Иқтисодиёт
Агроинспекция 1,5 йилда 1044 та ҳолатда тадбиркорларнинг ҳуқуқларини бузгани аниқланди
Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ўтган 1,5 йил мобайнида 1044 та ҳолатда тадбиркорларнинг ҳуқуқларини бузгани аниқланди. Энг кўп ҳолат Жиззахда — 660 та. Бизнес-омбдусман офиси камчиликларга йўл қўйган 142 нафар мансабдорни жаримага тортди.
Соф иш ҳақи рейтингида Ўзбекистон 96-ўринни эгаллади
Numbeo онлайн базасининг маълумотларига кўра, Ўзбекистонда ўртача соф ойлик даромад 278,7 долларни (3 млн 38 минг сўмни) ташкил этмоқда. Бу МДҲ давларлари ичида энг паст кўрсаткич.
Покистон ўзбекистонлик ҳайдовчилар учун махсус визалар жорий этишни режалаштирмоқда
Ўзбекистон Покистон ва Афғонистон ўзаро асосда жорий этаётган юк машиналари ҳайдовчилари учун махсус визалар дастурига қўшилиши мумкин. У билан юк ташувчилар 6 ой давомида чегараларни бемалол кесиб ўтишлари мумкин бўлади.
Тадбиркорларга нисбатан янги жазо чораларини жорий этишга 3 йиллик мораторий эълон қилинади
Тадбиркорларга нисбатан янги жазо чораларини жорий этишга 3 йиллик мораторий эълон қилинади. Уларнинг мулк ҳуқуқи фақат суд томонидан бекор қилиниши мумкин. Қолаверса, савдо қоидаларини бузганлик учун жиноий жавобгарлик тўлиқ бекор қилинади, жарималар эса тўланаётган солиқдан оширилмайди.
Давлат Uzcard`даги 75% улушини сотади
Давактив Uzcard`даги давлат улушларининг 75 фоизи сотилиши тўғрисидаги қарорини эълон қилди. Жамият иштирокчилари мазкур улушни сотиб олишда имтиёзли ҳуқуқдан фойдаланишлари мумкин.
«2023 йилдан ҚҚСни 12 фоизга туширамиз» — Шавкат Мирзиёев
Президент пандемия ва жаҳондаги вазиятга рўкач қилиб, унга ҚҚСни кейинга қолдиришни таклиф қилишганини таъкидлади. «Биз ислоҳотлар йўлидан ҳеч қачон ортга қайтмаймиз ва 2023 йил 1 январдан бошлаб қўшилган қиймат солиғи ставкасини 12 фоизга туширамиз», — деди Шавкат Мирзиёев.
Президент кичик бизнес учун айланма солиғини ягона 4% ставкада белгилашни таклиф қилди
Президент корхоналарни йиллик айланмасига қараб, 1 млрд сўмгача — микро, 10 млрд сўмчага — кичик ҳамда 100 млрд сўмгача бўлганини — ўрта бизнес сифатида тоифаларга ажратиш таклифини илгари сурди. Шундан келиб чиқиб, ишбилармонларга бир қатор имтиёзлар тақдим этилади.
Ўзбекистоннинг олтин-валюта захиралари қарийб $1 млрдга камайди
1 август санасига кўра, Ўзбекистон олтин-валюта захиралари ўтган ойгига нисбатан 976,2 млн долларга камайиб, жами 34,6 млрд долларни, шу жумладан валюта қисми 12,5 млрд долларни, олтин қисми эса 21 млрд долларни ташкил қилмоқда.
UzAuto ва BYD Ўзбекистонда автомобиллар ишлаб чиқаришга келишиб олди
«Ўзавтосаноат» ва Хитойнинг BYD Auto компанияси Ўзбекистонда автомобилларини тўлиқ циклда ишлаб чиқаришни ташкил этишга келишиб олди. Келгусида двигателлар, электромоторлар ва аккумуляторлар ишлаб чиқариш режалаштирилган. Аввалроқ томонлар Ўзбекистон бозори ўрганилаётгани ҳақида хабар берган эди.
Навоийдаги «монополия» 70 дан ортиқ тадбиркорга қарийб 8 млрд сўм зарар етказди
Навоийдаги иссиқхоналарга табиий монополия бўлган «Навоий ИЭС» 1 Гкал иссиқлик энергиясини 166,1 минг сўм ўрнига — 227,5 минг сўм қиммат нархда етказиб бергани аниқланди. Натижада 70 дан ортиқ тадбиркорга қарийб 8,0 млрд сўм зарар етказилди. Суд Антимонополия қўмитаси кўрсатмасини қаноатлантирди.
Саудия Арабистони Ўзбекистонда яшил водород секторини ривожлантиришга кўмаклашади
Ўзбекистон ва Саудия Арабистони Энергетика вазирликлари ўртасида умумий қиймати 12 млрд доллар бўлган учта йирик келишув имзоланди. Унга мувофиқ, Саудия томони инвестициялари асосида Ўзбекистонда яшил водород сектори ривожлантирилади.
Ўзбекистон Эрон ва Туркманистон билан юк ташишни соддалаштириш бўйича келишиб олди
Ўзбекистон транспорт вазири Илҳом Маҳкамов туркманистонлик ҳамкасби билан Ван кўли орқали Туркияга юкларни интермодал ташишларни, Эрон вазири билан эса Чобаҳор портидан Ўзбекистонга пилот юк ташишни ташкил этиш бўйича келишиб олди.
Йигирмадан ортиқ давлат корхонасининг IPO ва SPO ўтказиш муддати маълум қилинди
Ҳукуматнинг йирик давлат корхоналари акцияларини фонд бозорида бирламчи ва иккиламчи оммавий жойлаштириш тўғрисидаги қарори асосида «йўл харитаси» тасдиқланди. Унда 20 дан ортиқ ташкилотларнинг IPO (SPO) ўтказиш муддати ва амалга ошириш механизмлари белгилаб берилган.
Ўзбекистоннинг ташқи савдо айланмаси 28 млрд доллардан ошди
Статистика қўмитаси маълумотларига кўра, январь-июль ойларида Ўзбекистоннинг ташқи савдо айланмаси 28,1 млрд долларга тенг бўлди. Ўтган йилнинг мос даври билан солиштирганда 6,3 млрд доллар ўсиш қайд этилган.
Ҳудудлар учун Damas ўрнига 5000 та автобус ва микроавтобус сотиб олиш режалаштирилмоқда — лойиҳа
Ҳудудларда жамоат транспорти тизимини ривожлантириш учун Транспорт вазирлиги томонидан 5000 та автобус ва микроавтобус сотиб олиш, 81 та автовокзал қуриш ва реконструкция қилиш ҳамда Damas микровэнларидан фойдаланишдан воз кечиш таклиф этилмоқда.
Тошкент аэропорти 1000 та янги юк аравачаларини қабул қилиб олди
Тошкент халқаро аэропортида Германиянинг Wanzl компанияси томонидан ишлаб чиқарилган 1000 та янги юк аравалари пайдо бўлди. Яқин кунларда ҳудудий аэропортларга ҳам янги аравалар келтирилиши режа қилинмоқда.
Георгий Паресишвили Тошкент фонд биржасига раҳбар бўлди
Грузия биржасининг собиқ раҳбари Гиоргий Паресишвили «Тошкент» биржаси бошқаруви раиси бўлди. Унинг асосий вазифалари маҳаллий фонд бозорини капитал бозорининг халқаро инфратузилмасига интеграциялашуви, шунингдек, маҳаллий компанияларнинг IPO ва SPO ўтказишга кўмаклашишдан иборат бўлади.
Сўмнинг реал алмашув курси февралдан буён илк марта 2,1 фоизга қимматлади. Бу нимани билдиради?
Июль ойида сўмнинг реал алмашув курси февралдан бери биринчи марта 2,1 фоизга ошди. Марказий банк буни ҳамкор давлатлар валюталарининг қадрсизланиши билан изоҳлади. Савдо-ҳамкор давлатлар валюталарининг қадрсизланиши Ўзбекистонга қандай таъсир кўрсатмоқда?
Президентнинг тадбиркорлар билан мулоқоти 22 август куни бўлиб ўтади
Шавкат Мирзиёевнинг тадбиркорлар билан очиқ мулоқоти 20 августда эмас, балки 22 август куни бўлиб ўтади. Мулоқот арафасида 8500 дан ортиқ мурожаат келиб тушгани, шундан 72 фоизи аллақачон ҳал этилгани айтилмоқда.
«Ўзбекнефтгаз» ўз АЁҚШларида АИ-80 бензини тақчил эканини рад этди
«Ўзбекнефтгаз» компанияси АИ-80 бензинига талаб ортиб бораётганини қайд этди, бироқ АЁҚШларида ушбу маркадаги ёқилғи тақчиллиги кузатилаётгани ҳақидаги хабарларни инкор этди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг