Жаҳон янгиликлари дайжести
AҚШнинг Бразилияга НAТОнинг глобал ҳамкори бўлишни таклиф қилгани, Венесуэланинг миллий валютасини яна деноминация қилаётгани, Афғонистон можароси бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
6 август куни Ўзбекистонда содир бўлган энг муҳим хабарлар дайжести
Ўзбекистонда пандемия бошидан бери энг кўп кунлик коронавирус ҳолатлари аниқланиши, «Миллий тикланиш» Алишер Қодиров номзодини президентлик сайловларида илгари суриши, ўзбекистонлик курашчи Бекзод Абураҳмонов Олимпиадада бронза медали олиши — «Газета.uz»нинг 6 августдаги энг муҳим хабарлари дайжестида.
Ўзбекистон ва Россия ҳарбийлари Сурхондарёда шартли жангариларни йўқ қилдилар
Ўзбекистон ва Россия ҳарбий хизматчилари шартли жангарилар гуруҳини йўқ қилиш бўйича махсус операцияни амалга оширдилар. Душманга авиация, артиллерия, зирҳланган жанговар техникалар ва барча турдаги ўт очиш воситалари ёрдамида зарбалар берилди. Машғулотларда Россиянинг тўртта Ту-22М3 бомбардимончи самолёти қатнашди.
Марказий Осиё давлатлари раҳбарлари нималарга келишиб олдилар?
Марказий Осиё давлатлари президентлари хавфсизлик ва ҳамкорлик бўйича доимий мулоқотни йўлга қўйиш, шунингдек, касалликлар ва биохавфсизлик устидан назорат бўйича минтақавий марказлар тармоғини ҳамда БМТ шафелигида Транспорт-коммуникация алоқаларини ривожлантириш минтақавий марказини ташкил этишга келишиб олдилар. Давлатлар иқлим ўзгаришлари оқибатларини юмшатиш, музликларни сақлаб қолиш, ўрмонлар майдонларини кенгайтириш ва табиий офатлар хавфини камайтиришда биргаликда ишлашни давом эттиради.
Тест материаллари сурати интернетда тарқалган абитуриентлар имтиҳондан четлатилмоқда — ДТМ
Давлат тест маркази ижтимоий тармоқларда суратлари тарқалган тест материалларига тааллуқли бўлган абитуриентларни тест синовидан четлаштирмоқда. 6 август куни бундай ҳолатлар Тошкент шаҳри ва Қашқадарё вилоятларида аниқланди. Шунингдек, ДТМ сурати тарқалган айрим тест топшириқлари китоби жорий имтиҳонларга тегишли эмаслигини қайд этди.
Токио-2020: Ўзбекистон Олимпиаданинг ўн тўртинчи кунида бронза медалига сазовор бўлди
Токиода бўлиб ўтаётган Олимпия ўйинларининг ўн тўртинчи кунида ўзбекистонлик спортчилар каноэда эшкак эшиш, бадиий гимнастика, эркин кураш ҳамда замонавий бешкураш беллашувларида қатнашишди. Мусобақанинг навбатдаги кунида Ўзбекистон эркин кураш бўйича бронза медалига эга чиқиб, делегация медаллари сонини 4 тага етказиб олди.
Яна 1 млн доза хитой-ўзбек вакцинаси олиб келинди
6 август куни Ўзбекистонга ZF-UZ-VAC2001 вакцинасининг яна 1 млн дозаси олиб келинди. Шундай қилиб, жами вакцина захираси 13 млн 580 минг 60 дозани ташкил қилмоқда.
USAID ўзбек мактаблари учун инглиз тили ва IT бўйича хорижий дарсликларни сотиб олди
USIAD халқаро нашриётлар томонидан ишлаб чиқилган Ўзбекистондаги мактаблар учун информатика ва инглиз тили дарсликларини сотиб олди. Улар 2021−2022 ўқув йилида мамлакатнинг 200 та мактабида синовдан ўтказилади. Шунингдек, агентлик Ўзбекистон учун махсус ишлаб чиқилган она тили, математика ва информатика бўйича таълим стандартларини Халқ таълими вазирлигига топширди.
Долларнинг расмий курси уч кунлик пасайишдан сўнг бироз кўтарилди
Долларнинг расмий курси 21,61 сўмга пасайди ва жами 10 639,79 сўм этиб белгиланди. Шунингдек, евро ва рубль курслари ҳам бироз кўтарилди.
Токио-2020. Ўзбекистонлик курашчи Бекзод Абураҳмонов бронза медали соҳиби бўлди
Ўзбекистонлик эркин курашчи Бекзод Абдураҳмонов қозоғистонлик Данияр Кайсановни мағлуб этиб, Токио-2020 Олимпия ўйинларининг бронза медалига сазовор бўлди.
«Минтақа муаммоларининг ечимига биргаликда эришамиз. Бошқа муқобил йўл йўқ!» — Шавкат Мирзиёев
Шавкат Мирзиёев Марказий Осиё давлатлари раҳбарларининг учинчи Маслаҳат учрашувида нутқ сўзлади. Унда давлат раҳбари пандемия сабабли тўхтатилган транспорт ҳаракатини тўлиқ тиклаш, тест натижалари ва эмлаш сертификатларини тан олиш бўйича ягона ахборот тизимини ишга тушириш, озиқ-овқат хавфсизлигини мониторинг қилиш бўйича минтақавий тизимни жорий қилишни таклиф этди.
Дам олиш кунлари иссиқ ҳаво сақланиб қолади
Дам олиш кунлари бутун Ўзбекистон бўйлаб иссиқ ҳаво давом этади. Фақат республиканинг тоғли ҳудудларида маҳаллий ёмғирлар кузатилади.
«Миллий тикланиш» Алишер Қодиров номзодини президентлик сайловларида илгари суради
2021 йилги президентлик сайловларига «Миллий тикланиш» демократик партиясидан Алишер Қодиров номзоди эълон қилинди.
Бухородаги «Абдуллахон» мадрасаси деворининг қулаши бўйича жиноят иши қўзғатилди
Июль ойи охирида Бухоро шаҳридаги «Абдуллахон» мадрасаси деворининг бир қисми қулаб тушган эди. Ҳолат юзасидан «мансабга совуққонлик билан қараш» моддаси билан жиноят иши қўзғатилди.
Enter Engineering Самарқанд меъморчилигининг олтин меросини реконструкция қилмоқда
Enter Engineering компанияси Имом ал-Бухорий ёдгорлик мажмуасида реконструкция ишларини олиб бормоқда. Зиёратгоҳда 9200 ўринли масжид, жисмоний имконияти чекланган кишиларнинг ҳаракатланиши учун замонавий лифтлар, махсус нишаб йўлкалар ва бошқа қулайликлар яратилиши кўзда тутилган.
Шавкат Мирзиёев Туркманистон президенти билан учрашди
Президент Шавкат Мирзиёев 6 август куни Туркманистон президенти Гурбангули Бердимуҳамедов билан учрашди. Давлат раҳбарлари транспорт-логистика, савдо-иқтисодий ва маданий-гуманитар алоқаларни муҳокама қилдилар.
Касалланиш ҳолатлари ортмоқда: бир кунда қарийб 1000 кишида коронавирус аниқланди
Коронавирус инфекциясига чалиниш ҳолатларининг кунлик рекорди янгиланди. Пайшанба куни республика бўйлаб 974 нафар фуқарода вирус аниқланган. 6 нафар бемор вафот этди.
Сўровда иштирок этган ўзбекистонликларнинг 53 фоизи коронавирусга қарши эмланишга тайёр
«Ижтимоий фикр» марказининг сўровномасида иштирок этган фуқароларнинг 53,2 фоизи коронавирусга қарши эмланишга тайёрлигини тасдиқлашди. Сўралганларнинг учдан бир қисмидан кўпроғи эса (36,5 фоизи) эмланишдан бош тортмоқда. Улар бунга асосий сабаб вакцинанинг ножўя таъсирларидан хавотир ва эмланишга қарши тиббий кўрсатма эканлигини айтишган. Вакцинация борасида бир қарорга келмаган фуқароларнинг энг юқори даражаси 18 ёшдан 24 ёшгача бўлган ёшлар орасида аниқланди.
Биология бўйича Миллий сертификат учун тест натижалари бекор қилинди
Давлат тест маркази 10 июнь куни биология фани бўйича миллий сертификат учун ўтказилган тест натижалари эълон қилинмаслигиини маълум қилди. Бунга тестология мезонлари бузилганлиги, тест топширганларнинг мактабдаги ўртача баҳолари ва тест натижалари ўртасидаги катта тафовут ҳамда ОАВ ва ижтимоий тармоқлардаги эътироз сабаб бўлди. Тестда иштирок этган барча талабгорларнинг тўлови тўлиқ қайтарилади.
Токио-2020. 6 август учун Ўзбекистон спортчилари иштироки жадвали
Токио-2020 Олимпия ўйинларининг 14-кунида тўртта спорт тури бўйича 6 нафар ўзбекистонлик иштирок этади.
Қўшимча имкониятлардан фойдаланиш учун сайтда рўйхатдан ўтинг