Иқтисодиёт
«Менинг боғим» лойиҳасига старт берилди
Иқтисодиёт ва молия вазирлиги «Менинг боғим» лойиҳасига старт берилганини маълум қилди. Бу орқали бюджетдан «Яшил макон» лойиҳасига ажратиладиган маблағларнинг камида ярми жамоатчилик фикри асосида шаклланган лойиҳаларни молиялаштиришга йўналтирилади.
Май ойида ҳам Ўзбекистон олтин-валюта захиралари кўпайди
Май ойида Ўзбекистон олтин-валюта захиралари 36,6 млрд долларга етди. Захирадаги олтиннинг физик ҳажми 3,1 тоннага камайди. Захиралар таркибида биринчи марта 35 млн долларлик қимматли қоғозлар пайдо бўлди.
Ўзбекистонда мактабларнинг биринчи синфига қабул 20 июндан бошланади
20 июндан янги ўқув йили учун 1-синфга қабул жараёнлари бошланди. Жараёнлар икки босқичда амалга оширилади. Мактаб таълими вазирлигининг эслатишича, бу йил биринчи синфга 2017 йилнинг 31 декабрига қадар туғилган болалар қабул қилинади.
Россиянинг «Интер РАО» компанияси кузда Ўзбекистонга электр энергияси етказиб беришни бошлаши мумкин
Россиянинг «Интер РАО» энергетика компанияси Ўзбекистонга электр етказиб беришни бошлаши мумкин. Компания кузатув кенгаши раиси Александра Панинанинг айтишича, кузгача Қозоғистон қанча ҳажмни транзит қилиши мумкинлиги аниқроқ ишлаб чиқилади.
Ҳеч бир давлат ЖСТга аъзоликни сиёсий иродасиз амалга ошира олмаган — ЖСТ бош директори
Жаҳон савдо ташкилоти бош директори Нгози Оконжо-Ивеалага кўра, ҳеч бир мамлакат ташкилотга аъзоликни сиёсий иродасиз амалга ошира олмаган. «Ўзбекистон ҳукуматида кучли сиёсий иродани кўряпман», — деган бош директор аъзоликка даъвогарлар орасида биринчи бўлиб Ўзбекистонга келганини қайд этди.
Анқарада Ўзбекистон-Туркия Ишбилармонлар кенгашининг биринчи йиғилиши бўлиб ўтди
Ўзбекистон ва Туркия президентлари Анқарада икки давлат етакчи компаниялари иштирокида Ишбилармонлар кенгашининг биринчи йиғилишини ўтказди. Истиқболли йўналишлар сифатида инвестициявий шериклик ва саноат кооперацияси белгиланди. Етакчилар кенгаш йиғилишларини мунтазам ўтказиб туришга келишиб олди.
«Бу тарихий воқеа». Шавкат Мирзиёев — Хитой-Қирғизистон-Ўзбекистон темирйўли қурилиши бўйича битим имзолангани ҳақида
Пекинда Хитой-Қирғизистон-Ўзбекистон темирйўли қурилиши бўйича стратегик лойиҳани амалга ошириш тўғрисидаги битим имзоланди. «Бу мамлакатларимиз ўртасида қарор топган анъанавий яқин ва кўп қиррали ҳамкорлик ривожидаги чинакам тарихий воқеадир», — деди Шавкат Мирзиёев иштирокчиларни табриклаб.
Марказий банк илк бор хорижий давлат қимматли қоғозларига инвестиция киритди
Ўзбекистон Марказий банки томонидан илк бор захираларни диверсификация қилиш мақсадида хорижий давлат қимматли қоғозларига бирламчи инвестиция киритилди ва тегишли портфеллар шакллантирилди.
Ўзбекистонда кичик АЭСнинг биринчи реакторини 5 йилдан кейин ишга тушириш режалаштирилмоқда — Атом энергияси агентлиги
Ўзбекистонда кичик атом электр станциясининг биринчи реакторини 5 йилдан кейин ишга тушириш режалаштирилмоқда, деб хабар берди Атом энергияси агентлиги Spot`га. Лойиҳа нархи махфий маълумот бўлиб, ошкор этилмайди, дея таъкидлади агентлик.
Президент «Манфаатлар тўқнашуви тўғрисида»ги қонунни имзолади
Президент «Манфаатлар тўқнашуви тўғрисида»ги қонунни имзолади. Ҳужжат давлат органлари ва давлат улуши 50 фоиздан ортиқ компанияларга нисбатан татбиқ этилади. Қонун 6 ой ўтгач кучга киради.
Шавкат Мирзиёев ЖСТ бош директори билан учрашди
Шавкат Мирзиёев ва ЖСТ бош директори Нгози Оконжо-Ивеала учрашувида Ўзбекистоннинг ташкилотга қўшилиш борасидаги амалий ишлари муҳокама қилинди. Томонлар электрон савдо ва рақамли хизматлар экспортини ошириш, мамлакатда Савдо сиёсати бўйича компетенция маркази ташкил этиш масалаларига тўхталди.
Президент асфальт-бетон қопламали йўллар қурилишини янада кенгайтириш бўйича топшириқ берди
Президент Бухоро вилоятига ташрифи доирасида янги лойиҳа бўйича таъмирланаётган йўлни кўздан кечирди. У 20 йилгача хизмат қилиши керак бўлган янгича қатламли асфальт-бетон билан қопланган. Шавкат Мирзиёев лойиҳани янада кенгайтириш бўйича топшириқ берди.
2023 йилда Ўзбекистон ва ЕИ ўртасидаги савдо айланмаси 11 фоизга ўсди — Евроиттифоқ элчиси
Ўзбекистон ва Европа Иттифоқи ўртасидаги товар айирбошлаш 2023 йилда 11 фоизга ўсиб, 5,13 млрд еврога етди. ЕИ элчиси Шарлотта Адриан иттифоқ Ўзбекистоннинг Жаҳон савдо ташкилотига аъзо бўлишини қўллаб-қувватлашда давом этишини таъкидлади.
Йилнинг дастлабки 5 ойида давлат бюджети дефицити 29 трлн сўмдан ошди
Ўзбекистонда январь-май ойларида давлат бюджети дефицити 29 трлн сўмдан ортиқни ташкил этди. Майдаги даромад ва харажатлар орасидаги фарқ ой бошига шаклланган қолдиқ ва ой давомида муомалага чиқарилган давлат қимматли қоғозлари ҳисобига қопланган.
Президент — Бухорода янги аэропорт қурилиши сабаблари ҳақида
Бухоро вилоятида 226 млн доллар эвазига янги аэропорт қурилади, аввалроқ мавжуд аэропортнинг ўзида янги терминал қуриш кўзда тутилганди. Президентнинг таъкидлашича, ҳозирги ҳаво бандаргоҳи «сайёҳлар оқимини икки баравар ошириш режаси учун кичиклик қилмоқда».
Президент Каппадокиядаги каби ҳаво шарлари ҳудудини яратиш бўйича топшириқ берди
Ўзбекистонда Туркия Каппадокияси мисолида ҳаво шарлари ҳудудини яратиш режа қилинмоқда. Президент Мўйноқ аэропортида парашютдан сакраш тизимини йўлга қўйиш мумкинлигини айтди. Экология, транспорт ва мудофаа вазирларига экстремал туризмни ривожлантириш дастурини қабул қилиш топширилди.
Шаҳрисабзда туризм кластери ташкил этилади, тоғ-чанғи курорти қурилиши бошланди
Президент Шаҳрисабз шаҳри ва туманида туризм кластери ташкил этишни буюрди. Бу учун 240 млрд сўмга йўлларни таъмирлаш, 115 миллиард сўмга Ғелон қишлоғида инфратузилма яратиш режалаштирилган. У ерда 3000 гектар майдонда тоғ-чанғи курорти қурилиши бошланди.
Ўзбекистоннинг маҳсулот тақсимотига оид барча битимлари 1 августга қадар хатловдан ўтказилади
Президент вазирликларга Ўзбекистон имзолаган маҳсулот тақсимотига оид барча битимлар ва инвестициявий шартномаларни тўлиқ хатловдан ўтказиш, сўнг таклифлар тайёрлаш топшириғини берди. Қонунчиликни ЖСТнинг инвестиция чоралари тўғрисидаги битимига мувофиқ уйғунлаштириш режалаштирилмоқда.
«Барча учун тенг шароитлар». Қонунчиликни ЖСТ битимларига мувофиқлаштириш тўғрисидаги фармон ҳақида асосий маълумотлар
Ўзбекистон мамлакат қонунчилигини ЖСТ битимларига мувофиқлаштиришда давом этмоқда. Президент қарори билан экспортга бериладиган қатор субсидия ва преференциялар, самараси паст солиқ ва божхона имтиёзлари бекор қилинади, йиғимлар қайта кўриб чиқилади ва бошқа чоралар кўрилади.
Маҳаллий ишлаб чиқарувчиларга давлат харидлари бўйича имтиёзлар қисман бекор қилинади
Президент фармони билан, 2026 йил июлдан давлат харидларида маҳаллий ишлаб чиқарувчиларга бериладиган имтиёзлар, шунингдек, маҳаллий электр жиҳозлари учун нарх преференциялари қисман бекор қилинади. Объектни параллель лойиҳалаш ва қуриш жараёнида харажатларни бюджетдан молиялаштириш тақиқланади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг