ЕТТБ Ўзбекистон ЯИМ ўсиши прогнозини оширди
ЕТТБ 2021 йилда Ўзбекистон ялпи ички маҳсулоти ўсиши прогнозини 5,6 фоиздан 6,8 фоизга оширди. Шу билан бирга, банк ҳисоботида COVID-19 тарқалиши билан боғлиқ хавфлар ва бошқа омиллар туфайли бутун минтақа учун прогнозлар ноаниқлиги ҳақида ҳам айтилмоқда.
Бухорода давлат хизматини кўрсатиш тартибини бузган 197 нафар мансабдор жавобгарликка тортилди
Бухорода 10 ой ичида аҳолига давлат хизматларини кўрсатиш соҳасида 9 мингдан ортиқ қонун бузилиш ҳолатлари аниқланди. Хизмат муддатини бузган, ортиқча ҳужжат талаб қилган ва мурожаатни асоссиз рад этган 197 нафар мансабдор жаримага, яна 8 нафари эса интизомий жавобгарликка тортилди.
OpenWay Ўзбекистон учун тўлов ечимларини яратмоқда
OpenWay компаниясининг МДҲ мамлакатларида бизнесни ривожлантириш бўйича директор ўринбосари компания Ўзбекистон бозорига қандай кириб келгани ва қандай қилиб ишонч қозонгани ҳақида сўзлаб берди.
ИИВнинг «Топилмалар столи» ни бекор қилиш режалаштирилмоқда
Адлия вазирлиги Ички ишлар вазирлиги тизимидаги «Топилмалар столи» ни бекор қилиб, топилган нарсаларни қабул қилиш, сақлаш ва қайтариш функцияларини Давлат хизматлари агентлигига ўтказишни таклиф қилмоқда. Келгуси йилнинг март ойидан Ягона интерактив давлат хизматлари портали орқали йўқоткан ашёлар ҳақида хабар бериш мумкин бўлади.
Тартибга солинадиган нархлар қачон «қўйиб юборилиши» мумкин?
Ҳукумат 2020 йилда электр ва газ тарифларини оширишни режалаштирган эди, бироқ коронавирус пандемияси туфайли бу чорани кейинга қолдирди. Марказий банк иқтисодий ривожланишнинг асосий сценарийсида тартибга солинадиган нархлар (энергетика ресурслари, коммунал хизматлар ва бошқалар) 2022 йилда ёки 2022−2023 йилларда босқичма-босқич тўлиқ эркинлаштирилишини кутмоқда.
Ойбек Турсунов «Капиталбанк»нинг 50 фоиз улушини қўлга киритди
Президентнинг куёви Ойбек Турсунов «Капиталбанк» уставидаги 112,49 млн акцияларини сотиб олиб, ўзининг жами улишини 50 фоизга етказди. Унга қарашли компания 2019 йилда 40,13 млн акцияларни қўлга киритган эди.
Ўзбекистон Америка давлатлари ташкилоти ҳузуридаги доимий кузатувчи мақомини олди
Ўзбекистон Америка давлатлари ташкилотининг 73-доимий кузатувчиси бўлди. Мамлакат 9−11 ноябрь кунлари бўлиб ўтадиган ташкилот Бош ассамблеясининг сессиясида иштирок этишга таклиф қилинди.
Western Union орқали пул ўтказмалари энди Apelsin иловасида мавжуд
Apelsin`нинг идентификациядан ўтган фойдаланувчилари АҚШ долларидаги махсус ҳисоб рақамлари бўлса дунёнинг 200 та мамлакатларига пул ўтказмаларини амалга оширишлари мумкин.
Ўзбекистонда 246 мингдан ортиқ бола Pfizer вакцинаси билан эмланди
Ўзбекистонда 246 033 нафар 12 ёшдан 18 ёшгача бўлган болалар коронавирусга қарши Pfizer/BioNTech вакцинаси билан ихтиёрий равишда эмланди. Вакцинациянинг юқори кўрсаткичлари Фарғона, Наманган ва Андижон ҳудудуларида.
Қирғизистон Марказий Осиё давлатларини кутилаётган сув танқислигидан огоҳлантирди
Қирғизистон Энергетика ва саноат вазири ўринбосари Таалайбек Ибраев Тоқтогул сув омборининг сув сатҳи «ўлик чегара» даражасигача тушиши эҳтимоли катталиги туфайли Марказий Осиё давлатларини кутилаётган сув танқислигидан огоҳлантирди. Унинг фикрича, «вазиятни ўнглаш учун Қирғизистон электр энергетика тизимига қўшни давлатлардан ёрдам олиш зарур».
Япония Ўзбекистонда пахта ва ўғит ишлаб чиқариш лойиҳаларига қарийб 2 млн доллар ажратади
Япония ҳукумати Ўзбекистонда пахтачилик ва ўғит саноатини модернизация қилиш учун қарийб 2 млн доллар ажратди. «Умид қиламизки, кўпроқ хорижий сармояни жалб қилиб, шу жумладан, япон компаниялари иштирокида, ушбу соҳаларда савдони жонлантириш имконияти яратилади», — деди Япониянинг Ўзбекистондаги элчиси жаноб Ёшинори Фужияма.
АҚШ Ўзбекистонни «COVID-19 га чалиниш хавфи номаълум мамлакатлар» рўйхатида қолдирди
АҚШнинг Касалликларни назорат қилиш ва олдини олиш марказларининг COVID-19 га чалиниш хавфи кўрсаткичлари рўйхатида Ўзбекистон «ҳозирги вазият номаълум бўлган мамлакатлар» гуруҳида қолмоқда.
Тошкентда ёзувчи Назир Сафаровнинг барельефи ўғирланди
Пойтахтда ёзувчи Назир Сафаровнинг барельефини ўғирлаганликда гумон қилинган икки шахс қўлга олинди. Ҳолат юзасидан жиноий иш қўзғатилди.
АКТ вазирлиги ижтимоий тармоқларга чекловлар ўрнатилганини рад этди, кейинроқ хабар ўчирилди
АКТ вазирлиги бир қатор ижтимоий тармоқларга вақтинчалик кириш имкони бўлмаганига «Ўзбектелеком» АК ускуналаридаги носозлик сабаб бўлганини маълум қилди. Хабар кейинроқ ўчирилди.
3 ноябрь куни Ўзбекистонда содир бўлган энг муҳим хабарлар дайжести
Янги қабул қилинган ҳукумат қарорлари, «Ўзкомназорат» Telegram, YouTube, Instagram, Facebook, Odnoklassniki`нинг Ўзбекистондаги фаолиятини чеклаши, мазкур ҳолатдан президентнинг хабар топиши — «Газета.uz»нинг 3 ноябрдаги энг муҳим хабарлари дайжестида.
«Ўзкомназорат» раҳбари лавозимидан озод қилинди
«Ўзкомназорат» бошлиғи Ғолибшер Зияев «нотўғри ва келишилмаган ҳатти-ҳаракатлари учун» эгаллаб турган вазифасидан четлатилди. Рўй берган ҳолат юзасидан тергов-суриштирув ҳаракатлари олиб борилиши айтилди.
«Ўзкомназорат» қилган ҳаракати ҳақида президент хабар топди — Шерзод Асадов
Президент матбуот котиби Шерзод Асадов «„Ўзкомназорат“ томонидан бир ёқлама, узоқни ўйламай қилган ҳаракати ҳақида президент хабар топгани» ҳақида хабар берди.
«Ўзкомназорат» Telegram, YouTube, Instagram, Facebook, Odnoklassniki`нинг Ўзбекистондаги фаолиятини чеклади
Ўзбекистонда шахсий маълумотлар тўғрисидаги қонун ҳужжатларини бузувчилар реестрига TikTok, Twitter, ВКонтакте va Skype`дан ташқари Telegram, Facebook, Odnoklassniki, YouTube va бошқалар киради. Ўзбекистонда ушбу ижтимоий тармоқларнинг фаолияти чекланган.
Effect.uz`нинг собиқ бир ва ҳозирги икки журналистига суд ҳукми ўқилди
Қашқадарёда Термиз туман судида судья билан жанжаллашиб қолган воқеадан сўнг қўзғатилган жиноят иши бўйича Effect.uz интернет-нашрининг уч журналистига ҳукм чиқарилди. Улардан бири уч йилга озодликдан маҳрум этилди, икки нафарига турли муддатларга озодликни чеклаш жазоси тайинланди.
200 га яқин киши Тошкентдан Истанбулга уча олмади: изоҳлар (+)
Тошкент аэропортида 200 га яқин киши Истанбулга уча олмади. Маълум бўлишича, сайёҳлик компанияси келишмаган ҳолда рейс учун чипталар сотган. Транспорт вазирлиги захирадан самолёт ажратди, дея хабар қилди Uzbekistan Airports.
Қўшимча имкониятлардан фойдаланиш учун сайтда рўйхатдан ўтинг