Иқтисодиёт
«Биз онлайн-банкингни ҳаддан ташқари либераллаштириб юбордик» — Марказий банк раиси
Марказий банк раиси Мамаризо Нурмуратов онлайн кредит бериш бўйича янги чекловлар жорий этилганини изоҳларкан, асосий мақсад фуқаролар маблағларининг хавфсизлигини таъминлаш эканини айтди. Унинг сўзларига кўра, регулятор бу чекловларни 2025 йил апрелидан кейин ҳам сақлаб қолишни режалаштирмоқда.
Марказий банк сўрови: Ўзбекистонликлар октябрда гўшт, бензин, газ ва электр нархлари кескин ошганини билдирди
Октябрь ойида аҳоли ўртасида инфляция даражаси 13,2 фоизгача камайди, деб хабар бермоқда МБ. Кўпчилик гўшт ва сут нархининг кескин ошганини қайд этди. Бензин ва ёқилғи, электр ва газ, дори-дармон ва нефть нархларининг сезиларли даражада ошишини кўрсатганларнинг улуши ҳам юқорилигича қолмоқда.
«Транскаспий транспорт йўлаги Марказий Осиёнинг иқтисодий интеграцияси учун имконият яратади» — ИҲТТ вакили
Европа иқтисодиёти кунлари давомида Осиё ва Европа ўртасидаги юк ташувини ривожлантиришда Ўзбекистоннинг роли муҳокама қилинди. Мутахассислар Транскаспий транспорт йўлаги ривожланиши учун зарур омиллар, жумладан, инфратузилмани кенгайтириш ва логистика, божхона жараёнини рақамлаштиришни таъкидлади.
МБ 7 та банк ва 2 та ММТни жаримага тортди
Марказий банк 7 та банк ва 2 та микромолия ташкилотини меъёрий-ҳуқуқий ҳужжатлар талабларига риоя қилмагани учун жаримага тортди. Шунингдек, жами 8 та банк, тўлов ташкилоти ва тизимлари чора ва санкциялар қўлланиши тўғрисида огоҳлантирилди.
Аҳолининг валюта сотиб олиши ва сотиши ўртасидаги ижобий фарқ 4,8 млрд долларга етди — МБ
Январь-сентябрь ойларида банклар аҳолидан сотганидан 4,8 млрд доллар кўпроқ валюта сотиб олди. Ижобий фарқ ўтган йилнинг шу даврига нисбатан 2,3 баробар ошди. Шу билан бирга, Ўзбекистонда валюта айирбошлаш ҳажми камайди.
Фуқароларнинг мол-мулк солиғи ставкаларини 10 фоизга ошириш режалаштирилмоқда
Солиқ кодексига ўзгартиришлар билан Ўзбекистонда 2025 йилдан бошлаб жисмоний шахсларнинг мол-мулк солиғи ставкаларини ошириш таклиф қилинмоқда. Шунингдек, юридик шахсларнинг мол-мулк солиғини аниқлаш учун биноларнинг минимал солиқ базасини кўтариш кўзда тутилган.
Ҳукумат тарифлар ошганига қарамай, газ ва электр энергияси нархларини субсидиялашда давом этмоқчи
2025 йилда давлат бюджетидан электр энергияси, табиий газ нархларидаги тафовутни қоплаш ва иссиқлик корхоналарига субсидиялар учун 12,3 трлн сўм ажратилиши режалаштирилмоқда. Ҳукумат тарифлар ошгани ва 2025 йилда яна ошишига қарамай, газ ҳамда электр энергияси нархларини субсидиялашда давом этмоқчи.
Янги рекорд: Ўзбекистоннинг олтин-валюта захиралари 43 млрд доллардан ошди
Октябрь ойида Ўзбекистоннинг олтин-валюта захиралари олтин нархининг ошиши фонида яна 2 млрд долларга ошиб, 43,1 млрд долларга етди. Кўрсаткич кетма-кет тўртинчи ой рекордини янгилади. Марказий банк оз миқдорда қимматбаҳо металл сотиб, қимматли қоғозлар харид қилди.
Президент: 2025 йил — сув хўжалигида «насослар самарадорлигини ошириш йили» бўлади
Президент сув хўжалигидаги насос станцияларида электр истеъмоли 8,3 млрддан 6,8 млрд кВт/соатга камайганини, лекин бу етарли эмаслигини таъкидлади. У хоразмлик фермерларнинг энергия тежаш борасидаги тажрибасини кенгайтириш, шунингдек, 2 та асосий насос станцияси учун тендер эълон қилишни топширди.
ЕТТБ ва ЕИ Ўзбекистондаги Voltalia қуёш электр станцияси лойиҳасига 54,5 млн доллардан ортиқ маблағ ажратди
ЕТТБ ва ЕИнинг Европа барқарор тараққиёт жамғармаси Франциянинг Voltalia компанияси томонидан Хоразм вилоятида 100 МВт қувватга эга қуёш электр станциясини қуриш учун асос солинган Sarimay Solar компаниясига 54,6 млн долларгача маблағ ажратди.
Ўзбекистонда микробизнес учун қатъий белгиланган айланмадан солиқ ставкалари бекор қилиниши мумкин
Ўзбекистонда 2026 йилдан бошлаб айланмадан солиқнинг қатъий ставкалари бекор қилиниши мумкин. Улар 2023 йилда микробизнесни қўллаб-қувватлаш ва солиқ тизимини соддалаштириш учун ягона 4 фоизли солиқ ставкасига муқобил сифатида жорий қилинганди.
Марказий Осиёда электр энергияси савдоси учун ягона платформа яратиш режалаштирилмоқда — энергетика вазири ўринбосари
Марказий Осиёда электр энергиясини сотиб олиш ва сотиш бўйича ягона платформа яратиш режалаштирилмоқда, деди энерговазир ўринбосари. Шунингдек, у Ўзбекистонда энергетика инфратузилмаси, автоматлаштириш ва энергияни сақлаш бўйича захира қувватларини яратиш билан боғлиқ муаммолар ҳақида гапирди.
Цемент заводлари имтиёзлар ҳисобига 250 млрд сўмни ўзида сақлаб қолди
2024 йилда цемент ишлаб чиқарувчиларга ер қаъридан фойдаланганлик учун солиқ режалаштирилган 2 баробар ўрнига 4 баробар камайтирилганди. Бу имтиёз ҳисобига жорий йилда уларнинг ихтиёрида 250 млрд сўм қолади. Айрим қурилиш материаллари учун алоҳида солиқ ставкаларини жорий этиш режалаштирилмоқда.
«Кластер ва фермерларга етказиб берилаётган ҳар бир куб метр сувга ўртача 212 сўм харажат қилиняпти» — президент
Шавкат Мирзиёев кластер ва фермерларга етказиб берилаётган ҳар бир куб метр сувга республика бўйича ўртача 212 сўм харажат қилинаётганини таъкидлади. Бухоро, Қашқадарё ва Наманган вилоятларида эса бу кўрсаткич 2−3 баробар юқори. Тўртта вилоятда насослар янгиланмагани учун сув таннархи ошиб кетмоқда.
«Баъзи ривожланган давлатлар ривожланаётган мамлакатларга ҳам бир хил талаб қўймоқда» — ЖСТ бўйича махсус вакил
ЖСТга аъзолик масаласида «ташкилотга яқинда аъзо бўлган давлатлар билан музокаралар олиб бориш осонроқ, чунки улар бу жараён нақадар мураккаб эканини ҳали унутишмаган», — деди президентнинг ЖСТ масалалари бўйича махсус вакили Азизбек Ўрунов. У, шунингдек, нотариф тўсиқлар муаммосига ҳам тўхталди.
Рақобат қўмитаси 6 ноябрдан пропан нархининг ошишига чеклов ўрнатди
Рақобатни ривожлантириш ва истеъмолчилар ҳуқуқларини ҳимоя қилиш қўмитаси пропаннинг бошланғич нархига нисбатан 20 фоиз миқдорда чеклов (спред) жорий этди.
«Трамп импорт божларини дунёдаги энг яхши кашфиёт деб ҳисоблайди» — Ботир Қобилов
Иқтисодчи Ботир Қобилов Дональд Трамп АҚШ иқтисодиётида қандай ўзгаришларни амалга оширмоқчи эканлигини тушунтирди. Унинг таъкидлашича, Трамп Оқ уйга қайтгач, импорт божларининг оширишга, солиқлар бўйича чегирмалар беришга ва ноқонуний муҳожирларни депортация қилишга уриниб кўради.
Президент энергетика корхоналарининг куз-қиш мавсумига тайёргарлигини муҳокама қилди
Президент йиғилишида Ўзбекистон энергетика тармоғи корхоналарининг куз-қиш мавсумига тайёргарлиги муҳокама қилинди. Давлат раҳбари аҳолини газ ва электр энергияси билан ўтган йилларга нисбатан барқарорроқ таъминлаш бўйича топшириқлар берди.
2025 йилнинг февралидан автотураргоҳларнинг камида 5 фоизи электромобилларни қувватлантириш станцияси билан жиҳозланади
2025 йил февралидан Ўзбекистондаги барча автотураргоҳларда электромобилларни қувватлантириш станцияларини ўрнатиш бошланади. Шунингдек, кўп қаватли уйлар яқинида, жумладан, уларга энг яқин автотураргоҳлар яқинида максимал қуввати 22 кВт бўлган станцияларни ўрнатиш режалаштирилмоқда.
InfinBank кредит рекламасида чалғитувчи маълумот бергани учун молиявий жаримага тортилди
Рақобат қўмитаси «Invest Finans Bank» АЖга кредит хизмати рекламасида қўшимча шартлар ва муҳим маълумотларни кўрсатмагани учун молиявий жарима қўллади. Аввалроқ, Davr Bank ҳам шу каби камчилик учун жаримага тортилганди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг