Германия Ўзбекистонга коронавирусга қарши вакцина етказиб беради
Ўзбекистон Германиядан коронавирусга қарши 350 минг доза вакцина олади. Препаратлар COVAX дастури доирасида етказиб берилади.
Машина бошқараётганда телефондан фойдаланишга рухсат бериш таклиф қилинмоқда
Адлия вазирлиги ҳайдовчиларга қулоқчин ва бошқа ускуналар орқали телефондан фойдаланишга рухсат беришни таклиф қилмоқда. Салонга монитор ўрнатганлик учун жаримани бекор қилиш ҳам таклиф этилмоқда. Бундан ташқари, ҳайдовчилик гувоҳномаси, суғурта полиси ва техпаспорт олиб юрмасдан автомобилдан фойдаланишга рухсат бериш режалаштирилмоқда.
«Одамлар свет бўйича, айниқса газ бўйича биздан жуда норози» — президент
Шавкат Мирзиёев жорий йилда Ўзбекистон 917 миллион куб метр газ импорт қилганлигини маълум қилди. «Бу жуда катта рақам. Иккинчидан, биз валютага импорт қиляпмиз. Келажакда нима бўлади?», — деди у. Президентнинг сўзларига кўра, нефть ва газ соҳаси учун сўнгги уч йилда ажратилган 1,4 млрд доллар ўз натижасини бермаяпти.
«Ҳеч қачон бундай адолатсиз ҳакамликни кўрмаганман» — бош вазир Олимпиада ўйинлари ҳақида
Бош вазир Абдулла Арипов Токиодаги Олимпиада ўйинларида ўзбекистонлик боксчиларга нисбатан адолатсизлик бўлганлигини таъкидлади. «Шу ёшга кириб, ҳеч қачон бунақанги адолатсиз ҳакамликни кўрмаганман… Уларнинг мақсади боксчиларимизнинг иродасини синдириш эди», — деди у.
Энди депутатларнинг ёрдамчилари бўлади
Қонунчилик палатасида депутат ёрдамчиси институтини жорий этишга оид қонун лойиҳаси муҳокама қилинмоқда. Бу орқали депутат ва сайловчи ўртасидаги мунтазам алоқани яхшилашга эришиш мақсад қилинган. Ташаббус «Миллий тикланиш» партияси томонидан илгари сурилди.
Жаҳон янгиликлари дайжести
Беларус раҳбарининг «тез орада» президент лавозимидан кетиши мумкинлиги, «Толибон»нинг 6 та вилоят марказини эгаллаб олгани, Кубада кичик ва ўрта хусусий тадбиркорликка рухсат берилгани ва бошқа янгиликлар — «Газета.uz»нинг жаҳон янгиликлари дайжестида.
«Одамларнинг хоҳиш-истаклари инобатга олиниши керак». Депутат — маҳаллаларни ободонлаштириш ҳақида
Депутат Нодир Абдувалиев Тошкент аҳолиси маҳаллаларни ободонлатириш борасида бекорда шикоят қилмаётганини маълум қилди. Унинг фикрича, айрим ҳолатларда қурилиш ишларидан кейин «маҳаллалар бор файзу тароватидан маҳрум бўлмоқда».
Чорвоқ атрофи ҳудудлари ўрмонлаштирилади
Ҳукумат қарори билан Чорвоқ сув омбори атрофидаги ва унга туташ ҳудудларда, ўрмон билан қопланган ва ўрмон барпо қилиш мумкин бўлган қишлоқ хўжалик ерлари чорвачиликка тақиқ қўйилган ҳолда ўрмон фондига ўтказилади. 2023 йилгача ушбу ҳудуд ўрмонлаштирилади.
Долларнинг расмий курси бироз пасайди
Долларнинг расмий курси 11,79 сўмга пасайди ва жами 10 628,00 сўм этиб белгиланди. Шунингдек, евро ва рубль курслари ҳам бироз пасайди.
ОИВ ва Гепатит С ташхиси учун мобил лаборатория ишга туширилди
«Чегарасиз шифокорлар» ва ОИТСга қарши курашиш маркази ОИВ, Гепатит С ва тери-таносил касалликлари ташхиси учун мобил лабораторияни ишга туширди. У Тошкент шаҳри ва вилоятида фаолият кўрсатади.
Янги ўқув йилида мактабларда дарслар гибрид шаклда давом эттирилади
Халқ таълими вазирлиги янги 2021−2022 ўқув йилида мактабларда дарс жараёни гибрид шаклда давом эттирилишига тайёргарлик кўраётганини маълум қилди. Бунда мактабда юзага келадиган вазиятга қараб айрим мактаблар карантинга ёпилиб масофавий тизимга ўтказилиши мумкин.
АҚШ Ўзбекистонга қиймати $330 мингдан зиёд бўлган тиббий ниқоблар юборди
АҚШдан беғараз кўмак сифатида қиймати 330 минг доллардан зиёд бўлган 240 минг дона тиббий ниқобларнинг биринчи қисми Ўзбекистонга олиб келинди. Мазкур инсонпарварлик юки «Global Jewish Assistance and Relief Network» жамғармаси ва Бухоро яҳудийлари жаҳон конгресси томонидан етказилган.
Хитой-ўзбек вакцинасининг иккинчи ва учинчи дозалари билан эмлаш вақтинча тўхтатилди
9 августдан бошлаб бир ҳафта давомида Ўзбекистондаги барча эмлаш пунктларида хитой-ўзбек вакцинасининг фақат биринчи дозаси билан эмлаш ишлари амалга оширилади. Шу муддат ичида ушбу вакцинанинг иккинчи ва учинчи билан эмланилмайди. Бу иш вакцинация жараёнини тўғри режалаштириш ва эмлаш бўйича ҳисоб-китобни тўғрилаб олиш учун қилинганлиги айтилди.
Толиблар Афғонистон шимолидаги муҳим шаҳар — Қундузни эгаллади
Афғонистон шимолидаги стратегик аҳамиятга эга бўлган Қундуз шаҳри «Толибон» ҳаракати вакиллари томонидан эгалланди. Шаҳардаги жанглар оқибатида ҳалок бўлганлар орасида тинч аҳоли қурбонлари, аёллар ва болалар борлиги айтилмоқда. Жума куни ҳаракат вакиллари Заранж ва Шибарганни эгаллашган.
ИИВ Qalampir.uz журналисти Феруза Нажмиддинова иши бўйича қўшимча маълумот берди
Qalampir.uz журналисти Феруза Нажмиддиновага туҳмат қилиш учун тарқатилган видеода расмий никоҳдаги эр-хотин, чет эл фуқаролари бўлганлиги маълум қилинди. Уларнинг ҳаракатида қонун бузилиш ҳолатлари аниқланмаган. Видеолавҳани ясаб, ижтимоий тармоқларда тарқатиш орқали журналистнинг обрўсини тўкишга қилинган ҳаракат бўйича жиноят иши қўзғатилди.
Ҳафта охирида иссиқ ҳаво бироз пасайиши кутилмоқда
Ҳафтанинг катта қисмида республика ҳудудлари бўйича асосан кам булутли об-ҳаво бўлади. Пайшанба куни Ўзбекистонга салқин ҳаво китиб келади. Ҳаво ҳарорати кундуз кунлари +30…+35 даражагача пасаяди.
Мислсиз ислоҳотлар ўз-ўзидан бўлмайди — Абдулла Арипов
«Биз жуда тез амалга оширилаётган ўзгаришларга кўникиб қолдик. Уларнинг моҳиятини англашга улгурмаяпмиз. Мислсиз ислоҳотлар айнан шундай бўлиши керакдек ва шу ишлар ўз-ўзидан бўлаётгандек қабул қиляпмиз» — деди Абдулла Арипов ЎзЛиДеП сиёсий кенгашининг навбатдаги мажлисида. Барча ислоҳотлар замирида Шавкат Мирзиёевнинг қатъияти мужассам, дея таъкидлади у.
Шавкат Мирзиёевнинг шу ҳафтадаги иш режаси маълум қилинди
Ўзбекистон президентининг ҳафталик иш жадвалидан нефть ва газ соҳалари бўйича йиғилиш ҳамда Тошкент вилоятида ишлаб чиқариш соҳаларини ривожлантиришга оид тақдимот ўрин олган.
8 август куни Ўзбекистонда 856 кишида коронавирус аниқланди
Кеча кун давомида Ўзбекистонда 856 кишида коронавирус инфекция қайд этилди. 6 нафар COVID-19 бемори вафот этди. Шунингдек, шанба куни 439 кишида пневмония қайд этилди, 3 нафар пневмония бемори вафот этди.
Жамоатчилик ва расмийлар Qalampir.uz журналисти Феруза Нажмиддиновани қўллаб-қувватлади
Сенат раҳбари, омбудсман, Саида Мирзиёева, Комил Алламжонов, давлат органлари, депутатлар ва жамоатчилик Qalampir.uz журналисти Феруза Нажмиддиновани қўллаб-қувватлаб чиқди. Номаълум шахслар унинг шаъни ва қадр-қимматини топтайдиган монтаж қилинган видеони эълон қилди. Тошкент ИИББ терговга қадар текширувни бошлади.
Қўшимча имкониятлардан фойдаланиш учун сайтда рўйхатдан ўтинг