Фақатгина хорижлик инвесторларга берилаётган преференциялар эндиликда маҳаллий хусусий сармоядорларга ҳам тақдим этилади. Улар ўз ҳисобларидан 25 млн долларлик лойиҳани бошласалар, ташқи муҳандислик-коммуникация тармоқлари бюджет ҳисобидан қилиб берилади.
Инқирозга қарши курашиш жамғармасининг ҳисобига 7,44 трлн сўм келиб тушган бўлса, жамғарма харажатлари эса 3,306 трлн сўмга тенг бўлди. Маблағларнинг катта қисми иқтисодиётни қўллаб-қувватлашга ва тиббиёт соҳасига йўналтирилган. Сув таъминоти ва ирригация тадбирларига 504 млрд сўм сарфланган.
Монополияга қарши курашиш қўмитаси «Ўзбекнефтгаз» АЖ томонидан бензин маҳсулоти импортига акциз солиғини 5 фоиздан 20 фоизга ошириш етарлича иқтисодий асослантирилмаган ва мақсадга мувофиқ эмас деб ҳисоблайди.
Uzbekistan Airways авиакомпаниясини нуфузли хорижий компания бошқарувига топшириш режалаширилмоқда. Шунингдек, «Қамчиқ» довонида «Тошкент-Андижон» пуллик автомобиль йўли лойиҳаси бўйича тендер эълон қилиниши белгиланди.
Долларнинг расмий курси 9,7 сўмга қимматлашиб, 10139 сўмга етди. Хорижий валюталар курси ўтган ҳафта арзонлашган эди.
«Ўзагросуғурта» АЖ Бухородаги табиий офат оқибатида вилоятнинг қишлоқ хўжалиги ва тадбиркорлик субъектлари билан содир бўлган суғурта ҳодисалари юзасидан жами 2,7 млрд сўм тўлаб берди. Хусусан, компанияда мол-мулкини суғурталаган қоракўллик фермерга кучли шамолдан етказилган зарар учун қарийб 1 млрд сўм қоплаб берилди.
Тошкентдаги «Ўрикзор» савдо мажмуасида сотувчи бўлиб ишловчи фуқарода коронавирус инфекцияси тасдиқланди, бозор вақтинчалик ёпилди.
Президент Шавкат Мирзиёев 2020 йилда Андижон вилоятида 642 километр автомобиль йўли, 85 километр ичимлик суви тармоқларини қуриш ва таъмирлаш бўйича кўрсатмалар берди.
Президент Шавкат Мирзиёев Андижонда янги қурилган Digital City технопарки билан танишди. Давлат раҳбари бундай технопаркларни мамлакатнинг бошқа ҳудудларида ҳам очиш бўйича кўрсатмалар берди.
«Ҳар бир оила — тадбиркор» дастурини молиялаштиришга қўшимча 100 млн доллар миқдорида маблағ ажратилади. Бу пуллар тадбиркорлик учун имтиёзли кредитлар ажратиш ва ишбилармонликни қўллаб-қувватлашга йўналтирилади.
Шавкат Мирзиёев Андижон вилоятининг Олтинкўл туманида ғалла ва ғўза ривожини кўздан кечирди. Давлат раҳбари ғўза қатор ораларига соя экиш бўйича Андижон тажрибасини яратиш ҳамда ТДАУ Андижон вилояти филиали негизида алоҳида ОТМ ташкил этиш бўйича кўрсатмалар берди.
Президент қарорига биноан, Тошкентда «пропискага» эга бўлмаган Ўзбекистон фуқаролари учун бирламчи бозордан уй сотиб олганда тўланадиган 5 фоизлик ставка бекор қилинди.
Сирдарёда сув тошқинидан зарар кўрганлар учун учта аҳоли турар жой мавзесининг қурилиш майдони Британиянинг Benoy компанияси архитектори тавсиясига кўра танланди. Қурилиш ишлари учун пойтахтнинг Whitecity Construction, Ecopark ва Gold Step Invest компаниялари танланган. Қурилиш лойиҳалари ва қурувчилар ҳақида нималар маълум? Фото.
Президент қарорига биноан, 2021 йил 1 январгача импорт қилинадиган янги қурилиш ва махсус техникалар ҳамда юк ташиш транспорт воситалари божхона тўловидан озод этилади. Бундан ташқари, 1 июлдан 2023 йил 1 июлгача импорт қилинадиган бетон қуйиш қолиплари, бетон тайёрлаш машина ва механизмларини олиб кириш учун қўйилган божхона тўловлари ҳам бекор қилинади.
Марказий Осиё давлатлари қишлоқ хўжалиги вазирлари онлайн йиғилишда пандемия даврида озиқ-овқат хавфсизлиги ва қишлоқ хўжалигини ривожлантириш масалаларини муҳокама қилди.
«Бирорта тадбиркорнинг мулки ноқонуний олиб қўйилса, ҳоким фақат ишдан кетиш билан қутулмайди, балки қонун олдида жавоб беради», — дея таъкидлади Шавкат Мирзиёев. Бизнес-омбудсман тадбиркорлар ҳуқуқи ва мулк дахлсизлигини бузган туман ва шаҳар ҳокимлари тўғрисида ҳукуматга маълумот киритиб боради.
Шавкат Мирзиёев раислигидаги видеоселектор йиғилишида ўзини ўзи банд қилган 60 дан зиёд касб эгалари даромад солиғидан озод қилиниши ҳақида маълумот берилди. Мазкур имтиёздан фойдаланиш учун телефон орқали солиқ идораларини хабардор қилиш кифоя.
Сирдарёдаги офат натижасида 4,351 та уй-жойга жиддий шикаст етган бўлса, улардан фақатгина 212 тасининг суғурталангани маълум бўлди. Суғурта соҳасининг умумий ҳажми эса ЯИМнинг 0,5 фоизини, аҳоли жон бошига 14,7 минг сўмни ташкил этди.
Ҳозирда молиявий бозорнинг у ёки бу сегментини камида учта давлат органи бошқармоқда; бу эса ягона сиёсат шаклланишини янада мураккаблаштиради. Капитал бозорини ривожлантириш агентлиги раҳбари Отабек Назиров ягона молиявий регуляторни ташкил этиш Ўзбекистонга нима бериши ва бу иқтисодиётга маблағ жалб этишнинг асосий манбаи сифатида давлатга бўлган босимни юмшатиш имконини бериши ҳақида.
Президент фармонига биноан, Ўзбекистонда органик қишлоқ хўжалиги ва органик озиқ-овқат маҳсулотлари ишлаб чиқаришни ривожлантириш концепцияси тасдиқланди. Унга кўра, қишлоқ хўжалиги маҳсулотлари халқаро стандартларга мувофиқлиги таъминланади. Органик қишлоқ хўжалигига ўтказилган ер участкаларида экинларни жойлаштиришда давлат аралашувига йўл қўйилмайди.
Қўшимча имкониятларга эга булиш учун сайтда рўйхатдан ўтинг