Жаҳон янгиликлари дайжести
Афғонистонда терактлар оқибатида бир неча кишининг ҳалок бўлгани, Хитойда болалар учун TikTok’нинг чеклангани, Ҳиндистоннинг 500 минг хорижлик сайёҳга бепул виза бераётгани ва бошқа янгиликлар — «Газета.uz»нинг жаҳон янгиликлари дайжестида.
Техпаспортларни топшириш ишлари давом этмоқда — Тошкент ИИББ
Тошкент ИИББ ЙҲХБ бўлинмаларида автомототранспорт воситасини давлат рўйхатидан ўтказганлик тўғрисида гувоҳнома бериш ишлари қайта тикланди. Техпаспортларни алмаштириш бўйича мурожаатлар сонининг ортиб кетгани уларни беришда муаммоларни келтириб чиқаргани айтилди.
Фуқаролик судларида ишлар соддалаштирилган тартибда кўриб чиқилади
Қонунчиликка фуқаролик процессида соддалаштирилган тартибда иш юритиш институти киритилди. Даъвонинг баҳоси юридик шахсларга нисбатан БҲМнинг 20 бараваридан, ЯТТга нисбатан 10 бараваридан, жисмоний шахсларга нисбатан эса 5 бараваридан ошмаса, ишлар соддалаштирилган тартибида кўриб чиқилади.
«Трест-12» давлат улушини сотиб олиш учун аризалар қабули бошланди
«Трест-12» қурилиш компаниясини хусусийлаштиришга тайёргарлик кўрилмоқда. UzAssets инвестиция компанияси «рақобатга асосланган сотув жараёни орқали» «Трест-12» устав капиталидаги 51,12 фоизлик акциялар пакети сотилиши ҳақида эълон берди.
«Сурхон» футболчиси клуб раҳбарияти уни калтаклаганини айтди. Клуб футболчи жамоа раҳбарини ҳақорат қилганини маълум қилди
Термизнинг «Сурхон» клуби футболчиси Жавоҳир Эсонқулов жамоа сардори, клуб спорт директори ва биринчи вице-президенти томонидан дўппосланганини таъкидлади. Клуб эса Эсонқулов жамоа раҳбарининг кабинетига кираверишдаги деворга уни ҳақорат қилувчи сўз ёзиб қолдирганлигини маълум қилиб, фақат иккита футболчи ўртасида муштлашув бўлганини айтди. Футболчининг рафиқаси уни дубинкалар билан калтаклаганини таъкидламоқда.
Пермда ҳалок бўлганлар ва ярадорлар орасида ўзбеклар йўқ
Пермь давлат миллий тадқиқот университетида рўй берган отишмада жароҳатланган ва ҳалок бўлганлар орасида Ўзбекистон фуқаролари қайд этилмаган, деб хабар берди ТИВ.
Президент Тошкентдаги янги қурилиш лойиҳалари билан танишди
Президент Шавкат Мирзиёев пойтахтда амалга оширилаётган қурилиш лойиҳалари билан танишди. Республика онкология ва радиология тиббиёт марказининг 10 қаватли, 650 стационар ва 100 амбулатор ўринга эга бино лойиҳаси тақдим этилди. Шунингдек, «Янги Ўзбекистон» университетининг ўқув кампуси ва Алишер Навоий номидаги Ўзбекистон Миллий боғи ҳудудидаги янги кутубхона лойиҳаси кўриб чиқилди.
Долларнинг расмий курси кўтарилди
Долларнинг сўмга нисбатан расмий курси 12,62 сўмга кўтарилиб, 10 686,70 сўм этиб белгиланди. Шунингдек, евро ва рубль курси эса пасайди.
Шавкат Мирзиёев БМТ сессиясида нутқ сўзлайди
Бугун президент ҳузурида қатор объектлар қурилишига бағишланган тақдимот бўлиб ўтади. Эртага Шавкат Мирзиёев видеоалоқа орқали БМТ Бош Ассамблеясининг 76-сессияси тантанали очилишида иштирок этади ва нутқ сўзлайди.
«Халқ сўзи» мухбири Саид Махсумов автоҳалокатда вафот этди
Қорақалпоғистондаги ЙТҲда тўрт киши, жумладан «Халқ сўзи» газетаси мухбири 36 ёшли Саид Махсумов вафот этди.
Метро поездларидан бирида техник носозлик юзага келди
Тошкент метрополитени бўш вагоннинг ёпиқ эшиклари олдида кўплаб йўловчилар йиғилган видеога изоҳ берди. Поездлардан биридаги ҳаво тақсимлаш тизимида техник носозлик юзага келган, йўловчилар бекатда тушурилган ва поезд техник кўрик пунктига олиб кетган.
Пермь давлат университетида отишма: саккиз киши ҳалок бўлди (янгиланди)
Перм давлат университетида отишма содир бўлди, саккиз киши ҳалок бўлди, олти киши яраланди.
Ҳафта давомида ҳаво салқин бўлади
Ҳафтанинг катта қисмида Ўзбекистон бўйича асосан қуруқ ва салқин об-ҳаво ҳукумронлик қилади. Ҳафта охирига ҳаво ҳарорати яна кўтарилади.
Андижонда 6 та автомобиль иштирокида содир бўлган ЙТҲ оқибатида 1 киши вафот этди
Андижон вилояти Олтинкўл туманида 6 та автомашина оқибатида ЙТҲ содир бўлди. Оқибатда 1 киши вафот этди. Ҳолат юзасидан терговга қадар текширув ҳаракатлари олиб борилмоқда.
Муҳтож бўлган 100 нафар хотин-қизнинг тўлов-контракти ҳокимликлар томонидан тўлаб берилади
Ҳукумат қарори билан ҳар бир ҳудуддан ота-онаси ёки уларнинг биридан айрилган муҳтож қизлар, боқувчиси йўқ ёлғиз 100 нафар аёлларнинг тўлов-контракти ҳокимликлар томонидан ҳар йили тўлаб берилади. 50 нафаргача хотин-қизлар биринчи ўқув йилида бепул ўқитилиши ҳам кўзда тутимоқда.
Тўй ва оилавий маросимларни 100 кишидан кўп бўлмаган ҳолда ўтказишга рухсат берилди
20 сентябрдан тўйхоналарда оилавий тантана, тўй, маърака ва маросимларни ўтказиш 100 кишидан кўп бўлмаган ҳамда санитария ва гигиена талабларига қатьий риоя этган ҳолда ўтказилишига рухсат берилди.
Жума намозини фақат очиқ саҳналарда адо этиш бўйича чеклов бекор қилинди
Республика махсус комиссияси қарори билан 24 сентябрдан бошлаб жума ва бошқа намозларни масжиднинг фақат очиқ саҳналарида адо этиш бўйича чеклов бекор қилинди.
Оммавий тадбирлар ва йиғилишларни ўтказишга рухсат берилди
20 сентябрдан бошлаб Ўзбекистонда томоша, маданий-кўнгилочар, оммавий тадбирлар ва йиғилишларни очиқ майдонлар ҳамда ёпиқ мажмуаларда ўтказишга рухсат берилди. Маданий-кўнгилочар объектлар ходимлари ва оммавий тадбирлари ташкилотчилари коронавирусга қарши вакцинанинг камида 2 та дозаси билан эмланиши шарт. Ташриф буюрувчиларда эмланганлик тўғрисидаги QR-кодли сертификати бўлиши тавсия этилди.
19 сентябрь куни Ўзбекистонда 501 кишида коронавирус аниқланди
Кеча кун давомида Ўзбекистонда 501 кишида коронавирус инфекция қайд этилди. 4 нафар COVID-19 бемори вафот этди. Шунингдек, якшанба куни 95 кишида пневмония қайд этилди, 1 нафар пневмония бемори вафот этди.
«Президентликка Алишер Қодир…» — Алишер Қодиров сайлов кампаниясини бошлади
Душанба куни президентликка номзодларнинг сайловолди кампанияси бошланди. «Миллий тикланиш» партияси ташвиқот ишларига старт бериб, баннер ва видероликни эълон қилди. Алишер Қодировнинг фамилияси тўлиқ кўринмаганлиги сабабли, баннерда жумлани қуйидагича ўқиш мумкин: «Алишер Қодир».
Қўшимча имкониятлардан фойдаланиш учун сайтда рўйхатдан ўтинг