Иқтисодиёт
Ўзбекистон олтин-валюта захиралари яна рекорд ўрнатди ва 41 млрд доллардан ошди
Ўзбекистон олтин-валюта захиралари яна рекорд кўрсаткични ўрнатди. Сентябрда олтин нархининг ўсиши фонида захиралар 2 млрд долларга ошиб, 41,1 млрд долларга етди. Ўтган ой МБ оз миқдорда қимматбаҳо металл сотди, аммо олтин захирасининг қиймати сезиларли даражада ортди.
Газлаштирилмаган ҳовлилар учун ҳам электроэнергия тарифларига 50 фоизлик чегирма берилиши режалаштирилмоқда
Ўзбекистонда газ таъминотига уланмаган ҳовлили уй-жойлар учун ҳам электр энергияси тарифидан 50 фоизлик чегирма берилиши режалаштирилмоқда. Энергетика вазири Жўрабек Мирзамаҳмудовнинг айтишича, бу ўзгаришни 1 январдан жорий этишга ҳаракат қилинмоқда.
«200 кВтлик норма ошириш учун эмас, таҳлиллардан келиб чиқиб киритилган» — энергетика вазири
Энергетика вазири электр энергияси учун киритилган 200 киловаттлик норма оширилиши кутилмаётганини айтди. «200 кВтлик норма ошириш учун эмас, таҳлил қилиб, барчасини ўрганиб, истеъмол ва меъёрлардан келиб чиқиб киритилган», — деди Жўрабек Мирзамаҳмудов.
Ўзбекистонда пропан нархи нега ошиб кетди? Энергетика вазири бу саволга жавоб берди
Энергетика вазири апрелдан сентябргача пропаннинг биржа нархи 2 бараварга ошгани ҳақидаги саволга жавоб берди. Жўрабек Мирзамаҳмудовнинг айтишича, бунга жумладан пропан-бутан ишлаб чиқариш етарли даражада ошмагани, пропанда ҳаракатланувчи автотранспортлар сони эса 1,57 баравар ошгани сабаб бўлган.
Shaffof sement sanoat’га манипуляция ҳаракатларини содир этгани учун чора кўрилди
Рақобат қўмитаси Shaffof sement sanoat’га нисбатан чора кўрилганини маълум қилди. Корхона 20 минг тоннадан ортиқ цементни биржага қўймасдан тўғридан-тўғри шартномалар орқали сотган, бу ҳаракат эса манипуляция деб баҳоланади.
«Бизга барибир катта реактор керак» — Жўрабек Мирзамаҳмудов АЭС қурилиши ҳақида
Энергетика вазири Ўзбекистон умумий энергоқувватининг жуда кичик қисмини ташкил қилишига қарамай мамлакатда кичик АЭС қурилиши режалаштирилаётгани ҳақидаги савол берди. «Бизнинг мақсадимиз кейинроқ каттасини қуриш», — деди Жўрабек Мирзамаҳмудов.
Қиш учун газ омборларига 5,1 млрд куб метрдан ортиқ газ захираси жамланди — энергетика вазири
Энергетика вазири Жўрабек Мирзамаҳмудов қиш мавсуми учун «Газли» ва «Хўжаобод» ерости газни сақлаш омборларига 5,1 млрд куб метрдан ортиқ газ захираси жамланганини айтди. Унинг сўзларига кўра, бу ўтган йилги ҳажмга нисбатан 1,1 млрд куб метр кўпроқ ҳисобланади.
Ўзбекистон сўнгги уч ойда илк бор салкам 800 млн долларлик олтин экспорт қилди
Август ойида Ўзбекистон 792,6 млн долларлик олтин экспорт қилди. Бу қимматбаҳо металлнинг май ойидан бери биринчи сотуви ҳисобланади. Тўқимачилик маҳсулотлари экспорти пасайди, мева-сабзавот етказиб бериш эса ўсмоқда. Мамлакат катта ҳажмдаги газ ва нефть маҳсулотлари импортини ҳам давом эттирмоқда.
Жаҳон банки Ўзбекистонга ислоҳотларни қўллаб-қувватлаш учун 800 млн доллар миқдорида имтиёзли кредит ажратди
Жаҳон банки Ўзбекистондаги ислоҳотлар дастурини қўллаб-қувватлаш учун 800 млн доллар миқдорида имтиёзли кредит ажратишни маъқуллади. У ижтимоий ҳимоя тизими, темирйўл ва энергетика соҳалари, иқлим ўзгаришига қарши кураш ва бошқа соҳаларни қамраб олади.
Сентябрда Ўзбекистон давлат бюджетининг даромад ва харажатлари кескин ошди
Ўзбекистон давлат бюджети даромадлари сентябрда августга нисбатан 20,8 фоизга, харажатлари эса 21,4 фоизга ўсди. Тўққиз ойда бюджет дефицити ўтган йилнинг шу даврига нисбатан 1,05 трлн сўмга қисқариб, 37,3 трлн сўмни ташкил этди.
Марказий банк UPay тўлов хизмати фаолиятини олти ойга чеклади. Компания қарордан норози
UPay тўлов хизмати қимор ўйинлари билан боғлиқ транзакциялар туфайли Марказий банк чекловларига учради. Хизматнинг бош компанияси ҳисобланган Humans Марказий банк қароридан норози эканини билдириб, регуляторнинг ҳаракатлари қонунга зид эканлигини таъкидлади.
Антикоррупция агентлиги коррупцион жиноят қилган ходимларнинг ярим йиллик таҳлилини эълон қилди
Антикоррупция агентлиги таҳлилига кўра, 2024 йилнинг ярим йиллигида банклар, ҳуқуқни муҳофаза қилувчи органлар, Соғлиқни сақлаш, Бандлик ва Қишлоқ хўжалиги вазирликлари тизимида коррупцияга оид жиноятчилик камайди. Мактаб ва боғча таълими вазирлиги, маҳаллий ҳокимликлар ходимлари орасида эса ортди.
Ўзбекистондаги қатор авиакомпаниялар Жанубий Кореяга парвоз қилиш ҳуқуқини қўлга киритади
Транспорт вазирлиги ва Корея авиация маъмурияти икки давлат ўртасида белгиланган авиакомпаниялар сонига чекловларни олиб ташлаш масаласини кўриб чиқади. Uzbekistan Airways ва Qanot Sharq билан бир қаторда Air Samarkand ва юк ташувчи My Freighter ҳам Жанубий Кореяга парвоз қила олади.
Қирғизистон Ўзбекистон туфайли гўшт экспортига вақтинчалик тақиқ жорий қилди
Қирғизистонда гўшт нархининг кескин кўтарилиши ушбу маҳсулотларнинг Ўзбекистонга экспорти ортиши билан боғланди. Шу сабабли мамлакатда гўшт экспортига вақтинчалик тақиқ жорий этилди. Ўзбекистон ички бозорда нархи ўсиши фонида гўшт маҳсулотлари импортини оширганди.
АҚШ билан қўшма лойиҳа Ўзбекистонга 50 мингдан ортиқ метан сизиб чиқишини аниқлаш ва бартараф этиш имконини берди
АҚШнинг Ўзбекистондаги элчихонаси «Ҳудудгазтаъминот» ҳамда Climate Compass шуъба корхонаси GasGreen Asia’нинг қўшма лойиҳаси натижаларини эътироф этди. 2023 йил март ойидан буён 50 мингдан ортиқ метан сизиб чиқиши бартараф этилди, шу сабаб чиқинди ҳажми қисқарди ва миллионлаб доллар иқтисод қилинди.
Ўзбекистон Швейцариянинг Stadler компаниясидан поезд сотиб олади — транспорт вазири
Ўзбекистон Швейцариянинг Stadler компаниясидан иккита поезд сотиб олишни режалаштирмоқда. Улар Ўзбекистон темир йўлларида синовдан ўтказилади, сўнгра поездларнинг катта партиясини харид қилиш имконияти кўриб чиқилади, дея таъкидлади транспорт вазири Илҳом Маҳкамов.
Ўзбекистонда йил охиригача PayPal, Apple Pay ва Google Pay ишга тушиши кутилмоқда
Ўзбекистонда 2024 йил якунигача PayPal, Alipay, UniPay, Apple Pay, Google Pay каби халқаро онлайн тўлов компаниялари мамлакат тўлов тизимлари ва банк хизматларига улаш режалаштирилмоқда. Ҳукумат қарорига кўра, зарур ҳолларда, бу учун миллий қонунчилик талаблари қайта кўриб чиқилади.
Сенат қишлоқ хўжалиги кооперативлари тўғрисидаги қонунни маъқуллади
Ўзбекистон сенаторлари фермерларнинг бирлашиши ва ҳамкорликда фаолият юритиши мумкин бўлган қишлоқ хўжалиги кооперативлари ҳақидаги янги қонунни маъқуллади. Амалдаги қонун 1998 йилдан буён кучда бўлиб келмоқда.
«Поезд чиптаси нархи хусусий авиакомпания чипталаридан қимматлашди». Сенатор Транспорт вазирига мурожаат қилди
Сенат мажлисида «Афросиёб» поездида айрим йўналиш чиптаси авиачиптадан қимматлиги, хизмат кўрсатиш сифати пастлиги айтилди. Транспорт вазири поездларда мобиллик ва хизмат сифатини ошириш бўйича режалар ҳақида сўзлади. Шунингдек, 1 январдан тезюрар поездларда динамик нархлар бўлиши маълум қилинди.
Сентябрь ойида доллар курси қандай ўзгарди?
Ўзбекистонда сўм долларга нисбатан кетма-кет иккинчи ой бироз қадрсизланди. Сентябрь охирида доллар миллий валютага нисбатан 90 сўмга (+0,71%) мустаҳкамланди. Умуман олганда, йил бошидан буён миллий валюта 3,1 фоизга қадрсизланди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг