Иқтисодиёт
Украинадаги уруш камбағал мамлакатларда озиқ-овқат танқислигига олиб келиши мумкин — ЖСТ раҳбари
ЖСТ бош директори Нгози Оконжо-Ивеала Россиянинг Украинадаги ҳарбий операцияси озиқ-овқат нархлари ва очликка сезиларли даражада таъсир қилишини таъкидлади. У Африканинг кўплаб мамлакатлари Қора денгиз минтақасидан келадиган озиқ-овқат таъминотига боғланиб қолганини қайд этди. Россия ва Украина бутун дунё буғдой таъминотининг 24 фоизини, кунгабоқар ёғи ва кунжара экспортининг тахминан 80 фоизини ташкил қилишади.
Россиянинг «Азимут» авиакомпанияси Ўзбекистонга парвоз қилиш учун рухсат олди
Россиянинг «Азимут» авиакомпанияси Ўзбекистонга мунтазам парвозларни амалга оширишга рухсат олди. Парвозлар Sukhoi Superjet 100 самолётларида амалга оширилади.
Галина Саидова савдони либераллаштириш бўйича иқтисодчиларнинг фикрларига жавоб қайтарди
Президент маслаҳатчиси ўринбосари Галина Саидова иқтисодчилар Беҳзод Ҳошимов, Ботир Қобилов ва Отабек Бакировнинг Тошкент инвестиция форумидаги унинг нутқи юзасидан фикр-мулоҳазалари билдирилган «Газета.uz» материалига жавоб қайтарди. «Дарсликдаги нормалар ҳеч бир давлатда бевосита ишламайди».
Февраль ойида Ўзбекистонда банкларнинг муаммоли кредитлари 265 млрд сўмга камайди
1 март ҳолатига кўра, банкларнинг муаммоли кредитлари (NPL) миқдори 265 млрд сўмга пасайиб, 17 трлн 212 млрд сўмга тенг бўлди. NPL камайишида «Ипотека-банк», «Ўзсаноатқурилишбанк» ва «Халқ банки» ушбу кредитларнинг бир қисмидан ҳалос бўлгани асосий роль ўйнади.
Долларнинг расмий курси пасайди
Долларнинг сўмга нисбатан расмий курси 12,57 сўмга пасайиб, 11 474,30 сўмни ташкил қилди. Шунингдек, евро курси ҳам пасайди, рубль курси эса кўтарилди.
«Ўзбекистон учун ноёб иқтисодий имкониятни бой бермаслигимиз керак» — Зафар Ҳошимов
Йирик компаниялар Россияни тарк этиши фонида Ўзбекистон минтақавий саноат ва тижорат ҳабига айланиш учун ноёб имкониятга эга, деб ҳисоблайди тадбиркор Зафар Ҳошимов. «„Хавф ва таҳдид сотувчилари“ бизни яна қўрқитишига ва ўтмишга қайтаришига йўл қўймаслигимиз керак», — деди у.
Жаҳон банки Ўзбекистонга солиқ ислоҳоти учун 60 млн доллар ажратди
Жаҳон банки директорлар кенгаши Ўзбекистонга 60 млн доллар миқдорида кредит ажратмоқда. Ушбу маблағлар ҳисобига мамлакатда солиқларни ҳисоблаш ва тўлашни автоматлаштириш даражасини 90 фоизга, ҚҚС ундиришни 75 фоизга етказиш, солиқ ҳисоботларини тайёрлаш ва топшириш вақтини икки баробарга қисқартириш мақсад қилинган.
Тошкент халқаро инвестиция форумида $7,8 млрдлик шартнома ва битимлар имзоланди
Тошкент халқаро инвестиция форуми ўз якунига етди, унинг доирасида 7,8 млрд долларлик аниқ шартномалар ва инвестициявий битимлар пакети имзоланди. Инвестициялар ва ташқи савдо вазирлигининг маълум қилишича, қиймати 3,5 млрд долларлик лойиҳаларни амалга ошириш бўйича дастлабки келишувларга ҳам эришилган.
ЕТТБ Ўзбекистоннинг тўртта банкига 210 млн доллар кредит ажратади
Европа тикланиш ва тараққиёт банки Ўзбекистоннинг тўртта банкига 210 млн доллар кредит ажратади. Ушбу маблағлар маҳаллий корхоналарга товар захираларини яхшироқ бошқариш ва узоқроқ муддатларда савдони режалаштириш мақсадида ажратилади.
Бу «рисклар» савдони эркинлаштирмаслик учун сунъий ўйлаб топилган қийинчиликлар — иқтисодчилар Галина Саидованинг сўзлари ҳақида
Президент маслаҳатчиси ўринбосари Галина Саидованинг Ўзбекистонда савдони либераллаштиришдаги рисклар ҳақидаги сўзларига иқтисодчилар ўз муносабатини билдирди. «Мақолани 3 маротаба ўқисам ҳам иқтисодиётимизга либерализациянинг қандай рисклари мавжуд эканлигини тушунмадим», — деди Ботир Қобилов.
Silk Avia авиакомпанияси учун 70 ўринли учта самолёт келиши кутилмоқда — Раъно Жўраева
Uzbekistan Airports раиси Раъно Жўраева янги ташкил этилаётган Silk Avia минтақавий авиакомпанияси бўйича айрим тафсилотларни очиқлади. Унинг сўзларига кўра, компания 40 га яқин йўналишда ички рейсларни йўлга қўяди. Биринчи босқичда 70 ўринли учта минтақавий самолёт келиши кутилмоқда.
Галина Саидова — савдони либераллаштиришда Ўзбекистон дуч келаётган хавф-хатарлар ҳақида
Президент маслаҳатчиси ўринбосари Галина Саидова Тошкент халқаро инвестиция форумидаги нутқи давомида Ўзбекистоннинг савдони либераллаштиришдаги ютуқларига тўхталиб ўтди. Шунга қарамасдан, у иш ўринларини яратиш, ташқи савдодаги дефицит, логистика ва интеграция билан боғлиқ тўртта хавфни айтиб ўтди. «Агар биз етарли даражада оддий бўлмаган мазкур тўртта муаммони ҳал қила олсак, ташқи савдо фаолиятини либераллаштиришнинг кейинги босқичи ҳақида гапиришимиз мумкин», — деди у.
Февраль ойи учун 18,4 млрд сўм кешбэк тўлаб берилди — ДСҚ
Давлат солиқ қўмитаси февраль ойида харид чекини рўйхатдан ўтказган 183 мингдан ортиқ истеъмолчига 18,4 млрд сўм кешбэк тўлаб берилганини маълум қилди.
Банкларнинг Uzcard ва РФБдаги улушлари Давлат активларини бошқариш агентлигига ўтказилади
Президент қарори билан банкларнинг Uzcard ва Тошкент фонд биржасидаги улушлари Давлат активларини бошқариш агентлигига ўтказилмоқда.
Электромобилда таксичилик қилувчилар 2040 йилгача лицензия тўловларидан озод қилиниши мумкин
Жамоатчилик муҳокамасига қўйилган президент қарори лойиҳасига кўра, электромобилда таксичилик фаолияти билан шуғулланганларни 2040 йилгача лицензия тўловлари ва йиғимларидан озод қилиш таклиф этилмоқда. Бундан ташқари, электромобиль ҳайдовчилари муниципал автотураргоҳлардан бепул фойдаланиши мумкин. Автотураргоҳларга электомобилларни тезкор қувватлантирувчи станциялар ўрнатиш таклифи ҳам билдирилмоқда.
Самарқанднинг янги аэропорти 1 апрелдан халқаро рейсларга хизмат кўрсата бошлайди
Uzbekistan Airports раҳбари Раъно Жўраеванинг хабар беришича, Самарқанднинг янги аэропорти 1 апрелдан тўлиқ қувват билан ишлай бошлайди ва халқаро рейсларга хизмат кўрсатади. Ҳозирда аэропорт мажмуасини фойдаланишга топшириш ишлари якунланмоқда.
Сенат органик маҳсулотлар тўғрисидаги қонунни маъқуллади
Сенаторлар органик маҳсулотлар тўғрисидаги қонунни маъқуллади, ҳужжат билан ишлаб чиқариш жараёнига маълум бир талаблар, хусусан қайта тикланадиган табиий ресурслар ва ичимлик сувидан фойдаланиш бўйича вазифалар қўйилмоқда. Органик маҳсулотларни ишлаб чиқаришда пестицид, гормон, антибиотик ва кимёвий қўшимчаларни қўллаш тақиқланмоқда.
Бухорода Hyatt меҳмонхонаси очилади
2023 йилда Бухорода Ўзбекистондаги иккинчи Hyatt меҳмонхонаси иш бошлайди. Ушбу тармоқнинг биринчи меҳмонхонаси 2016 йилда Тошкентда очилган эди, жорий йилнинг март ойида Давлат активларини бошқариш агентлиги уни сотиш жараёни бошланганини хабар қилди.
2030 йилгача вазирлик ва идоралар хизмат машиналарини электромобилга алмаштириш таклиф этилди
Жамоатчилик муҳокамасига қўйилган президент қарори лойиҳасига кўра, вазирлик, идора ва барча бюджет ташкилотлари хизмат машиналарининг 2025 йилгача камида 10 фоизи, 2030 йилгача 100 фоизи электромобилларга алмаштирилади. Қолаверса, «тез ёрдам» машиналари ҳам 2023−2026 йилларда электрда ҳаракатланувчи транспортга ўзгартирилади.
MOBIUZ ва Tashkent City боғи сотилади
MOBIUZ, Tashkent City, «Ўздонмаҳсулот» корхоналари ва қатор тижорат банкларининг давлат улушлари сотилади. Шунингдек, вазирлик ва идоралар, ҳокимликларнинг 3 ойдан кўп фойдаланилмасдан бўш турган объектлари уларнинг розилигисиз ижарага бериш ёки сотиш учун савдога чиқарилади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг