Архив
Ўзбекистонда болаларга нисбатан ножўя ҳаракатлар учун жавобгарлик кучайтирилади
Сенатда хотин-қизлар ва болалар ҳуқуқларини ҳимоя қилиш, вояга етмаганларга нисбатан номақбул ҳаракатларни содир этганлик учун жавобгарликни кучайтириш бўйича ишчи гуруҳ тузилди.
Деҳқонободда қўнғир айиқ боласи ўлик ҳолда топилгани бўйича маълумот берилди
25 апрель куни Қашқадарё вилоятининг Деҳқонобод туманида экологлар она қўнғир айиқни икки боласи билан учратиб қолган эди. Бир кун ўтиб ижтимоий тармоқларда болаларнинг биттаси ўлдирилгани тўғрисида хабар тарқалди. Ҳолат юзасидан олиб борилган тезкор қидирув натижасида гумонланувчи аниқланди. Унинг уйидан бир дона айиқ боласининг териси топилган. Лекин гумондор айиқ боласини ўлик ҳолда топганини айтмоқда.
«Ўқиши учун уринг». Хатирчи тумани ҳокими мактаб ўқувчилари билан ишлаш ҳақида
Навоий вилояти Хатирчи тумани ҳокими Сайфиддин Низомов мактаб ўқувчиларини керак бўлса уриш мумкинлигини айтди. Унинг сўзларига кўра, «аввал ўқитувчилар болаларни калтаклашган ва бу уни ҳозиргача келишига ёрдам берган». Туман ҳокимлиги матбуот хизмати «ижтимоий тармоқларда вазият бошқача талқин қилинганини» маълум қилди.
2021 йилда аёлларга нисбатан зўравонлик ҳолатларининг 87 фоизи оилада содир этилган
2021 йилда ҳуқуқни муҳофаза қилувчи органларга аёллар ва қизларга нисбатан тазйиқ ва зўравонлик ҳолатлари юзасидан 39343 та мурожаат келиб тушган. Уларнинг 34330 таси ёки 87 фоизи оилада содир этилган.
Миллий гвардия қўмондонига ўринбосарлар тайинланди
Адхамжон Сормонкулов ва Сарвар Мамаюсупов Миллий гвардия қўмондони ўринбосарлари этиб тайинланди.
«ОАВ эркинлиги учун халқаро ташкилотлар ёрдами керак» — Комил Алламжонов
Масс-медиани қўллаб-қувватлаш жамғармаси раҳбари Комил Алламжонов БМТнинг Инсон ҳуқуқлари бўйича Олий комиссари Мишель Бачелет билан учрашувда ОАВ эркинлигини таъминлаш учун халқаро ташкилотларнинг кўмаги зарурлигини таъкидлади. У БМТ бошқармаси билан ҳамкорлик матбуотни ривожлантириш ва «аҳолини агрессив ва шафқатсиз хорижий ташвиқотдан» ҳимоя қилиш учун муҳим деб атади.
Фарғона водийсида сел ҳодисалари кузатилиши мумкин
Ўзгидромет 27 апрель куни кучли ёғингарчилик туфайли Фарғона водийсининг айрим ҳудудларида сел келиши мумкинлиги ҳақида огоҳлантирди.
Жиззахдаги сел қабристоннинг ярмини оқизиб кетди, юқумли касалликлар тарқалишига қарши чоралар кўрилмоқда
Жиззах вилояти Эгизбулоқ маҳалласига келган сел 70 дан ортиқ қабрни оқизиб кетган. СЭС ходимлари аҳоли орасида турли касалликлар тарқалишининг олдини олиш учун сув ва тупроқ намуналарини олишди ҳамда аҳолига дори ва антисептик воситалари тарқатди.
26 апрель куни Ўзбекистонда содир бўлган энг муҳим хабарлар дайжести
Рамазон хайитида 5 кун дам оладиган ўзбекистонликлар, Антикоррупция агентлиги деворига коррупцияга атаб чизиб кетилган граффити, ўзини ҳақиқий андижонлик деб билганларни ҳар куни Андижон полкасига рақсга тушишга чақирган ҳоким, туризм бўйича ҳоким ўринбосарларига синов муддати берган президент ва бошқалар — «Газета.uz» нинг 26 апрелдаги энг муҳим хабарлари дайжестида.
Президент Ўзбекистон бўйлаб саёҳатлар учун туристик кешбэк дастурини эълон қилди
1 сентябрдан Ўзбекистон бўйлаб саёҳатлар учун авиа, темир йўл ва автобус чипталарини харид қилиш, меҳмонхона харажатлари, музейлар ва бошқа маданият масканларига ташриф буюриш учун кешбэк тизими жорий этилади. Шунингдек, 1 июлдан «Зиёрат туризми» дастури доирасида хорижий авиакомпанияларга кўрсатиладиган хизматларга 50 фоизгача чегирмалар жорий қилинади.
Рамазон ҳайити муносабати билан ўзбекистонликлар 5 кун дам олади
Президент келгуси ҳафтада Рамазон ҳайити муносабати билан ҳам аҳолига 5 кунлик дам олиш берилишини айтди. Унинг айтишича, Наврўз байрамидаги дам олиш кунларида Бухоро ва Самарқандга қўшимча 110 минг маҳаллий туристлар борган. 2022 йилдан давлат ташкилоти ходимларига йилига бир маротаба маҳаллий саёҳатга чиқиш харажатларининг 20 фоизини бюджетдан ташқари маблағлар ҳисобидан қоплаш амалиёти йўлга қўйилади.
«Андижон полкаси» рақсини ЮНЕСКО номоддий маданий мерос рўйхатига киритиш таклиф қилинди
Президент раислигидаги туризм соҳасини янада ривожлантириш бўйича видеоселекторда «Андижон полкаси» рақсини ЮНЕСКО номоддий маданий мерос рўйхатига киритиш бўйича таклиф берилди. Давлат раҳбари ушбу ташаббусни қўллаб-қувватлади.
Ўзбекистон туризм магистрали бўйлаб 31 та туман (шаҳар) ҳудудидан ўтувчи йўл бўйида 1 тадан «карвонсарой» қурилади
Ўзбекистон туризм магистрали бўйлаб 31 та туман (шаҳар) ҳудудидан ўтувчи йўл бўйида комплекс туризм хизматларини (автотураргоҳ, кемпинг, автосервис, овқатланиш, ёқилғи қуйиш) қамраб олган 1 тадан «карвонсарой» барпо этилади. Шунингдек, ҳудудларда туризм кластерлари ташкил этилади.
«Ҳудуд масъуллари ҳали „уйғонгани“ йўқ» — президент туризм бўйича ҳоким ўринбосарларига синов муддати берди
Президент 4 та ҳудуддан ташқари барча вилоят ҳокимларининг туризм бўйича ўринбосарларига 3 ой синов муддати берди. Шунингдек, давлат раҳбари қайси ҳоким музейлар муаммоси билан шуғулланди, деган саволга ижобий жавоб йўқлигини таъкидлади. Мутасаддиларга туризм соҳасида пандемиягача бўлган кўрсаткичларни тиклаш энг устувор вазифа этиб белгиланди.
Долларнинг расмий курси кетма-кет учинчи кун пасайди
Долларнинг сўмга нисбатан расмий курси 25,03 сўмга пасайиб, 11 221,87 сўмни ташкил қилди. Шунингдек, евро ва рубль курслари ҳам пасайди.
ДБҚда Божхона ҳудудида/ташқарисида қайта ишлаш божхона режимини такомиллаштириш бошқармаси ташкил этилди
Давлат божхона қўмитасида Божхона ҳудудида/ташқарисида қайта ишлаш божхона режимини такомиллаштириш бўйича бошқарма ташкил этилди. Шунингдек, божхона ҳудудида қайта ишлаш режими соддалаштирилади.
Дамбами ёки кучли ёғингарчилик: Жиззахнинг Эгизбулоқ қишлоғидаги талофатли селга нима сабаб бўлди?
Жиззах вилояти Фавқулодда вазиятлар бошқармаси бошлиғи Равшан Ибрагимов Эгизбулоқдаги селга аввалига дўл, унинг ортидан кучли ёмғир ёғгани сабаб бўлганини маълум қилди. Маҳаллий аҳоли эса тоғда «Huaxin» цемент заводи карьер учун йўл қурган ва сой йўлида дамба ҳосил қилган деган фикрда. «Газета.uz» ушбу масала юзасидан суриштирув олиб борди.
Давлат божхона қўмитаси раисига ўринбосар тайинланди
Инвестициялар ва ташқи савдо вазири ўринбосари бўлиб ишлаб келган Отабек Чориев Давлат божхона қўмитаси раиси ўринбосари лавозимига тайинланди.
Туризм ва маданий мерос вазирига уч нафар ўринбосар тайинланди
Президентнинг тегишли қарори билан Бахтиёр Ибрагимов, Нусратилла Зикриллаев ва Ботиржон Шахриёров туризм ва маданий мерос вазирига ўринбосар этиб тайинланди.
Бухородан Истанбулга авиақатновлар йўлга қўйилади
Uzbekistan Airways Бухородан Истанбулга мунтазам авиақатновларни йўлга қўяди. Парвозлар ҳафтада икки марта амалга оширилади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг