Архив
Ҳафта ўртасида пойтахтда магнит бўрони кузатилиши мумкин
Тошкентда чоршанба-пайшанба кунлари кўпчилик учун хавфли бўлмаган 4 баллик магнит бўрони кузатилиши мумкин. Шифокорнинг сўзларига кўра, бўрон вақтида артериал гипертония ва бронхиал астма билан оғриган одамлар кўпроқ азият чекади, шу боис бу вақтда камроқ ҳаракат қилиш тавсия этилади.
Ўзбекистон миллий терма жамоаси Осиё кубоги йўлланмасини қўлга киритди
Футбол бўйича Ўзбекистон миллий терма жамоаси саралаш ўйинлари якунига етмасдан туриб, муддатидан илгари Осиё кубоги-2023 йўлланмасига эга бўлди.
Трансплантация соҳасидаги жиноятлар учун жавобгарлик жорий этилмоқда
Сенат инсон аъзолари ва тўқималарини кўчириш соҳасидаги қонунчилик нормаларини бузганлик учун жиноий жавобгарликни назарда тутувчи ўзгартишларни маъқуллади. Сенаторлар аъзо ва тўқималарни олиш мақсадида одам ўғрилаш ёки одам савдоси хавфи билан боғлиқ ватандошларнинг қўрқуви ҳақида ҳам сўз юритишди.
Тожикистонга $356 мингни яширинча олиб чиқишга уринган шахслар ушланди
Бекободлик икки нафар аёл 356 минг долларни кийимлари орасига яширган ҳолда Тожикистонга олиб чиқишга уринганида қўлга олинди. Улар бу ишни хизмат ҳақи эвазига тожикистонлик фуқаро илтимосига кўра амалга оширгани айтилмоқда. Ҳозирда пулларнинг ҳақиқий эгаларини аниқлаш ишлари олиб борилмоқда.
Ўзбекистонлик спортчи Париж паралимпиадаси учун илк лицензияни қўлга киритди
Сервер Ибрагимов пара ўқ отиш бўйича Жаҳон кубоги баҳсларида бронза ҳамда кумуш медалларини қўлга киритди. Шу билан бирга, у Ўзбекистон делегациясига Париж-2024 ёзги Паралимпия ўйинлари учун биринчи лицензияни тақдим этди.
Дунёда ядро захиралари ўсиши мумкин, 9 ядро державаси қуролларини модернизация қилмоқда — SIPRI
Совуқ уруш тугаганидан сўнг ядро арсеналларини қисқартириш тўхтатилди, тўққизта давлат ядро арсеналларини модернизация қилмоқда. Стокгольм тинчлик тадқиқотлари институти (SIPRI) ўзининг йиллик «Қуролланиш, қуролсизланиш ва халқаро хавфсизлик» шарҳида уларнинг захиралари ва сиёсатларини таҳлил қилди.
Очиқ маълумотларни ошкор этмаган давлат хизматчилари жаримага тортилади
Сенаторлар давлат органлари фаолиятининг очиқлиги тўғрисидаги қонун ҳужжатларини бузганлик учун маъмурий жавобгарликни назарда тутувчи тузатишларни маъқуллади. Эндиликда давлат органларининг масъул ходимлари ижтимоий аҳамиятга эга маълумотларни эълон қилмаса, 3 млн сўмгача жаримага тортилиши мумкин.
Тошкент ерусти ҳалқа метросининг 2-босқичи қачон тугайди ва бу қанчага баҳоланмоқда?
Ер усти метросининг 2-босқичи қурилиши 2023 йил март ойида якунланиши кутилмоқда. «Қўйлиқ»дан «Қурувчилар» массивигача бўлган 5 та бекатни йил охиригача, яна 2 бекатни «Наврўз» байрамига қадар якунлаш режалаштирилган.
Кичик бизнесга кредитларни тўлашда ёрдам берилади
Тадбиркорликни қўллаб-қувватлаш давлат жамғармаси томонидан кичик бизнес субъектларига кредитлар ва лизинг шартномалари бўйича фоизларнинг бир қисмини тўлаш учун компенсациялар ҳамда кредитлар бўйича кафолатлар берилади.
Узум кўчатларини шпалерга кўтариш харажатларининг бир қисми қоплаб берилади
Ҳукумат қарори билан хўраки ва кишмишбоп токзорларни барпо этган талабгорга Боғдорчиликни ривожлантириш жамғармаси ҳисобидан, саноатбоп токзорларни барпо этганга эса Виночиликни ривожлантириш жамғармаси ҳисобидан бир марталик субсидия берилади.
13 июнь куни Ўзбекистонда содир бўлган энг муҳим хабарлар дайжести
Алкоголь ва тамаки бўйича қонунни рад этган Сенат, Қирғизистон ва Ўзбекистонни боғловчи 3-туннел топилгани, отаси ва акасини болға билан ўлдирган самарқандлик ўғил, сув босган «Ўрикзор» бозори, калтакланган Sevimli мухбири ва оператори ва бошқалар — «Газета.uz» нинг 13 июндаги хабарлар дайжестида.
Озиқ-овқат инқирози — бугун ва эртанги кун
Дунё мамлакатларида озиқ-овқат танқислиги бошланди. Энди вазият ёмонлашиб бораверадими? Бизни қандай сценарийлар кутмоқда? Вазият қачон ўнгланиши мумкин? «Газета.uz» ушбу мақолада бу борадаги турли таҳлиллар ва фикрларни сизнинг эътиборингизга ҳавола этади.
Буюк Британия экспорт вазири Тошкентда музокаралар ўтказди
Буюк Британия экспорт вазири Майк Фриер Тошкентга ташриф буюриб, ИТСВ, Молия вазирлиги, ОТМК ва Uzbekistan Airports билан музокаралар ўтказди. Уларда Ўзбекистон иқтисодиёти учун инвестиция жалб қилиш, мамлакатнинг ЖСТга аъзо бўлишини қўллаб-қувватлаш масалалари муҳокама қилинди.
Президент йил якунигача Европага экспорт қилувчилар сонини 579 тадан 2 мингтага етказишни буюрди
Шавкат Мирзиёев қуритилган мева экспорти учун 27 хил таҳлилнинг бирортаси Ўзбекистонда йўқлигини, тадбиркор эса ушбу муаммодан маҳсулотини Европага олиб боргач хабар топаётганини танқид қилди. Масъулларга Европага экспорт қилувчи тадбиркорлар сонини 579 тадан 2 мингтага етказиш вазифаси юклатилди.
Қирғизистон ва Ўзбекистонни боғловчи учинчи ерости туннели аниқланди
Қирғизистон хавфсизлик кучлари Ўш ҳудудидаги уйлардан бирида Ўзбекистонга олиб ўтувчи 177 метрлик махфий ерости туннели борлигини аниқланди. Бу сўнгги бир ой ичида топилган учинчи туннель ҳисобланади. Уни икки нафар шахс валюта ва товарлар олиб ўтиш учун қазиганлиги айтилмоқда.
Ўзбекистон «Росатом» билан АЭС қуриш харажатларини оптималлаштириш масаласини муҳокама қилмоқда — Шерзод Ходжаев
Ўзбекистон «Росатом» билан АЭС қуриш харажатларини камайтириш масаласини муҳокама қилмоқда, деди энергетика вазири ўринбосари Шерзод Ходжаев. «Агар станцияда ишлаб чиқарилган электр энергиясининг нархи бошқа манбалар билан рақобатбардош бўлмаса, лойиҳани давом эттиришдан маъно йўқ», — деди у.
Қашқадарёда сайёр касса ходимлари 100,5 млн сўмлик пенсия ва нафақани ўзлаштирди
Шаҳрисабз туманида сайёр кассанинг бухгалтер-назоратчиси ва кассири 150 нафар фуқаронинг март, апрель ва май ойлари учун пенсия ва нафақа пулларини ўзлаштиргани аниқланди. Улар текширув вақтида 100,5 млн сўмлик зарарни тўлиқ қоплаган. Гумондорларга нисбатан жиноят иши қўзғатилди.
Ўзбекистонда тўсиқсиз туризмни ривожлантириш таклиф этилди. Бу нима дегани?
Туризм вазирлиги Ўзбекистонда тўсиқсиз туризм инфратузилмасини ривожлантиришни таклиф қилди. Саёҳатни ногиронлиги бўлган шахслар учун қулайлаштириш, пандус, лифт ва овозли маълумотномаларни ўрнатиш, имтиёз ва чегирмалар бериш — 5 йилга мўлжалланган дастур ҳақида батафсил «Газета.uz» материалида.
«Ўрикзор» бозорида иссиқ сув қувури ёрилиб кетди
Учтепа туманидаги «Ўрикзор» бозори ҳудудида 800 мм диаметрли магистрал иссиқлик тармоғи қувури ёрилиб кетди. Уй-жой коммунал хизмат кўрсатиш вазирлиги бунга куз-қиш мавсумига синов-тайёргарлик ишлари сабаб бўлганини маълум қилди.
«Ижтимоий сиёсат кейинги ўринга қўйилмайди». Сенат — бозор муносабатларига ўтиш ҳақида
Сенат раиси Танзила Нарбаева бозор механизмлари жорий этилишига қарамасдан, Ўзбекистон ижтимоий давлат бўлиб қолаверишини таъкидлади. Бозордаги нархлар билан боғлиқ вазиятни изоҳлар экан, у бунга ташқи омиллар таъсир қилаётганини айтди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг