Иқтисодиёт
Ўзбекистоннинг савдо баланси дефицити нега ўсиб бормоқда ва уни қандай бартараф этиш мумкин?
Сўнгги йилларда Ўзбекистонда савдо баланси дефицити ортиб бормоқда. Меҳнат мигрантларининг пул ўтказмалари ҳажман қисқариши хавфи кучаймоқда, Ўзбекистоннинг асосий ҳамкорларидан бири Россияда макроиқтисодий кўрсаткичларнинг пасайиши кутилмоқда, бу эса, ўз навбатида, Ўзбекистоннинг ушбу мамлакатга экспортига салбий таъсир кўрсатиши мумкин. Иқтисодиёт фанлари доктори, ЖИДУ профессори Нишонбой Сирожиддинов Ўзбекистоннинг яқин келажакдаги макроиқтисодий барқарорлигини таъминлаш имконини берувчи иқтисодий сиёсат йўналишларини таҳлил қилади.
Ўтган 3 ойда 25 млрд сўмдан ортиқ табиий газдан ноқонуний фойдаланилган
Январь-март ойларида улгуржи истеъмолчилар томонидан 28 млн кубдан ортиқ табиий газ ноқонуний ишлатилгани маълум қилинди. Бу билан газ таъминоти корхоналари манфаатларига 25 млрд сўмдан ортиқ зарар етказилган.
Forbes 2022 йил учун дунё миллиардерлари рейтингини эълон қилди
Forbes’нинг 2022 йилги миллиардерлар рейтингида SpaceX ва Tesla асосчиси Илон Маск 219 млрд доллар билан 1-ўринни эгаллади. Франсуаза Беттанкур Майерс (74,8 млрд доллар) дунёнинг энг бой аёли бўлди. Шунингдек, Россиянинг Топ-15 миллиардерлари бойлигининг камайгани қайд этилди. Дунёнинг энг кўп миллиардерлари яшайдиган шаҳарлари ва давлатлари рўйхати ҳам эълон қилинди.
Долларнинг расмий курси пасайди
Долларнинг сўмга нисбатан расмий курси 23,43 сўмга арзонлаб, 11 385,07 сўмни ташкил қилди. Шунингдек, евро курси ҳам пасайди, рубль курси эса кўтарилди.
Маиший техникаларни маркировкалаш апрель ойида бошланади
15 апрелдан маиший техника воситаларини мажбурий рақамли маркировкалаш жорий этилади.
Кўчмас мулк ижара шартномаси фақат электрон шаклда ҳисобга қўйилади
Кўчмас мулк ижара шартномаси эндиликда фақат электрон шаклда ҳисобга қўйилади. Ҳукумат тасдиқлаган маъмурий регламентга кўра, ижарага берувчи кўчмас мулк шартномасини тузилганидан 3 кундан кечиктирмай солиқ органида ҳисобга қўйиши, ижарачи эса уни беш кун ичида тасдиқлаши шарт.
Интеллектуал мулкнинг бузилишига қарши кураш бизнесни бўғиш деб ҳисобланар экан, бу норозиликни келтириб чиқараверади — ИМА
Интеллектуал мулк агентлиги йирик компаниялар вакиллари ўз брендларини сохталаштирилишдан қандай ҳимоя қилишлари ҳақидаги фикрларини ўртоқлашган «Газета.uz» материалига жавобан, қалбакилаштиришга қарши қандай чоралар кўрилаётгани ва нима учун ҳуқуқбузарликларга қатъий жазо қўллашдан ўзини тийиб турганини маълум қилди.
«Ташаббусли бюджет» лойиҳасининг илк мавсуми ғолиблари эълон қилинди
1 апрель куни «Ташаббусли бюджет» лойиҳасининг илк мавсуми якунланди ҳамда ғолиблар эълон қилинди. Натижаларга кўра, ушбу мавсум давомида фуқаролар жўнатган жами 70 мингга яқин ташаббусдан 2215 таси ғолиб бўлди. Ушбу лойиҳаларга овоз бериш жараёнларида эса 6,7 млн кишидан кўпроқ аҳоли иштирок этди. Ғолиб деб топилган ташаббусларнинг 34 фоизи умумтаълим мактабларини таъмирлаш лойиҳалари бўлди.
Март ойида аҳоли ва тадбиркорларнинг инфляцион кутилмалари сезиларли ошди
Март ойида келгуси 12 ой учун аҳоли ва тадбиркорлик субъектларининг инфляцион кутилмалари мос равишда 15 фоиз ва 15,4 фоизгача кўтарилди. Респондентлар нархларга оширувчи босим кўрсатиши мумкин бўлган асосий омиллар сифтида валюта курсининг ўзгариши, ёқилғи ва транспорт хизматларининг нархлари қимматлашиши кабиларни келтиришган. Йил бошида МБ 2022 йилда инфляция 9 фоиздан паст бўлишини прогноз қилганди.
Ўзбекистон Франция билан авиақатновларни қайта тикламоқда
Орадан икки йил ўтиб Uzbekistan Airways Тошкентдан Парижга бўлган мунтазам авиарейсларни қайта тикламоқда. 29 апрелдан 10 июнга қадар қатновлар ҳафтасига икки марта амалга оширилади.
Долларнинг расмий курси яна кўтарилди
Долларнинг сўмга нисбатан расмий курси 3,89 сўмга кўтарилиб, 11 408,50 сўмга тенг бўлди. Евро ва рубль курслари эса яна пасайди.
Ўзбекистонда январь-февраль ойларида автомобиллар импорти 5 баробардан ошди
Ўзбекистон икки ой ичида 18 та давлатдан беш мингдан ортиқ автомобиль импорт қилди. «Иномарка"лар энг кўп Хитой, Жанубий Корея ва Қозоғистондан келтирилган.
Хоразмда 2 та ноқонуний майнинг ферма фаолияти аниқланди
Янгибозор туманида фуқаролар ўз хонадонида ўзбошимчалик билан электр тармоғига уланиб, ноқонуний крипто-активлар майнинги фаолиятини юритиб келаётгани аниқланди. Натижада электр тармоқлари корхоналари манфаатига умумий ҳисобда 235,1 млн сўм зарар етган. Уларга нисбатан жиноят иши очилди.
300 млн сўмлик қалбаки пулларни муомалага киритган жиноий гуруҳ қўлга олинди
ДХХ Андижонда катта миқдорда қалбаки пулларни ишлаб чиқараётган шахсларни қўлга олди. Жиноий гуруҳнинг шу вақтгача 300 млн сўмдан ортиқ қалбаки пулларни Андижон, Наманган ва Фарғона вилоятлари ҳамда Тошкент шаҳрида муомалага киритишга улгургани айтилмоқда.
Келгуси ойларда ўсимлик ёғи нархларининг ўсиши асосий муаммолардан бирига айланиши мумкин
Ўзбекистонда ўсимлик ёғи йиллик истеъмолининг тахминан тенг ярми импорт ҳисобидан қопланади. Бундай шароитда глобал бозорда юз бераётган ҳар қандай тебранишлар ички бозордаги нархга жиддий таъсир кўрсатади. Дунё бўйича жами ўсимлик ёғи экспортининг 64% ини таъминловчи Украина ва Россиядаги сиёсий-иқтисодий вазият жаҳон бозорида, шу жумладан, Ўзбекистонда ўсимлик ёғи нархларининг кескин ўсишига олиб келиши мумкин, дейди иқтисодчи, «Газета.uz» колумнисти Миркомил Холбоев.
Тошкент ва Бишкек товар айланмасини $2 млрдга етказмоқчи
Ўзбекистон ва Қирғизистон товар айланмаси ҳажмини 2 млрд долларга етказишни режалаштираяпти. Икки давлат бош вазирлари Ўшда чегарадош вилоятлар ҳокимлари кенгашининг йиғилишида иштирок этди. Энергетика, қишлоқ хўжалиги, транспорт, трансчегаравий савдо ва бошқа соҳалардаги лойиҳалар муҳокама қилинди.
Fitch Ratings 2022 йилда Ўзбекистоннинг ЯИМ ўсиш суръати прогнозини 3,1% гача пасайтирди
Fitch Ratings агентлиги 2022 йилда Ўзбекистоннинг реал иқтисодий ўсиш суръати прогнозини 3,1% гача пасайтирди. Прогнозларга кўра, мамлакатда инфляция даражаси 2022 йилда ўртача 12,7% ни, 2023 йилда ўртача 11,6% ни ташкил қилиши кутилмоқда. Агентлик Ўзбекистон суверен кредит рейтингини ВВ- (барқарор кутилма) даражада баҳолаган.
Ўзбекистон Қозоғистондан 100 минг тонна буғдой ва қисман ун импорт қилади
Ҳукумат қарори билан Ўзбекистон апрель-июль ойларида Қозоғистондан 100 минг тонна 3-синф буғдойини (бир қисми ун) мақбул нархларда импорт қилади. Ички ва ташқи бозорлардаги вазиятдан келиб чиқиб, яна 500 минг тонна буғдой харид қилиш режалаштирилмоқда.
ДСҚ биринчи чоракда солиқ тушумлари кўпайганини маълум қилди
Ўзбекистон бюджетига солиқ тушумлари миқдори биринчи чоракда ўтган йилнинг мос даврига нисбатан 17 фоизга ошди. Шунга қарамасдан, солиқ органларидаги ишида камчиликларга йўл қўйгани учун 13 та ДСИ бошлиғи ишдан бўшатилди, 40 дан ортиқ раҳбар ходимга интизомий чоралар кўрилди.
Муаммоли кредитлар солиқ тўловчилар ҳисобидан тўланиши мумкин
Ҳукумат 2017−2021 йилларда оилавий тадбиркорлик дастури доирасида ажратилган ва қайтарилмаган муаммоли кредитларни маҳаллий бюджетларнинг режадан ошириб бажарилган қисмидан қоплаш масаласини муҳокама қилмоқда. 2021 йилнинг ўзида ушбу дастур бўйича 2,8 трлн сўм (245,7 млн доллар) миқдоридаги муаммоли кредитлар ажратилган. Аввалроқ МБ раҳбари «имтиёзли кредитлар бор жойда нотўғри фойдаланиш тенденцияси ва коррупция унсурлари пайдо бўлиши» ҳақида огоҳлантирган эди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг