурмуратов. Унинг сўзларига кўра, айрим Uzcard шартлари Humo`га тушмайди.
Сузиш федерацияси мансабдорлари 1 млрд сўмдан ортиқ маблағни талон-торож қилгани аниқланди
Сузиш федерацияси мансабдорлари терма жамоа таркибида бўлмаган фуқарони халқаро йиғинга юбориб, 71 млн сўмни асоссиз ишлатгани, 287 нафар спортчи меҳмонхона хизматидан фойдалангани ҳақида сохта ҳужжат тайёрлаб, 1 млрд сўмни талон-торож қилгани аниқланди. Ҳолат юзасидан жиноят иши қўзғатилди.
Ҳозирга қадар Ўзбекистонда вабога чалинган бемор аниқланмаган — СЭС
Ижтимоий тармоқларда Ўзбекистонда вабо касаллиги аниқлангани ҳақида хабарлар тарқалди. СЭС бошлиғи ўринбосари Нурмат Отабеков буни рад этиб, ҳозиргача мамлакатда умуман вабо аниқланмаганини маълум қилди. СЭС очиқ сув ҳафзалари ва ичимлик сувини вабога қарши мунтазам текшириб тургани қўшимча қилинди.
«Тартибга солувчи гильотина» усули орқали ҳукуматнинг 422 та қарори бекор қилинди
Вазирлар Маҳкамаси битта қарори билан ўзининг 422 та қарорини бекор қилди. Бунда «тартибга солувчи гильотина» усулидан фойдаланилди.
Рамзан Қодиров Шавкат Мирзиёевга иккита от совға қилди
24 июль куни Ўзбекистон президенти Шавкат Мирзиёевни туғилган куни билан қўшни давлатлар раҳбарлари, шунингдек, Озарбайжон, Беларус, Россия ва Туркия раҳбарлари табриклади. Чеченистон раҳбари Рамзан Қодиров унга иккита от совға қилди.
Энергетика вазирлиги: чекловлар кенг кўламли муаммоларнинг олдини олади
Энергетика вазирлигининг хабар беришича, юқори ҳарорат ва электр узатиш линияларининг ҳаддан ташқари қизиб кетиши шароитида диспетчерлар айрим ҳудудлар ва саноат объектларини электр таъминотидан вақтинча узишга мажбур бўлмоқда. Агар шундай қилинмаса, катта ҳажмда бахтсиз ҳодисалар юз бериши мумкин.
Ўзбекистон мобил интернет нархи арзон бўлган 20 та давлат қаторига кирди
Ўзбекистон мобиль интернет нархининг арзонлиги бўйича дунёда 15-ўринга чиқди. Мамлакатда 1 ГБ мобил интернетнинг ўртача нархи йил давомида деярли 40 фоизга, уч йил ичида эса қарийб 9 мартага арзонлашган.
Нигора Сувонова — оғир атлетика бўйича Осиё чемпиони
Ўзбекистонлик оғир атлетикачи Нигора Сувонова (-81 кг) Осиё чемпионатининг барча турдаги дастурлари бўйича 6 та олтин медални қўлга киритди. Терма жамоа ҳисобига яна 19 та медални Мадина Файзуллаева, Шарофиддин Амриддинов, Қудратбек Салимжонов, Нурбол Абдурашидов ва Хушноза Холиқовалар олиб келишди.
Ҳафтанинг иккинчи ярмида ҳарорат пасайиши кутилмоқда — Ўзгидромет
Ҳафта бошида Ўзбекистоннинг шимоли-ғарбий вилоятларида жазирама пасая бошлайди. Қорақалпоғистон ва Хоразмда 25−26 июль кунлари вақти-вақти билан ёмғир ёғиб, момақалдироқ бўлиши мумкин. Ҳафта охирига келиб, нисбатан салқин ҳаво бутун мамлакатга тарқалади, ҳаво ҳарорати +33…+36 даражагача тушади.
Президент 20 август куни тадбиркорлар билан мулоқот қилади
20 август — Тадбиркорлар кунида президент ишбилармон доира вакиллари билан навбатдаги очиқ мулоқотни ўтказади. Таклиф ва саволлар июль охирига қадар қабул қилинади.
Шавкат Мирзиёев шу ҳафта ШҲТга аъзо давлатлар ТИВ раҳбарларини қабул қилади — Шерзод Асадов
Шу ҳафта Шавкат Мирзиёев ШҲТга аъзо давлатлар ТИВ раҳбарларини қабул қилади, Афғонистон бўйича халқаро конференция иштирокчиларига эса мурожаат йўллайди, деб хабар қилди президент матбуот котиби. Шерзод Асадов шунингдек, давлат раҳбарининг туғилган куни қандай ўтгани ҳақида ҳам маълумот берди.
Самарқанддан Тошкентга 703,9 млн сўмлик 10 дона олтин қотишмасини олиб кетаётган шахс ушланди
Самарқанд вилоятидаги «Юқори нуқта» ЙПХ масканида Hyundai Elantra ҳайдовчиси ёнида умумий оғирлиги 1,1 кг бўлган 10 дона олтин қотишмаси борлиги аниқланди. Баҳоси 703,9 млн сўмлик олтин Тошкентга олиб кетилаётгани маълум бўлди. Гумондорга нисбатан жиноят иши қўзғатилди.
IT, тиббиёт, молия — яқин келажакнинг энг истиқболли ва барқарор касблари қайси?
Глобал меҳнат бозорида ишчи кучига бўлган талаб юқори даражада қайта тикланиб, рекорд даражадаги «иқтидорлар танқислиги» кузатилмоқда. Ушбу мураккаб бозор шароитида қайси касблар энг истиқболли, даромадли ва барқарор бўлади? «Газета.uz» мақоласида келажак касблари ҳақида ҳикоя қилинади.
Ғафур Ғулом боғи очилиши сентябрга қолдирилди — Сенат
Тошкентдаги Ғафур Ғулом боғи 1 сентябрь куни очилиши режалаштирилмоқда, деб хабар берди Сенат. Боғни 49 йилга ижарага олган BMP Smart Decision Management вакили бу охирги муддат эканлиги ва объектнинг очилиши август ойида бўлиб ўтиши мумкинлигини қайд этди.
UzAuto Motors Россия ва Швейцария банклари ўртасидаги можаро сабабчисига айланиб қолди
UzAuto Motors компаниясига берилган кредит Россиянинг Транскапиталбанк (ТКБ) ва Credit Suisse ўртасидаги суд жараёнига сабаб бўлди. Суд Швейцария банкининг Россиядаги активларини, жумладан 10 млн евродан кўпроқ маблағини музлатиб қўйди.
ЖССТ маймунчечак тарқалишини халқаро фавқулодда ҳолат деб эълон қилди
Жаҳон соғлиқни сақлаш ташкилоти раҳбари маймунчечакни глобал фавқулодда ҳолат деб эълон қилди. Дунёда аллақачон 16 мингдан ортиқ касалликка чалиниш ҳолатлари аниқланган ва Европага чечак тарқалиши катта таҳдид солмоқда.
Bakan Tex ва FT Textile Group BSCI сертификатларига эга бўлди
Ўзбекистоннинг Bakan Tex ва FT Textile Group калава-ип ишлаб чиқарувчи йирик корхоналари Business Social Compliance Intiative сертификатига эга бўлди.
Гулнора Каримованинг адвокатлари Швейцариядаги судда ғалаба қозонишди
Швейцария апелляция суди Гулнора Каримовага қўйилган пора олиш бўйича айблов юзасидан унинг адвокатлари киритган шикоятни қисман қаноатлантирди. Мазкур суд қарори унга музлатиб қўйилган 303 млн доллар маблағни қайтариб олишга ёрдам бериши мумкин, деб ёзмоқда Bloomberg Law.
Товоқсой қамоқхонасида икки маҳкум ўз жонига қасд қилишга уринди
Тошкент вилоятидаги Товоқсой қамоқхонасида икки маҳкум яшаш биносидан ўзини ташлаб, жонига қасд қилишга уринди. Маҳкумларда оғир тан жароҳатлари аниқланган. Жиноят аломатлари бўлмагани учун прокуратура жиноят иши қўзғатмади. Ҳолатга «Эзгулик» жамияти раҳбари ҳамда Бош прокуратура муносабат билдирди.
Ичимлик суви тармоқлари таъмирланаётганда аҳолига сув транспортда етказиб берилади
Ичимлик суви таъминоти тўғрисидаги қонун президент томонидан имзоланди. Унга кўра, аҳолининг сифатли ичимлик суви билан таъминланиши давлат томонидан кафолатланади. Шу боис, ичимлик суви тармоқлари таъмирланаётганда ҳамда авариявий ҳолатларда аҳолига сув транспортда етказиб берилади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг