Иқтисодиёт
Германия «Шимолий оқим 2»ни сертификатлаш жараёнини кечиктирди, натижада Европада газ нархлари сўнгги бир ойлик рекорд даражага кўтарилди
Германия «Шимолий оқим 2» қувурини сертификатлаш жараёнини тўхтатиб қўйгач, Европада газ нархлари 17 фоизгача кўтарилди. Қувурни тасдиқлаш тартиби линиянинг Германиядаги қисмига эгалик қилувчи шўба корхона ташкил этилгунга қадар тўхтатиб турилади. Лойиҳани ишга тушириш 2022 йилнинг марть-апрель ойлари ёки йилнинг иккинчи ярмигача чўзилиши мумкин.
Чирчиқда зирҳли автомобиль ва ҳарбий техникалар ишлаб чиқариш йўлга қўйилди (фото)
Чирчиқ шаҳрида зирҳланган автомашиналар, седан, автобуслар, тиббий ёрдам машиналари, қолаверса, зирҳли ҳарбий машиналар ишлаб чиқариш йўлга қўйилди. Ҳарбий-саноат компанияси ҳукумат қўшинлари, халқаро қутқарув ва хавфсизлик ташкилотлари ҳамда юқори мартабали мижозлар учун зирҳли техника ишлаб чиқаришни мақсад қилган.
Долларнинг расмий курси кетма-кет учинчи кун кўтарилди
Долларнинг сўмга нисбатан расмий курси 12,84 сўмга кўтарилиб, 10 768,10 сўм этиб белгиланди. Шунингдек, евро ва рубль курслари ҳам кўтарилди.
Тошкентда биринчи инклюзив бизнес-форум бўлиб ўтади
23 ноябрь куни Тошкентда биринчи инклюзив бизнес-форум бўлиб ўтади. Тадбиркорлар ҳамда экспертлар бизнес ва тадбиркорликда инклюзив меҳнат амалиётини муваффақиятли жорий этиш, тўсиқларсиз меҳнат муҳити одамларнинг, компания ва жамиятнинг муваффақиятига таъсири ва бошқа мавзуларни муҳокама қилади.
Долларнинг расмий курси яна кўтарилди
Долларнинг сўмга нисбатан расмий курси 14,46 сўмга кўтарилиб, 10 755,26 сўм этиб белгиланди. Шунингдек, евро ва рубль курслари эса пасайди.
Ўзбекистоннинг олтин-валюта захираси қарийб 800 млн долларга ошди
Марказий банк маълумотларига кўра, 1 ноябрь ҳолатига Ўзбекистоннинг олтин валюта захираси 35,21 млрд долларни ташкил этган. Ўтган ой билан таққослаганда, захиралар 797,1 млн долларга ёки 2,3 фоизга ўсган. Бунга жаҳон бозорида олтин нархининг кўтарилиши сабаб бўлган.
«Ўзбекнефтгаз» АИ-80 бензинини ишлаб чиқаришни босқичма-босқич тўхтатади
2022 йилдан бошлаб «Ўзбекнефтгаз» АИ-80 бензинини ишлаб чиқаришни босқичма-босқич тўхтатишни режалаштирмоқда. Биринчи марта бундай режалар 2020 йилнинг июнь ойида эълон қилинган эди.
Бензин нархининг ошиш сабаблари ва нархни тушириш бўйича режалар ҳақида — Антимонополия қўмитаси вакили
Монополияга қарши курашиш қўмитаси раҳбари ўринбосари Фарруҳ Қорабоев Ўзбекистонда бензин нархининг ошиши сабабларини санаб ўтди ва нархларни барқарорлаштириш бўйича қандай чоралар кўрилаётганини маълум қилди. Жумладан, бензин импорти географиясини кенгайтириш, Аи-80 бензинини кунига 3 минг тоннадан кам бўлмаган ҳажмда етказиб беришни таъминлаш чоралари кўрилмоқда.
Долларнинг расмий курси кўтарилди
Долларнинг сўмга нисбатан расмий курси 19,56 сўмга кўтарилиб, 10 740,80 сўм этиб белгиланди. Шунингдек, евро ва рубль курслари эса пасайди.
«Трансмашхолдинг» (Россия) билан метрони ривожлантириш тўғрисидаги меморандум имзоланди
Тошкент метрополитени ва Россиянинг «Трансмашхолдинг» компанияси ўртасида пойтахт метрополитенини ривожлантириш бўйича меморандум имзоланди. Хусусан, холдинг ер усти йўловчи транспорти ва метрополитен тармоқларини интеграция қилиш, метрополитенда савдо тизимини йўлга қўйиш, метрополитен инфратузилмаси ва ҳаракат таркибини янгилашга ёрдам беради.
2024 йилда ЯИМ кўрсаткичини 100 млрд доллардан ошириш мўлжалланмоқда
2022 йил учун давлат бюджети лойиҳасига кўра, Ўзбекистонда ЯИМ 2022 йилда 6 фоизга ўсиши ва қарийб 840 трлн сўмни (МБнинг 16 ноябрдаги курси бўйича 78,2 млрд доллар), 2023 йилда 972 трлн сўмдан ортиқ ($90,5 млрд) бўлиши ва 2024 йилда эса 1 триллиард сўмдан (қарийб $105 млрд) ошиши мўлжал қилинмоқда.
KfW Ўзбекистонга қарийб 30 млн евро ажратади
Президент қарори билан Ўзбекистонда кичик ва ўрта бизнесни молиявий қўллаб-қувватлаш учун Германия тараққиёт банкидан 29,8 млн евро кредит жалб этилади. Лойиҳа 4 йил давомида амалга оширилиши кўзда тутилган.
2022 йилда иш ҳақи, пенсия, стипендия ва нафақалар миқдори оширилади
2022 йил учун давлат бюджети лойиҳасига кўра, иш ҳақи, пенсия, стипендия, нафақалар миқдорларини ва айрим хизмат турлари бўйича тарифларни ошириш билан боғлиқ харажатларга 11,7 трлн сўм йўналтирилади.
Ўзбекистоннинг энг даромадли банклари рўйхати маълум қилинди
Учинчи чорак якунига кўра, деярли барча банкларнинг молиявий кўрсаткичлари ижобий даражада сақланиб қолди. Spot`нинг ёзишича, энг даромадли банклар учлигига фақат давлат иштироки юқори бўлган — Ўзсаноатқурилишбанк, Ўзмиллийбанк ва Ипотека банк кирган. 4 та тирожат банки эса зарар кўришда давом этмоқда.
Долларнинг расмий курси кетма-кет уч кунлик ўсишдан сўнг пасайди
Долларнинг сўмга нисбатан расмий курси 15,82 сўмга пасайиб, 10 721,24 сўм этиб белгиланди. Шунингдек, евро ва рубль курслари ҳам пасайди.
Жаҳон банки Ўзбекистонда ёшлар бандлиги муаммолари ва уларнинг ечимларини санаб ўтди
ОТМга киришнинг қийинлиги, бизнес бошлашда имтиёзли кредит олишнинг чеклангани ва бошланғич капиталнинг йўқлиги, мактабларда касбга йўналтириш амалиётининг деярли йўқлиги ва бошқа муаммолар — Жаҳон банки Ўзбекистонда ёшларни иш билан таъминлаш муаммолари ва уларнинг потенциал ечимларига бағишланган янги ҳисоботини эълон қилди.
Автомобиль сотиб олиш ва вақтинча олиб кириш учун тўловни 1 фоизгача камайтириш таклиф қилинмоқда
Ўзбекистонда янги ва эски автомобилларни харид қилиш ҳамда вақтинча олиб кириш учун тўловни харид нархининг 1 фоизигача камайтириш таклиф қилинмоқда. Бундан ташқари, автомобиллар ва уй-жойлар олди-сотди шартномаларини расмийлаштириш учун бож ва йиғимларни унификация қилиш таклиф этилмоқда.
Бир тонна Аи-80 бензинининг биржа нархлари йил бошидан буён 72,1 фоизга ошди
Йил бошидан буён биржаларда Аи-80 русумли бензиннинг улгуржи нархи 72,1 фоизга — бир тоннаси учун 5,81 миллион сўмдан 10 миллион сўмга қимматлашди. Шу билан бирга, асосан импорт қилинадиган ва жаҳон котировкалари билан боғлиқ бўлган бошқа турдаги (Аи-91, Аи-92 ва Аи-95) ёқилғининг ўсиш суръатлари маҳаллий аналогга нисбатан пастроқ бўлди. Аввалроқ «Ўзбекнефтгаз» ва Энергетика вазирлиги ёқилғи қуйиш шохобчаларида фақат Аи-80 русумли бензин нархини ушлаб турганини маълум қилганди.
Долларнинг расмий курси кетма-кет учинчи кун кўтарилди
Долларнинг сўмга нисбатан расмий курси 5,02 сўмга кўтарилиб, 10 737,06 сўм этиб белгиланди. Шунингдек, евро ва рубль курслари эса пасайди.
Жисмоний шахслардан олинадиган мол-мулк солиғи 10 фоизга ошиши кутилмоқда
2022 йилда жисмоний шахслардан олинадиган мол-мулк солиғи ставкаларини 10 фоизга ошириш режалаштирилмоқда. Шунингдек, акциз солиғи ставкаларининг ўртача 10 фоизга ошиши кутилмоқда. Юридик шахсларнинг мол-мулкига солинадиган солиқ ставкаси эса амалдаги 2 фоиздан 1,5 фоизга камайтириш кўзда тутилган. Ҳисоб палатаси 2022 йилги давлат бюджети қонуни лойиҳаси ва Бюджетнома бўйича хулоса берди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Хитой илк бор Ўзбекистондаги корхоналар сони бўйича Россияни ортда қолдирди
- «200 млн сўмлик кафолат суммаси банкка ундан кўпроқ пул қўйиш мумкинмаслигини англатмайди» — МБ
Қўшимча имкониятлардан фойдаланиш учун сайтда рўйхатдан ўтинг