Андижонда $6 минг эвазига Кореяга ишга юборишни ваъда қилган шахс ушланди
Андижон вилоятида Кореяга ишга юборишни ваъда бериб, бунинг эвазига 6 минг доллар сўраган шахс қўлга олинди. Унга нисбатан жиноят иши қўзғатилди.
Антирекорд: Коронавирус бўйича кунлик ҳолатлар 700 дан ошди
Чоршанба куни коронавирус ҳолатларининг рекорд даражада ўсиши қайд этилди — 719 киши касалликка чалинди. Қарийб 500 нафар фуқарода пневмония аниқланди. COVID-19 билан оғриганларнинг яна 4 нафари вафот этди.
Фарғонада тўрт киши, жумладан уч нафар вояга етмаган болалар такси ҳайдовчисини ўлдирганликда гумон қилинмоқда
Фарғона вилоятида такси ҳайдовчиси жонсиз ҳолда топилди. Тўрт киши, жумладан уч нафар вояга етмаган болалар (икки нафари ўқувчи) уни ўлдирганликда гумон қилинмоқда.
«Асакабанк» ходимлари $2 млнлик кредит ажратишда фирибгарликка йўл қўйганликда гумонланмоқда
Иккита компания ҳамда «Асакабнк» бош офиси ва филиали ходимлари 2 млн доллар миқдоридаги кредит маблағларини ўзлаштирганликда гумон қилинмоқда. Мазкур маблағлар Осиё тараққиёт банкидан жалб қилинган.
Наманганда сел: кўприклар ва автомобилларга шикаст етди, уйларни сув босди
Наманган вилоятида сел келиши ва сув тошқинлари натижасида иккита кўприк ва бир қанча автомобилга зарар етди, уйларни сув босди. 130 нафардан ортиқ киши хавфсиз ҳудудга эвакуация қилинди.
Шуҳрат Отабоев Халқ банкига раҳбар бўлди
Президент маслаҳатчиси ўринбосари лавозимида беш ойдан камроқ муддат ишлаган Шуҳрат Отабоев Халқ банки бошқарув кенгаши раиси бўлди.
Кеча Ўзбекистонга 1 млн доза хитой-ўзбек вакцинаси олиб келинди
20 июль куни Ўзбекистонга ZF-UZ-VAC2001 вакцинасининг яна 1 млн дозаси олиб келинди. Шундай қилиб, жами вакцина захираси 8 млн 580 минг дозани ташкил қилмоқда.
Тошкентда қурилиш фирмаси бошлиғига 65 млрд сўмлик таъмирлаш ишларини олиб бермоқчи бўлган фуқаролар қўлга олинди
Тошкентда 5 нафар фуқаро ҳарбий қисмларидан бирида режалаштирилган 65 млрд сўмлик капитал таъмирлаш ишларини қурилиш фирмаси бошлиғига олиб бериш эвазига, шартнома қийматининг 4 фоизи миқдорида пул беришини талаб қилган. Улар олдиндан 30 минг долларни олган вақтида ушланди. Тошкент вилоятида яна бир шунга ўхшаш ҳолат аниқланди. Шунингдек, Тошкент вилоятида фуқарони ноқонуний тарзда ўқишга кириб қўйиш ҳамда Сирдарё вилоятида кредит бериш эвазига пул талаб қилиш каби ҳолатлар аниқланди.
20 июль куни қарийб 700 нафар коронавирус беморлари аниқланди
20 июль куни Ўзбекистонда 698 та коронавирус билан касалланишнинг янги ҳолатлари аниқланди. Бу 2021 йил бошидан энг катта кўрсаткич. Шунингдек, 478 кишида пневмония аниқланган. 4 нафар коронавирус бемори вафот этган.
299 та насос станциясини модернизация қилишга €700 млн ажратиш режалаштирилмоқда
299 та эскирган насос станцияларини модернизация қилишга 700 млн евро талаб этилади, дея хабар қилди президент. Мазкур лойиҳа амалга оширилгач, 78 минг гектар ер қўшимча фойдаланишга киритиш, 78 млн кВт*с электр энергиясини ва 56 млрд сўмлик бюджет маблағларини тежашга имкон яратади. Биринчи босқичда 98 та станцияни модернизация қилиш режалаштирилган бўлиб, бунинг учун 146 млн евро кредит талаб қилинади.
Президент тадбиркорлар билан мулоқот ўтказади
Президент Шавкат Мирзиёев тадбиркорлар билан очиқ мулоқот ўтказади. Давлат раҳбарига саволлар, бизнес муҳитини яхшилаш бўйича ғоя ва таклифларни 31 июлга қадар юбориш мумкин.
Тожикистонда афғон қочқинлари учун вақтинчалик база қурилади
Тожикистоннинг Хатлон вилоятида афғон қочқинлари учун вақтинчалик сақлаш базасини қуриш режалаштирилмоқда. Вилоят раҳбари Қурбон Ҳакимзода афғонларнинг ўз вақтида фуқаролик уруши жараёнида тожикистонликларни дастаклаганини эсга олди. Июль бошида Ўзбекистон Термиз яқинида ҳам чодирли шаҳарча қурилиши ҳақида хабар қилинган эди, бироқ мамлакат ҳукумати ҳозирча ушбу хабарга изоҳ бермади.
Овқат етказиб бериш хизматлари иш вақтига чекловлар ўрнатилди
Умумий овқатланиш пунктларидан овқат етказиб бериш хизматларига 8:00 дан 23:00гача ишлашга рухсат берилди.
20 июлдан тўй ва бошқа оилавий маросимлар қатнашчилари сонига чекловлар киритилди
20 июлдан ёпиқ биноларда ўтказиладиган оилавий тантана, тўй, маърака ва маросимларда 50 нафаргача меҳмон қатнашиши мумкин. Очиқ ҳавода эса 1 августгача иштирокчилар сони 100 нафаргачани ташкил этиши мумкин.
Жаҳон янгиликлари дайжести
Aфғонистон қуролли кучларининг бир неча ҳудудларни толиблардан қайтариб олгани, Хитой ва Ҳиндистондаги кучли ёмғирлар, Шанхайда дунёдаги энг катта планетарийнинг очилгани ва бошқа янгиликлар — «Газета.uz»нинг жаҳон янгиликлари дайжестида.
Пастдарғомда тиббиёт ходимларига тажовуз қилган фуқаро қамоққа олинди
Самарқанд вилоятининг Пастдарғом туманида маст ҳолда тиббиёт ходимларига тажовуз қилган фуқарога нисбатан қамоққа олиш эҳтиёт чораси қўлланилди.
Шавкат Мирзиёев Ўзбекистон халқини Қурбон ҳайити байрами билан табриклади
Президент Шавкат Мирзиёев Ўзбекистон халқини Қурбон ҳайити билан табриклаб, пандемия шароитида диний ибодатларни уй шароитида адо этиш халқ ҳаёти ва саломатлигини асрашга қаратилган энг тўғри қарор эканини таъкидлади.
Жисмоний тарбия университетига киритиб қўйишга ваъда берган шахслар ушланди
Департамент ва ДХХ ходимлари 4200 ва 7000 доллар эвазига Ўзбекистон давлат жисмоний тарбия ва спорт университетига киритиб қўйишни ваъда қилган аграр аграр университети спорт мураббийи ва жисмоний тарбия университети стажёр-ўқитувчисини қўлга олди.
Навоийда Рус империяси тангаларининг олиб чиқилишига чек қўйилди
Навоий аэропорти божхоначилари 1841 йилда Александр II никоҳ тўйи шарафига зарб этилган 14 та Рус империяси тангасининг олиб чиқилишига чек қўйишди.
Долларнинг расмий курси кетма-кет тўртинчи кун пасайди
Долларнинг расмий курси 12,72 сўмга пасайди ва жами 10 598,66 сўм этиб белгиланди. Шунингдек, евро ва рубль курслари ҳам бироз пасайди.
Қўшимча имкониятларга эга булиш учун сайтда рўйхатдан ўтинг