Иқтисодиёт
Ўзбекистонлик кара ҳайдовчилари Словакияга ишга таклиф қилинмоқда
Словакия ўзбекистонлик кара ҳайдовчиларини ойлик маоши 1200−1500 доллар бўлган ишга таклиф қилмоқда. Номзодлар 45 ёшгача, «B» тоифадаги ҳайдовчилик гувоҳномасига эга бўлиши ҳамда рус тилини билиши керак.
Учта банкнинг 148 нафар ходими тадбиркорлик билан шуғуллангани аниқланди
Коррупцияга қарши курашиш агентлиги «Микрокредитбанк», «Бизнесни ривожлантириш банки» ва «Туронбанк»даги 148 нафар ходим 155 та тадбиркорлик субъектида таъсисчилик қилаётганини аниқлади. Ходимларга огоҳлантириш хатлари берилмоқда. Аввалроқ агентлик 6 та вазирликда ҳам шундай ҳолатларни аниқланганди.
Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Ҳукумат фермерлар ва кластерлар томонидан пахта сотиш бўйича шартномалар тузадиган пахта хомашёсининг бошланғич нархларига оид қарорни имзолади. Ҳужжат пахта хомашёси ишлаб чиқарувчилари орасида саволлар туғдирди. Иқтисодчи ва блогерлар янги қоидалар фермерлар зарарига қабул қилинганини айтмоқда.
Германиянинг Deutsche Bahn компанияси ўзбекистонликларни ишга жалб қила бошлайди
Германия темирйўлларида (Deutsche Bahn) ишламоқчи бўлган фуқаролар Ўзбекистоннинг ўзида немис стандартлари асосида германияликлар томонидан касб ва тилга ўқитилади. Имтиҳонлардан муваффақиятли ўтганлар ишга жойлаштирилади.
USAID Ўзбекистон иқтисодиётининг тўртта тармоғидаги лойиҳаларга грантлар ажратади
АҚШ Халқаро тараққиёт агентлиги тўқимачилик, туризм, яшил иқтисодиёт ва АКТ соҳаларидаги лойиҳаларни грантлар билан қўллаб-қувватлайди. Хотин-қизлар, ёшлар ва аҳолининг ижтимоий ҳимояга муҳтож қатламларини қўллаб-қувватлашга доир лойиҳаларга алоҳида эътибор қаратилади.
23 сентябрдан ипотека кредитлари бўйича субсидиялар учун аризалар қабул қилиш бошланади
23 сентябрь куни соат 09:00 дан мақсадли параметрлари доирасида ипотека кредитлари бўйича субсидия учун аризалар қабул қилишнинг иккинчи босқичи бошланади. Шунингдек, энди ариза берувчининг хоҳишига кўра, унинг даромадлари ҳисоб-китобига яқин қариндошларининг ҳам даромадларини киритиш мумкин бўлади.
Ўзбекистонда август ойида электромобиллар савдоси 2 баравар камайди
Август ойида енгил электромобиллар бозорида сотувлар ҳажми 1,7 минг донани ташкил этди, бу аввалги ойга нисбатан деярли икки баравар кам. Умумий пасайишнинг 90 фоиздан ортиғи пойтахт улушига тўғри келди, Тошкентда сотувлар 66 фоизга камайди. Умумий автомобиль бозорида йиллик пасайиш давом этмоқда.
«Германия Ўзбекистондан 800 нафар ҳамширани қабул қилмоқда, улардаги иш ҳақи камида 2200 евро» — бандлик вазири
Бандлик вазири Беҳзод Мусаев Ўзбекистон ва Германия темирйўл транспорти, автобуслар учун ҳайдовчиларни, шунингдек, ҳамшираларни тайёрлаб беришга келишиб олгани ҳақида сўзлади. Унинг таъкидлашича, бу йил Германияга 800 нафар ўзбекистонлик ҳамшира юборилмоқда, уларнинг иш ҳақи — камида 2200 евро.
17 сентябрда Тошкентда ICTWEEK Uzbekistan 2024 очилади
17−20 сентябрь кунлари Тошкентда ICTWEEK Uzbekistan 2024 ҳафталиги бўлиб ўтади, у жорий йилда майдони икки баравар кўпайган ICT Expo кўргазмаси, қатор конференциялар ва форумлар, танловлар ва бошқа тадбирларни ўз ичига олади. Шаҳарнинг турли бурчакларидан бепул автобуслар қатнайди.
Августда Ўзбекистон кўчмас мулк бозорининг фаоллиги пасайди, иккиламчи бозорда нарх бироз ошди
Август ойи якунларига кўра, Ўзбекистонда уй-жой олди-сотди битимлари сони ой давомида 3,5 фоизга, йил давомида эса 20,8 фоизга камайди. Тошкентда иккиламчи уй-жой нархлари икки ойлик пасайишдан кейин ўсишни бошлади. Пойтахтда иккиламчи хонадон нархи ўртача 1 кв метр учун 1128 долларни ташкил қилди.
Ўзбекистонда модулли меҳмонхона қуриш ва жиҳозлаш учун субсидия ажратилади
2024 йил 1 октябрдан 2026 йил 1 ноябргача мувофиқлик сертификати берилган янги ташкил этилган ҳамда камида 10 та модулдан иборат бўлган модулли меҳмонхона учун унинг тоифасидан қатъи назар субсидия ажратилади. Субсидия модулли меҳмонхонада яратилган ҳар бир жой учун 1 млн сўмдан белгиланади.
Ўзбекистон АҚШ билан божхона соҳасида ҳамкорлик ва ўзаро ёрдам тўғрисида битим имзолади
Божхона қўмитаси раиси Акмалхужа Мавлонов ва АҚШнинг Божхона чегара хизмати комиссари Трой Миллер ўртасида битим имзоланди. Ҳужжат ахборот алмашиш, гиёҳванд моддалар ва одам савдоси, жиноий даромадларни легаллаштириш кабиларга қарши курашда ҳамкорликни назарда тутади.
«Ташаббусли бюджет»нинг 2-мавсумида яна 177 та лойиҳа қўшимча ғолиб деб топилди
«Ташаббусли бюджет»нинг 2024 йилдаги 2-мавсумида юқори овоз тўплаб, юта олмаган яна 177 та ташаббус ғолиб лойиҳалар рўйхатига қўшилди (шу вақтгача 1772 та лойиҳа ғолиб бўлганди). Уларни молиялаштириш учун жами 143,1 млрд сўм маблағ ажратилди.
Августда ўзбекистонликлар гўшт, электр, газ, бензин, пропан нархлари ошганини кўпроқ ҳис қилди — МБ сўровномаси
Августда Ўзбекистон аҳолисига сезилган инфляция 13,6 фоизгача ўсди, деб хабар берди МБ. Гўшт ва сут, бензин, метан ва пропан, нефть нархлари кескин ошганини айтган респондентларнинг улуши сезиларли даражада ортди. Июлдаги сўровномада нархлар юқорилаши бўйича электр ва газ биринчи ўринни эгаллаганди.
Ўзбекистонликларнинг ёнилғи ва энергоресурслар нархининг ошиши билан боғлиқ хавотирлари кучайди
Ўзбекистон аҳолиси ва бизнесининг ёнилғи ҳамда энергоресурслар нархлари ошишидан хавотирлари кучайди. Марказий банкнинг инфляцион кутилмалар бўйича сўровномаси натижаларига кўра, улар, шунингдек, коммунал хизматлар нархининг ўсиши ва валюта курсининг ўзгаришини кутмоқда.
Ўзбекистон 18 давлат билан ЖСТга аъзо бўлиш бўйича музокараларни якунлади
Ўзбекистон ЖСТга кириш доирасида 18 давлат билан музокараларни якунлади, улардан 14 таси билан бозорга кириш бўйича музокараларни якунлаш тўғрисидаги протоколлар имзолади. 12 сентябрь куни Бразилия ва Шри-Ланка билан протокол имзоланган бўлса, 13 сентябрь куни Аргентина билан музокаралар якунланди.
Lacetti`даги ёнғин туфайли UzAuto Motors ва дилерга нисбатан иш очилди
Рақобат қўмитаси UzAuto Motors ва PSM-Avtosavdo дилерига қарши иш қўзғатди. Аввалроқ Chevrolet Lacetti эгаси автомобиль харид қилинганидан 5 ой ўтиб, носозлик туфайли ёниб кетгани ҳақида хабар берган. Ишлаб чиқарувчига ушбу русумдаги 38 та машинани қайтариб олиш юклатилди.
Марказий банк яна бир тўлов ташкилотининг лицензиясини қайтариб олди
Марказий банк United Payment Solution тўлов ташкилотининг лицензиясини қайтариб олди. Сабаби у лицензия олган кундан бошлаб бир йил давомида фаолият юритмаган.
Ўзбекистонда пропаннинг биржа нархлари икки баробар ошди. СТГ бозорида нима бўляпти?
Апрелдан буён пропан биржа нархлари икки баравар — тоннаси деярли 9,3 млн сўмгача ошди, бир литр ёнилғи эса — 4500 дан 6000−7000 сўмгача. Рақобат қўмитаси кутилаётган нарх ошиши ҳақида Энерговазирликни хабардор қилган. «Газета.uz» суюлтирилган табиий газ нархининг ошиши сабабларини тушунишга уринди.
Yandex Uzbekistan хизматларни ривожлантиришга 33 млн доллардан ортиқ сармоя киритмоқчи
Йил охиригача Yandex Uzbekistan Yandex Go хизматларини ривожлантириш ва янгиларини ишга тушириш учун 33 млн доллардан ортиқ маблағ сарфламоқчи, деди компания раҳбари. Саёҳатлар, овқат буюртма қилиш ва 16 та шаҳарга буюм ҳамда товарларни етказиш бўйича хизматлар қамровини ошириш режа қилинмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг