Архив
Журналистнинг газ ҳақидаги постига қўпол жавоб қайтарган матбуот котибига чора кўрилди
Журналист Азиза Қурбонова Учтепада газ босими пастлигини танқид қилгач, пост остида туман ҳокимлиги номидан қўпол изоҳлар қолдиришгани ҳақида ёзгандик. Шундан сўнг, туман ҳокимлиги баёнот бериб, матбуот котиби Тўрабек Тўраев «ҳис ҳаяжонга берилиб ёзган фикрлари» учун огоҳлантирилганини маълум қилди.
Россия ОТМларидан ўқишни кўчириш бўйича аризалар қабул қилиш муддати узайтирилди
Россиядаги айрим ОТМлардан ўқишни Ўзбекистонга кўчириш бўйича аризалар қабул қилиш муддати 10 кунга узайтирилди. Аввалги муддат 1 ноябрдан 20 ноябргача этиб белгиланганди. Ўқишини кўчириш истагини билдирган фуқаролар my.dtm.uz сайти орқали онлайн ариза беришлари мумкин.
ЖЧ-2022: букмекерлар скептикларга пул тикишмайди
«Газета.uz» ва Дмитрий Поваров ЖЧ-2022 бошланишига кунларни санашда давом этмоқда. Бугун G гуруҳи билан танишамиз: ушбу гуруҳдан «пентакампион» бразилияликлар, қўрқмас серблар, соат механизмидек схема бўйича ўйнайдиган швейцарияликлар, «ноль»га ўйнамасликни одат қилиб олган камерунликлар жой олган.
Шавкат Мирзиёев Тошкентда ЮНЕСКО минтақавий марказини ташкил этишни таклиф қилди
Шавкат Мирзиёев Тошкентда бўлиб ўтган кичик ёшдаги болаларни тарбиялаш ва таълим бериш бўйича Бутунжаҳон конференциясида нутқ сўзлади. Давлат раҳбари 2025 йилда болаларни мактабгача таълим билан қамраб олиш даражаси 80 фоизга етказилишни таъкидлади.
Русланбек Давлетов президент маслаҳатчиси этиб тайинланди
Русланбек Давлетов президентнинг ижтимоий-сиёсий ривожланиш масалалари бўйича маслаҳатчиси лавозимига тайинланди.
Андижондаги мактаб стадиони ўрнида бино қурилиши тўхтатилди
Қурилиш вазирлиги Андижондаги 50-мактаб стадиони ўрнида бино қурилиши лойиҳага ўзбошимчалик билан ўзгартириш киритилгани учун тўхтатилганини маълум қилди. Вазирлик қурилиш бўйича барча зарур хулосалар олинганини қайд этди. Аввалроқ прокуратура ҳоким қарори қалбаки эканини маълум қилганди.
Путин хорижликларга Россия армиясида хизмат қилишга рухсат берди
Россия Федерацияси президенти Владимир Путин чет эл фуқаролигига эга шахсларни РФ армиясида хизматни ўташга рухсат берувчи фармонни имзолади. Ҳужжатга кўра, иккинчи фуқароликка эга бўлган россияликлар ҳам ҳарбий хизматга чақирилади.
«Сукут сақлаш маданиятини йўқ қилинг». Тошкентда NeUyat кўргазмаси очилди
NeUyat фестивалига 139 Documentary Center галереясида старт берилди. Унинг мақсади жинсий зўравонлик ҳодисалари атрофидаги сукунат маданиятини бузишдир. Муҳим воқелик — шу номдаги кўргазма бўлиб, унинг экспонатларида жабрланган аёлларнинг ҳикоялари ва муаллифларнинг шахсий тажрибаси акс эттирилган.
Бухорода 2 шахс 1,12 гектар ерни $120 мингга сотишда гумонланиб ушланди
Иқтисодий жиноятларга қарши курашиш департаментининг Бухоро шаҳар бўлими томонидан икки фуқаро ерни ноқонуний сотишга уринган вақтда гумонланувчи сифатида қўлга олинди. Шунингдек, Самарқанд, Олмалиқ ва Марҳаматда ҳам ерни ғайриқонуний равишда сотишга уриниш аниқланди.
Дунё аҳолиси 8 миллиардга етди — БМТ
БМТ маълумотларига кўра, 15 ноябрь куни дунё аҳолиси 8 миллиардга етди. Прогнозларга кўра, 2030 йилда дунё аҳолиси 8,5 млрдга, 2050 йилда эса 9,7 млрдга етиши мумкин. Шунингдек, 2023 йилда Ҳиндистон аҳолиси энг кўп мамлакатга айланиши кутилмоқда.
Рассом Шавкат Музаффар вафот этди
Ўзбекистон рассомлар уюшмаси аъзоси, мусаввир Шавкат Музаффар 54 ёшида вафот этди. Унинг ўлими сабабига аниқлик киритилмаган.
Ўзбекистон БМТнинг Россия Украинага товон пули тўлаши ҳақидаги резолюциясига овоз бермади
БМТ Бош Ассамблеяси Россия босқинидан Украинага етказилган зарарни қоплашни назарда тутувчи резолюцияни қабул қилди. Уни 94 давлат қўллаб-қувватлади, 13 давлат қарши овоз бероди, 73 давлат, жумладан Ўзбекистон бетараф қолди.
Банклар 15 ноябрда амалда бўладиган долларнинг сотиш ва сотиб олиш курсини эълон қилди
Марказий банк 15 ноябрь кунги АҚШ долларининг расмий курсини 11 190,06 сўм этиб белгилади. Тижорат банклари ҳам долларнинг сотиш ва сотиб олиш бўйича янги қийматини эълон қилди.
Тошкентда 4 та автомобиль иштирокида ЙТҲ содир бўлди
Пойтахтнинг Амир Темур кўчасида Lada Vesta, Equinox, Mercedes-Benz ва Nexia иштирокида йўл-транспорт ҳодисаси содир бўлди. Воқеа сабаб Equinox автомобили ағдарилди, ҳайдовчига тез тиббий ёрдам кўрсатилди.
Қирғизистон билан чегарадаги аҳолини кўчиришга 50 млрд сўм ажратилади — бош вазир
Ўзбекистон ҳукумати икки давлат чегаралари ўзгариши муносабати билан Қирғизистон билан чегарада яшовчи 130 га яқин оилани кўчиришни режалаштирмоқда. Компенсация тўловларига 50 млрд сўм (тахминан 4,5 млн доллар) — ҳар бир оилага ўртача 384,6 млн сўмдан ажратилади.
«Судларда оворагарчиликлар кўп» — президент
Шавкат Мирзиёев суд соҳасидаги муаммоларга бағишланган йиғилишда судларда ишларни кўриб чиқиш эскича давом этаётгани, адвокатларнинг ўрни юқори эмаслиги, терговчилар ўз устида ишламай қўйганини таъкидлади. У судьялар ҳамжамияти ваколатларини кучайтириш, судьялар сонини ошириш таклифи маъқулланди.
Ташқи ишлар вазирига янги ўринбосарлар тайинланди
Фурқат Сидиқов ташқи ишлар вазирининг биринчи ўринбосари, Баҳромжон Аълоев ТИВ раҳбари ўринбосари этиб тайинланди.
Ўзбекистон Ўнғор тоғини Қирғизистонга беради, лекин унга кириш ҳуқуқига эга бўлади
Ўзбекистон ва Қирғизистоннинг радиореле антенналари жойлашган Ўнғор тоғи Қирғизистонга ўтади. Бош вазир Абдулла Арипов эвазига ўзбек томони Ўзбекистон томондан чиқиш мумкин бўлмаган тоғга чиқиш имкониятига эга бўлишини айтди.
Депутатлар Қирғизистон билан чегара ҳақидаги қонунларни маъқуллади. Ўзбекистон нима эвазига нима олади?
Қонунчилик палатаси Ўзбек-Қирғиз давлат чегарасининг айрим участкалари ҳамда Андижон (Кампир-обод) сув омбори сув ресурсларини биргаликда бошқариш тўғрисидаги ҳужжатларни ратификация қилиш тўғрисидаги қонунларни маъқуллади. Бош вазир Абдулла Арипов ҳудудлар алмашинуви тафсилотларини маълум қилди.
Журналистнинг газ муаммоси ҳақидаги постига Учтепа ҳокимлигининг жавоби: «Сиз нима қилиб бердингиз?»
Журналист Азиза Қурбонова якшанба куни газ босими пастлиги, чой ҳам қайнатолмаётганини танқид қилганди. Унинг Facebook`даги постида Учтепа ҳокимлиги саҳифаси номидан шундай изоҳ қолдиришди: «Бас қилинг халқнинг ғазабини қўзғатишни. Сиз нима қилиб бердингиз Учтепага?».
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг