Архив
Тошкентда эркак 81 ёшли аёлга куч ишлатиб, 1 млн сўм пулини ўзлаштиргани айтилмоқда
Мирзо Улуғбек туманида эркак 81 ёшли кекса аёлдан сув сўраб, шундан сўнг, уни синтетик мато билан бўғиб, хонадондаги 1 млн сўмни ўзлаштиргани айтилмоқда. Тергов ҳаракатлари натижасида бу ишни амалга оширганликда 50 ёшли эркак гумонланиб, ҳибсга олинган. Унга нисбатан жиноят иши қўзғатилди.
Январь ойида кам даромадли оилалар даромадининг 60% қисмини озиқ-овқатга сарфлади
Январь ойида кам даромадли оилалар харажатларининг 60 фоизи озиқ-овқат маҳсулотлари ҳисобига тўғри келган. Ушбу оилаларда харажатларнинг озиқ-овқатга йўналтирилган қисми юқори даромадли гуруҳга нисбатан 1,7 баробар кўпроқни ташкил этди. Бу ойда даромади нисбатан камроқ уй хўжаликлари гуруҳларининг озиқ-овқат инфляцияси 14,2 фоизга тенг бўлди.
Нурдинжон Исмоилов Қозоғистоннинг II даражали «Дўстлик» ордени билан тақдирланди
Чоршанба куни Олий Мажлис Қонунчилик палатаси спикери Нурдинжон Исмоилов Қозоғистонга ташрифи давомида II даражали «Дўстлик» ордени билан тақдирланди. Шу куни Ўзбекистон делегацияси президент Касим-Жомарт Тоқаев қабулида бўлиб, Қозоғистон Парламенти Мажлисида ҳам қатор учрашувлар ўтказди.
Меҳнат вазирлиги Бухоро вилояти ҳокими якшанба куни йиғилиш ўтказганига муносабат билдирди
Бухоро вилояти ҳокими Ботир Зарипов дам олиш куни тўртта туманда маҳаллалар раислари ва ҳоким ёрдамчилари иштирокида йиғилиш ўтказди. Давлат меҳнат инспекцияси вилоят ҳокими қонунчилик талабларини бузганини тасдиқлади.
Ўзбекистон давлат қарзи даражаси бўйича энг хавфсиз кўрсаткични қайд этган мамлакатлар қаторидан жой олди
Ўзбекистон давлат қарзи даражаси бўйича ЯИМга нисбатан 38,9% кўрсаткич билан энг хавфсиз кўрсаткични қайд этган мамлакатлар қаторидан жой олди. Visual Capitalist томонидан эълон қилинган жаҳон қарзининг мамлакатлар кесимидаги ҳолатига оид маълумотларга кўра, айни пайтда Ўзбекистон жами 188 та давлат орасида 153-ўринда бормоқда. Давлат қарзининг ЯИМга нисбати энг юқори давлатлар рўйхатида Япония, Судан ва Греция етакчилик қилмоқда.
Алишер Усмоновга алоқадор компаниялар «Капиталбанк» акциялариниинг бошқарув пакетини қўлга киритди
Finance TCI компанияси сешанба кунги битимдан сўнг «Капиталбанк»нинг жами 12,18 фоиз акциялари эгасига айланди. Маълумотларга кўра, Finance TCI Алишер Усмоновнинг USM холдингининг шўъба корхонаси бўлган «Телекоминвест» билан афилланган. Ушбу компаниялар биргаликда банкнинг умумий 61,54 фоиз акцияларига эгалик қилишни бошлади.
Рақобат ривожланган соҳаларда давлат муассасалари тугатилади — президент қарори
Президент қарори билан бир товар бозорида бешта ва ундан ортиқ хусусий тадбиркор фаолият юритаётган, рақобат ривожланган соҳаларда давлат муассасалари тугатилади ёки хўжалик жамиятларига ўзгартирилган ҳолда хусусий секторга сотилади. Антимонополия қўмитаси тегишли таклифларни Давлат тендер комиссиясига киритиб боради.
Хоразмда 10 млн сўм пора олган туман бандликка кўмаклашиш маркази директори 5 йилга қамалди
Хоразм вилояти Янгибозор тумани аҳоли бандлигига кўмаклашиш маркази директори М.Ж. тадбиркорга 122,5 млн субсидия ажратиш эвазига 10 млн сўм олган вақтида қўлга олинган. ЖИБ Янгибозор туман суди уни айбли деб топиб, 5 йилга озодликдан, қолаверса, 2 йилга давлат ташкилотларида мансабдор сифатида ишлаш ҳуқуқидан маҳрум қилди.
Ўзбекистонда ов қуролига эгалик қилишнинг энг кам ёшини 25 ёшгача ошириш таклиф этилди
Депутатлар ов қуролига эгалик қилишнинг минимал ёшини 21 ёшдан 25 ёшгача оширишни назарда тутувчи қонун лойиҳасини муҳокама қилмоқда. Ҳужжатда барча турдаги пневматик қуролга эгалик қилишни ички ишлар органларининг рухсатномаси орқали амалга ошириш ва фуқаро эгалик қилиши мумкин бўлган қуроллар сонини 3 дона билан чегаралаш таклифи ҳам илгари сурилмоқда.
Fujairah Open 2022 турнирида Ўзбекистон 7 та медални қўлга киритди
БААда бўлиб ўтган таэквондонинг WТ йўналиши бўйича Fujairah Open-2022 турнирида Ўзбекистон делегацияси 7 та медални, шу жумладан, 4 та олтин, 1 та кумуш ва 2 та бронзани қўлга киритди. Мусобақада олимпиада чемпиони Улуғбек Рашитов ҳам қатнашиб, ғолиб бўлди.
Сут, мол ва қўй гўшти ишлаб чиқарувчилари учун субсидиялар икки бараварга оширилди
Президент қарори билан чорвачилик билан шуғулланувчилар томонидан импорт қилинадиган қишлоқ хўжалиги техникалари 2025 йилга қадар божхона тўловлари ва утилизация йиғимидан озод қилинади. Қолаверса, 2023 йил 31 декабргача йирик ва майда шохли қорамоллар тирик вазнининг ҳар бир килограмми (4000 сўм) ва сутнинг ҳар бир литри (400 сўм) учун субсидия икки бараварга оширилади.
«2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлмоқда» — президент
Шавкат Мирзиёев 1500 тадан ортиқ маҳаллада марказлашган ичимлик суви таминоти йўлга қўйилмагани, 2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлаётганини маълум қилди. Бунинг ечими сифатида келгуси 5 йилда соҳага 40 трлн сўм инвестиция йўналтирилиши ва ичимлик суви таъминоти 90 фоизга етказилиши айтилди. 2022 йилнинг ўзида бюджетдан 2 трлн сўм, халқаро молия ташкилотларидан эса 245 млн доллар жалб этилади.
Кеча 778 кишида коронавирус аниқланди
Сешанба куни 778 нафар фуқаронинг коронавирусга топширган тест таҳлили мусбат натижани кўрсатди (бир кун олдин — 773 нафар эди), қолаверса, яна 133 киши (129 киши) пневмонияга чалинди. COVID-19 асоратлари оқибатида 4 киши вафот этди.
Ўқитувчилар узр сўраган йиғилиш туман ҳокими ташаббуси бўлганлиги айтилди
Андижон вилояти халқ таълими бошқармаси мактаб ўқитувчилари ота-оналардан узр сўраган йиғилиш Марҳамат тумани ҳокимининг шахсий ташаббуси бўлганлигини маълум қилди. Туман ҳокими Бобуржон Йўлдошев бу ҳолатлар «ўқитувчиларнинг руҳиятига таъсир қилган бўлса», улардан узр сўрашини айтди.
2022 йил охиригача электрошокер ва газли қуроллар экспертизаси жорий этилади
Президент қарори билан 2022−2023 йилларда 10 дан ортиқ янги турдаги экспертизаларни ўтказиш йўлга қўйилади. Жумладан, видео ва фототехника, видеоларда транспортнинг ҳаракатланиш тезлигини аниқлаш, газли ва электрошокер қуроллар, автомобилларга ўрнатилган газ баллонлари портлаши, қолаверса, интернетда булутли сервислар экспертизаси ўтказилади.
Aфғонистонда гуманитар ҳалокатнинг олдини олиш асосий вазифа — Абдулазиз Камилов
Ташқи ишлар вазири Абдулазиз Камилов халқаро ҳамжамият Aфғонистонда амалга оширилаётган ҳар қандай ижобий қадам ва ўзгаришларни рағбатлантириши кераклигини таъкидлади. Ўзбекистон ТИВ раҳбари асосий вазифа мамлакатда гуманитар ҳалокатнинг олдини олиш эканлигини эслатди. «Вазиятнинг кескинлашиши жамиятда радикаллашув, турли гуруҳлар ўртасида тўқнашувлар, экстремизм кучларининг кучайишига олиб келиши мумкин», — деди вазир.
Президент академик Турғунпўлат Даминов оиласига таъзия билдирди
Ўзбекистонда хизмат кўрсатган шифокор, академик Турғунпўлат Даминов 81 ёшида вафот этди. Президент Шавкат Мирзиёев унинг оила аъзоларига таъзия изҳор этди. Турғунпўлат Даминов кўп йиллар давомида Тошкент давлат тиббиёт институти ректори сифатида фаолият юритган.
2022 йилда Ўзбекистонда чорвачиликни ривожлантиришга Жаҳон банкидан $300 млн жалб қилинади
Президент қарори билан Ўзбекистонда чорвачилик ва унинг тармоқларини ривожлантириш мақсадлари учун 2022 йилда Жаҳон банкидан 300 млн доллар кредит маблағлари жалб қилинади. Қолаверса, «Ветеринария фидойиси» ва «Чорвачилик фидокори» кўкрак нишонлари таъсис этилади.
ССВ ўзбекистонликларни коронавирусга қарши вакцина олишга чақирди
Январь ойида Зангиота юқумли касалликлар шифохоналарига мурожаат қилган беморларнинг 96% коронавирусга қарши вакцина олмаганлиги айтилди. Касалланганларнинг фақат 4,1 фоизи ковидга қарши эмланган, улар орасида ўлим ҳолати қайд этилмаган. ССВ вакцина олмаган беморларда касаллик оғир ва ўта оғир даражада кечиб, ўлим ҳолатлари ҳам кузатилганлигини таъкидлади.
Андижон вилоятида ўқитувчилар ота-оналардан кечирим сўрашга мажбур қилинди
Андижон вилоятининг Марҳамат туманидаги мактаблардан бирининг директори ва ўқитувчилари таълим сифати ҳамда битирувчиларнинг ОТМларга кириш даражаси пастлиги учун ота-оналардан кечирим сўрашга мажбур қилинди. Бу иш ҳоким ёрдамчиси ва туман ХТБ раҳбарининг ташаббуси экани айтилмоқда. ХТВ ҳолатни кескин қоралади. Жамоатчилик фаоллари ҳодиса учун вилоят ҳокими Шуҳрат Абдураҳмонов жавоб бериши кераклигини айтишмоқда. Туман ва вилоят ҳокимлиги ҳам муносабат билдирди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг