БМТ Экотизимни қайта тиклаш ўнйиллигига старт берди
БМТ 2021−2030 йилларга мўлжалланган Экотизимни тиклаш ўнйиллиги бошланганлигини эълон қилди. Фавқулодда тиклаш талаб қилинадиган экотизимларга ўрмонлар, тоғлар, чучук сув ҳавзалари, океанлар ва бошқалар киради, дея хабар берди БМТ.
Ҳафта давомида ҳаво ҳарорати бироз пасаяди
Ҳафта давомида Ўзбекистонда ёғингарчиликсиз об-ҳаво бўлиши кутилмоқда. 8−9 июнь кунларида шамолли об-ҳаво сақланиб туради, республика бўйича шамол 17−22 м/с гача, баъзи жойларда чангли бўрон билан кучайиши мумкин.
«Муаммо автомобиль қимматлигида эмас, балки одамлар кам пул ишлаб топишида» — Алишер Қодиров
«Миллий тикланиш» партияси раҳбари Алишер Қодиров UzAuto Motors масаласида: «Муаммо автомобиль қимматлигида эмас, балки одамлар кам пул ишлаб топишида», — дея таъкидлади. Унинг фикрича, «одамлар ҳалол ишлаб топган пулларига сифатли автомобиль сотиб олишга ҳақли». Бироқ, депутат ҳозирча божхона божи бекор қилиниши тарафдори эмас. «Биз ўзимизни одамларни автомобиль саноатини қўллаб-қувватлашга мажбур қилаяпмиз», — деди у.
ХАЭА Ўзбекистоннинг АЭС лойиҳаси бўйича ютуқларини юқори баҳолади
Ядро инфратузилмасини назорат қилиш бўйича ХАЭА миссиясининг хулосасига кўра, Ўзбекистон атом электр станцияси қурилиш лойиҳасини ишлаб чиқишда муваффақиятларга эришган, аммо шундай бўлса-да, ядро хавфсизлиги бўйича яна бир қатор халқаро ҳужжатларга қўшилиши керак.
Менинг муносабатларим нотўғри талқин қилинади — Алишер Қодиров
Миллий тикланиш партияси раҳбари Алишер Қодиров турли мавзуларда қилган муносабатлари «мутлақо бошқача талқин қилиниши»ни таъкидлади. Депутатнинг фикрига кўра, «ўзбек сегменти билан рус сегментига қараганда диалог қилиш осонроқ». «Мен русийзабон аудитория билан охиригача келиша олмаяпман. Менда диалог ўхшамаяпти. Мен бунинг устида ишламоқдаман», — дейди у.
Ўзбекистонлик қўл жангчилар Жаҳон чемпионатида бугун 8 та медални қўлга киритишди
Қўл жанги бўйича Ўзбекистон терма жамоаси Тошкентда бўлиб ўтган Жаҳон чемпионатида саккизта медални қўлга киритди.
Шавкат Мирзиёев 10−11 июнь кунлари Тожикистонга боради
Президнет шу ҳафта чорвачиликни ривожлантириш ҳамда озуқа базасини кўпайтириш масалалари бўйича видеселектор йиғилиши ўтказади. Давлат раҳбари 10−11 июнь кунлари Тожикистонга расмий ташриф билан боради.
Покистонда поездлар тўқнашуви оқибатида 30 дан ортиқ киши ҳалок бўлди
Покистоннинг Готки шаҳрида поездлардан бири рельсдан чиқиб кетиб, иккинчи йўловчи поездига урилди. 36 нафар йўловчи ҳалок бўлди. Бир неча одамлар вайроналар остида қолиб кетган.
Кеча Ўзбекистоннинг 13 та ҳудудида 242 нафар фуқарода коронавирус аниқланди
Кеча Ўзбекистоннинг 13 та ҳудудида 242 нафар фуқарода коронавирус аниқланди. Шунингдек, сўнгги кун ичида 147 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Coca-cola ichimligi Uzbekiston давлат улуши сотилишининг учинчи босқичи якунланди
Coca-cola Ichimligi Uzbekiston, Ltd МЧЖ устав капиталидаги давлат улушини сотиш тўғрисидаги эълонга мувофиқ, сотиш жараёнининг учинчи босқичи якунланди. Бугунги кунда, талабгорлардан Компанияни сотиб олиш бўйича қатъий нарх таклифлари ва олди-сотди шартномаси лойиҳасига қўшимча таклиф ҳамда изоҳлари олинди.
Ўзбекистон ва Тожикистон ўртасида автобус қатнови тикланиши кўриб чиқилмоқда
Ўзбекистон ва Тожикистон ҳуқумат вакиллари Тошкент, Самарқанд, Термиз, Душанбе, Хўжанд, Пенжикент ва бошқа шаҳарлар ўртасида автобус қатновини тиклаш истиқболларини кўриб чиқдилар.
Самарқанд ва вилоятнинг бир қатор туманлари сув таъминотида узилишлар кузатилмоқда
Ёғингарчиликларнинг йўқлиги ва Зарафшон дарёси ўзанида сув оқимининг камлиги сабабли Самарқанд ва вилоятнинг бир қатор туманлари сув таъминотида узилишлар кузатилмоқда.
Қаршида ҳавонинг иссиқлиги сабабли самолётда носозлик чиқиб, парвоз кечиктирилди
Ижтимоий тармоқларда Қарши шаҳри аэропортидада видео лавҳалар тарқалди. Маълум бўлишича, парвоз Россиянинг «Royal Flight» авиакомпанияси томонидан амалга оширилган. Йўловчилар бортга чиқарилгандан сўнг, самолёт двигателлари ишламай қолган. Бунга ҳаво ҳароратининг 44°дан юқори бўлиши сабаб бўлган.
Спорт соҳасидаги энг муҳим хабарлар ҳафталик дайжести
Aмерика кубоги мусобақасининг мезбони аниқ бўлиши, ўзбекистонлик боксчиларнинг Осиё чемпионатидаги ғалабаси, Ўзбекистон футзал терма жамоаснинг Жаҳон чемпионатидаги рақиблари, ЎФAнинг навбатдан ташқари конгресси — «Газета.uz» нинг ҳафталик спорт янгиликлари дайжестида.
Ўзбекистонда 8742 нафар киши 3-доза вакциналари билан эмланди
Ўзбекистонда коронавирус инфекцияси қайд этилганлар сони 101 минг 722 нафарни ташкил қилмоқда. Шунингдек, сўнгги кун ичида 197 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Электр таъминотидаги узилишлар кучли шамол ва электр истеъмоли ҳажмининг ўсиши билан боғлиқ — вазирлик
Электр таъминотидаги узилишларга 1−3 июнь кунлари қатор ҳудудларда кузатилган кучли шамол ҳамда ҳавонинг сезиларли исиши натижасида электр энергиясига талаб ошгани сабаб бўлди, дея маълум қилди Энергетика вазирлиги.
5 июнь куни Ўзбекистонда содир бўлган энг муҳим хабарлар дайжести
«Ўзбекнефтгаз» корхоналари фаолияти вақтинча тўхтаб қолиши, цемент импортининг ҳажми ошиши, Мактабгача таълим вазирлигидаги тайинловлар, Aндижондаги ер сотиш билан боғлиқ ноқонуний ҳолатлар — «Газета.uz»нинг 5 июндаги энг муҳим хабарлари дайжестида.
Андижонда 100 гектар ерни ноқонуний равишда сотмоқчи бўлган мансабдорларга суд ҳукми ўқилди
Андижонда 100 гектар ер майдонини 135 минг долларга сотмоқчи бўлган Андижон вилояти ҳокимлиги ҳузуридаги дирекция бош мутахассиси, вилоят ҳокимлиги бош бошқармаси ғазначиси ҳамда компания раҳбарига нисбатан суд ҳукми ўқилди.
Ferkensco «Газпромбанк» билан шартнома имзолади
Ferkensco ва «Газпромбанк» ўртасида янги кимё мажмуасини молиялаштириш тўғрисида ҳамкорлик шартномаси имзоланди.
S&P Ўзбекистон рейтингини «BB-» даражасида сақлаб қолди, бироқ прогнозни оширди
S&P Global Ratings агентлиги Ўзбекистон суверен кредит рейтингини «BB-» даражасида сақлаб қолди, лекин рейтинг прогнозини «салбий»дан «барқарор»га оширди. Ушбу қарор ташқи қарз ўсишининг секинлашгани, такомиллашган фискал сиёсат ва ислоҳотлар билан боғлиқ. Агентлик, шунингдек, мамлакатнинг кредит рейтингини янада камайтиришга хизмат қилувчи омилларга ҳам тўхталиб ўтган.
Қўшимча имкониятларга эга булиш учун сайтда рўйхатдан ўтинг