Фото: Олимпия шаҳарчаси лойиҳаси тақдим этилди
Пойтахтнинг Яшнобод туманидаги 100 гектар майдонда Олимпия шаҳарчаси қурилади. Унинг марказида олимпия стадиони, ёпиқ спорт мажмуалари, сув спорти саройи, машғулот майдончалари, эшкак эшиш ҳавзаси барпо этилади. Мусобақалар бўлмаган вақтда эса шаҳарчада Олий спорт маҳорати институти, спорт федерациялари фаолият олиб боради. Янги Ўзбекистон кўчасида дарахтлар экилиб, сайилгоҳ ташкил этилади (фото).
Uzbekistan Airways Москва ва Санкт-Петербургга қўшимча рейсларни йўлга қўймоқда
Uzbekistan Airways «йўловчилар орасида талабнинг ортиши» муносабати билан Тошкентдан Москва ва Санкт-Петербургга қўшимча рейсларни жорий қилмоқда.
Россияда нақд валюта сотиб олиш тақиқланди
Россия Марказий банки 9 сентябрга қадар фуқароларга нақд валюта сотишни тақиқлади. Россияликлар банклардаги ҳисоб-рақамларидан 6 ой давомида 10 минг доллардан ортиқ валюта еча олишмайди. Ундан ортиғи фақат рублда берилади.
ТИВ уруш ҳаракатлари кузатилаётган чекка ҳудудлардан ўзбекистонликларни олиб чиқишни бошлади
Украинадан Польша орқали эвакуация қилинган ўзбекистонликлар сони 5037 нафарга етди. Суми шаҳридан 23 нафар талаба эвакуация қилинган. ТИВ эвакуация ишларида асосий эътибор уруш ҳаракатлари кузатилаётган чекка ҳудудларда қолиб кетган Ўзбекистон фуқароларини олиб чиқишга қаратилганини маълум қилди.
Тожикистон Ўзбекистоннинг ковид-сертификатларини расман тан олди
15 мартдан бошлаб Тожикистон-Ўзбекистон давлат чегарасидаги назорат-ўтказиш пунктлари фаолияти одатдаги иш режимига ўтказилмоқда. Тожикистон ҳукумати МДҲ давлатлари, шу жумладан Ўзбекистон томонидан берилган коронавирусга қарши эмланганлик тўғрисидаги сертификатларни расман тан олишни бошлади.
Ўзбекистонга 2,2 млн дозадан ортиқ Moderna вакцинаси олиб келинди
Чоршанба куни Ўзбекистон COVAX дастури доирасида коронавирусга қарши 2 млн 257,6 минг доза Moderna вакцинасини қабул қилиб олди.
Депутатлар Йўл ҳаракатини ташкил этиш тўғрисидаги қонун лойиҳасини кўриб чиқмоқда
Депутатлар йўлларда фуқаролар манфаатларининг устуворлигини таъминлаш, экологияни муҳофаза қилиш, пиёда ва велосипед ҳаракатига шароит яратишни назарда тутувчи «Йўл ҳаракатини ташкил этиш тўғрисида»ги қонун лойиҳасини кўриб чиқмоқда. «Бундан буён автомобил ҳайдашнинг ўзи бўлмайди. Масъулият бир эмас, ўн баравар ошади», — деди Расул Кушербаев.
Оила ва хотин-қизлар қўмитаси раҳбарига ўринбосарлар тайинланди
Озода Парпибаева Оила ва хотин-қизлар давлат қўмитаси раисининг биринчи ўринбосари лавозимига тайинланди. Шунингдек, Раъно Турдибоева ва Нодира Эгамбердиева қўмита раисининг ўринбосарлари бўлди.
Маҳалла ва нуронийларни қўллаб-қувватлаш вазирининг ўринбосарлари тайинланди
Содиқжон Турдиев Маҳалла ва нуронийларни қўллаб-қувватлаш вазирининг биринчи ўринбосари бўлди. Президент администрацияси масъул ходими Абдулла Турсунов ва Тошкент шаҳар ҳокимининг ўринбосари Мухтор Муҳитдиновлар вазир ўринбосари лавозимига тайинланди.
Коронавирус статистикаси кескин пасайди
7 март куни 27 кишида коронавирус инфекцияси қайд этилди. Бу сўнгги 12 ой ичидаги энг паст кўрсаткич.
Украина ва Россия музокараларининг учинчи босқичида ҳам томонлар келишувга эришмади
Музокараларнинг учинчи босқичи якунига кўра, Россия томони гуманитар йўлаклар ишлай бошлашига умид билдирди. Россия президенти ёрдамчиси Владимир Мединский музокараларда кутилган натижаларга эришилмаганини таъкидлади. Украина делегацияси вакили Михаил Подоляк Украина томони ҳам олдинги силжишни кўрмаётганлигини маълум қилди.
Президент ҳудудлар раҳбарларига озиқ-овқат захираларини шакллантиришни буюрди
Шавкат Мирзиёев глобал бозорлардаги нархларнинг кескин тебранишини ҳисобга олиб, ички бозорда нархлар барқарорлигини сақлаш, аҳолини етарли миқдорда озиқ-овқат маҳсулотлари билан таъминлаш лозимлигини таъкидлади. Ҳудудлар раҳбарларига озиқ-овқат маҳсулотлари захираларини шакллантириш вазифаси қўйилди. Шунингдек, товарларни экспортга етказишда логистика масалаларини тезкор ҳал қилиш бўйича кўрсатмалар берилди.
Ўзбекистонда ишсизлик даражаси 9,6 фоизни ташкил этди
2022 йил 1 январь ҳолатида Ўзбекистондаги меҳнат ресурслари сони 19 миллион 345 минг кишини ташкил этди. Мамлакатда 1 миллион 441,8 минг киши ишга муҳтож бўлиб, ишсизлик даражаси 9,6 фоизга етди. Ёшлар орасида ишсизлик даражаси 15,1 фоизни, аёллар орасида эса 13,3 фоизни ташкил этди.
Молдовадаги ўзбекистонликлар эвакуациясини ишлаб чиқиш бошланди — ТИВ
Польшанинг Катовице аэропорти орқали Украинадан эвакуация қилинган ўзбекистонликлар сони 4787 нафарга етди. Молдовада бўлиб турган Ўзбекистон фуқароларини олиб чиқиш масаласини ишлаб чиқиш бошланганлиги айтилди.
Озода Жураева уй-жой коммунал хизмат кўрсатиш вазири ўринбосари бўлди
Уй-жой коммунал хизмат кўрсатиш вазири ўринбосари Назиржон Назиров ўз лавозимидан озод қилинди. Унинг ўрнига Озода Жураева тайинланди.
7 март куни Ўзбекистонда содир бўлган энг муҳим хабарлар дайжести
Украинадандан эвакуация қилинган 4359 нафар ўзбекистонлик, «Олмалиқ КМК» дан 117,5 млн сўмлик қимматбаҳо металларни ўғрилашга уринганлар, туман ҳокими бўлган биринчи ҳоким ёрдамчиси, талаба қизларга 7 йил муддатга бериладиган фоизсиз таълим кредити, колонияда туриб 31 киши билан Сурияга кетишни режалаштирган сирдарёлик маҳкум ва бошқалар — «Газета.uz» нинг 7 мартдаги энг муҳим хабарлари дайжестида.
Сурхондарёда Мирзо Улуғбек ҳукмронлиги даврига оид мис тангалар топилди
Сурхондарёдаги Тўпаланг дарёси қирғоғидан Мирзо Улуғбек ҳукмронлиги даврига оид мис тангалар топилди. Тангаларнинг бет тарафида «Самарқанд», «Адлийя» сўзлари, ҳижрий 823 ва 832 каби зарб қилинган йиллари акс этган.
Россия ҳукумати нодўст давлатлар рўйхатини тасдиқлади
РФ ҳукумати Россияга нисбатан нодўстона хатти-ҳаракатлар содир этган давлатлар ва ҳудудлар рўйхатини тасдиқлади. Унга кўра, Россия компанияларига нодўст давлатлардан бўлган кредиторлар қарзларни РФ МБ курси бўйича рублда қайтариш ҳуқуқига эга бўлди.
Рублнинг расмий курси сезиларли даражада пасайди
Рублнинг сўмга нисбатан расмий курси 19,21 сўмга пасайиб, 79,89 сўмни ташкил қилди. Шунингдек, евро курси 12 000 сўмдан ва доллар курси эса 10 900 сўмдан пасайди.
Европада газ нархи 3950 долларгача кўтарилди
Лондоннинг ICE биржасида апрель ойи учун минг кубометр газнинг фючерс нархлари 3950 долларгача кўтарилди. Бир соат ичида нархлар 1000 долларга пастлади ва айни пайтда 2900 доллар атрофида бўлиб турибди.
Қўшимча имкониятлардан фойдаланиш учун сайтда рўйхатдан ўтинг