Архив
Катовице шаҳридан эвакуация парвозлари бепул — Транспорт вазирлиги
Транспорт вазирлиги ижтимоий тармоқларда Украинадан эвакуация қилинаётган Ўзбекистон фуқароларини мамлакатга олиб келиш учун ташкил этилаётган махсус авиарейслар учун чипталар сотилаётганлиги ҳақидаги маълумотни рад этди. Польшанинг Катовице шаҳридан махсус рейслар Ўзбекистон ҳукумати томонидан бепул ташкил этилаётгани айтилди.
Қайси давлатлар Россия учун ўз ҳаво ҳудудларини ёпди?
Россиянинг Украинага бостириб кириши оқибатида турли давлатлар ўз ҳаво ҳудудини Россия фуқаро авиацияси учун ёпишни бошлади. Ҳозирги вақтда Европа Иттифоқининг барча 27 та аъзо-давлати рус самолётлари учун ўз ҳаво ҳудудини ёпган. Шунингдек, Канада Европа ҳудудидан ташқарида жойлашган давлатлар орасида парвозларни чеклаган илк мамлакат бўлди.
Ўзбекистоннинг Украинадаги элчихонаси микроавтобусига снаряд парчаси келиб урилган
Ўзбекистоннинг Украинадаги элчиси Алишер Курманов элчихона микроавтобусининг олд ойна ва ён томонни кўрсатувчи ойналарига снаряд парчаси зарар етказганини маълум қилди. «Шрапнель тушган дейишди», — деди у.
«Велосипедда оёғим битта эканини унутаман». Бир спортчи ҳикояси
2010 йилда 11 ёшли Аброр Артиковни поезд уриб юборди. Боланинг оёғини сон қисмидан кесиб ташлашди. У янги реалликни қабул қилишга ҳаракат қиларди ва бир марта велосипедга миниб кўрди. Бир неча маротаба йиқилиб, кўкариб, мувозанатини маромига келтирди. Аброр учиб кетди. Кўп ўтмай у велоспорт бўйича мураббий билан танишиб, профессионал тарзда шуғуллана бошлади. Бу ҳикоя Ўзбекистон терма жамоаси параспортчиларидан бирининг енгилмас руҳияти ҳақида. Аброрнинг устози бу унга Париж-2024 Паралимпия ўйинлари шоҳсупасига кўтарилишига ёрдам беришига ишонади.
Украинадан эвакуация қилинган ўзбекистонликларнинг биринчи рейси Тошкентга учиб кетди
Uzbekistan Airways компаниясининг Украинадан эвакуация қилинган ўзбекистонликлар чиққан махсус борти Польшанинг Катовице шаҳридан Тошкентга қараб учиб кетди. Бугун яна битта махсус рейс амалга оширилиши режалаштирилган, иккинчи борт аллақачон Тошкентдан учиб кетди.
Рублнинг расмий курси сезиларли даражада пасайди
Рублнинг сўмга нисбатан расмий курси 21,46 сўмга пасайиб, 108,60 сўмни ташкил қилди. Доллар ва евро курслари эса кўтарилди. 2022 йилнинг икки ойида рубль курси сўмга нисбатан 26,1 фоизга арзонлашган.
Харьков шаҳри «Град»дан ўққа тутилди
Украинанинг аҳоли сони бўйича иккинчи йирик шаҳри Харьков «Град» залп билан ўт очиш тизимларидан ўққа тутилди. Украина ички ишлар вазири маслаҳатчиси Антон Геращенко ўнлаб қурбонлар ва юзлаб жабрланганлар борлиги ҳақида баёнот берган.
«Уруш Россия халқи учун қимматга тушмоқда» — россиялик иқтисодчи Сергей Гуриев
Иқтисодчи Сергей Гуриев Россия Марказий банкининг ЕИ, АҚШ ва Канададаги активлари музлатилишини «мутлақо кутилмаган, муҳим янгилик» деб атади — «бу рубль учун улкан зарба» бўлади. Унинг фикрича, Россиянинг нефть экспортига эмбарго жорий этилиши ҳам эҳтимолдан ҳоли эмас. Юқори технологиялар экспорти билан боғлиқ санкциялар эса Россияда технологиялар ривожланишини тўхтатиб қўйиши мумкин.
1 июлдан ўлим ҳақида тиббий гувоҳнома бериш тартиби бекор қилинади, тизим электронлаштирилади
Ҳукумат қарори билан 1 апрелдан Тошкент шаҳрида, 1 июлдан эса республика бўйлаб тиббиёт муассасалари томонидан ўлим ҳақида тиббий гувоҳнома бериш тартиби бекор қилинади. Унинг ўрнига, электрон тизим орқали тиббий маълумотнома шакллантириш тартиби жорий этилади. Ўлимни қайд қилиш билан боғлиқ композит давлат хизматларини кўрсатиш йўлга қўйилади.
Навоийда шифокор беморнинг онасини жинсий алоқага мажбурлагани ортидан тиббиёт маркази раҳбари ишдан бўшатилди
Навоий вилояти болалар кўп тармоқли тиббиёт маркази Неврология бўлими мудири бемор боланинг онасини касаллик варақасини бериш эвазига жинсий алоқа қилишга мажбурлаб келганликда гумонланиб, ҳибсга олинганди. Мазкур воқеа ортидан ходимлари устидан етарли назорат ўрнатмагани учун тиббиёт маркази директори ишдан бўшатилди.
Еврокомиссия раҳбари: «Украина ЕИга аъзо бўлиши керак, биз уни Европа оиласида кўришни истаймиз»
«Украина вақт ўтиб, ЕИга аъзо бўлиши керак, бу мамлакат — бизларнинг биттамиз, биз уни Европа оиласида кўришни истаймиз», — деди Европа комиссияси раҳбари Урсула фон дер Ляйен. У Украина Европа қадриятларини тушунишини ва тинч демократик шароитда яшашни исташини таъкидлади. Германия канцлери Бундестаг қаршисида чиқиш қилар экан, Украинага амалга оширилган босқин учун бутун бошли рус халқи эмас, балки Владимир Путиннинг шахсан ўзи жавобгарлигини айтди.
Украина ва Россия музокаралари бошланди
Украина ва Беларусь чегарасида Украина ва Россия делегациялари ўртасида музокаралар бошланди. Украина делегацияси музокара учун белгиланган ҳудудга Гомель орқали тўғридан-тўғри йўл билан эмас, балки айланма ҳудуд — Польша орқали келган. Муҳокамаларнинг асосий мавзуси — ўт очишни зудлик билан тўхтатиш ва Украина ҳудудидан қўшинларни олиб чиқиб кетиш эканлиги айтилмоқда.
Миллий гвардияга ишга ва дипломатия университетига ўқишга киритиб қўйишга уринган шахслар ушланди
Андижонда уч нафар шахс Тошкентдаги танишлари орқали фуқарони Миллий гвардия тизимига ишга, бошқа бир фуқарони эса Жаҳон иқтисодиёти ва дипломатия университетига ўқишга киритиб қўйиши эвазига 32 минг доллар олганида ушлангани айтилмоқда. Уларга нисбатан жиноят иши қўзғатилди.
Ҳафта охирида жуда илиқ об-ҳаво кутилмоқда
Ҳафта бошида кучсиз ёмғирлар, ўртасида эса жуда илиқ об-ҳаво бўлиши кутилмоқда. Жанубда ва чўл ҳудудларида ҳаво ҳарорати +25…+27 даражагача кўтарилади.
Украинадаги можаро ортидан Россияга спорт бўйича қандай чекловлар қўйилмоқда?
Россиянинг Украинага қарши «махсус ҳарбий операциялари» оқибатида мамлакат спортда ҳам кўплаб санкцияларга учради. УЕФА Чемпионлар Лигаси финалини Санкт-Петербургда эмас, Парижда ўтказишга қарор қилди. ФИФА ҳам Россия ҳудудида ҳеч қандай халқаро мусобақа ўтказилмаслигини маълум қилди, энди мамлакат вакиллари Россия байроғи ёки мадҳиясидан фойдалана олмайди. Бундан ташқари, Владимир Путин Халқаро дзюдо федерациясининг «фахрий президенти ва элчиси» мақомидан маҳрум этилди. Сочида ўтиши кутилаётган «Формула-1» гран-приси эса бекор қилинди.
Россия Марказий банки асосий ставкани 20 фоизга оширди
Россия Марказий банки асосий ставкани 9,5 фоиздан 20 фоизга оширишга қарор қилди. Марказий банк баёнотида қайд этилишича, бу молиявий ва нархлар барқарорлигини сақлаш, фуқаролар жамғармаларини қадрсизланишдан ҳимоя қилишга ёрдам беради. Мамлакат Молия вазирлиги экспортчиларга валюта тушумининг 80 фоизини сотиш мажбуриятини юклади.
ХТВ қизил галстук масаласига сиёсий тус бермасликни сўради
Ижтимоий тармоқларда Учтепа туманидаги 283-мактаб ўқувчиларига қизил галстук тақдирилган ҳолат «пионерликка қайтиш» деб тарифланаётгани муҳокамаларга сабаб бўлмоқда. Халқ таълими вазирлиги мактабнинг очилиш маросимида ота-оналар билан келишилган ҳолда бошланғич синф ўқувчиларига эркакларнинг қизил рангли бўйинбоғи тақилганини маълум қилиб, «бунга сиёсий тус бермасликни» сўради.
«Ҳаёт гуллари». Кам таъминланган оилалар аёллари гул етиштириш сирларини ўргандилар
Тошкент вилоятида яшовчи кам таъминланган оилалар аёллари флористика бўйича бепул курсда таълим олишди. Аёллар гулдаста ва композицияларни ясаш, совғалар тайёрлаш, хонаки гулларни парваришлаш сирларини ўргандилар. Курс ташкилотчиларининг таъкидлашича, бу кўникмалар аёлларга иш топишда ва ҳаётларини ўз қўлларига олишда амалий ёрдам беради.
Дунёдаги энг йирик самолёт Россия ҳарбийлари томонидан йўқ қилинди
Киев яқинидаги Гостомель аэропортида турган дунёдаги энг катта Ан-225 «Орзу» самолёти Россия ҳарбийлари томонидан йўқ қилинди. Уни реставрация қилиш учун 3 млрд доллар ва 5 йилдан зиёдроқ вақт кераклиги маълум қилинди.
Якшанба куни Қорақалпоғистон, Жиззах ва Қашқадарёда ковид аниқланмади
Якшанба куни Қорақалпоғистон, Жиззах ва Қашқадарёдан ташқари 11 та ҳудудда жами 106 киши коронавирус инфекциясини юқтириб олди. Кун давомида икки бемор вафот этди, 15 кишида эса пневмония аниқланди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг