Пандемия даврида тадбиркорларга берилган айрим имтиёзлар 2021 йил охиригача сақлаб қолиниши мумкин
Президент фармони билан пандемия даврида тадбиркорларга берилган айрим имтиёзлар 2021 йил охиригача сақлаб қолиш таклиф этилмоқда. Унга кўра, 20 мингта тадбиркорнинг 400 млрд сўм солиғи тўлови кечиктирилади. Лойиҳа муҳокамаси 27 январга қадар давом этади.
Ўзбекистон халқаро хавфсизлик индексида 14 поғонага пастлади
2021 йилги халқаро жиноятчилик даражаси индексида Ўзбекистон хавфсизлик бўйича 40-ўринни эгаллади. 2020 йил ярим йиллиги бўйича ҳисоботда Ўзбекистон 26-ўринда эди.
Ўзбекистон бўйлаб саёҳат қилганларга авиачипта нархининг 30 фоизи қайтарилади
Президент фармони лойиҳасига кўра, 1 мартдан бошлаб Ўзбекистон фуқаролари республика бўйлаб самолёт билан саёҳат қилганда, чипта нархининг 30 фоизи қайтарилиши (cash back тартиби) мумкин.
Ўзбекистонда 2020 йилда бир йил аввалгига қараганда 21 мингта кўпроқ ўлим қайд этилди
Ўзбекистонда пандемия ҳукмрон бўлган 2020 йилда 175,6 минг киши вафот этиб, бир йил аввалгига нисбатан 21 мингта (13,58 фоиз) кўпроқ ўлим қайд этилди. Қайд этилган ўлим ҳолатларининг 60 фоизига қон айланиш тизими касалликлари сабаб бўлган.
Финляндияга кириш бўйича чекловлар кучаяди, Австралия йил охиригача чегараларни тўлиқ очмаслиги мумкин
Финляндия коронавирусга қарши курашиш мақсадида яқин орада мамлакатга кириш бўйича чекловларни кучайтирмоқда ва туристлар қабул қилинмаслиги маълум қилинди. Австралия эса йил оҳиригача чегараларни тўлиқ очмаслиги мумкин.
Электр энергияси ва газ импорти бўйича монополияни бекор қилиш режалаштирилмоқда
Президент фармони лойиҳасига мувофиқ, 1 мартдан газ импорти учун белгиланган божхона божини бекор қилиш, электр энергияси ва газ улгуржи бозорини шакллантириш орқали соҳадаги монополияни бекор қилиш режалаштирилмоқда.
Ноқонуний кесилган ҳар туп дарахт учун 100 туп кўчат экишга мажбурлаш таклиф қилинмоқда
Дарахт кесишга жорий этилган мораторий муддатини 2021 йил охиригача узайтириш таклиф қилинмоқда. Шунингдек, ноқонуний кесилган ҳар туп дарахт учун 100 туп кўчат экиш ва уларни 3 йил парваришлаш мажбурияти юклатилиши мумкин.
Янги автомобилни техник кўрикдан ўтказиш талаби бекор қилиниши мумкин
2021 йилги давлат дастури лойиҳасидан янги автомобилни техник кўрикдан ўтказиш талабини бекор қилиш таклифи ўрин олган. Жамоатчилик билдирган таклифларда ЙҲХХнинг асосий фаолиятини «фуқароларга кўмак бериш»га йўналтириш мақсад қилинган. Муҳокама 10 кун давом этади.
Ишламайдиган фуқаролар пенсия олишлари мумкин бўлади
1 июлдан бошлаб ишламайдиган фуқаролар пенсияга чиқишлари учун, уларнинг турмуш ўртоқлари ҳар ойда ўз даромадидан ижтимоий солиқ тўлашлари мумкин бўлади. 2005 йилдан аввалги йиллар учун иш стажи меҳнат дафтарчасидаги мавжуд ёзувлар асосида, ҳеч қандай қўшимча ҳужжатлар сўралмасдан ҳисобланади.
Ўзбекистонда 318 та мактаб қўлбола печлар орқали иситилмоқда
Ўзбекистон бўйича мавжуд жами 10 008 та мактабнинг 318 таси (162 та мактаб ва 156 та мактаб филиали) қўлбола (буржуй) печлар орқали иситилмоқда. Қўлбола печлар орқали иситилаётган мактабларда ўқувчиларнинг ис газидан заҳарланиши эҳтимоли юқори.
Бухорода 263 млн сўмлик техникаларни ўзлаштирган шаҳар маданият бўлими собиқ раҳбарига жиноят иши қўзғатилди
Бухоро вилоятида шаҳар маданият бўлими собиқ раҳбари бўлимга тегишли 24 дона «LED» экранларини белгиланган талабларга зид равишда ҳисобдан чиқарганликлари аниқланди. Умумий ҳисобда 263,5 млн сўмлик давлат мулки талон-торож қилинганлиги маълум бўлган.
Кириш имтиҳонида энг юқори балл тўплаган 200 нафар талабага Президент гранти берилади
ОТМларга кириш имтиҳонида энг юқори балл тўплаган 200 нафар ёшлар учун Президент гранти жорий этилиши кутилмоқда. Грант соҳиби бўлган талаба барча фанлардан ўзлаштириш кўрсаткичи «аъло» баҳо бўлса, унга президент гранти стипендияси тўлаб борилади.
Самарқандда болалар боғчаси тарбияланувчисининг калтакланиши бўйича прокуратура текшируви бошланди
Самарқанд вилоятидаги МТМ мудираси болани калтаклаётгани акс этган видеолавҳа бўйича тергов ишлари бошланди. Мудиранинг изоҳ беришига кўра, у бола ҳақоратли сўзларни айтгани учун қизиққонлик қилган.
Ҳафта охирида ҳаво совиб, қор ёғиши кутилмоқда
Ҳафтанинг биринчи ярмида ҳаво баҳорий илиқ ҳаво сақланиб туради. 22 январда об-ҳаво кескин ўзгаради ва республика бўйича қор ёғиши кутилади.
«Аравани тортмаса, кетиши керак». Президент амалдорларнинг ишдан олиниши ҳақида
Шавкат Мирзиёев 10 кун ичида икки нафар вазир ҳамда бир қанча вазир ўринбосарлари ишдан бўшатилганига тўхталди. Қолаверса, давлат раҳбари икки нафар бош вазир ўринбосарининг «охирги хайфсан билан зўрға ишда қолганини» айтди. «Аравани тортмаса, кетиши керак», — деди президент.
2022 йилдан тиббиёт ташкилотлари ихтиёрий аккредитациядан ўтказилади
Тиббиёт ташкилотларини 2022 йил 1 январдан ихтиёрий аккредитациядан ўтказиш механизми жорий этилади. Ташкилотларга олий, биринчи ва иккинчи тоифаларга кўра, аккредитация гувоҳномаси берилади.
Ўзбекистонга АҚШ ва Германия компанияси ишлаб чиқарган 100 минг дона Pfizer вакцинаси олиб келинади
Ўзбекистонга АҚШнинг Pfizer ва Германиянинг BionTech компаниялари томонидан ишлаб чиқарилган 100 минг дона вакцина олиб келинади. Мамлакатда эмлаш жараёнига тайёргарлик кўриш учун GAVI ташкилоти томонидан 17 та катта хажмдаги рефрижераторлар ва 206 та юк ташувчи минивен автотранспорт воситалари тақдим этилган.
Тошкентда одамларни қарийб 95 минг долларга чув туширган авиакасса раҳбари қўлга олинди
Тошкентда пандемия шароитида чет элга даволаниш учун боришга асос бўлувчи касаллик ҳақидаги ҳужжатларни 1200 доллардан пуллаган авиакасса раҳбари жиноят устида қўлга олинди.
2020 йилда 1723 нафар мансабдор давлатга 500 млрд сўм зарар етказди
2020 йилда 1723 нафар мансабдорга жиноий иш қўзғатилди. Улар давлатга 500 млрд сўм моддий зарар етказган. Жавобгарликка тортилган амалдорларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.
Қашқадарё вилояти ҳокими ўринбосарлари даволанишда, уларнинг ўрнига вақтинча ёшлар тайинланди
Қашқадарё вилоят, туман ва шаҳар ҳокимлари ўринбосарлари даволанишга жўнатилди. Уларнинг ўрнига вақтинча ёшлар ҳоким ўринбосарлари этиб тайинланди.
Қўшимча имкониятларга эга булиш учун сайтда рўйхатдан ўтинг